عندي لكم سلافه :
موب انا يا طويلات الاعمار انقطع جوالي ..........ويوم رحت لربعنا شركة الاتصالات ابي ارجعه ... قالوا تعالي ومعاك اثباتك الاصل ونرجعه لك ع طوووول , وانا مصادقت خبر واطير لهم ويوم جيت قالوا معليش ياخاله
لازم معرف ؟؟قلت وش اسوي ماعندي معرف الا السواق <== هزلت المهم وانا امشي حزينهعلى طريق الملك فهد ولا اشوف موبايلي للسيدات المهم قلت خلني اجرب وادخل اشوووف اش عندهم ؟؟ اول مادخلت بصراحه انهبلت على الاستقبال وعلى البنات ..وذرابتهم
واشكالهم مرتبه كنهم دلال السيف طقم بس ازرق .. وانا اللي تفشلت شوشتي طايره وماكشخت المهم شرحت لهم حالتي مير اللي يدقون صدورهم وقالوا ابشري بس ولا يهمك .. قلت والاثبات عادي بطاقة عايلة ؟؟؟ قالوا معاك بطاقة جامعه ولا جواز ولا بطاقة احوال ترى يمشي الحال مير اسحب بطاقة الجامعه وارزها مع بطاقة العايلة
وانا اللي اطق لي شريحتين وحده فاتوره ووحده شحن <== اتدلع نفسها لا وازيدكم من الشعر بيت عطوني حلاو ... وعندهم كوفي شوووب كني بالمملكة ... وانا اللي ادق على صديقاتي كلهم واعزمهم <=== بس على حسابهم عاد اتصدقون ماسلمت عليكم من كثر وناستي ,,,,, لاني توني جايه من عندهم ومبسوطه ان فيه سعوديات بهالمستوى :ww: وتحسهم فاهمين ومتدربين على سنجة عشره عاد لا اوصيكم يا بنات لا يفوتكم ,,, الكوفي شوب اللي عندهم ولا تنسون تقولون انكم من طرفي ..<==== يقالها مشهووره :

منتديات مدرسة المشاغبين - منتديات الفسحة العامة