|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
10-18-2008, 07:20 PM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
ببس كمليييييييييييييييييييييييييييييييييييييي بليييييييييييييييييييييييييييييييييييييييييييييييز اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات -   |
|
10-19-2008, 08:13 PM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
هلا وغلا... أخباركم؟؟ ما أطول عليكم هذي التكمله!! __دلع \ أنتي قلتي لي بس جا الوقت اللي اقولك فيه انك قلتي ساعتها كنتي منهارة وقلتي كل السالفه كادي بضيقة \ شرايك؟ دلع \ شوفي أنا من أول اكرها والحين زاد كرهي لها بصراحة حسيتها حقيرة ، يا كادي اللي تحب يا أما توفي يا أما لا تحب واللي يرحم والدينها ترى جبر الخواطر المكسوره صعب خصوصا من الخيانه كادي \ والله مافي احد زيك يجبر الخاطر دلع \ شدعوه فوزية الدريع؟. كادي ههههههههههههههههه ************************************************** ** ___مهند قام هو عبد الرحمن طبعن عبد الرحمن ما علق ولا على كلمة وحده لأنو عارف انو اخوه بيرجع له حزنه بس تفاجأ يوم مهند قال مهند \ انسانه عجيبه!!<<وتنهد عبد الرحمن \ عجبتك ؟؟ مهند \ لا حسيتها عفوية وطيبه كثيييييير بس جريئه واكبر دليل الكف اللي عطته الولد اللي بالمطار عبد الرحمن \ صادق ؛ خلنا نروح ننام ورانا بكرة قعده من الصبح وورانا كشته بالبر ************************************************** ********** ______راحوا البنات ينامون والأولاد كمان بس كان في بال سهران عيونه جفاها النوم ما قدر ينوم من دون ما تطري على باله شلون لا يكون هاذا اللي يسمونه الحب لا مابغى احب مره ثانيه مابغى شيل يا ولد الفكرة من راسك وخل هالخرابيط على جنب انت من متى تحب ؟ وحتى لو حبيت بتنعاد لك نفس المشكلة هذيك مافي وحده وفيه مافي ويستحيل أني القاها ولا لقيتها الف الحمد لله والشكر ... ********************************** دلع وهي منسدحه عالسرير لا يا دلع لا يميل قلبك ، بس أنتي من يوم يومك قلبك ما يسمع كلمتك بس لا انجرح يقسى ويسمع كلمتك بس مو بشي ثاني لا حبيبتي مو بأمرك هالشي هاذي بتكون قسمتك وهاذا نصيبك ، يارب يارب تكتب لي كل خير يا ارحم الراحمين ...وهي جالسة سمعت الأذان قامت تتوضأ وتصلي (الفصل الثاني) * * البندري \ قوموا يلا بس نوم ما شبعتوا دلع \ اقول ما نمنا الا متأخر انقلعي عن وجهي خليني انام لمى \ ترى لابسين العبايات بنروح البر دلع فزت من مكانها \ كادي ، كادي وجهد قومي يلا البر كادي \ هاه متى وين دلع \ الله يخلف علينا قومي بنروح للبر الحين كادي وهي دايخه \ والله طيب طيب ____قاموا البنات كل وحده تروشت ولبسوا ملابس نفس الشي كلهم تي شرت فوشي وسكيني وشوز ALL STAR فوشي واساور فسفورية ونظارات فوشية ما عدا كادي ودلع اللي كانوا لا بسين نظاراتهم الطبية وكانت برضو فوشية **************************** عبد الرحمن \ مهند يلا قوم مهند \ طيب ياخي شفيك تحن<<تغطى بالغطى عبد الرحمن وهو يشيل الغطى عنه \ قووم بنمشي مهند وهو يقوم \ طيب كم الساعة ؟ عبد الرحمن \ الساعه 9 الصباح __قاموا العيال كلهم ولبسوا ملابسهم ______البنات كانوا مع طلال بسيارته ال JAGUAR والعيال محمد وماجد كانوا بال LEXUSE مع عبد الرحمن والصغار راحوا مع ولد عمة كادي نايف هو وخواته بال هوندا الأكورد <<الجديده مو القديمة وطبعن اهاليهم كانوا بالسيارات الباقية اما بندر راح بسيارته ال بنتلي للبر ومهند بال مرسيدس معاهم ******************************** دلع \ طلال شوي شوي بتموتنا طلال \ من عيوني تآمرين البندري \ طلال شغل لنا اغنية حلوة طلال \ تآمرين ، والباقيين ما يبون شي ؟؟<<يقصد كادي لمى \ أنا ابغى حلويات لو سمحت طلال بنبرة حادة \ والباقين ؟ كادي \ ولا شي شكرن . طلال هنا خق ما عاد يميز طبعن المشوار طول ساعة لأنهم مخيمين فمكان بعيد شوي وصلوا هناك وكلن راح لخيمته الحريم للخيمة الكبيرة والرجال للخيمة الوسط وكانت الجلسة كلها ضحك وسواليف دق جوال دلع على نغمة ياخوي يا عزوتي يا ضحكتي وبجاي ...\ هلا والله طلول؟ طلال \ تعالوا بنسوي سباق كل اثنين مع بعض اولاد وبنات دلع \ اللللللللله طيب شوي وبنجي خلاص طلال \ تغطوا العيال كلهم بيلعبون ok دلع \ عيوني لك تآمر يلا سيا سوون طلال \ سيا ______قالت دلع للبنات كادي \ لا أنا مبغى اسوق البندري \ وأنتي احد قال لك سوقي كفاية عليك تناظرين طلال كادي قامت بتصفقها \ أنا اوريك لأخليه يصفقك البندري \ بعدك طلول ما يمد يده على احد <<من صفات طلال انه ما يحب يمد يده على احد ابد حتى لو غلط اكبر غلط مستحيل يضربه دلع \ عن الهذره أنتي تعالي معي أنا اسوق وأنتي مرافق كادي \ يسلمون لي اللي يخافون علي بس دلع \ خخخ شين الثقه الزايدة كادي \ يلا نقوم ______طلعوا البنات وهم لا بسين العبايات ما عدا دلع لأنها كانت لا بسه قميص طويل ومتحجبة ومتنقبة بعدين شافت نفسها غلط وراحت لبست العباية عبد الرحمن \ مهند يلا مهند \ ما احب هالحركات عبد الرحمن \ بس ناظر مهند \ ok ولا تزعل وما يصير خاطرك الا طيب طلال \ شوفوا نقسم السيارات ok أنا واحد اتبرع بسيارتي لأختي دلع \ صفقوا بنات شفيكم البنات صفقوا طلال \ شكرن اختي العزيزة ، البنات بسيارة واحنه بسياراتنا وهم اذا يبغون سيارة ثانية يختارون دلع المتحدث الرسمي \ ها وش تبون؟ البنات \ بنتلي لالالا جاغوار لا المرسيدس دلع \ بــــــــــس الأولاد كلهم ناظروا فيها دلع \ الجاغوار لأسباب عديدة لأنها حق طلول اخي المتواضع اللي قدامها من نفسه من دون ما احد يطلب منه شي وثانياً لأنها اسرع سيارة ولحد يعارض طلال \ شكرن ومو شكرن ، اسرع سيارة اخذتي بس ماظن بتهزميني أنا اعرف اسوق احسن منك دلع وهي معصبه انو فشلها قدام العيال \ تراهن <<قالتها بتحدي عبد الرحمن \ عندي حل الفريق اللي يفوز يعزم الفريق الثاني دلع وصلت معها \ أي مو أي مطعم تقصون علينا لا أنا ابغى مطعم حلو تطلعونا البحرين وناكل هناك طلال \ صار ______بدى التحدي وكان السباق الأول بين دلع وطلال ، طلال معه مهند ودلع معها كادي كادي \ حمي مع أني خايفه .؟ دلع \ لا تخافين دام أنا هنا لا تخافين ابد طليل شغله عندي وعد مني انتوا اليوم متعشين بره ___طلال \ والله خايف عليها مهند \ يابن الحلال بنات ما يعرفون طلال \ انت ما تعرفها لا حطت شي ببالها تسويه وبعدين أنا معلمها سواقة وصارت تعرف للسواقة مظبوط مهند \ يلا اقول بس خلنا نبدى الحكم كان نايف \ 1 2 3 مشت دلع بسرعة جنونية وكمان طلال ما قصر معها راحوا لمكان بعيد والدورة فيه لازم تكون سريعه سحبت دلع القير ولفت بقوة اما طلال لا دار عادي دعست دلع عالبنزين و مشت بسرعة طبعن طلال كان يناظرها مستغرب من حركتها أول مره يعرف انها تسبق احد بهالسرعة هو يسرع وهي تسرع بس هي سوت حركة خطيرة شافت في صخرة راحت لفت يمين وخربت على طلال وبهالحالة سبقته وصلوا عند خط النهاية البنات 1 والأولاد 0 طلال \ أنا اوريك مع نكبتك دلع وهي تضحك \ هههههههه تبي سيارتك تخرب لا ضربت بالصخره عادي مستعده اعيد السباق تبغى <<تأشر بيدها بمعنى اتفضل طلال \ لا لا كلش الا سيارتي عاد ___استمرت السباقات بين الأولاد والبنات مره لمى والبندري ضد بندر وعبد الرحمن مره نايف وعبد الرحمن ضد دلع ومرة بين نايف وبين كادي انتهت السباقات بتعادل طلال \ مدري شلون تعادلنا بس لازم يكون في مباراة فاصلة دلع \ مين هاذا اللي ناوي على نفسه معي ههههههههه مهند هنا انقهر من وثوقها الزايد \ أنا دلع استغربت منه أول مره يتكلم بعد ذاك اليوم بالمطار بجرأة \ صار كادي \دلع خير بتسابقينه تدرين انه يعرف يسوق احسن من كل العيال؟ دلع بقهر \ أنا اوريه ما يتحداني ما احب احد يتحدى واسكت مقدر طلال وهو جاد \ انتبهي عالسيارة دلع \ ما امداك نسيتني ؟<<زعلت طلال \ لا عاد كلش الا عمري مقدر ازعلك دلع \ أنا اوريك يا طليل اليوم متعشين بره على حسابكم متعشين لو كلفني عمري طلال خاف من تهديدها \ اقول كله لعب عبد الرحمن \ يلا ركب مهند لحاله وهي ركبت لحالها جلست تقرأ قرآن وسمت بسم الله و قال عبد الرحمن \ 1 2 3 دعست دلع على البنزين ومهند اخذ البنتلي ودعس هي تزيد وهو يزيد الين ما وصلوا مكان الرجعه كلهم رجعوا بنفس الطريقة وبنفس السرعة بس هنا دلع خففت شوي ومهند توقعها انو خلاص خافت من سرعتهم وخفف بس هي بإرادتها القوية ما سكتت دعست عالبنزين بسرعة جنونيه لدرجة انو اذانها تسكرت ما انتبهت له ابد الين ما هو جا وراها وزادت السرعه هنا طلال دق عليها بيقول لها خففي ما ردت طلال خاف عليها لأن ما في احد يوازن السيارة بهالسرعة جا مهند وهو معصب منها ومن جرأتها ولحقها بس ما امداه سرعتها ما يسرعها ولد وصلت لخط النهاية وهي تصيح نزلت من السيارة وهي تصيح كادي \ مبرو.. وما امداها تكمل دلع شفيك دلع دلع \ ولا شي كادي \ دلع فيك شي قوولي طلال \ دلع فيك شي تعبانه دلع حبيبتي ردي علي ؟ دلع \ لا ولا شي بس .... طلال \ ايش شفيك دلع \ لا ولا شي ______جا مهند وقال \ اليوم أنا على حسابي العزيمة لأنو بصراحة ما توقعت احد بيتعداني دلع \ آسفه مهند \ لا عادي الكل كان مستغرب بس مهند فهمها <<هي تعتبر الحين كسرت شوكته لمحت عينه وهي تسوق وما قدرت تمسك نفسها من الحزن اللي فيها فوقفت وبعدين انتبهت عالسباق وزادت السرعه وهي تصيح علشان كذا انقهرت رجعوا البنات للخيمة وجلست دلع تحكي لكادي ليش صاحت كادي\ دلع اللي أنتي فيه شي غريب وش كل ما شفتي عيونه صحتي؟ دلع \ لا تلوميني احس بيعونه شي ما تشيله جبال حسيت الهم فيه متربع مو قاعد يقوم لا تلوميني حسيت بمعاناته وتمنيتها فيني ولا فيه تذكرت اسماء وش سوت فيه لا تسأليني وش هالذكريات بس أنتي عارفه أني من اناظر فعين الواحد اعرف اللي فيه ضيقته همه حزنه جروحه آلامه كل شي كادي \ أنا ما راح اعلق راح اخلي كل شي بيد رب العالمين هو يتصرف هو اعلم بكل شي يحتاجه عبده دلع \ والنعم بالله _________صار الليل والبنات مع الحريم سواليف وضحك ام طلال \ والله تعبنا يلا خلونا نرجع اخوانكم ازعجوني دلع \ طيب بروح اقول لأبوي __طلعت دلع بتروح