حبيبي والقلم حافي ورمضا الفقـد اوراقـه
وخطواته يلوعها لهيـب الشـوق وجنونـي

يقدم حرف .. يأخر حرف والعبرات حراقـه
تلعثم كلمة احبك مابيـن الفـرح وشجونـي

حبيبي والسهر صحرا .. سباع الموت اشواقه
تطاردني عذاباتـه ويـروي غلهـا لونـي

وطيفك غيمة من الحب .. والامطار عشاقـه
ترحل في شراييني وتسكـن لهفـة عيونـي

حبيبي والغلا طوفان فاضت لوعـة اعماقـه
يزلزلها الغياب اللي تشظى دونـك ودونـي

احبك يابعد هالكون .. شمسك تفضح اشراقه
احبك ليتني ويـاك وكـل النـاس ينسونـي

حبيبي والوله يتْـم ومعـاد بلهفتـه طاقـه
احبك وانتهى بك كل معنى يا مـدى كونـي

حبيبي والشعر مهزوم يرفع رايـة اخفاقـه
وحبك حرب لاستنزاف نبضي .. حيرة ظنوني
__________________