تبي تقسا تبي تجفا انا ما ينحنى راسي&&&& ابيك اليوم تنساني وتنسى الحب وااحزانه..

انا صابر على ظلمك انا عاشق باحساسي&&&& اراعي من يراعي الحب ويعرف كل اوزانه ...

عطيتك حب من قلبي تنفسته مع انفاسي&&&& حسبت ان الهوى عادل ولا توجد به خيانه ..

حسافة يوم صدقتك وقلت انك اعز ناسي &&&& انا ما شفت فيك الا الغدر وبكل الوانه...

تبي ترجع تراضين نسيت انك علي قاسي&&&& انا لي قلب ماينسى ولو عليت من شانه ..

انا طبعي كذا حتى ولو عافتني جلاسي&&&& اشوف الحق بعيوني واقوله بكل تبيانه ...

عيونك لو بها حور انا صادق قوي باسي&&&& جمالك ما يهز القلب لو حتى الحلا زانه ..

تذكر يوم انا جيتك وقلت اهواك ياناسي&&&& واغليتك على روحي وعطاك القلب تحنانه...

رجعت اليوم تبكي لي وتعاقب قلبك القاسي&&&& كشفت بحزن اوراقك وقلبك بانت اشجانه ..

ترى مايفيد لو تبكي وقع فاسك على راسي &&&& تحطم فيك انا قلبي وعفت الحب واحزانه ...

ابيك اليوم يا ظالم تذوق المر من كاسي &&&& مصير اللي يخون الحب عليه تدور ازمانه..

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي