يالله تحي حبايبي .... أعضاء منتدى مدرسه المشاغبين
ملاحظه(نوير اسم اخترعته شفته مناسب قلت مافيه غيره)

بدون مقدمات ....أبقولكم قصتي مع التطعيس في الثمامه ...طلعت في يوم ...

مع الوالد والوالده الله يحفظهم ومع إخواني لثمامه

المهم قاعدين مبسوطين ....والقهوه والمه .....والشيطان الله يخسيه إلا وأشوف إخواني يتساسرون ...قلت وين العزم ؟؟؟ قالوا نطعس ....قلت ...تكفون بروح معاكم ....قالوا إذا وافق أبوي....وأروح أقمز في رقبة الشايب ....أنا داخله على الله ثم عليك يا شيخ .....
.أنا في وجهك يا شيخ .... <<<<<<< متأثره بالمسلسلات البدويه ....
رد أبوي ......إبشري يا مزنه.....<<<<<<<<.طلع مثلي متأثر وبقوه .....
أبي أروح أطعس مع إخواني لا تردني ........أنا في وجهك يا شيخ
قال أبوي .......من عيوني الثنتين روحي ......
ولف على أخواني اللي تغيرت ملامحهم ....<<<<<<< ما صدقوا إنه بيوافق!!!!!
أختكم والله لو يصير فيها شيء..... لأمصعن خشومكم ولا يكفيني بعد ......البنوته الوحيده يحق لها
نـــــــــويـــــر.......<<<<<<<< قاعده تغني يا كايدهم
المهم خلصت من مشكلة أبوي طلعت أمي .... والله ما تروحين ....أحاول يمين يسار .......مافي فايده
قلت مالك إلا البتسي يا بنت .....وأبكي على كل لحن...وأرافس وأتقلب......<<<<<<<< لا حياة لمن تنادي
والله ويجي في بالي المخدر اللي في شنطتي ...<<<<<<إحتياط لوقت الضروره
أبخ على أمي ...((وأنا أنشد ....لسوف أعود يا أمي أقبل رأسك الزاكي ....أبثك كل أشواقي ...وأرشف عطر يمناك....))
والله وتخدر الوالده ...وأقول يبه ......أمي نامت وتقول لحد يصحيها .......راسها يعورها ........
المهم قالوا إخواني .....كيف تروحين معنا ...بنت مع خمس شباب ....والله تلفتين الإنتباه
قلت ولا يهمكم ....كلها خمس دقايق ...ونصير ست شباب ...المهم وأروح ألبس ثوب لقيته بالسياره .....
وأطق اللثمه بالشماغ ....<<<<<< ألعن أبو الحركات
والله ونرقى بالسياره ...إلا وأشوف نفسي فوق والنزله تخوف ........ والله وأنزل تحت عند مكان الأرجول ......وعيني على الدريشه .......ما أشوف إلا السما ...ويوم خلصوا ....يدوروني ما لقوني ...قال أخوي الكبير....والله ليذبحنا أبوي .....وين راحت هالبنت......قلت هيي نحن هنا .......قال لعنبو بليسك كل هالرجه تبين تطعسين وآخرتها ما شفتي شيء....وقاعده تحت ....قلت أهم شيء إني جيت معاكم .....<<<<<<< خوافه من يومها بس تموت في المغامرات ....
قلت شفت السماء زرقاء ...وملبدة بالغيوم ....<<<< تتميلح
المهم ويغرز الجيب .........وآخذها فرصه وأروح أتمشى ....لقيت شله شباب يرقصون سامري...
...والله والرقبه تطق ...والراس يتمايل ....<<<<<< ما تتحمل .....
والله وأروح أطامر معهم شوي .....بس الحمد لله كلهم مزورين ...والباقي على وشك يستنزلون ...ومحد درى عني ...
وأمر على شله ثانيه لابسين بناطيل ....لو أدخل فيها أنا وأبوي وأمي ....ويمكن بعد جدتي ...كان كفتنا ...
والقمصان لين الركبه .......<<<<<<< الظاهر حوامل ...وشعورهم واقفه.....<<<<< كأنهم مشبوكين على خط 220
وبس شافوني قالوا الله يا البدوي .......كح كح كح كح كح كح ........
قلت ترى أبو حصان يمدحونه للكحه..........
قال واحد منهم أموت في العيون الكحيله ......<<<<< الله ياخذه بيكشفني .......قال ...تعال يا البدوي ....فك اللثمه وخليك مودرن .....قلت ...لا عندي حساسيه من الغبار ...<<<<< مضخمه صوتي كني شايب ...وأحط رجلي ...وما يشوفون إلا غبرتي .......وأضيع الطريق ........<<<<<< يا لهوتي .........
وأمر على شله ثانيه بس أعقل شوي ......يا حليلهم قاعدين يلعبون بلوت .....المهم قلت لهم ....السلام عليكم شباب
قالوا وعليكم السلام ......يالله تحيه ......أقلط .......قلت : أقلط إنت .......قال يا رجال إقلط .......قلت : والله ما يقلط إلا إنت
<<<<<<<<<<<< تفكرها مسبه
قال يا رجال وأشفيك ....أقول لك أقلط .....قلت: والله ما يقلط إلا إنت و....أبوك وأبوأبوك ....يا الوسخ ......<<<<<عصبت
والله وأشوفهم تسدحوا من الضحك .....مدري إيش السالفه ....قلت أكيد سكارى الأخوان ...ما عليهم شرهه ...خلني بس أحط رجلي ...والله وأمشي ....وأشوف جمسن حمر.....شبهت عليه يشبه جمس أبوي ....وأشوف واحدتن قاعده ....مع شايب جلسه رومنسيه .....ولا أحلا من كذا ......ياربي كن هالبوهه....ماهي غريبه علي ....ما كنها حصيصة ....وأقرب أكثر.....إلا أبوي وأمي ...جالسين ....وبغيت أموت من الفرحه ......وأخيرا وصلت لأهلي .....وأنط في حضن أمي ....قالت أمي يا ويلي ويلاه ...وش ذالرجال اللي ماهوب صاحي .....وتطيرني 20 كيلو ورى ......<<<<< يا كبر الأرنب ....
قلت : يمه أنا بنيتك ........نوريه ما غيرها .......بس لابسه ثوب لأني كنت أطعس مع أخواني ....والله وتهد علي ....
نعلبو..............ياللي فيك ويخطيك .........<<<<<< مانيب قابله درءا للفضايح
وآخرت الوناسه ....والمغامره ....والتطعس ........تكفخت أنواع التكفخ وتسطرت أنواع التسطر.....بزنوبة أمي العزيزه
<<<<<<<< ما فيها شيء تمون أم نــــــويـــــــر
<<<<<<<< وكل شيء في سبيل التطعيس يهون

إلى اللقاء ......في مغامره أخرى ........بايووووووووووو

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه