|
| |||||||
| حواء النسائي الربايع و الستات للبنات نسائي حريمي بنوتات امومه طفوله فقط خاص بالنساء بالفتيات بالحريم بالسيدات متخصص كل ماتحتاج البنات ازياء موضة اناقة مكياج عطور ميك اب اكسسوارات بناتي نسائي حريمي للبنات و للنساء وللحريم فقط |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
09-22-2008, 04:24 AM
| |||
| |||
 نصيحه لكل بنت قزيزه : كيف تتفادين الهلاقه؟ شوفوا حبايبي .. كثرت في الآونه الاخيره ( حلوه الآونه هذي ) بعض التصرفات الهيلقيه للبنات في امور الشباب و المواعد و هالسوالف ,, و انا بصراحه انبطت جبدي و حبيت اوضح بعض الامور للإفاده و منع بل و القضاء على الهلاقه بالديرة ,, لانها زايده هاليومين يكافينا الشر شوفي يا وخيتي الفتاة اذا تعرفتي على واحد يديد ,, و توج تكلمينه لا تبينيين له انج سهله وايد ,, اليوم كلمج باجر يارج وراه شقته لأ ,, ثقلي شوي ترى الثقل زين و تركدي ترى هم الركاده زينه ,, بتاخذين كل شي تبينه بس صبري عن الطفاقه الزايده نقطه مهمه حطيها في اعتبارج ,, الريال يحب البنت اللي ( واثقه من نفسها ) لا تحسسينه انج مغلوبه على امرج و مسيجينه و مو واثقه من نفسج ولا من شكلج ,, لا يمه تعدلي بلا سوالف يدتي سنة الطفحه ,, لا تغزل فيج ولا بأسلوبج ولا بجسمج ابتسمي ابتسامه حلوه و قولي حبيبي كلك ذوق انت كيووت ومن هالحجي الذرب ,, و عاد يااااااااا كرهي لا قام واحد يتغول برفيجته و اهيه نظام مفتشله و تقول لا انا مو حلوه انا عاديه ولا انا مملوحه استريحييي زييييييييين يعني متواضعه مع الويه ,, بلا افلام فاشله اقول حذاري ثم حذاري ثم حذاااااااري ,, لا تبينيين له انج واثقه من نفسج زياده عن اللزوم ,, قلنا خلج واثقه من روحج بس لا تشدين حيلج وايد .. يقولج عمري انتي حلوه و تردين عليه ايي ادري ما يبت شي من عندك ,, عييييييب يا امي هذي يسمونها قلت ادب حبايبي ,, عن الطراره ,, الريال طفارته سوالف كرت بو 5 دنانير ولا 3 دنانير ,, استحي على ويهج و بلا هالسوالف ,, ترى عزة النفس حلوه ,, بأسلوبج خليه اهوه اييب لج كل شي من نفسه لا تقعدين اطرين و اتشرطين ييب لي هذا و ييب لي ذاك ,, ترى عزة النفس و الكرامه هم حلوه و عن الافلام الزايده ,, سوالف اليوم عرفتيه عقب باجر عيد ميلادي عشان الهديه ,, شتسوى عليج اذا حاطج فباله و يبيج على زواج و يقوم ينبش من وراج و يطلع عيد ميلادج الصجي ,, بيقول اشكره هذي داشه على طمع و تموت عالهدايا ,, حزتها فججي روحج ,, تفلسين من الاثنين لا من الهدايا ولا من الريال و خلج عانس يا المخدييه و اذا بغيتي تواعدين هالله هالله بالسنع و الكشخه و الهدوم المرتبه و الريحه الحلوه ( يعني تسبحي قبل لا تروحين له ) مو تكونين توج راده من الجامعه ولا من الدوام و طاقتج هذيج الشمس الحنانيه و عرقانه و اتبدلين و ترشين عطر فوق العرق و تصبغين الويه مكياج و اطلعين ,, ديري بالج ترى يصير في تفاااااااعل قااااااااااااااااتل بين العرق و العطر ,, يطلع لج ريحه يديده ثالثه ماتدرين من وين يايه النظافه النظافه ثم النظافه ,, شوفوا جم مره قلتها لكم ,, الريال طفارته البنت الوصخه سمعوا الحجي و انتبهوا بقولكم التفاصيل ,, اول شي الهدوم تكون نظيفه بالكااااااااااامل ,, لا يكون في بقعه مني ولا مني ترى الرياييل يلاحظون كل شي ,, وبعدين الهدوم ظربييهم اوتي ظرااااااااب سنع مو تلبسين هدوم معفسه و تقولين مالي خلق اكوييهم و تمشين وانتي مستعيله و تقولين اي عادي يعني انا كنت قاعده وايد و تعفسوا هدومي ترى قديمه هالترقيعه دوري غيرها ,, فحترمي نفسج و ظربيهم اوتي و لبسي ملابس داخليه نظيفه مو محوحه و قلقه و وصخه .. حطي بعتبارج يمكن الريال يبي يتحرش فيج .. يبي يمرس يبي يجيييييييييس ,, اشلون بالله يحط ايده داخل ولا هدومج وصخه ؟ عاد يا فشلتج حزتها بيقولج لا ادقين علي مره ثانيه حفييييييي قبل لا تواعدين ,, مو تروحين و ويهج متروس شعر ,, يعني طبيعيه يكون ,, و تقولين خل يشوفني على طبيعتي ,, لااااا يا ماما ,, خل يشوف طبيعتج من غير شعر ,, خل يحس انه مواعد رفيجته و حبيبته مو واحد من الربع ,, عاد مصيييييييييبه لا صارت عيميه و الحواجب صاكه تقول حواجب تامر حسني ,, ينحااااااااااااش الولد و يتعقد من البنات الابااااااااااااااااااااط ,, اياني و اياااااااااااج اتأبطيييييييييين ,, حطي ديودرنت ,, خصوصا اذا كنتوا طالعين الصبح ولا الظهر و بالصيف ,, في احتمال كبير انج تعرقين ,, و انتو عارفين شمسنا بعد ماله داعي اتحجى ,, نيي حق نقطه مهمه اللي اهيه الملابس ,, حبايبي بلا هلاقه زايده و تلبسون لي لبس يتلامع جنج رايحه عرس ,, لبسي شي كشخه و حلو من غير هاللمعات هذي ,, هالسوالف خليها حق العروس تالي الليل ولا حق المناسبات الخاصه و اذا واعدتي الريال ,, خفي من كبتج ,, لا تخلينها واصله لي سقف السياره ,, من يلتفت الريال على يمينه يطالع صمااخ عوود ,, لا يا امي خلج ذربه شوي و حطي ورده صغيره اذا انتي ما تقدرين تستغنين عنها اظااااااااافرج ,, اذا كانوا طوال برديهم و خليهم مرتبين .. اذا في وصخ تحتهم طلعيه ,, و اذا اظافرج قصار هم خليهم مدورين مو مربعيين و تخلينها جنها ايد ريال .. من يمسك ايدج عباله ماسك ايده اهوه هالله هالله بالاكسسوارات السنعه ,, ما يمنع انج تلبسين خاتم ناعم و حلو او سلسله مع ساعه يعني من هالسوالف ,, ولا تلبسين اكسسوارات كبيره تلفت النظر ,, و ابتعدي عن خاتم سليمان اللي كل فص فيه كبر الكنار ,, بلا هلاقه ولا ننسى المكياج ,, لا تحفرين المكياج و تروحين ,, الريال يحب المكياج الناعم الغير مبالغ فيه و يحبج اكثر لو تكونين على طبيعتج بس من غير شعر بالويه ,, ولا تحطين لي حمره غامجه حيل جنها حمرة احلام ايام الفقر اول ما طلعت انا ربي بلاني فيك بلوه ,, لا يا قلبي يفضل تحطين لون مناسب لبشرتج و فاتح و اشوية قلووس لإضفاء لمعه جميله و ناعمه حبايبي ,, بلا تهلق زايد و تلبسون لي تراجي كبار مع الحجاب ,, بالله شنو يعني ؟ يا اتحجبين عدل مثل الاوادم ولا قطييه دامج تبين تلبس تراجي سالفة اظرب عصفورين بحجر حجاب و تراجي ما ينفعج ترى لا تسوين روحج ذكيه يعني فنتق ,, فنتق غبي هذا ,, حسبي الله على المصاروه اللي علموكم على هالحركه الغبيه سوالف فتكات و حسنيه و ربعهم بالحي الشعبي و رأصني يا جدع حبيبتي لا اتبلسين لي هدوم ضيجه عليج يعني ستايل ,, بلا خرابيط لبسي شي مقاسج بدال لا كل ساعه اتمطين هالصوب و تنزلين هالصوب وماتعرفين تقعدين جنه في شي قامت على بطنج و صدرج ,, شحااااااااااااادج ,, العن ابو الستايل المهم راحتي لبسي الوان تناسبج يمه ,, بمعنى ,, مو عشان انتي بيضه تلبسين لي فسفوري فاااااتح لا و طالعه بالشمس بعد ,, ليش تبين تعمين الصبي ؟ بروحهم الرياييل خلقه من الله فيهم عمى الوان وما يميزون الاحمر من البرتقالي ,, يالله الجدوووه بالنسبه حق البنات السمر ( او بمعنى اصح السوود ) بلا سوالف ايمان نجم و تلبسين لي اخضر فسفوري يعور العين على بني ,, منتي شييره يا قلبي ,, ولا تحطين لي حمره ورديييه يعني شفايفج طبيعيه من الله جذي لونها ,, لا يا ماما تقصين على منو انتي ,, يا هوييييله تهولي الحين بكلمكم عن بعض الاشياء اللي المفروض تسوينها و تحتاطين منها قبل لا تروحين حق فارس احلاج ( هذا اذا كان فارس صج ) الله يستر اذا عندج اكثر من واحد و مكودتهم على قلبج هالكثر ,, دقي عليهم واحد واحد و قولي انج طالعه مع اهلج عشان مو كل ساعه يدقون عليج و انتي اتبلعمين ماتعرفين شتسوين ,, و يشك فيج الريال ويقول هذي اشفيها ما ترد عالتلفون شوفي ريعج كلهم واحد واحد شنو اكثر الاماكن اللي يحبون يروحون لها ,, عشان اذا انتي واعدتي ما تروحين نفس اماكنهم ,, و مثل الشقوول يطيحون عليج ,, فتحي مخج شوي سيفي اسامي ربعج بأسماء طبيعيه محد يشك فيها ,, ممكن تخلينها بأسماء بنات ,, و ابتعدي عن هالمسميات اللي اهيه حبيبي و عمري و حياتي و قلبي ,, اشكره هذيل رياييل مو رفيجاتج ,,يمكن بيطالع تلفونج الريال اشلون يعني ؟الريال يفتهم مو مخه بركبه المسجااااااااات لا تحتفظين فيها مسحيها اول بأول ,,مو تمسحين المستلمه و تخلين المرسله ,, بلا غباء عفيه ,, ولا تسيفين ولا مسج عشان لا يشوف الرسائل المحفوظه اذا في صور فبوكج حق جم واحد خليهم بالبيت و طلعي ,, عشان لا ينبش بأغراضج و يشوف صورة واحد فيهم ,, و تقعدين ترقعين بعدين هذا اخوي ولا هذا ولد خالي ترى قديمه هالسالفه .. شهالمحبه حاطه صورة اخوج مو انتي مجابلته بالبيت 24 ساعه ,, عاد يا ملقييييييي لما تكون البنت بيضه و رفيجها اللي بالصوره اسود ,, ولا تكون اهيه سوده و رفيجها اللي بالصوره عيمي ,, ما اترقع كلش شيااااااااب لي يااااب اخيرا اخواتي البنات اتمنى انكم تستفيدون من هالنصايح و سامحوني اذا نسيت شي مني ولا مني   اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -  |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
09-22-2008, 04:26 AM
| |||
| |||
| رد: نصيحه لكل بنت قزيزه : كيف تتفادين الهلاقه؟ الصراحه انا هالموضوع حده وناسه حده ضحكني هههههههههههههههههههههههههههههههههههههههههههههههههه ه اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
09-22-2008, 07:46 AM
| ||||
| ||||
| رد: نصيحه لكل بنت قزيزه : كيف تتفادين الهلاقه؟
اللهم اني صايمه
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
