|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
10-15-2008, 08:29 PM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
لعيونك اكملها... الجزء الثاني (الفصل الأول) بمطار الملك خالد كانت كل من عائلة عبد الله بن محمد وعبد العزيز بن عبد الله بالمطار بيت ابو طلال دلع \ يا ربي الهدايا الحين وين نحطها بالله طلال \ وين يعني فوق راسي اكيد بالصندوق دلع \ مدري عن هالطيران سما مدري ناس شكله يلوع الكبد طلال \ لا حلو البندري كانت جالسه وماسكه لاب توب دلع اللي كان ماركة سوني اللي لونه عنابي وكانت هدية ابوها لها وجالسه عالمسن لأنو طلال شرى لدلع موبايلي كونكت خالد كان يلعب بال psp تبعه وجوان كانت تشتري لها حلويات مع ابوها بهاللحظه شاف طلال مهند وعبد الرحمن وقام من دلع اللي كانت جالسه جمبه طلال \ هلاااااااا وغلا بالغايبين الحمد لله عالسلامه مهند \ الله يسلمك كيفك يا رجال من زمان عنك؟ طلال\انا ولا انت يلا عالعموم هونها يا ابن الناس وتهون من ربك مهند \ الله كريم عبد الرحمن يتنتحنح \ نحن هنا طلال \ هلا بشيخ الرجال هلا به ؟ عبد الرحمن \ هلا بك زين والله شفتني الظاهر أني ما انشاف طلال\ تستهبل امس ناط في خشتي بالنادي وبعدين ورى ما قلت انك بتسافر الشرقيه ؟ عبد الرحمن \ اليوم صارت السالفه بسرعه بسرعة مهند وهو واقف شاف في شباب يتحرشون بأخت طلال لأنه كان جالس جمبها ويكلمها فعصب وخلاهم ومشى دلع \ وخر يا ولد الناس احسن لك الولد \ ليش أنتي بنت ناس علشان تعرفين عيال الناس دلع وهي معصبه منه وقفت وقالت له \ صدق انك واطي ولا شعوريا عطته كف الولد سبه وبغى يمد يده عليها كان يجي مهند ويمسك يده وعلى طول ركض طلال وعبد الرحمن وجا ابو طلال \ ها وش فيكم خير وش صاير دلع وعيونها الوساع مدمعه \ هالحقير اللي ما يستحي على وجهه وتطيح بحظن طلال طلال وهو معصب ترك دلع وراح بيصفق الولد كان يقول له مهند \ تعوذ بالله من الشيطن الرجيم خله عنك طلال\ ما تستحي انت الولد \ الزم حدك عبد الرحمن \ شف أنا ما انقلعت اكون جامع لك السكيوريتي واخليهم يجرونك زي الحمار ابو طلال \ بس يا رجال وهو يلتفت عالولد \ خسارة والله انك سعودي وولد حمايل كان سويت فيك اللي ما اسويه حتى بالحيوان نفسه الولد خلاهم ومشى وطلال معصب وقال لدلع وهو يضمها ما صار الا الخير حبيبتي مهند \(والله انها كفو أول مره اشوف بنت تعطي واحد كف) ابو طلال \ مشكور يا ولدي مهند \ لا يا عمي هاذا واجبي ولو دلع وهي تهمس في اذن ابوها مستحيه من الاولاد وبنفس الوقت بتصرف اللي صار دلع \ ترى الطيار بتقلع ابو طلال \ طيب يبه الله يذكرك الشهاده ، مشكورين يا عيال روحوا الطياره بتقلع وأنا بروح اسلم على ابوكم ابو ماجد كان يدور عياله عبد الرحمن ومهند ولقاهم ابو ماجد \ وينكم وانتبه لأبو طلال هلا والله بو طلال ابو طلال \ هلا بك علومك يابو ماجد ابو ماجد \ الحمد لله بخير انتوا شخباركم ؟ ابو طلال \ والله الحمد لله ، ونعم التربيه ربيت رجال يابو ماجد ابو ماجد \ الله يسلمك؛؛ابو ماجد ما يدري بالسالفه لأنو ما انتبه ابو طلال \ يلا انشوفكم على خير أن شاء الله ________وكلن راح بطريقه عشان يظبطون الأغراض بالطياره الكل كان ماخذ له مقعده ومحد انتبه للتظبيط دلع وهي مسبهه\ نعم أنا اجلس هنا طلال مابغى طلال طيب بس خل اضبط كل شي الا ومهند جاي ويوقف جمب دلع كان تنتبه أن هاذا اللي كان بيصفق الولد مهند \ ممكن شوي-اف هاذي اخت طلال وه يالفشيله—آسف دلع وهي مفتشلة\لا عادي تفضل مهند \ أنتي هنا مقعدك؟ دلع \ هزت راسها كان يجي طلال \ ها شفيك ؟ دلع \ ياخي قلت لك دور لي مكان غير هنا والا انت تعال اجلس هنا وأنا اروح مكانك سو لك دبره طلال \ طيب قصري صوتك مهند \ خلاص لقيت مكان أختك خلها تجلس جمب لبنى وأنا وانت نجلس هنا ؟؟ طلال \ بيض الله وجهك يلا تعالي مهند \ اللاب؟؟ دلع \ شكرن ________وكلهم جلسوا طبعن الطياره اقلاعها 2 بس طارت 3 تعرفون الطيارات وربشتها ووصلوا للدمام حول ال5 الفجر كادي \ هلا والله دلع \ اهلن <<وهي متشققه وناسه وتحضن كادي كادي \ الف مبروك وربي فرحت لك دلع \ الله يبارك بعمرك يارب طبعن الكل سلم عليهم والرجال كانوا بالمجلس والحريم بالغرفه الثانيه كادي \ يلا بنات امشوا نودي اغراضكم دلع والبندري \ يلا صعدوا البنات فوق وهم فوق بندر نادى كادي كادي \ نعم شتبغى؟؟؟ بندر \ ناموا بنروح المزرعه بعد شوي كادي \ نعم اقول بنواصل وننام بالطريق وهناك وعلى فكره أنا والبنات بنروح معك مالنا خلق هذرة العجز بندر \ دلع تجي !!؟ لا ما تركب كادي \ اقول استح على وجهك وعن قلة الحيا بندر \ طيب خلاص تعالي ابغى جوالك شوي؟ كادي \ شتبغى فيه ؟ بندر \ ابغى رسالة منه كادي \ خذ <<كادي نست انها حاطة الخلفيه صورة دلع شافها بندر وخق بندر \ مين هاذي الملثمه ؟. كادي شهقت \ هاذي دلع الله يقطع شري بندر \ اثريها حلوة حبيتها كادي \ تراها تعتبرك زي اخوها بندر\ طيب بس نظرة عيونها كلها حقد كادي \ لاحرام عليك وبعدين انت بس شفت وجها وقلت حقوده بلاك ما عرفت اخلاقها بندر\ طيب اتجهزوا واعملوا حسابكم ل يومين كادي \ حاظر ________دخلت عندهم كادي \ يلا ترى شوي وبنطلع طريق المزرعه طويل دلع \ طيب مين بيودينا بابا نايم ؟ لمى \ احلفي عاد معنا البندري \ مين بيوديكم؟ كادي \ بندر !! دلع \ لا فشله لمى \ اقول بلا فشله بلا بطيخ البندري \ عادي شورانا بس الحين دلع الحلوة بتروح تقول لبوي دلع \ والله فشله بس لازم استأذن منه البندري \ يلا روحي ___دلع نزلت لأبوها وابوها وافق لأنه بطبعه واثق فبناته وفتربية اخته. راحوا ركبوا مع بندر بسيارته البنات \ السلام بندر \ وعليكم السلام والرحمة دلع \ كيفك بندر أخبارك يا خوي ؟ بندر وهو مستغرب \ الحمد لله دلع\مبروك عالنسبه ها وش ناوي تدخل ؟ بندر \ الله يبارك بعمرك هندسه أن شاء الله زي الوالد دلع \ الله يوفقك يارب بندر (والله أني كنت ظالمها أن بعض الظن اثم استغفر الله العظيم ) ******************************** بهالوقت كانوا بيت ابو ماجد واصلين لل فندق لأن العيال وابوهم راحوا الفندق اما امهم والصغار راحوا لبيت جدهم ينامون هناك مهند\ متى بنروح المزرعه ؟ عبد الرحمن \ اليوم الليل ؟ مهند بتنهيده \ أنا بنام لحد يصحيني ok عبد الرحمن \ طيب ، بس اما اليوم اخت طلال جريئه مهند تذكرها \ من جد أول مره اشوف بنت تعطي ولد كف تدري شصار؟ عبد الرحمن هز راسه مهند\يوم جا بيعطيها كف أنا جيت بمسك يده وهي تمسك يده مسكينه افتشلت وأنا بصراحة افتشلت هاذي اخت طلال عبد الرحمن \ صرتوا فلم شرايك فيها <<وهو يغمز ؟ مهند \ شيل من بالك أني اعجبت فيها وانقلع ممكن؟ عبد الرحمن \ تصبح على خير بس ****************************************** بالرياض كان ماجد بالشركة هو ومحمد ماجد \ مليون مره اقولكم انتبهوا للمناقصات اللي ترسى على الشركات الثانيه وشوفوا عروضهم علشان ما يكون في بينا افكار متقاربه محمد \ هد اعصابك هو ماله دخل ماجد \ اجل مين اللي له دخل قوول وش اسوي الحين بالبضاعه ارميها بالزباله؟ محمد \ أنا عندي حل وش رايك نسوي صفقه صغيره مع الشركه الثانيه بما انه نفس المنتج نبيعه عليهم ونخصم ربع السعر وبكذا ماراح نخسر ماجد \ ومين اللي بيتفاوض اليوم لا زم نروح الدمام؟ محمد\ ولا يهمك انت روح وأنا الحقك على اقرب طياره بعد ما اخلص الشغل ماجد \ طيب <<وهو يتنهد >>ما ادري البلاوي من وين تطلع فوق راسي؟ محمد \ اذكر ربك كل شي بيهون بس لا تقول للوالد الحين يجي خله يرتاح ماجد \ اكيد ما راح اعلمه __وراح محمد للشركة الثانيه واتم الصفقه لأنهم قرايب <<شركة اعمامهم ******************** بالدمام وصلوا للمزرعة وكل واحد راح قسمه الرجال لقسم الرجال والحريم لقسم النسوان البنات ناموا علشان يصحون عالمغرب ويتجهزون للعزيمه اللي ما تدري دلع انها لها هي بعد... (الفصل الثاني) صحوا البنات على الساعه 5 المغرب كذا صلوا الظهر والعصر وجلست كل وحده راحت للحمام علشان تتروش، والمزرعه حق جدهم عادل بس عادي يحب دايم عياله يتجمعون فيها ___نسيت اوصف لكم المزرعه المزرعه مساحتها مررررررره كبيره حوالي 20 الف متر فيها قسمين رجال ونساء بس مافي بينهم فاصل،المزرعه ديزاينها غابات ماليزيا كلها شجر وفيها عصافير دايم تجي وفيها قسم للحيوانات ، المزرعه فيها مسبحين واحد للرجال وواحد للنساء والمسابح مكشوفه وحولها جلسات تبع البرونزاج وجلسات عاديه لكل قسم والحمامات وانتو بكرامه جمب بعض لأن المسابح يفصل بينها الزرع وبس وابو بندر مقسم الوقت بين الأولاد والبنات علشان ما يتقابلون . فيها خيمه للرجال وخيمه للشباب اما البنات لهم ملحق هاذا غير البيتين الموجودين علشان اذا جا احد يسكن فيهم المزرعه يقدر الواحد يضيع فيها لأن تصميمها غريب أول ما تدخلين فيها مدخل كله خشب على فوق وينفتح بعدين على نافورة كبيره طالعه من المسبح ومكان علشان توقف السيارات وبعدين أول ما الواحد ينزل فيه لا فتات إفريقيه تدل على قسم النساء والرجال أثاث المزرعة كله إفريقي ونظامها كأنه تبع الهنود الحمر بعد ما توقف السيارة ينزل الواحد ويروح بالجهة اللي هو يبغاها بس اذا رحتي على طول بتوصلين لنهاية المزرعة وتتوهين الا بحالة وحده كان معاك احد ما تتوهين دلع \ شفيكم شهالأزعاج كل هاذا علشان تستشورون شعوركم هاذا وهي ناعمه أنا وش اقول<<لأنو هي الوحيده اللي شعرها كيرلي كادي \ أنتي آخر من يتكلم وش تسوين بس تطلعين من الحمام وتتمكيجين وأنتي خلاص قاضيه لمى \ دلع عطيني شعرك ممكن ؟ دلع \ الا شعري راس مالي شعري وبتاخذينه هاذا احلي شي فيني كادي \ يووه تبينا نمدحها ما في مدح دلع \ مو لازم <<تبغى تقهرهم >>>أنا واثقه <<<ما تحس الا والمويا على شعرها حسبي الله عليكم أنا اوريكم بروح اتروش بالمسبح حررررره وهي تمد لسانها كادي \ أي شوراك لا استشوار ولا شي دلع \ سيا _________راحت لبست مايوها <<<مو بكيني لا تفغرون ، وراحت نطت بالمسبح وهي مبسوطه كان تنتبه لضحك عيال بصوت عالي هنا ماتت من الخوف قالت العيال هنا يا ويل حالي عسى محد شافني الدنيا صبح حسبي الله فيكم من بنات عمه وراحت على طول طلعت من المسبح وراحت للحمام ومن غبائها ما انتبهت انهم غيروا الحمامات وحطوا حق البنات بدل حق الأولاد كان تسمع صوت ....\ وراكم غيرتوا مكان الحمامات كانوا معكوسات بندر \الجد قال بكبر حق البنات قلت له بدلهم احسن حقنا اكبر دلع جمدت مكانها ما تدري وين تذلف دعت على نفسها مليون مره لأنها جت تتروش ما تحس الا وواحد دخل الحمام ......... **************************************** _________كادي راحت تشوف القطوة اللي بتعطيها دلع راحت ودخلت ركن الحيوانات لقت الباب مفتوح كادي \ حسبي الله عليك يا جوشيم <<السواق>>في احد يخلي الباب مفتوح خذاك ربي يمكن القطوة تطلع الله يقطع ابليسك <جلست توكل البسه ********************************************** ______طلال \انا بروح اشوف قطوتي اللي عندكم يمكن جابت عيال ؟ بندر \ رح جابت لك 5 مالت عليها ما يمدينا عليها الله يقطع شكلها طلال \ ما تخف هي ورجلها الله يهديهم حتى البشر مو كذا الأولاد\ ههههههههههههههههههه وطلع من عندهم وراح للركن ************************************** _____كادي وهي جالسه ما انتبهت أن كلب الحراسة وراها بس سمعت صوت شي يلهث وراها التفتت ولا تلقاه الكلب هي جمدت خلاص كادي \ حسبي الله ونعم الوكيل يا ويل حالي اشهد أن لا اله الا الله بموت حسبي الله علي وش جابني وش حشرني بندر قال انه بيوكل القطوه أنا وش دخلني كان ينبح الكلب بوجهها وهي تصارخ وتترك البسه وتنحاش منه وهي طالعه تصارخ وماسكة اكل القطوة ولا ما تحس الا هي صافقه بواحد وتطيح فوقه وينتثر اكل البسه عالولد ويدخل فمه <<<موقف احرااااااااااااااااااااااج مره كادي شهقت \ وهي تقوم آسف........ الا وهو .... يتبع ... يا ترى مين اللي دخل الحمام ودلع موجودة و مين اللي طاحت بحظنه كادي خلونا نشوف اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -   |
|
10-16-2008, 10:12 PM
| |||
| |||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
مرسي عالرواية وكمليها بليزززز  اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
10-17-2008, 09:58 PM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
يلااااااااااااااا الله يخليك تحمست
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
10-18-2008, 01:42 PM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
سووووووووررري نسيت اني اكتب قصه وهذي التكمله!! (الجزء الثالث) (الفصل الأول) * * * دلع متجمده مكانها ما تدري وش تسوي تطلع كان يدخل الولد ويسكر باب الحمام الخارجي وانتوا بكرامه بس هنا انتبهت دلع انو الشاور مفتوح يعني مافيه حواجز غير الجدار ومافيه باب يالييييييييييل شلون الحين قالت مافيه غير حل واحد دلع وهي تطلع جوالها من شنطتها دلع\ الوووووووووو مهند هنا انخرش قلبه مين اللي هنا يا ترى يمكن هاذي وحده ما تدري مسكينه البندري \ نعم يال خاينه دلع \ افا أنا خاينه وش سويت لكم كل اللي سويته جيت أخذ شاور البندري\ طيب شتبيين؟ دلع\ البندري اسألي لمى قولي لها أغراضنا وينها البندري\ لمى وين اغراضنا اللي بالحمام هنا لمى انهبلت\ لا يكون داخله هذاك الحمام نفسه مو حمامنا البندري \ يؤ مو حمامنا هو لمى\ اقول قولي لها خل تطلع الأولاد جمبها البندري \ دلعوه اطلعي من الحمام بسرعه الأولاد كلهم جمبك حتى عيال عمتهم دلع \ دلع لو سمحتي بعدين تعالي عيال عمتهم يسبحون بعد يا قرد حظي شيدريني كانهم بدلوا الحمامات أنا سمعت صوت اولاد اختبصت وجيت بروح خفت احد يشوفني شالدبره الحين ما تسوى علي واحد شافني البندري \ اشحطي لمى \ افركي بسرعه محد راح ينتبه دلع \ افرك لا بالله زلقت وتكسرت <<سمعت صوت واحد يضحك ويطلع من الحمام دلع\خلاص الحين بطلع يلا سيا دلع \ اخيرا الحمد لله __كان تفرك من الحمام وتركض عالحمام الثاني طبعا كان غير ارتب من حق الأولاد بكثير ****************** طلال \ كادي!!! كادي \ يا قردي وتفرك وهي تحاول تقوم كان تعثر مره ثانيه ويمسكها طلال ويشيلها طلال \ black تعال جاه الكلب يركض ويجلس وكادي الغبيه كانت مفغره عالولد مو منتبهه لشي ابــــد فجأه انتبهت انها جالسه تتمقل بالولد وتفرك على داخل ********************************** دخلت دلع كان تحكي لهم اللي صار بوجود كادي اللي كانت مصفره من الموقف البندري\ خخخخخخخخخخخخ احسن محد قالك تتليقفين ونتقلعين تتسبحين بالمسبح لمى\ هاذي حوبتنا هههههههههه دلع \ اقول أنا كويس مني انو كان فيني مخ الين الحين علشان اتصرف بموقف زي كذا البندري \ لو أنا درعمت بصراحه وما همني دلع \ أنا مو زيك قدها البندري \ ايوا اكبر دليل اللي بالمطار ههع مسكين دلع \ لا مسكين ولا شي حقير سافل كادي \ ليش وش صار لمى وهي تصفق \ أي طلعوا الفضايح طلعوا دلع \ لا فضايح ولا شي عادي كنت استنى أنا وطلال انهم ينادون علشان الأقلاع المهم هو شاف ولد عمتكم ابو المرسيدس الحلوة وراح سلم عليه كادي بضيقه \ مهند دلع \ ايوا ، المهم راح ونساني الأخ ما احس الا واحد يجلس جمبي أنا هنا جمدت كان يقول لي يا زين الخجولين اصحاب العيون الواسعه، أنا هنا انهبلت سكت ما رديت عليه كان يقول عطيني وجه يا حلوة نظرة بوسة أي شي قلت له قوم يا ولد الناس قال ليش أنتي بنت ناس علشان تعرفين الناس ووقف أنا هنا عصبت ووقفت معاه ولا شعوريا قلت له صدق انك واطي وحقير وعطيته كف كادي بدهشة \ كــــــــــــف دلع \ ايوا البندري\ شفتوا أن اختي كفو لمى \ الللللللللله ليتني كنت معاك دلع \ المهم خل اكمل كادي\ في كمالة دلع \افا عليك المهم جا بيعطيني كف ما احس الا واحد جا ومسك يده وأنا بنفس الوقت مسكت يده شلت أنا يدي كان يقول له طلال اللي جا بعدين....الخ<<وجلست تهذر عليهم وقالت لهم السالفه كادي \ وه بس زين طلول دلع \ اقول زين ولد عمتك يا حوبي له والله لو هو مو شايفني كان طلال مادرى بهوى داري كادي \ اهااااااااااااا ____جلسوا يسولفون وهم ناسين نفسهم انو عندهم عزيمة قالت كادي ل دلع على موقفها مع طلال كان تفقعها ضحك دلع دلع \ ههههههههههههههههههههههه كادي \ ضحكتي من سرك بلا دلع \ خل اشوف حال اخوي واطقس الجو عنده مسيكين تلقين قلبه وقف كادي وهي تضربها \ فال الله ولا فالك _______راحت دلع واخذت جوالها وجمبها كادي علشان تسمع طلول ******************************** مهند كان سرحان ( ياربي وش هالمواقف اللي جالسه تصير لي مع ذي البنت المشكله أني احسها مغروره بس تغيرت نظرتي لها اليوم بشكل جذري لا حول ولا قوة الا بالله لا يكون قلبي فز لها مو ناقص جرح ثاني)<<قطع حبل افكاره عبد الرحمن عبد الرحمن \ هاه وش فيك يا خي مسرح؟؟ مهند \ لا ولا شي عبد الرحمن \ لا يكون علشان اخت طلال والموقف اللي صار قبل شوي مهند\ياخي ليش هي بالذات اللي صار معها كل هاذا؟ عبد الرحمن \ يمكن مجرد صدف وبعدين الله يهديك كل هاذا وش صار كلها موقفين مهند \ يمكن بهاللحظه دق جوال طلال \ هلا بأختي طلال \ عن اذنكم شباب – هلا هاه اكيد قالت لك ال cnn مو ؟ دلع \ ههههههههههههه اكيد تخبي شي هي عني ما تقدرووون انتوا الثنين طلال \ والله اخترعت بصراحه بس لا يكون تعورت؟ دلع \ لا سم الله عليك ما صار لها شي؟ طلال \ اشوه دلع \ يلا عاد عطيتك وجه تعال ابغاك بشغله تعال عند المسبح طلال \ شفيك؟ دلع \ لا بس صارت سالفه اليوم حبيت اقولك عنها تفقع ضحك طلال \ طيب _______راح طلال واستنى دلع جت عنده وهي وجهها مقلوب طلال \ قلبي يقول صاير شي؟ دلع \ بقولك شي بس مو تعصب ورب البيت ما صار شي غلط طلال \ من متى أنا عصبت عليك حتى بالغلط دلع قالت له السالفه حق الحمام وانتوا بكرامة طلال \ هاذا مهند دلع وهي محمره \ اعتذر لي منه بس ما كان في طريقه انو اطلع غير هالطريقة طلال \ ولا يهمك بس هو ما يدري انك أنتي<<ضرب على راسه >>اوو نسيت انك قلتي اسمك وبعدين اكيد عرفك ما في بنات غيركم هنا دلع \ مو تنسى أنا والله ما انتبهت طلال \ خلاص بس لو سمحتي انتبهي مره ثانيه أنا اخاف عليك دلع وهي تبوسه \ فديت اللي يخاف علي بس طلال \ يلا روحي الضيوف بيجون دلع \ تآمر يا نور كوني _____________راحت دلع علشان تلبس ملا بسها هي وبنات عمتها لأنو الضيوف بدوا يوصلون، دلع لبست فستان نعوم من بربري لونه اسود وبأطرافه بربري وشوز اسود بكعب عالي ، اما كادي كانت لا بسه تنوره سودا وقميص بربري مع الطوق تبعه وشوز كيوت بأطرافه بربري ، لمى والبندري كانوا مطقمين لا بسين تي شيرت برشلونة وبناطيل جينز لأن البنات اللي على قدهم كلهم مسويين مباراة بين برشلونة و تشيلسي لمى \ الله اشكالنا ابداع البندري \ من جد ، بس مو كأنه فشله عزيمة كبيرة والدنيا دنيا واحنه لا بسين لبس مباريات؟ لمى ضاق صدرها \ من جد خنغير وبعدين لا جينا نلعب لبسناهم الحين تلقين الصاحيات كلهم لا بسين كذا لبس وبعدين بيبدلون حتى دلع وكادي البندري \ خلاص خنغير لمى لبست سكيني جنزمع تيشرت فسفوري دااج مررره وستايلها كان كلووه فسفوريكا وخرابيط العربجه البندري لابسه تنوره كيوتيه مع توب شكلها كيوت لأول مرررررره ________طبعن دلع وكادي نزلوا لأن ام بندر دقت عليهم وقالت لهم تأخرتوا نزلت دلع وقدامها كادي وسلموا عالحريم كلهم وبعدين راحوا عند بنات عمان لمى وكادي _دخلت دلع وجلست تسلم البنات كلهم سبهوا عليها لأنها مشاء الله بيضاء ومن ضمن البنات اخت مهند المتزوجة رنا سلمت عليها وجلست تسولف مع صديقات كادي لأنو كلهم عندها عالمسن دلع \ شفيكم ساكتين وين الدي جي ؟ كادي \ دلوع روحي سويه بليز ؟ دلع \ ok من عنوني راحت وجابت شريط راشد الماجد وحطت شريطه الجديد سلامات سلامات حبيبي مو على بعضك سلامات سلامات اشوف الحزن بعيونك سلامات بلقياك القلب يشفي غليله وأنا وياك مثل قيسن وليلى حرامات نقضي العمر بين الحسره والآهات سلامات حبيبي مو على بعضك سلامات ... .... وكمل راشد والبنات ما في احد يرقص منهم غير دلع وكادي دلع \ اقوول عن حركتات الحيا يلا قوموا كلكم ارقصوا هاجر صديقة كادي \ اقوول عن الأحراجات بلييييييز دلع \ هجور خلي الحيا يا عسل على جنب __دلع ما بقى احد ما رقصته بالملحق ابد كلهم رقصوا ، كان يقولون يلا وقت المباراة راحوا البنات ولبسوا ال تي شيرت تبع برشلونة و تشيلسي وبدا اللعب اما رنا كانت الحكم لأنها ما جابت ملابس رياضة <<رنا (اخت مهند وعبد الرحمن ) كوول بطبعها ما عندها أنا تزوجت خلاص ودعت حياة البنات والفله لا عادي شوي تجلس عند البنات شوي تروح عند الحريم علشان ما ينتقدونها، البنات برشلونه فازوا على تشلسي بفضل لمى والبندري اللي ما بقوا بنت ما كرفسوها لانهم جفسات بطبعهم بس هم كذا يحبون يتحمسون زياده راحوا بعدين للمسبح علشان يتروشون ، وهناك دق جوال دلع وقامت لقتها مي صديقتها دلع طلعت من الشاور وراحت لبست روبها وراحت تتمشى بالمزرعة دلع \ اخص غريبه أول مره تدقين بالعاده أنا اللي ادق؟ مي \ افااااا يعني ما تبغين ادق عليك طيب بسكر دلع \ لا شدعوه يالغالية أنا ما قلت كذا بس بالعاده أنا اللي ادق وجلست تسولف لها عن المزرعه والفله اللي سووها وصارت معهم ........ ************************** بمجلس الرجال كان مكتظ بالناس ومعارف ابو بندر كانوا الشباب جالسين بخيمة والرجال بالخيمة والمجلس دق جوال مهند وراح طلع علشان يكلم صاحبه محمد محمد \ افا جيت للرياض ورجعت سافرت ولا قلت لي ؟ مهند \ لا والله يالغالي مو قصدي احقرك بس صارت السفرة بسرعه بسرعة محمد \ ولا يهمك اهم شي انت مرتاح ؟. مهند \ الحمد لله والله لا يغير علي محمد \ ترى السالفه يا خوي كانت ما تسوى بس انت عشانك كنت صادق معها حسيت بالقهر ولا واحد ثاني والله ما تأثر انت بس الله يهديك انقهرت على وحده ما تستاهلك مهند \ كل شي راح وأنا ما راح ارجع واغلط نفس الغلطه الحمار هو اللي يطيح بالحفرة مرتين محمد \ لا تقول كذا ما تدري لا ربي كان كاتب لك شي بيصير بيصير من فوق خشمك الحلو مهند \ هههههههههههه محمد وهو مبسوط \ اخيرا ضحكت الحمد لله وجلسوا يسولفون مع بعض وخذتهم السواليف _____دلع وهي تمشي وتضحك حست بصوت احد يكلم بالجوال كان تهرب ورجعت عند البنات وقفلت من مي <<<(مي ودلع صاحبات وأكثر من صاحبات زي الخوات بالظبط صديقات من 2 متوسط وعلاقتهم مره كويسه مي زي طبع دلع ونفس الشكل والطول بس دلع بيضاء ومي سمراء ) كادي \ ما بغيتي عمتي تخلصين من جوالك مين جالسه تكلمين دلع بدلع \ حبيبي الكل \ هههههههههههههه رنا بغت تتأكد \ من جدك؟ دلع \ وهي مسبهه \ أنا دلع وعندي حبيب كمان لا هاذي كثري لي منها ولا كمان حطي فوقها 50 خط احمر الكل\ ههههههههههههههههه ___جلسوا البنات سواليف وضحك الين الساعه12بعدين نادوا البنات دلع جت دلع \ نعـــم what's up? البنات \ surprise دلع \ واااااااااااااو يا ربيييييييييييي وراحت تحظن كادي كادي \ مبروك يا قلبي أن شاء الله اسوي لك حفل تخرجك من الثانوي دلع \ الله يخليك لي ولا يحرمني منك يا احلي اخت بالكون الكل تأثر\ بـــــــــس لا تخلونا نصيح دلع \ يلا خلونا ننبسط ونهيص يلا بنات تعالوا كلوا ما جعتوا ولا الدب ملى بطونكم البنات \ شلون ما جعنا هلكنا من اللعب والسباحة ______راح ثلاث ارباع الضيوف وعالساعه 3 الكل راح ، جلست دلع تحكي لكادي عن آخر التطورات وهم جمب المسبح كادي \ بروح اجيب شي ناكله دلع \ أي الله يخليك لي كنك حاسه أني جوعانة __راحت كادي وجلست دلع وهي تتأمل المسبح وجلست تغني لراشد (الحل الصعب) اسقني حب والا اسقني فرقا ان صبرت اشقى وان هجرت اشقى العمر يمضي .. العمر يمضي والجروح تبقى اختر الحل الصعب يا تفارق ياتحب لا تحدد لي مراحل لا لا يا تجيني حب .. يا تجيني حب يا تودعني راحل لا تحدد لي مراحل لا لا يا تجيني حب .. يا تجيني حب يا تودعني راحل هذي ورده للهوى .. هذي جروحك عطني روحي سيدي أو خذها ورحك هذي ورده للهوى .. هذي جروحك عطني روحي سيدي أو خذها روحك وش بقى ضاعت سنيني .. سنيني يا بعد قلبي وعيني وش بقى ضاعت سنيني سنيني يا بعد قلبي وعيني يا بعد قلبي وعيني اختر الحل الصعب يا تفارق ياتحب يا تفارق يا تفارق يا تفارق ياتحب لتردد في غرامي ابتسامي دمع ابتسامي دمع وسكوتي كلامي لتردد في غرامي ابتسامي دمع ابتسامي دمع وسكوتي كلامي افتح ايدينك في شمسي والهبوبي كحل عيونك بدمعي وبشحوبي واعشق الهم اللي فيني هاذا ان كانك تبيني واعشق الهم اللي فيني هاذا ان كانك تبيني هاذا ان كانك تبيني اختر الحل الصعب يا تفارق ياتحب يا تفارق يا تفارق ياااااااااا تفارق ياتحب ****************************************** ________ بهالوقت كان مهند جالس مع عبد الرحمن و يسولف له عن السفر مهند \ خلنا نروح عند المسبح؟ عبد الرحمن \ يلا __جلسوا يتمشون الين ما وصلوا ، دلع كانت غرقانه وهي تغني بجوها الهادئ والرومانسي ومبسوطه الى ابعد حد بس ما انتبهت للي جالس يشوفها وهي جالسه تغني كانت تدور وهي تدور تطيح بالمسبح هنا صرخت دلع \ يمـــــــــه _جت كادي تركض بالأكل ومهند جا بيساعدها هو وعبد الرحمن بس تذكر انها ما تقرب له وسمع كادي تقول كادي \ دلعوه شفيك يالدوبا دلع وهي تسبح \ هههههههههه والله أني عبيطه طحت بالمسبح وأنا اغني كادي وهي تجلس وطايره بجو الحب والرومانسية \ غني لي اغنية حب وأنتي مبلله احس جو رومانسي دلع \ طيـــــــب من عيوني يا عنوني أنتي كادي \ تسلمين لي __مهند جلس شده صوتها بشكل يفوق الوصف وقال لعبد الرحمن \تكفه بس خل اسمع صوتها ووش بتغني ؟ عبد الرحمن بهمس وهو مو فاهم تصرفات اخوه الغريبة \ طيب ___جلست دلع تغني اغنية حلللللللوة لراشد<< طبعن في غيره تعشقه يسألوني ليه احبك حب ما حبه بشر وليه انت في حياتي شمسها وانت القمر وليه صوتك لي وصل صحراي يملاها الزهر علميهم يالحبيبة آه يا اغلى حبيبة يسألوني ليتهم مثلي يعيشون الهوى الأصابع بالأدين الواحده ماهي سوى عندهم حبك طبيعي وعندي فوق المستوى فهميهم يالحبيبة آه آه يا اغلى حبيبة ، يسألوني وفي شفاتي يرتعش حر الجواب ما دروا أنتي بحياتي راحتي وأنتي العذاب وأنتي حلمي اللي عشقته وطار بي فوق السحاب خبريهم يالحبيبة آه آه يا اغلى حبيبة يسألوني وأنتي اكبر من سوالفهم جميع وأنتي أجمل ما خلق ربي بهالكون الوسيع واني أتلاشى بدون عيونك الخجلا اضيع اعذريهم يالحبيبة آه آه يا اغلى حبيبه علميني ليه احبك حب ما حبه بشر وليه أنتي في حياتي شمسها وأنتي القمر وليه صوتك لي وصل صحراي يملاها الزهر فهميهم يالحبيبة آه آه يا اغلى حبيبة كادي وهي متشققه \ الله لا شي أنتي ابداع روحي ستار اكاديمي؟ دلع بنص عين \ يا ملغك لا انهبلتي ****************************************** ___مهند ذاب يوم سمعها تغني بس حز في خاطره وقال (اكيد عندها حبيب؟) ********************************************** كادي \ بديت اشك انك تحبين دلع \ شوفي أنا مو ضد الحب بس الين الحين ما لقيت اللي يستاهلني بعدين تتوقعين لو حبيت بآخذ اللي احبه لا يا حياتي بنفترق قليل اللي يحبون بعض يجتمعون وبعدين تعالي قولي لي أنا وحده صريحه وما اعرف لشي اسمه خيانه تتوقعين في احد بيوثق فيني لا طبعن كادي \ سم الله علي كليتيني بقشوري خلاص يا بنت الحلال ما عندك حبيب دلع وهي مبسوطه \ تصدقين والله حاسه أني بطير ليش مدري كادي \ علشان ولد عمتي لا يكون خقيتي ؟ ****************************************** __هنا مهند وعبد الرحمن ابتسموا كان يقول عبد الرحمن\ قوم جد بنات!! مهند \ لا خل اسمع رايها عبد الرحمن \ أشوفك متهم ؟ مهند \ لا بس احب اسمع راي غيري فيني ************************************************** ** __دلع\والله هو موشين بس اللي خقيت عنده عيونه كون ثاني احس فيها هم مو طبيعي كل هاذا بسبب صديقة العازه اسماء؟ __كادي – مهند مصدومين وش عرفها ؟ عبد الرحمن \ من وين تعرفها مهند \ هي صديقة كادي بس معقولة قالت لها عبد الرحمن \ يمكن ـــــــــــــــــــــــــــــــــــــــــــــ بوقف لحد هنا وبكمل ان شفت ردود اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
10-18-2008, 03:28 PM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
الروايه روعه تكفين كمليها
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
