السلام عليكم ورحمة الله ( وبركاته شلتها علشان الأسهم نازله ههههههه )

(هذا الموضوع ياشباب راح يكون عن الإكتشافات التي أكتشفت حتى الآن في سان أندريس وأنا متأكد أننا لم نكتشف جميع الإكتشافات في اللعبه لأنه من المستحيل أن تذهب لجميع الأمكنه فربما في ريف من الأرياف وفي موقع محدد يكون هنالك إكتشاف ونحن لم نذهب لهذا الريف أو الجبال لأن الأمكنه واسعه وكبيره فكيف نذهب لجميع الأمكنه ونكتشف جميع اكتشافات اللعبه لأنها لم تنتهي إلى الآن وقرب موعد صدور ليبرتي سيتي ستوريس على البلايستيشن2 أرجو إنكم فهمتوني
ملاحظه:كتبت هذا الكلام وملخصه هو أن لعبة سان أندريس لم تنتهي إلى الآن ومازال هناك اكتشافات)
بعض الإكتشافات التي اكتشفت حتى الآن ليست جميعها:
1-من آخر الإكتشافات إذهب إلى أحد الكازينوهات في لاس فينتوراس وادخلها والعب قمار لين تفلس وبيسير عليك دين للكازينو لمن تخرج برا الكازينو بيدق الجوال رد وبيكلمك واحد بيقلك ترا عليك دين ارجع للكازينو ورجع الدين إذا ما رجعت الدين بعد فتره بسيطه راح يدق مره ثانيه ويقول مدام إنك مارجعت الدين فراح أرسل من البدي قارد قين الكازينو ويطاردوك حتى يقتلوك وبعدين أقعد إمشي شويه وبتلاحظ إنه فيه بدي قارد قاعدين يطاردوك إشرد ولا أقعد.

2-بعد ماتخلص اللعبه وتسوي جميع الإختبارات في محل تدريب سواقة السيارات راح يمديك تشتري معرض السيارات إلي في سان فييرو بعد ماتشتريه راح تطلعلك مهمات لصاحبك سيزار سوها كلها وراح يجيبولك صوره بعد آخر مهمه في مهمات سيزار يوروك إنه فيه محل تزبيط سيارات خاص بسيارات السباق والفخمه وبتطلع علامة المحل على الخريطه رحله وعليه تزبيط فلللللللللللله وكمان راح يجيبولك صوره على سفينة نقل السيارات يعني تبيع سيارات روح للفينه وبتلاقي لوحه في الجهه اليسار فيها قائمة السارات المطلوبه دور للسيارت وكل مالقيت سياره خذها وودها عند السفينه طلعها السفينه بواسطة الآله الضخمه الي لونها أصفر.

3-تقدر تكون عصابه تروح عند العبيد إلي وفي لوس سانتوس إلي دايما تشوفهم لابسين أخضر ومتجمعين روح عند الواحد منهم وقنص عليه واضغط فوق وراح ينضملك

4-ادخل أي مطعم واقعد كل كل كل بعدين راح يطرش.



5-روح أي محل ملابس sub urbanهذا اسم المحل في أي مكان وروح عند المرايه إلي عند باب تغيير الملابس وطلع الكاميره ووجها نحو المرايه وبتلاقي إنه في المرايه طلع محل أسلحه.



6-في خطوط طيران جويه في الثلاث المدن روح عند أ ي مطار وروح عند أبواب الدخول واسقبال المسافرين وإذا لقيت عند واحد من الأبواب السهم ادخل وبتجيلك شاشة شراء التذاكر اشترلك تذكره لأي مدينه بقيمة500دولار دولار ينطح دولار.



7-وفي مطار مدينة لاس فينتوراس روح عند مدرج الطيارات واقعد دور على مكان مقفل موقف طيارات هيه كثيره لكن أقد دور وراح تلاقي أكبر طياره في اللعبه كبيييييره مرررررره.



8-تقدر تسابق سباقات جبال روح لأعلى قمه في جبل تشايليد ولازم تكون الساعه مابين السبعه وال16 بتلاقي سيكل موقف اركبه وابدأ السباق كل ماتنهي سباق يجيلك نوع جديد من السباق وهيه ثلاث أنواع.



9-تقدر تصور نفسك اذا سار عندك عصابه روح عند أي واحد من العصابه والكاميره معاك اضغط مثلث وبتعطيه الكاميره بعدين روح للمكان إلي تبغى يصورك فيه واضغط L1وبيصورك.



10-في كل مدينه محل قوه كل مدينه يعلمك المدرب إلي فيه حركات قتال لوس سانتوس الملاكمه سان فييرو الكاراتيه لاس فينتوراس الجودو.



11-إلي يحب القطارات يروح لأي محطة قطار وينتظر حتى يجي القطار ولمن يوقف روح عند السواق واضغط مثلث واسرق القطار وإذا كنت تبغى تربح فلوس لمن تركب القطار اضغط
R3 واقعد إمشي حتى توصل للمحطه إلي بعدها وكل مأنهيت جوله يجيلك الفلوس وإذا كنت ماتبغى تسوق القطار تبغى تركبه ويوصلك لمن يوقف القطار روح لوسط القطار بتلاقي باب اضغط مثلث واركب القطار وخل القطار يوصلك للمحطات.



12-خذ قنابل يدويه وروح لوحده من شطآن البحر إلي يكثر فيها السمك وارمي قنبله ولمن تنفجر راح تشوف السمك يخرج من المويه يعني يقفز.



13-وعلى طاري تكوين العصابه إذا كونت عصابه تقدر تعطيهم أمرين الأمر الأول إضغط تحت راح يقلهم ابقوا هنا راح أرجع بعد قليل ولمن تضغط فوق بيناديهم يقلهم يلاه تعالوا.



14-إذا ركبت هيلو كبتر الشرطه اضغطR3 وبيولع النور إلي تحت.



15-تقدر تلعب كرة سله في إحدى الملاعب بس أنا بعد ماختمت الشريط كور السله اختفت دورت في جميع الملاعب مالقيت كوره وحده إلي يعرف الحل يقلي.





16-تقدر تلعب بلياردو في أي بار.



17-تقدر تلعب ألعاب قديمه في البارات والألعاب هيه ألعاب كمبيوتر العائله تعرفوه أكيد.



18-تقدر تحلق وتاكل وتشتري ملابس وتوشم.



19-تقدر تدخل في رهانت سباقات خيول.



20-وهذي ترجمة قائمة شخصية سي جي كارل جونسنون إضغط L1 وبتطلعلك القائمه:
Mugucle:العضلات
Stamina:اللياقه
:Fat السمنه
Respect: الإحترام
Sex appel:الرغبه الجنسيه



21-تقدر توي قفزات بالمظله البرشوت.



22-في صحراء مدينة لاس فينتوراس روحوا للصحن الكبير إلي زي صحن الدش بتلاقوا تحته سيارة راليات جيب مزبط راح يعجبكم.



23-تقدر تسحب السيارات بواسطة سيارة سحب السيارات أو بالعماله.



24-في مدينة لوس سانتوس إلي يفتكر مهمة مسابقة الهيدروليك روح للمكان بتلاقي قدام الدخله محل تلغيم السيارات ادخل جوته وبتتلغم السياره.



25-بعد ماتنهي مهماتZ إلي هوه زيرو إلي في سان فييرو ادخل المحل وادخل من الباب إلي بتلاقيه جوت المحل بتلاقي دائره حمراء ادخل فيها وبتلعب مهمة فرعيه تسويها في أي وقت تبغى وتربح منها فلوس.



شكرا لكم جميعا مرة أخرى وهذي بعض الإكتشافات الأخرى:




26-تقدر تلعب لاعبين في البلياردو لمن تجي قائمة الرهان لمن يقلك تراهن بكم امسك اليد الثانيه واضغط SELECTوراح تلعب اثنين.




27-في المرقص إلي تقدر ترقص فيه موبس تقدر ترقص رقصه واحده انهي الأولى كيف تنهيها فيه نقاط في الركن الأيمن فوق بتجيلك لازم توصل النقاط إلى العد الفلاني وانته عشان توصل للعدد بسهوله يبغالك تضغط الأزرار أول ماتدخل في الدائره وتجي رقصه ثانيه وثالثه ورابعه إلخ...
28-تقدر تواعد بنات وتخرج معاهم توديهم مطاعم عاد هذي معروفه.




28-لمن يكلمك أحد الناس إذا كنت تبغى تجاوب عليه إجابه جميله يعني برد لطيف اضغط يمين وإذا كنت تبغى ترد عليه برد سيء بذيء اضغط يسار يعني سب.




29-لمن تخلص جميع اختبارات قيادة الدراجات الناريه راح يطلعلك دباب الNRG500 .




30-تقدر تغتال أي واحد الطريقه خذ سكين وتعال من وراه وقنص على راسه بعدين اقترب منه وااضغط دائره وبيمسكه وبيقطع رقبته تلقائيا.




31-إلي باقي يفتكر مكان مهمة الهيدروليك إلي في لوس سانتوس يروح للمكان بتلاقي الرجال إلي يقلك إنه هنا فيه سباق هيدروليك والرجال بتلاقيه على يمين الفتحه بشويه وقدامه دائره حمراء ادخل فيها وبيكلمك بيقلك تبغى تسابق في سباق الهيدروليك بتجيلك إجابتين يمين موافق يسار رافض.




32-ياشباب إلي يبغى يستحل جميع مناطق العصابات وتصير المناطق كلها لعصابته انتبهوا ترى فيه منطقه في القريه إلي فوق سان فييرو إلي ترحلها من الجسر الأحمر المشهور باختصار إلي فيها مركز تعليم قيادة القوارب روح قدام المركز أقعد دور راح تلاقي من أفراد عصابةLOS SANTOS VAGOS العصابه الصفراء بعدين لمن تشوفوهم سووا نفس طريقة استحلال المناطق.



33-للي يفتكر المهمه إلي في سان فييرو مهمة لمن تكون مضيف في الفندق بعد ماتنهي المهمه تقدر تزيد ترجع مضيف الطريقه روح لأي بيت من بيوتك وادخل غرفة تغيير الملابس وحط على الإختيار الأخير في قائمة الملابس بتطلعلك ملابس اختار اللبس حق المضيف وروح للفندق وادخل في الدائره الحمراء وبتسير مضيف وتربح منها قروش.



34-إذا كنت تبغى تسمع كارل جونسون يغني خليه واقف من دون ماتحركه وانتظر وكل مره يغني مقاطع بسيطه.



35-إذا ماكان معاك فلوس وكان معاك سياره COLLوكانت مكسره ودها أي كراج في أحد بيوتك ودخلها فيه وادخل البيت وخزن واخرج وافتح الكراج بتلاقيها صلحانه100%إضمنها.



36-تقدر توصل طلبيات للبيوت روح للمطاعم والبقايل التاليه وبتلاقي عند كل مطعم وكل بقاله يادباب ياسيكل توصلبه الطلبيات والمطاعم والبقايل أمكنتها على النحو التالي:



37-المدينه:los santos اسم البقاله:ROBOIS FOOD MART المنطقه:COM


38-يمديكم ياشباب تخرجوا مع صديقاتكم في اللعبه وترقصوا وهذي هيه أحيانا تطلبها منك إذا طلبته منك ادخل على الخريطه وبتلاقي علامه اسطوانه رحلها وارقص انت وياها.



39-لمن تتعرف على صديقتك الشرطيه إلي في قريه من القرى والي تلاقيها تشتغل شرطيه وتروح تاخذها من مركز الشرطه إذا كملت معاها نسبة الصداقه100%راح تعطيك ملابس الشرطي.
40-تقدر تعطي صديقتكKiss يعني بوسه والطريقه قرب منها وإذا طلعلك في الركن إضغطL1 وراح يعطيها Kiss هاهاهاهاهاهاهاه.



41-وهذا الإكتشاف ياشباب للي ماعرف كيف يتعرف على بعض البنات تعرفوا ليش لأنها تطلب منك طلبات لازم تسويها عشان تصادقها وراح أكتب حقت كل بنت طلباتها وهي كالآتي:
أ-دينيس:وهذي أول وحده تعرف عليها كارل راح تتعرف عليها تلقائيا وهيه ماتطلب منك شي علطول بتصادقها.



ب-ميشيل:هذي ياشباب بتلاقوها في مركز تدريب سواقة السيارات رحلها وبتطلب منك الآتي:



1-لازم يكون سمين بنسبه فوق50%.



2-يكون عنده عدادS** appel هذي آخر طاقه في العدادات لازم يكون مرتفع.



ج-هيلينا:هليينا مكانها موجوده في منطقةblue berry في الred county روح للمنطقه وروح عند محل الأسلحه إلي في المنطقه بتلاقي درج اطلعه بتلاقيها قاعده تدرب على مسدس وإذا مالقيتها خذلك كم لفه وزيد ارجع أما عن متطلباتها فهي كالآتي:



1-عضلات قليله بنسبه أقل من25%.



2-سمنه قليله يكون رفيع.

s** appel يكون مرتفع.



د-كايتي:كايتي تعمل بمستشفى سان فييرو عند منطقةavispa country club قبال الشارع حق الجيمينزيوم راح تلقاها جالسه تتمرن أما متطلباتها فهي كالآتي:



1-عضلات بنسبة75%وأعلى.



s** appel يكون مرتفع.



ر-باربارا:هذي مانصحك ترافقها إلي هيه الشرطيه بتلقاها في منطقةtown of elguebrados في شمال غرب مدينة لاس فينتوراس متطلباتها كالآتي:



1-يجب ألا يكون لديك أي نسبه من العضلات.



2-سمنه بنسبة50%.



3-ومثل العادهs** appel مرتفع.
باقي بنت ياشباب بس أنا ما أعرف مكانها إلي يعرف يقلي.
نكمل باقي الإكتشافات الآن.



42-هذا الإكتشاف راح يفيدكم كثير في التعرف على البنات وهوه كيف تزود عضلاتك وكيف تنقصها تزودها من خلال ذهابك لأيGYM ورفع الأثقال فيها أما عن تنقيصها لازم عداد السمنه يكون مو مليان ويكون قدامك خيارين هما:



43-تركض كثير وتسبح كثير وتركب الدراجه كثير كله كثير في كثير.



44-وهذي الأسهل انك تخليه يجوع بعد مايجوع وقف كارل بعدين بيبدأ العداد ينقص.



45-أما هذا الإكتشاف راح يفيدكم في تنقيص أو تزويد السمنه أما عن التزويد روح لأي مطعم واحش من الهمبرقر والبيتزا والدجاج لين ينفقع وكذا يزيد السمنه أما عن التنقيص لاتأكله خله يجوع وأقعد إسبح كثير اركب سيكل كثير تمرن كثير كله كثير في كثير هاهاهاهاهاها.



46-وهذا ياشباب أيضا راح يفيدكم في كيفية تزويد الs** appel أنا لاحظت إنه يزيد لمن تركب السياره.

وهكذا انتهينا من متطلبات البنات (ينصبوا علينا دكتتاتوريين يتحكموا هاهاهاهاهاه)وراح أكمل ذلحين شوية اكتشافات وهي كالآتي:




47-تقدر تلعب دوري كرة سله امسك كرة السله واضغطR3 وراح تجيلك دوائر حمر ادخل فيها ولازم تسجل منها.



48-يمكنك زيادة الSTAMINA اللياقه عند كارل من خلال التخسيس وركوب الدراجه في الGYM .



49-وهذا ياشباب بعض الأشياء التي يجب أن تفعلها وتنهيها لكي تنهي اللعبه100%ليست جميع الأشياء وهي كالآتي:



أ-أول شيء لمن تركب سيارة الشرطة أو الإصعاف أو الباقيه وبعدين تضغطR3 وتسير شرطي تعرفوها هذي لكن أنا بقلكم كم يبغالكم تقبضوا على مجرم وكذا وهي هكذا:



1-سيارات الإسعاف:يبغالك توصل12مريض وتنهي حقت الإسعاف.



2-سيارات التاكسي:يجب عليك إيصال50راكب لكي تنهيها.



3-سيارات الشرطه ويمكنك استخدام الدبابه والهنتر:12مجرم تقبض عليه.



4-سيارة المطافي:12حريق.



5-القطار:جولتين على جميع المحطات وأكيد تعرفوا تركبوا القطار وتسوقوه وإلي مايعرف يشوف في بداية الموضوع أول إكتشافات كتبتها بتجيك الطريقه فيها.



6-سيارة إيصال البنات:يبغالك توصل 10بنات.



7-خادم الفندق هذي كتبتها في الإكتشافات الأولى:ويجي عليك إنهاء خمس مستويات وبعد ماتنهيها بتحصل على المبنى أي الفندق.





ب-بيتجي على الخريطه المهم يجب عليك إنهاء ال7المهمات كلها.



ج-مهمات نقل الشاحنات تعرفوها إلي على طريق لوس سانتوس سان فييرو إلي علامته عالخريطه شكل شاحنه المهم يبغالك تنقل8شاحنات وإذا نقلتها راح تحصل عالمبنى.



د-مهمات نقل السيارات:هذا اكتشاف ياشباب كتبته في أول اكتشافات كتبتها لمن تسوي جميع اختبارات القياده بعدين تشتري معرض السيارات وبتطلع السفينه إلي تصدر فيها كتبت الشرح كامل في البدايه هيه ياشباب ثلاث دفعات يعني بيجيك مكتوب في لوحة السيارات المطلوبه أسماء السيارات إلي لازم تصدرها كل ماتصدر سياره بينشطب عليها في اللوحه بعد ماتنهي اللوحه الأولى بتجيك نفس اللوحه بس أسماء سيارات جديده صدرها كلها وبعد ماتنتهي بتزيد تجي أسماء جديده صدرها وبتنتهي مهمات نقل السيارات.

ملاحظه:لاتزداد نسبتك عند تصدير سيارات إلا عندما تصدر عشر سيارات.

هذي ياشباب بعض الأشياء التي إذا فعلتوها تزداد نسبة تختيمكم للعبه وفيه غيرها كثير لازم تسويه عشان تنهيها100%وبحاول إنشاء الله أكتبها كلها بس ترى باقي ماخلص ردي باقي أكمل وبعض الإكتشافات الجديده كالآتي:



50-يمكنك أن تقود سيارة الوحش هناك طريقتين التي أعرفها وهي الطريقه الأولى:يجب عليك إنهاء السباق إلي موجود في مبنى السباقات في لوس سانتوس إلي علامته عالخريطه كأس رحله وفوز في السباق لازم تأخذ الأول بعد ماتخرج بتلاقي السياره تنتظر سي جي .
أما الطريقه الثانيه:اذهب من الطريق بين لوس سانتوس وسان فييرو إلي من عند شاطئSANTA MARIA جنوب غرب لوس سانتوس أول ماتخرج بتلاقي لفه على اليسار بعدين أول ماتلف راح تلاقي شبك على اليمين وفيه بيوت ادخل من الفتحه راح تلاقي السياره تنتظرك.


51-هذي ياشباب أماكن محلات توصيل البضائع وأمكنتها:



MERCE/PERSHING وسيلة نقل البضائع:سيكلBMX
ملاحظه:المنطقه ميهب بالضبط هيه قريبه منها يعني إنت شف اسم المنطقه إلي أنا كاتبها شفها على الخريطه بعدين رحلها وبتلقى البقاله في الشارع نفسه أو إلي جنبه وكذا حتى الباقيه المطاعم وغيرها يعني هذي الملاحظه تشمل محلات نقل البضائع كلها.



2-المدينه:SAN FIERRO اسم البقاله:HIPPY SHOPPER المنطقه:GARCIA وسيلة النقل:دبابFREEWAY
الملاحظه إلي كتبتها على رقم واحد تشمل هذه أيضا.



3-المدينه:LAS VENTURAS اسم المطعم:BURGER SHOT المنطقه:REDSANDS WEST وسيلة النقل:دبابFAGGIO
الملاحظه تشملها كلها انتهت اكتشاف نقل البظائع.



52-تقدر تسرق بيوت في محل القوه حق لوس سانتوس روح عند باب الدخول لاتدخل لف يمين بتلاقي بيتين لونهم أزرق متواجهين بينهم فتحه كبيره ادخلها بتلاقي سيارة السرقه هيه ماتقدر تسرق إلا في الليل تطلع السياره وتضغطR3



53-تقدر تركب قلوص في الشاحنات خذلك شاحنه وروح عند أي قلص وركبه الطريقه جيب الشاحنه ورجعها ريوس على الجهه الأماميه للقلص وبيتركب.



54-إذا ركبت قارب الشرطه اضغط L1 وراح يطخ رشاش من القارب.

مع تحياتي ==العاشق== واتمنى الردود

منتديات مدرسة المشاغبين - العاب اكس بوكس بلاستيشن XBOX360 & PS3 playstation بلاي استيشن دريم كاست نتندو64 جيم كيوب حلول ا

2-بعد ماتخلص اللعبه وتسوي جميع الإختبارات في محل تدريب سواقة السيارات راح يمديك تشتري معرض السيارات إلي في سان فييرو بعد ماتشتريه راح تطلعلك مهمات لصاحبك سيزار سوها كلها وراح يجيبولك صوره بعد آخر مهمه في مهمات سيزار يوروك إنه فيه محل تزبيط سيارات خاص بسيارات السباق والفخمه وبتطلع علامة المحل على الخريطه رحله وعليه تزبيط فلللللللللللله وكمان راح يجيبولك صوره على سفينة نقل السيارات يعني تبيع سيارات روح للفينه وبتلاقي لوحه في الجهه اليسار فيها قائمة السارات المطلوبه دور للسيارت وكل مالقيت سياره خذها وودها عند السفينه طلعها السفينه بواسطة الآله الضخمه الي لونها أصفر