ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

جنـــي مصـــور · #1 06-23-2005

حكايتــــي مع الكلب المسعــور اللي هاجم استراحتنا "قصة كوميديه"

سلمون لاحلى زحييفة الهيئه خخخخخخ

[ مدخل ]

... وتكسرت سفينتهم على امواج المحيط الهندي ( أروح وطي مع اللي علمك الاثارة ))

-____________-

انا جني مصور .. شاب مستقيم ساكن في بيت الوالد .. ومقيم مع الأهل من 19 سنه

حكايتــــي الكلب المسعــور اللي هاجم استراحتنا "قصة كوميديه"

وقبل مااسافر خارج المملكه كان

اغلب وقتي في الاستراحه مع الشباب .. متقاطين 7 شباب في استرااحه ..

والأجار له 3 شهوور مطوف وكل يومين متلاقطين مع الكفيل ( تراااني سعوودي )

اقصد مع راعي الاسترااحه ..خخخخخخخخخخخ

سميناهاا استرااحة الانس .. تقع خلف الطريق العاام .. خلف البقالة الي ماتبيع تتن ..

يحدها جنوباً هايلكس موديل77 منقلب ..( الوصف أعتقد واضح .. سيروا يالبايخين )

الاستراااحه هذي عزيزه علي .. 23 ساعة ونصف يومياً فيهاا .. لا طفشت من دنياي عسكرت فيها

واذا حدتني ظروف الحياة وبغيت انقلب .. لجأت لها بعد الله وزال همي ياعمي

خلوني بداايةً اعطيكم نبذه عن ربع الاستراحه مع تعريف صغير لكل وااحد :

صعب المنال ((عرفتوه مشرف المسابقات ماغيره رومانسي ويسمع عتاب

حررش بس سنايدي ويعجبك))

ابـوشوق (( ولد نعمة ويتروش يومياً ))

ابودووس (( اعزهم على قلبي والأقرب لي في هالعالم كله بس مشكلته انه يستنزل واجد ههههه ))

القصمنجي (اكبر مهايطي عرفته ومعشش بالثمامه وحبه الاول والاخير الهايلكس وفي روايه الهلي)

محمد ((اسمراني نلقبه السرلنكي ..أحياان يتقبلهاا واحييان ينصرع ويزعل

بس الولد كاش هههه))

صلعون ( اسميه دحمي وابرز هواياته جمع الطوابع والعملات النادره خخخخخخخ)

والسابع محسووبكم .. جني مصوور زعيم الجلســة وينادوني ابو خربه ههههههه
<<<<عشاني مخربها خخخخخخخ

كلنا أعماارنا حول الــ20 بس انا اصغرهم <<<اخر العنقوود هههههههه

كل ماسبق توطئة قبل مانتوطىى في ام الحكاية اللي راح اسردها لكم ..

_______________

ذاك اليوم لا بارك الله في ذاك اليوم ..

رجعت البيت الساعه 3 الفجر ..لقيت الباب مفتووح ..استغربت من اللي فاتحه هالوقت

دزيت الباب ودخلت .. وتوني جااي أديوور وأصك الباب :

هجم علي الوالد من خلف النخله .. وبحركه من بتووع جاكي شان .. سدد لي وحده بالصدر .. خخخخخخخ

خلتني ألصق في الباب .. وأصكه بظهري ..

وقف قداامي .. ومعه معصااد الجريش .. وقال: جاي بانصاف الليالي وريحتك بلوت !!

قلت: روووقنا الله يجزااك خير لا تفضحناا .. فك و أفك ...

قال: شايفني بيبسي ام نص ريال ((يذب سمااحة الوالد))

مسكني من شعري وتلني وخلاني أوقف قداامه زي الألف أ أ أ ..

قال: هماني قايل لك احلق شعرك .. أنا اوريك ..

وحط رااسي بين سيقاانه .. ومسكني من بطني ورفعني فوووق فووق عالي السحب .. مجدك لقدام هههههههه

متأثر باندرتيكر وهالمصارعه في دبي الرياضيه

ثم جيتك أمشي مليوون وعلى الأرض وآآه يا ظهري

قمت القط وجهي وبوكي ووجوالي وسبحتي الهلاليه .. وقلت :

الشرهه ماهيب عليكم .. الشرهه على اللي جاي يشوفكم ..

وطلعت زهقاااان .. وعلى وين يابو الجن على وين ..

ما بدهااش .. مالك الا هيفااء .. الاسترااحه طبعاً

______________________________

جيت الاسترااحه .. ولقيت صعب المنال والقصمنجي يشخروون

قمت افرفر في القنوات واناظر رسايل هالمرااهقين وأتحمد ربي :

محمد وحشتني افتح جوالك ودق تررى بامووت .. حبيبتك لمااا

سعود الرياض.. ابي اتعرف على وحده رومانسه وتسكن شرق سكاكا

ميسوون الخبر: ارجع ياكل الحب ارجع ياخلوودي

طفشت منهم .. فريت على الفضائيات الحكووميه .. وأثر البرامج الدينيه تدهر بهالفجريه!!

لا صحوا الناس .. حطوا افلام واغاني ...

واذا نامواا.. حطوا برناامج فتااوي واحاديث !!!! خخخخخخخخخ

بيني وبينكم الدش مو صافي .. يقطع ..

والشاشه ترووح وتجي.. أشرت لها عيت توقف خخخخخخ
صكيته وأخذت لي غفوة ..

جاني الهندي لقماان حق الاسترااحه معه كيس صاامولي يصحي فيني:

جني مسور جني مسور ... قووم "سئوور يجي " ..

رفعت الكااب عن وجهي .. صكيته طرااق .. قلت اطلع من سمااي ماني ناقصك

قال: والله سئوور يجي ..

ناظرت الدريشه : النور بدا يشقشق والدجاج يبقبق ( ياهوه يانزار بن هذال ) هههههههههه

قلت له من هاللي جاي هالحزة !!

قال: سئوور كبير اسود

قلت: تكلم زين وش بك كأنك ملحووق .. عااد علي نفس الجمله ..

قلت في نفسي : الله يرجه .. أكيد هالأسمراني جارنا عبدالرحمن الدب .. جاي يبي زي العاده:

سلف ملح .. مااجي صلصه ..

وانا طالع .. صكيت باب الاسترااحه عشان مايدخل هالنشبه عبدالرحمن وانا ابي انوم ..

يمين .. يساار ..

مالقيته .. وين راح عبدالرحمن؟!!

قلت: أكيد ابطيت عليه ورجع استراحتهم .. باروح له قبل يرجع ويصحيني وانا خرماان نوومه..

وهنا بدأت الحكاايه (( بدري يالشيخ )) خخخخخخخخخخخخخ

مشيت !!

مشيت !!

وفجأة ..

وقفت ..

ثم مشيت

(( أخ يا اثارة هوليوود يا انا )) ههههههه

والله وانا في الطريق سألت النفس :

وش جايبه عبدالرحمن هالصبحيه ..

هو وربعه يجون المغرب ويمشوون وحده الليل .. غريبه ..

وصلت استراحتهم لقيتهاا مقفله ولا فيه اي سيارة عند الباب ..

قلت .. الله يرجك يا لقماانووه ماعمرك جبت العلم صح ..

ورجعت اعقاابي لأني نعساان

وانا مديووور .. لمحت زووول اسود كبييير !!!!

والله صاادق لقمااان !!

وبديت اجمع حبل غسيل افكااري خخخخ وأتذكر الكلام اللي سمعته من يومين :

(يقولون فيه كلب اسود مسعور "سئوور" يدووج بهالحواري الصااده ويعض وياكل خلق الله )

بلعت ريقي اللي نشف ..

وأمعنت النظر ..

والنتيجه:

فعلاً .. أخوكم جنيووه أمام الكلب المسعوور وجهاً لوجه !!

** يقول الفيلسوف اليوناني مرطاخووف :

أسوا شيء أن يدااهمك الموت وانت لم تكتب وصيتك

الكلب قداامي .. والأرض خلااا مابها احد .. وعزرائيل مابيني وبنيه الا ثوااني لا اكثر!!

قلت لنفسي : جنيووه اعقلها وتوكل ==>يعني حط رجلك !!

" بس المشكله اني صكيت باب الاسترااحه .. ولما انحااش واقعد اطق الباب واحتري هالخيشه

صعبووه وخويه القصمنجي يصحوون ثم يفتحون ..

اكون وقتهاا نقانق بالمتبل الصيني في بطن ابو الشباب قصدي ابو الكلاب

أقترب الكلب المسعوور مني !! صار وجهي بوجهه .. وعيني بعينه ..

ودمعت عيني ودمعت عينه كفاناا من زود الفرح هلت دمووع ههههههههههه

للأسف .. من قراادة حظي .. ومن حسن حظ المستر مسعوور ..

أني لما قررت الهرب .. لمحت الدلخ محمد وصلعون فوق سطح الملحق يوازنون الدش !!

يبوون يلحقوون على برناامج المملكه هذا الصباح

لما شافوني وجهاً لوجه امام الكلب ..

قاموا يصفروون ويشجعوون .. وصاار محمد يطق في صحن الدش زي ابو هلال مع الطبل

التركي في مدرج الهلال صلعون يقول:حيوا جني مصور حيووه .. ابودووس كل اللي

اذكره انه استنزل على طق محمد!! ههههههههههههههههههه

.....

عااد انا زعيمهم واقوااهم .. فـمن العاار أهرب أمامهم ..

وقررت المواجهه ( أخس يا بتال )

قلت في نفسي : الله واكبر ياجنيووه.. وش الكلب يعني ؟ مجرد قطو حجم عائلي!

وش قطو .. الا فاار بس ( مورم حبتين ) اهجم عليه وخلك حيادي ==> الله من الهلوسه

بنفس الوقت .. سمعت لقماان الهندي هو وربعه .. مسوين راابطه ويغنوون لي :

جني مسور .. ياكلك

هبه هبه .. ياكلك ...

مع وااهد فلفل .. هم همممم

والسيارات على الطريق العام تتفرج .. والمرور كثف الزحمه ( الله من زين الوصف)

والهلكوبتراات فوقي تبااشر النتائج ..

حتى انهم طلعووني في القناة الاخباريه ههههههههْ
<<<والله من قوة الفقش

وانا والمسعوور قباال بعض وكل وااحد محترم خصمه

قبل ان اهجم .. حاانت مني التفااته عااجله واثر ابو دوووس ينزل من الكراسيدا حقته ..

ويجي مسرع نااصي مكاان المعركه ويصرخ :

كله الا جنيووه ((قايل لكم اعز وااحد على قلبي )) ..

وتذكرت عدناان لما جااء مسرع لـ جنود القلعه وأنقذ ...... جنيووه هههههههه

جااء ابودوووس مااشي ألفين نااصي الكلب ..

الكلب مطنش وببروودة دم لما وصلٌه ابو دووس سوى حركه هيدروكربتراديه خاطفه ....

وألين ابو دوس قداامي يخررر دم

قام الكلب يحك ظفووره .. ويصفر وقذلته فوق عينه اليسرى : قال لي:

هااه يالاطخم اسدحك جنب خويك .. ولا آكلك وأحط عضامك فوقه ؟! أختر ..

قلت : احذف الاجابتين بعدين هذا ما قد شفته ولا هوب خويي ههههههه ( جحدت ابو دووس مسكين بس الضرورة )

قامت اسنانه تصرصر من الحمااس ..

رحت مسووي زيه ..

ومن قوة الدوس على اسناني .. نط النااب حقي قداامه في ارض المعركه !!

قعد ينااظره مستغرب ..

استغليت الفرصه .. وبحركه نابعه من تأنيب الضمير الانسيابي

:

طمرت عليه وتشعبطت فوق ظهره .. وصفق الحضووور

قعدت اخنق فيه بحمااس ..

التفت علي ببرود .. وقال :

يالحبيب .. حمار عندك انا .. راكب ظهري!! لا خل أوديك استراحتكم احسن ..

أنزل وتطاااق زي الآواادم ..

أستحيت وانا ناازل ومتولم للنحشه ..

انقلبت الأرض وصاارت سمااء ..

وصاارت رجلينه ويدينه في بطني وصدري .. ووجهي بوجهي ..

خشته بكرشتي

تذكرت بهالموقف رشدي اباضه ومديحه يسري

قلت له .. الله يستر من رومانسيتك

وفتح فمه وشفت انيابه ..

على فكرة .. اقصر أنياابه أطول من أصبع رجل ابوجيراننا خخخخخخخخخخخخ

وأنقض على رقبتي ..

و ............. و .............

________________

فاصل اعلاني

دن دن دن فااصل ميوزيك مع دقة خطر

..............

طبيت على ابو دوووس وخميته من الخوف ..

سمعته يسب ويلعن !!

أيضاً سمعت صووت بوووري معلق ..

لا أخفيكم سراً أيضاً سمعت صووت فراامل عنيف جداً ..

دفني ابو دوووس .. وهدأ السرعه .. ووقف يمين الخط .. والتفت علي وعيوونه حمراء معصب

:

عسى ما شر يالثور .. بغيت تخلينا نجيب العيد في هالتريله اللي من شوي ..

فركت عيوني .. قلت : سلامات عسى ما شر يالحبيب ..

قال : انت مدري وش سالفتك .. من مسكنا خط الشرقيه وانت حلووووم :

رد الكلب .. هات الكلب ...

قلت بسرعه مسوي انفي التهمه : وش كلبه .. وش مسعوور لا عضني ولا شي

قال: انا قايل عضك .. انا قايل مسعوور !!

تورطت .. قلت : ايه بس من الربشه يمكن انك نسيت . خخخخخخخخ

________

وصلنا الشرقيه واسفهيلناا ..

برايفت لصعوووب
خبرت الطلعه حقت الشرقيه هههههههههههههههههههه

((باك))
ورجعنا استراحتنا ..

والحمدلله صاار سيناريو حلم مرعب ..

لا كلب ولا هم يحزنوون ..

________-

يالربع ..

لا ينط لي وااحد منكم ويسأل اسئله بايخه ويقول :

اصلاً يانصاب الكلب مايتكلم ..

ترى القصه تعليق في تعليق وبلاش اسئلة رابع جـ والابتدائي أووكي

حقوق الطبع والنشر والتأليف محفووظه..لجنــي مصــــور الملقب في المنتدى ((ابوايمن)) ههههههههه

جميع شخصيات الروايه حقيقيين ..

فقط السيناريو خراافي

ذبواا عليهم ترااهم مايزعلوون .. ربعي ويحبوون اللي أحبهم

وعااادي لو جا البدر ولا ابوالعصير ودحدر الموضوع للماصله

تشاوو تشاوو..يالدبب

تأبلوا تحيـــاتي،،<<<ياحياة ام الشقا ياللبناني هههههههه

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

السلحفاة · #2 06-23-2005

هههههههههههههههههههههههههههههههههههههه

حلوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووة

القصة .
والله يعطيك العافية يا جني

دلووعتكم · #3 06-23-2005

iههههههههههههههههههههههههههههههههههههههههههههههههه ههههه
هههههههههههههههههههههههههههههههههههههههه

جني مصور .. شاب مستقيم ساكن في بيت الوالد .. ومقيم مع الأهل من 19 سنه

هههههههههههههههههههههههههههههههههههههههههههههههههه هههههههههه
يااااااااااااااااااااااااااااااااااااااااااااااادم ك

ايه طلع فضيحهم

صـ ع ـب الـمـنـال · #4 06-23-2005

هههههههههههههههههههههههههههههههههه جني

الله يرجكـ بس طلع ام الفضايح حقتنا خير انشا الله

والا عشانكـ هناكـ مسوي ماهو جايكـ شي

<< ناوي يحرق بيتكم خخخخخخخخ

تسلم والله على الذكرى الجميله والله

وياليتها تنعااااااااااد

اما على طلعة الشرقيه خخخخخخ

يكفي المخالفه حقت السرعه

هذا ومعنا رادار بعد ههههههههههه

والف شكر خيوو

وشغلكـ عندي

جنـــي مصـــور · #5 06-23-2005

اقتباس:

المشاركة الأصلية كتبت بواسطة السلحفاة

هههههههههههههههههههههههههههههههههههههه

حلوووووووووووووووووووووووووووووووووووووووووووووووو وووووووووووووووووووووووووووووووووووووووووووووووووو ووووووووووووووووووووة

القصة .
والله يعطيك العافية يا جني

الله يعافيك يالسلحفاة
ويرجك رجا مبرحا بس بدوون اضرار هههههه

نورتي الصفحة

تقبلي تحيـــــــــــاتي،،

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري