السلام عليكم ورحمة الله وبركاته
شخباركم اتمنى تكونون بخير
طبعا هذي اول مشاركه لي في هذا المنتدى
( ليلة بكى فيها القمر ) رواية رومانسيه خياليه
طبعا انا كاتبتها اتمنى تنال على اعاجبكم
اترككم مع الرواية




ليلة بكى فيها القمر
الجزء الأول

طق طق : رد ماجد أدخل
غلا فتحت الباب : جدي أمي تقول خل البندري تنزل بسرعة المعازيم وصلوا.
البندري واقفة قدام المرايا وهي بكامل زينتها بس باقي الحلق رفعت حلق الألماس بيدها الناعمة ولبست حلق الأذن اليمنى وجاء ماجد من وراها وحط أيده على خصرها وقرب شفته من رقبتها بعدت البندري يد ماجد وقالت بكل دلع : ماجد أبعد مو وقته اللحين ولبست حلق الأذن اليسرى.
ماجد مسك يد البندري ونزلوا الدرج ( السلم ) دخلت البندري صالة الحريم وماجد مجلس الرجال.
في صالة الحريم قبل لا تدخل البندري :
أم عمر تسأل خويتها أم أحمد : أقول يا أم أحمد ماشاء الله صالتهم هذي لحالها كأنه صالة أفراح بحالها.
أم أحمد : يعني أنتي ماشفتي البيت من برى ماشاء الله هذا قصر مو بيت.
أم عمر : طيب وش مناسبة العزيمة ؟
أم أحمد : يوووووه منك يا أم عمر وش فيك صايرة تنسين كثير , نسيتي أن أمس زواج أبو فهد ( ماجد ) والعرس كان عائلي ومسوين العزيمة عشان الناس تشوف العروس.
دخلت العروس : أم غلا كلللللللللللللللللللللللللللوش
كل الي بالصالة طارت عيونهم هذي العروس؟؟؟؟؟؟؟
دخلت العروس ذيك البنت الطويلة , جسمها نحيف , بيضاء و نااااااعمة , رسمة عيونها تجنن . الخشم سلة سيف , الفم الصغير والشفايف المنفوخة ( رباني طبعا) كلها ناعمة من فوقها إلى تحتها ولابسة فستان خصر واطي من فوق تول ومشكوك بألوان ومنطقة الصدر عليها بطانة ومن تحت نااافش.
مشاعل صديقة هيفا تسأل : أقول هيفا متأكدة هذي زوجة جدك؟
هيفا النعومة ترد : أيه متأكدة
رهف تسأل غيداء نفس السؤال ردت غيداء : أيه هي ماتشوفين أنتي
رهف : ذي صغير هذي بعمرنا
غيداء : أيه صغيرة
مشاعل : بالله كم عمرها
هيفا : أمممممم صغيرة عمرها 22 سنة توها متخرجة من الجامعة
مشاعل : ماشاء الله جامعية بعد والله حرام
هيفا : وش الحرام هي راضية ماحد غصبها
مشاعل : تصدقين توقعت بتدخل علينا وحده عمرها في الأربعين وان كثرت نهاية الثلاثين هذي توها صغيرة كيف ترضى تتزوج واحد عمره في السبعين؟
هيفا : لا تقولين على جدي شايب بلاك ماشفتيه لو تشوفينه تقولين عمره 45 او 50 بالكثير شوفي هذي صورته بالجوال أمس صورته في عرسه.
مشاعل : ماشاء الله أيه والله مو مبين عليه أنه كبير.
الكل كان مبهور بالبندري من جمال وطول وجسم ورزة وكشخة وألماس وأكثر شي كانوا مبهورين منه صغر سنها وكيف رضت تتزوج واحد بعمر جدها؟
انتهت العزيمة وراحوا المعازيم بقت البندري بالصالة تنتظر ماجد
وصل ماجد عند الباب وقال يالله يا عمري نروح الغرفة , لما وصلت البندري عند الباب قالت بكل دلع ماجد
ماجد : ياعيون ماجد
البندري : تسلم عيونك ماجد شيلني
ماجد : !!!!!!!!!!!! أشيلك وأنا فيني حيل
البندري : يوووووووووه مافيك حيل كل اللي صار أمس ومافيك حيل
ماجد : أيه اللي أمس شي ثاني
البندري : مالي شغل ماراح أطلع الدرج شيلني
ماجد : بس أنتي تعرفين غرفتنا بالدور الثالث مسافة طويلة
البندري : أنت اللي مسوي فيها وحاطني لحالي بالدور الثالث
ماجد قرب منها وقال لأني أغار عليك ياقلبي ومابي أحد يشوفك على الطالعه والنازله لكن لعيونك أشيلك وأطلع الدرج ( السلم )
( طبعا البيت فيه مصعد لكن ماجد بصحته وعافيته يحب يطلع وينزل من الدرج )
ماجد شال البندري وطلع فيها الدرج وبنص المسافة قال تعبت حبيبتي خلي الكم حيل الباقي فيني لما ندخل غرفتنا , ابتسمت البندري بكل حيا وقالت اوكي حبي أهم شي صحتك.


انتظر ردودكم وتعليقاتكم الحلوة عشان تحمس واكمل

مشكوووووووووووووووووووور

مشكور الله يعطيك العافية

بانتظار الجديد

لك مني كل الود والاحترامـ,.,.,

_________________

القطة هلا وغلا نورتي الصفحة بقرأتك

الحائر يسلمووووو على المرور نورت القصة بقرأتك