بسم الله الرحمن الرحيم
الضحكات:

(ههههههههههه )

صاحب الضحكة هذي، وسيع صدر، حبوب، طيوب، بس مجامل بشكل كبير، مسالم وعلى نياته، دايم مبسوط وبارد، اشين شيء أنه يضحك أحياناً في مواقف غلط!! يعني مواقف حزينة يجيك يضحك يصير ودك أن تصكه باللي معك، غبي، بس مليح..

***

(هههههههههاي أهم شيء الياء )
إنسان شايف نفسه متكبر، ضحكه قليل يقاله ثقل، متسلط ويحس بالنقص، ثقيل دم، أحسن طريقة للتعامل مع هيك ناس، هو القمع والشكم وعدم رفعه من أرضه، عشان يعرف أن من تواضع لله رفعه.

***

هاهاهاهاهاهاهاها بنفس الترتيب:...

إنسان مرتب، يعني إذا دخلت غرفته ما تلقى فيها عود طايح، كل شيء منظم ومرتب حتى الضحكة، مثقف ويلبس نظارات 12 بوصة وش البوصة أصلاً !! يعني نظارات أكبر من وجهه، ما يضحك كثير بس يبتسم واجد، شكله كذا يخليك ترتاح له وتشكي له، عادة تلقى عنده الحل، لو ما لقيت الحل أهم شيء ترتاح، كتوم هو على فكرة.

***

نياهاهاها:....

إنسان شرررير، يموووت في النذاله والشر، قمه الوناسة عنده أنه يرج ببسي ويعطي أحد يفكه له، عيونه يطلع منها شرر، مركب ضروس ذهب عشان إذا ضحك تلمع وتقهر أزود.. أحسن طريقه للتعامل مع هالنوعية هي العمل بالمثل ابعد عن الشر وغنى له ، لكن مهما حاولت تبتعد عنه هو بيجيك لأنه يموووت ويسوي فيك مقلب، لكن انتبه تعطيه فرصة حسرر به، لأنه لو ما قهر أحد يصدع راسه، الله يعين اللي حوله عليه.

***

هههاااهاهااهاهههااههه بالحوسه هذه


إنسان مضيع بمعنى الكلمه، يعني لو تساله عن اسمه قال ممكن الاتصال بصديق عشان الموضه يعني، إذا مضطر تدخل غرفته، افتح الباب من بعيد عشان لا قدر الله وطاح شيء ولاش، العلك ما يطيح من فمه ويقعد يمعط فيه بعد يعني يمسك طرف العلكه بسنه والطرف الثاني بيده وهات با تمعيط ويلوي فيه ويسوي حركات بهلوانيه إنسان لو تصفق فيه وتهزئه ما درا عنك يحسبك تتكلم عن ولد الجيران، الدنيا ما قامت ولا قعدت عنده، الشيء الوحيد اللي يستفزه انك تتكلم على امه أو أبوه يقالك بار، وهو كيس الزباله وأنتم بكرامه يخيس عند الباب ما طلعه.

***

هه هه هه هه


إنسان متردد، يفكر 60 مرره قبل لا يسوي شيء، رومانسي، يراعي مشاعر الآخرين، خدوم يحب يساعد حتى لو ما يقدر يدبرها باللي هوب، ان صادفك أحد من هالنوع تمسك فيه بيدينك ورجولك لأن النوعيه هذي نادره.

***

خخخخخخخخخخخخخخخ

إنسان دب فيل يتراوح وزنه ما بين 100 - 150 كيلو متر ربع لا عفواً تكعيب، استمد ضحكته من كثر الأكل، كريم جداً لحد الإسراف خصوصاً إذا كانت السالفه فيها أكل، ما يطلع من البيت إلا وجيوبه مليانه، علب ببسي وفش فاش يا قدمي اللي يجلس معه بيزيد 5 كيلو/ ساعة أماكنه المفضله: السوبر ماركت - المطاعم - أينما تواجد الأكل، لكن في نفس الوقت نفسه عزيزه يعني موب مثل اشعب مشفوح، كيفيه التعامل مع الأشخاص، أهم شيء أجلس بعيد عنه خوفاً على عظامك لا تخلخل لأنه عاده يصاحب هذه الضحكه حركه سريع باليد، مع ذلك خفيف دم ووسيع صدر، وأصدقاؤه يحبونه حتى لو قطوا له في عشاء بس أهم شيء يجي معهم.

***

صاحب الموضوع يقول::
يقولون فيه ضحكه جديدة نازله السوق وهي هعهعهعهعهعهعهعهعهع

هذي الصراحة ما بعد شملتها دراستي ولكن اعتقد أنه ضحكه واحد متقرف، لكن راح أجري تحليلات على الضحكه هذي ونحط بعض العينات تحت المجهر وإن شاء الله تكون النتيجة عندكم بعد أيام من زود الصدق

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه