ذكـريــات بلاي ستيشن 1 .. (ضحك - سواليف - سعة صدر )

رسمي والقمر اسمي · #1 (**permalink**) 10-11-2008, 11:01 AM

ايييييييه يازمان اول .. كانت ايام حلوه صراحتن .. عشنا فيها اجمل اللحظات والثواني والدقائق والساعات < مسك خط

ابدخل في الموضوع بسرعه .. بدون بربره وخنبقه

بسم الله ,,

انتم خابرين يوم طلع البلاي ستيشن الاول .. كان في عام 1418 او 1419 تقريباً .. كانت له ذكريات .. من ناحية وشلون شريته والصياح والمناقر مع ابوك عشان يشتريه لك .. ولا تقعد تسوي نفسك يعنني قدام اخوياك ان معي سوني .. ولا الاشرطه الجديده ذاك الوقت اللي كانت اهم شيء بحياتنا .. واشيااااء وااااجد نتذكرها

انا بأعطيكم الصور والمعلومات والسواليف , وانتم عطونا اهتمامكم وسعة صدوركم وسواليفكم بعد

___________________________

البلاي ستيشن 1

اييييه يازمااان .. هذا الشيء كنت مقابله اربعه وعشرين ساعه .. يعني كان هو في المقلط .. العب عليه من الصبح اليين العشاء .. وانوم في المقلط .. والعب به مرتن ثانيه .. وهذا طبعا من زود الشفاحه

winning eleven 3

عاد هالشريط غني عن التعرييف .. هالشريط كنا نلعبه دايم .. العب مع اخوي يمكن ماحد يقدر هزمني الا بالقوه .. بس يوم طلع الوينينج اليفين 4 .. كرهته ولا عاد صرنا نلعب به ابد

صور للعبه :

ياهوووه ياشعر المربع

نيجيرياقوي خاصه كانو براسه هدف والعبيد مدهرني

________________________

Tekken 3

هذا الشريط عطوني اياه اول ماشريت السوني .. عطوني اياه هديه .. انا انهبلت صراحتن .. وش هالحظ اللي مشى معي وعطوني شريط مجانا .. مع ان الاشرطه ذاك الوقت بـ 250 او 200 وهالحدود .. لعبت فيه الين اذنت .. وكانوا معطيني شريط ثاني كان فيه العاب بلاي ستيشن ثانيه عشان تجربها .. تقريبا مغامرات وطق وذبح .. هذاك الشريط مهوب حللته .. حللت والدي والدينه .. لدرجه اني صرت اعرف وش بيصير في هالمرحله هذي والمرحله هذيك

________________________

Crash Bandicoot

آآآآآآه بس .. اطلق شريط نزل على وجه الارض .. هذا اول شريط يصير ثلاثي الابعاد .. كنت العب فيه دايم .. حتى اني صرت اتعشى و اتغدى وافطر وانا العب به .. يعني صراحتن كان مهبّلن فيني

صور للعبه :

صديقتي كنت اضحي بحياتي علشانها

_____________________

Twisted Metal

يالبيييييييييييييييييييييه هالشريط كنت مدمن والله عيوني كانت تشتكي من هالشريط اترك لكم التعليق

ــــــــــــــــــــ

درايفر

هالشريط مافي مثله كنت افحط واشغل المسجل وعندي شارع خاصه للهجوله

اذكر ماينزل من السياره ابد كنت انقهر ودي انزل

ــــــــــــــــــــــ

GEX

هالشريط حقينا اذكياء رهييييييييييب

ـــــــــــــــــــــ

PEPSI MAN

اذكر كانوا يترجوني عيال خالتي عشان اجيبه لبيتهم وانا ارحمهم واجيبه لهم

خلاص انا قضيت
الباقي عليكم

سواليفكم وبربراتكم عن السوني القديم او القيم ستار ولا العائله ( وجه يكح )
انتظركم ياعيال

بويرد

sts_016 · #2 (**permalink**) 10-11-2008, 02:42 PM

يعطيك العافيه

ذكرتني بالماضي اهاادماااااااااااااااااان

Twisted Metal احلا شريط نزل هذا

<< يومين من المدرسه لسوني

رسمي والقمر اسمي · #3 (**permalink**) 10-12-2008, 03:30 AM

مشكور ياخوي على ردك

sts_016

وذكريات تبقى بالآذهآن

سامي المسفر · #4 (**permalink**) 10-31-2008, 11:28 AM

اقتباس:

المشاركة الأصلية كتبت بواسطة رسمي والقمر اسمي

ايييييييه يازمان اول .. كانت ايام حلوه صراحتن .. عشنا فيها اجمل اللحظات والثواني والدقائق والساعات < مسك خط

ابدخل في الموضوع بسرعه .. بدون بربره وخنبقه

بسم الله ,,

انتم خابرين يوم طلع البلاي ستيشن الاول .. كان في عام 1418 او 1419 تقريباً .. كانت له ذكريات .. من ناحية وشلون شريته والصياح والمناقر مع ابوك عشان يشتريه لك .. ولا تقعد تسوي نفسك يعنني قدام اخوياك ان معي سوني .. ولا الاشرطه الجديده ذاك الوقت اللي كانت اهم شيء بحياتنا .. واشيااااء وااااجد نتذكرها

انا بأعطيكم الصور والمعلومات والسواليف , وانتم عطونا اهتمامكم وسعة صدوركم وسواليفكم بعد

___________________________

البلاي ستيشن 1