اسمع ونة

كل الجروح ممكن اني أداويها=الا جرح المشاعر والقلوب
تنمحي آثارها وماني ناسيها=ومن قال أقدر أنساها كذوب
في داخلي تبقى مراسيها=وشمسها مايصيبها غروب
ماشفت في دنياي الا بلاويها=والأفراح كلما لمحتها تذوب
مالقت نفسي من يواسيها=والوقت في ناظري أصبح شحوب
تمضي أيامي مع ثوانيها= والعمر علي يمضي محسوب
غابت قمرتي عن لياليها=والنور عني صار محجوب
يالايمي آلامك صرت أعانيها=وللآهات أصبحت طروب
اسمع ونة مقدر أخفيها=أقولها من زود همي مغصوب
لاتظن جروحك تقدر تداويها=ولو غيرت أطباعك والأسلوب