اليا بدا صبح السعد وبتسم ود
في ليلة ٍ بان القمر مع قمرها

ليله سما نوارها وانتثر ورد
ورد ٍ يغازل نورها مع زهرها

الخيزرانه عودها مال بالقد
تبسم اللولو ولمعت نحرها

ريمية ٍ بالغيد لجد بالجد
يطغى على صبح العذارى سفرها

كحيلة العينين مجمولة الخد
الوجه صبح ٍ والمسا في شعرها

لهب نسناس الهوا يمها رد
كنه تخير عطرها وختصرها

ريم ٍ تعاند مالها بالوصف ند
ريحانة ٍ بالارض ربي نثرها

نعس العيون اللي بها الكسل ينهد
عين ٍ خذت كل العيون بنظرها

اخلاقها فيها المخاليق تشهد
كل ٍ بحسنات المحاسن ذكرها

في اصلها في ساسها دوم تعتد
( بنت الرجال )..اللي يشرف خبرها

ريمية ٍ يا حظ من عينه تلد
في عينها جابه عليها قدرها

يا حظ من في قربها يوم يسعد
وانا حلفت اني لاتابع اثرها

بنت الذي لعدو اهل الوفا عد
كم كسرت ٍ من فيض جوده جبرها

كم واحد ٍ جاله من الوقت منحد
روحه لوقفات المراجل نذرها

وعند اللوازم لا تعذر ولا صد
الطيب شاطي والمواقف بحرها

________________