تقول لأبوها وبالليل كان ظلمه فما انتبهت انو في احد واقف بره نادت ابوها دلع \ بابا ابو طلال \ جاي يبه - وهو يطلع - ، هلا يبه دلع \ بابا يلا امي تقول خلونا نرجع البزران هبلوهم ابو طلال \ طيب __وهي راجعة دق جوالها دلع \ استغفر الله العظيم من كل ذنب عظيم ردت على الجوال >>نعم الولد \ هلا بهالصوت واخيرا رديتي دلع \ جعل ما يردك يا شيخ غير الموت نعم وش تبغى في شي متوه مضيع يا ولد الناس استح على وجهك وش تبي شفيك كانك فاضي الناس مو فاضية لك ولا لأشكالك الولد \ دلع خلي عنك الكلام الفاضي على فكرة أنتي وحده ما عندك سالفة دلع منهبلة كيف يعرف اسمي هاذا الله ياخذه \ ومن قالك انو اسمي دلع يالواطي؟ الولد \ الزمي حدك لا يكون على بالك أني بزر قدك وبسرعة اخاف لا حطيني على بالك لو تبين اجيك واشيلك من قشتك وأنتي واقفه بمكانك دلع خلاص عصبت هاذا احد عارفها كويس وهي ماراح تسكت عليه \ اقول الشرهه مب عليك علي أنا اللي رديت على اشكالك يالواطي – وقفلت السماعة ______عصبت دلع وعلى طول راحت دخلت الخيمه وجلست وهي ساكته ام طلال \ دلع ، دلــع ، دلع وصمخ دلع \ هاه وش فيه ؟ ام طلال \ لي سنه اناديك ما تسمعين ؟ دلع \ لا والله ما سمعت ام طلال \ الله يخلف علينا ، وش قال ابوك؟ دلع \ قال طيب نلم اغراضنا ونرجع الدمام _______كادي كانت سرحانه وتفكر شلون بكمل حياتي يا ترى بيصير شي بيني وبين طلال ولا ؟ طب لو ما صار شي أنا وش بيكون حالي ؟ بيضيق صدري؟ طولت وهي تفكر وما تحس الا بيد دلع عند يدها \ قومي ابغاك – يمه حنه سابقينكم عالسيارة *************************** طلعت دلع وراحت لسيارة طلال اللي واقفه جمب سيارة مهند وما انتبهت انو في احد بالسيارة ففتحت الباب ونزلت نقابها وجلست تظبط شعرها _____مهند هنا بلم على شكلها أول مره يشوف وحده بهالجمال ولها نظرة حادة تقتل كل من حولها بقوتها آه ياربي شكلها معصبة فتح قزاز سيارته ورمى الزقارة وسمعها ___دلع \ أنا اوريه ابن الكلب بس خليني اعرفه والله العظيم لأسفل فيه البلاط كادي \ من وين يعني بتطلعين رقمه؟ دلع \ انا اوريك الحين رفعت جوالها ودقت على صاحبتها مشاعل دلع \ مساء الخير مشاعل \ آهلين يا لول دلع \ هلا فيك أخبارك علومك؟ مشاعل \ بخير ها كيف الدمام ؟ دلع \ كويسه ماشي حالها بس ميشو بطلب طلب مشاعل \ آمري عيوني لك دلع \ تسلم لي عيونك يارب ، قاصدتك بخدمه في رقم يدق علي مره مزعجني لدرجة انو يقول لي اسمي وكل شي عني ياليت تسألين لي بدر اخوك اذا يقدر يجيب لي مين صاحب الرقم ممكن اذا ما يقدر ما فيها احراج ترى ؟؟ مشاعل \ ولو دلوع أنتي تآمرين باللي تبينه عطيني بس ربع ساعه والرقم عندك دلع \ هاذا العشم يا قلبو هاه نسيت اقو لك أنتي مو صح تبغي العطر الجديد تبع ديور ؟ مشاعل \ ايوا ليه ؟ دلع \ لا بس كذا سألتك بنت عمتي برضو تبغاه اذا لقيتيه قولي لي ok مشاعل \ تآمرين ولو ولا تنسين جيبي لي بيبسي الدمام ok دلع \ ok يا عسل يلا سيا مشاعل \ سيا ______سكرت دلع منها وجلست تسوي شعرها ورجعت الطرحة والغطا على وجها كادي \ ها وش صار ؟ دلع \ افا عليك مو قلت لك اجيبه لك يعني اجيبه كادي \ كفو والله بنت خالي زقرت ههههههههههه دلع ضربتها على كتفها \ زقرت في عينك أنا انثى منيب ولد كادي \ الصفه هاذي تعجبني احسها شي دلع \ آخ بس لو يسمعك طلول لا يشوتك في ذا الزاوية هههههههههههه كادي \ لا لا خلاص مو زقرت ما راح اقولها ببطل ههههههههه __________مهند (مين هاذا اللي جالس يزعجها يا ترى اكيد واحد يقرب لها ، طيب أنا الحين وش حشرني بالبنت والله يا مهند شكل قلبك طاح ومحد سمى عليه )<<وشغل المسجل على اغنية اليسا جوايا ليك احساس بيكبر كل يوم جوايا ليك إحساس بيكبر كل يوم العين تنام والقلب عمرو ماجالوا نوم من كثري شوئي ولهفتي شايل هموم ارتحتلــــــــــك إحساس غريب بحسوا لما ببصلك وبحن لك لو حتى جمبي بحضن قلبي بحن لك سلمت لك واغلى ما عندي حتى قلبي فتحته لك عمري انا محتاجه منك كل نظره حنينه روحي انا السانيه في بعادك بكم مليون سنه قلبي انا لما بتبعد عني بيكون مش هنا ___دلع \ ما تسمعين صوت اغاني ؟ كادي \ الا اسمع بس من وين ؟؟ دلع التفتت ويا ليتها ما التفتت شهقت \ مستحيل الله يفشل عدوي كادي \ ها خير وش في ؟ دلع \ ولد عمتك بسيارته مو هو اللي سيارته مرسيدس ؟ كادي وهي خايفه \ أي لا يكون شافك ؟ دلع \ اما عاد لو شافني هنا البلوة فشلة من ربي كادي \ استغفري ربك وش فشلة من ربي دلع \ لا يعني انو ما انتبهت انه موجود استغفر الله ما تحس الا بطلال جاها وهو معصب طلال \ من متى وأنتي هنا؟ دلع وهي مرتبكة \ قبل شوي اقول ترى بتمررنا عالصيدلية أنا وكادي نبغى كم شغلة ok؟ طلال وهو يروق شوي \ أنتي وكادي وينها ؟ كادي هنا نزلت راسها – دلع \ تلقاها متخبية ورى هههههههههه طلال \ طيب بس انتو معي ؟ دلع \ ياليت شرايك نقب ؟ طلال \ ok بس بقول للوالد دلع \ يلا تلايط رح قل له ___راح طلال قال لأبوه وشوي رجع ومعه البندري ولمى ركبوا السيارة دلع قدام و بعدها بالمقعد الخلفي كادي وبالوسط البندري وبالطرف لمى وطلال راح يكلم بندر لمى \ ممكن سؤال وين بنروح؟ دلع \ بنروح الصيدلية ما تبون انزلوا البندري \ لا ولو بس خل يجي طلال يودينا بن خلدون ابغى السوبر ماركت دلع \ انتوا بكيفكم أنا وكادي نبغى الصيدلية ************************ طلال \ برجع الدمام أنا والبنات بندر \ طيب دام الوقت الحين 6 المغرب وش رايكم اليوم نعزمهم ونفتك وعلى فكرة العزيمة مو بس على حساب مهند لا كلنا نقط ونحط لهم اكل كثير علشان نفتك من هذرتهم مهند \ ok ما في مانع طلال \ خل اشوف دلع __دق طلال على دلع \ الووو هلا وغلا بأخي العزيز طلال \ هلا بك اسمعي يا بنت اليوم العزيمة بنرجع الدمام ونغير ونطلع خلاص دلع \ ها دقيقة بنات اليوم العزيمة يقول طلال تبون ولا ما في خير شر البنات \ لا لا اكيد نبغى ولو دلع \ ok خلاص بس عالساعة 9 نطلع ok مو نروح بدري طلال \ خلاص صار ______رجعوا كلن راح للمكان اللي هو جالس فيه طلال نزل البنات لبيت ابو بندر والعيال كلن راح للشقة يتغسل دلع \ تعالي تتوقعين أي مطعم بيودونا ؟ كادي \ مدري بس شرايك نطلب ونروح عالبحر الجو حلو الحين؟ دلع وهي تتنهد \ ياليت والله مشتاقه له بالقووو كادي بلمت \ مين هاذا ؟ دلع ضربتها بوكس \ مين يعني حبيبي ؟ كادي وهي تبغى تقهرها \ يمكن دلع قامت وجلست فوقها وتدغدغها من خصرها كادي \ ههههههههه بس خلاص يا بنت الحلال فقعتيني هههههههه ضحك دلع \ احسن هنا دق طلال على دلع طلال \ قضيتوا؟ دلع \ يب وين رايحين احنه زواج علشان نكشخ ؟ طلال \ هههههه ok يلا احنه تحت أنا وبندر كلن مع اخوه دلع \ طيب.... ــــــــــــــــــــــــــــــــــــــــــــــــــ هنا مهند كان سرحان وهو واقف يستنى البنات ينزلون ويمشون لأنهم كانوا واقفين وبيروحون مع بعض ل مطعم جندولا ___دلع تسأل كادي \ تهقين ولد عمتك تحت ؟ كادي \ اكيد مو العزيمة منه ؟ دلع \ والله أني مفتشله منه والله العظيم كادي \ يا بنت الحلال تصير في ارقى العائلات هالحالات دلع \ يلا خلينا ننزل – يا خبلات مو تستهبلون اكمامكم ترفعونها واساور البيت كلها فيدكم لا انزلوا بأحترام البندري\ اخص يا ام احترام أنتي دلع ضربتها على كتفها \ يلا بس ولا ترى مافي روحة – وأنتي يالمهستره مع اخوك بتروحين مو تدرعمين وتفشلين عمرك لمى \ ليش بندر يجيب الحمى ترى البندري \ حرام عليك والله انه خطير لمى \ ها شعندها تمدح؟ البندري \ وانتوا بس هاذا تفكيركم ؟ لمى \ والله ما يندرى عنك __نزلوا البنات وكلن راح بسيارته مع اخوه الين ما وصلوا المطعم البنات جلسوا لحالهم والعيال لحالهم طبعن عبط واستهبال الين الساعة 11 دقت دلع على طلال وقالت له دلع \ يلا طلول خلنا نروح أنا ابغى البحر طلال \ طيب بس خل اشوف العيال دلع \ يسلمو يا عسل – طلول افتح السبيكر خلينا نشكر العيال طلال بصوت واطي \ مو تنعمين صوتك هو خلقة ناعم دلع \ طيب –فتح طلال السبيكر – السلام العيال مستغربين \ وعليكم السلام دلع \ حبيت بالنيابة عن البنات أني اشكركم على العزيمة وان شاء الله نردها لكم عما قريب ولا تقولون لا بعد حنه كريمات وما علينا قصور رد عبد الرحمن \ تسلمين اختي وهاذا كان العشم دلع \ يلا السلام العيال \ مع السلامة ______________خلصوا العيال والبنات من المطعم وراحوا عالبحر وكلن جلس بمكان بس قراب من بعض طبعن راحوا بمكان مافيه احد كثير وكانوا تقريبا بلحالهم البنات طبعن كانوا ضحك وسواليف والعيال ساعة يسمعونهم وساعة يسولفون دلع \ ابغى اروح جمب البحر كادي كادي \ يلا __راحوا البنات جمب البحر وشوي ودق جوال دلع والا وهي صديقتها مشاعل مشاعل \ مساء الخير لا يكون بس طولت ؟ مشغولة ؟ دلع \ مساك ورد هلا بك لا عادي افا يعني ما تعودتي انو تتصلي بأي وقت عادي مشاعل \ خخخخخخخخ يسلمو – دلوع جبت لك الرقم هو تبع ............. دلع هنا مصدومة او مفجوعه \ لا لا مو معقول مشاعل متأكده ؟ مشاعل \ ايوا هاذا هو اسمه ؟؟؟؟؟؟ يتبع ... تتوقعون مين هاذا اللي جالس يدق على دلع ومزعجها ؟؟؟ ويا ترى هل هو واحد من عائلتهم؟ وش بيكون موقفها بتعلم طلال ولا بتسكت ************************************************** ** الجزء الرابع (الفصل الأول) سكرت دلع من صديقتها مشاعل كادي \ الووو دلع وين رحتي ؟ دلع \ ها لا ولا شي كادي \ مين هو ؟ دلع \ نايف كادي هنا كانت صدمة عمرها \ أنتي من جدك تتكلمين ؟ لا لا اكيد تستهبلين ؟ دلع \ أنا اوريه والله لأخلي طلال يوقفه عند حده كادي \ هبلة أنتي ولا تستهبلين تبين طلال يذبحه دلع \ يستاهل قليل الأصل على باله بنات الناس تحت يده ولا ايش القصة ؟ كادي \ مدري عنه والله مو هاذا المهم المهم انو من وين جاب رقمك وش هالحيونه ؟ دلع \ مدري مدري لا تسأليني مخي موقف كادي \ يرحم والدينك روقينا غني لي بس دلع \ هههههههه والله يا شيخة انك فاضية بقوة كادي \ مو افضى منك ************************** مهند يكلم طلال \ قم خلنا نتمشى طلال حس انو عنده شي مو كبير بس برضو مو صغير \ قم جلسوا يتمشون عالبحر ويسولفون شاف طلال دلع تركض ورى كادي ويلعبون ضحك من قلب مهند \ سم الله عليك شعنده ابو الشباب يضحك؟ طلال \ والله أن عندي اخت شي خبلة ولله الحمد ههههههههههههههههه مهند \ حرام عليك الا تعال قول لي هي وش ناوية تدخل جامعة أن شاء الله ؟ طلال \ والله اختي ما ينعرف لها كل يوم تقول شي يوم هندسة ويوم طب مادري كل يوم لها راي وتخصص مهند \ الله يوفقها طلال \ اجمعين يارب مهند \ ها متى بتعرس على بنت الخال ؟ طلال \ والله أن شاء الله عما قريب بكمل دراسة برة وباخذها معي مهند \ الله يكتب لك اللي فيه الخير طلال \ وانت بعد مهند \ بآخذ رايك بشغله طلال \ تفضل مهند \ هي مو شي كبير بس خويي جالس يوصف لي احساس وأنا ما فهمته قلت اسألك انت ادرى بهالسوالف مني طلال \ هو قالك لا تقول اسمه مهند \ أنا ما احب اسبب له احراج – هز طلال راسه – هو بصراحه يحس انه يسرح ببنت وكل ما شافها ينبسط بس يقول الحين كل ما شفتها قلبي يدق وتزيد نبضته أنا قلت له مدري وش رايك انت ؟ طلال \ هههههههههههههه والله انه يفقع ضحك قول الأخ طلال يقول لك حبيت ومحد سمى عليك مهند هنا انصدم من التفسير نفس نفسير عبد الرحمن \ هههههههههههه طيب بقول له __وكملوا وهم يتمشون ******************************** تصدق يا بحر انك تشابه بالعطل قلبي وتصدق يا بحر انك تشابه بالغدر حبي تشابه منهو حبيته وبديته على نفسي هذاك اللي توقعته ينور بالوفا دربي اجيه وشايلن همي ادور عنده الراحة تخيل لما يلمحني تجيني تركض جراحه اذا صديت ناداني واذا اقبلت هلا بي و اذا قلبي نوى الفرقا يعشم قلبي بأفراحه يعشم قلبي بفراحه ابعرف يا بحر ذنبي وش اللي بعمري سويته أنا ما اذكر أني بيوم جرحت انسان وبيكته جروحي ليه علمني عشان أني على النية جروحي ليه علمني عشان أني على النية تعذب قلبي وتعبني ياليته يقسى ياليته ياليته يقسى ياليته ابسكت يا بحر وامشي واخلي ضيقتي فيني ابسكت وابتعد عنك وادور من يواسيني ابسكت يا بحر وامشي واخلي ضيقتي فيني ابسكت وابتعد عنك وادور من يواسيني تصدق يا بحر أني توقت انك تشيل هموم ولكنك صدمت انك ذرفت الدمعة من عيني كادي \ آه يا ويل حالي ويلاه ورب البيت صوتك شي حنون دلع \ ههههههههههه حلوة حنون ___دق طلال على دلع طلال \ يلا بنروح ما طفشتي من البحر ؟ دلع \ واحد يمله ؟ طلال \ والله شكل عندك جديد دلع ما انتبهت لنفسها \ لا وين طلال \ اقول خلي البندري ترجع مع بندر وأنا ابغاك أنا وأنتي وبس دلع \ طيب من عيوني ____راحت البندري مع بندر والبنات اما دلع راحت مع طلال يتمشون عالساعة 2 طلال \ دلع ناظري بعيوني ممكن ؟ دلع التفت عليه ونزعت نظارتها وناظرت فيه وابتسمت طلال \ فيك شي ؟ دلع \ لا مافيني شي طلال \ قلبي يقول فيك شي دلع \ لا انت اللي شكلك ضايق طلال \ والله مدري شقولك يا دلع أنا مو قادر اطيق بعدي عن كادي ابد أنا قررت اخطبها دلع وهي مصدومة من الفرحة \ من جدك طلال ؟ طلال \ ايوا ليه فيها شي مو كويس لا سمح الله ؟ دلع \ لا مو مسألة بس ما كنت اتوقع انك تفكر بالزواج الحين يعني ممكن بعد سنة او ممكن الخطبة الحين والزواج بعد سنة الين ما تجيك الموافقه من الوالد على انك تكمل دراستك بره طلال \ تهقين اخطب الحين ثم بعدين اتزوج ؟ دلع \ أي احسن لك ___جلسوا يسولفون مع بعض شوي الين ما خلصوا سواليف عالساعة 3 طلال \ ها وش رايك نرجع ؟ دلع \ يلا تأخرنا خل نرجع البيت *** مهند \ عبد الرحمن أنا برجع الرياض بعد بكره عبد الرحمن \ ليه وش وراك ؟ مهند \ نسيت أني اجلت ترم من الجامعه وأنا من الأساس كنت بخلصه فبروح اظبط اوراقي من الحين وقبل لا ارجع يكون باقي لي كم سنة واتخرج من الجامعه او أني اكمل دراسة بره ولا انت وش رايك ؟ عبد الرحمن \ أي كويس مهند \ انت مب طبيعي فيك شي عسى ماشر؟ عبد الرحمن \ لا ولا شي مهند وهو يغني له \ علي أنا هاذا الكلام قوول بووح أنا لا زلت اخاك ام انك نسيت خخخخخخخ عبد الرحمن \ يا خفة دمك بس مهند \ لا يكون حبيت ؟ عبد الرحمن \ تراي خاق عندها خلاص قضيت مهند \ اخص عاللي يحبون من هي ؟ عبد الرحمن \ لمى مهند \ من جدك ولا تستهبل ؟ عبد الرحمن \ لا من جدي مهند \ لا يكون نسيت انو ولد خالتها يحبها ؟ عبد الرحمن \ لا ما نسيت بس القلب هاذا مو أي احد اللي أمر وطبعن من قبله ربي مهند \ أشوفك متأكد من هالحب ؟ عبد الرحمن \ وش اقول لك من زمان وأنا احبها مو من تو مهند \ طيب ما راح اعلق ابد على أي كلمة بتقولها عبد الرحمن \ احسن قم نام _______وراحوا ينامون لأنو مهند بكرة وراه سفر ****************************************** كادي \ ما بغيتوا ترجعون ؟ دلع \ شسوي بطلال يعني اصفقه كادي \ علشان اتوطى ببطنك دلع \ كر كر كر كر فقعتيني ضحك بصراحه على فكره ما يرضى علي ابد كادي \ قومي يرحم والدينك من وجهي خليني انام دلع باست كادي \ خير فاقده حنان ؟ دلع \ مو مني من الحبايب كادي مسيكينه طفرت حيا وتغطت دلع \ ههههههههههه زين اللي يستحون ______راحت دلع تنام ********************************** ثاني يوم الصباح البنات قرروا انهم يعزمون العيال ويردون العزيمة لهم دلع \ وين نعزمهم هذول ؟ كادي \ مدري وش رايكم Pizza Company كادي \ أي كويس البندري \ لا وع مو طعم لمى \ لا والله طعم بعدين يخب عليهم كلهم عيال يلوق عليهم مفطح والخرابيط الباقية تبع العزايم البنات \ ههههههههههههههه دلع \ لا خلاص بقول ل طلال على Pizza Company _________قامت دلع دقت على طلال طلال \ هلا والله صباح الخير دلع \ صباح الورد طلال \ متى صحيتي من النوم ؟ دلع \ قبل شوي طلال \ اها دلع \ طلول بغيت اقولك شي اذا ممكن ؟ طلال \ قولي من متى الأستأذان ؟ دلع \ نعزمكم اليوم ؟ طلال \ لا اليوم ما نقدر مهند بكره بيسافر واليوم مواعدين ربعنا نطلع معهم موكافي حاكرينا لكم يومين ؟ دلع \ طيب سم الله علي كليتني بقشوري خلاص خيرها بغيرها طلال \ مو القصد لا تزعلين – طيب جاي – دلع اكلمك بعدين دلع \ سيا _______سكرت دلع من طلال وقالت للبنات انهم ماراح يعزمون العيال اليوم واتفقوا انهم يروحون للراشد علشان يقضون للسفر لأنهم قرروا يسافرون لتركيات وسوريا ابو طلال وابو بندر العيال كانوا بالقهوة وضحك وسواليف مهند كان جالس مع طلال وعبد الرحمن و ماجد ومحمد واصحابهم عبد الرحمن شاف سامي صاحب مهند دخل للقهوة فبغى يصرف نظره علشان ما ينتبه له وقال لطلال \ طلال تكفه رح قل لسامي خل يطلع من القهوة لأنو لو شافه مهند بيقطعه تقطيع وهذاك اكيد ماراح يسكت عن حقه وبتصير هوشه لها أول ما لها آخر طلال \ تآمر ______قام طلال سلم على سامي وجلس يسولف معاه طلال \ سامي بغيت اقولك شي سامي \ تفضل طلال \ مهند هنا وما ابغاكم تحتكون ببعض << طلال مو طايقه وده يقوم يسطره سامي \ وليه أن شاء الله قهوة ابوكم ؟ طلال ماسك نفسه بالغصب \ المسأله مو كذا ما نبغى مشاكل بينكم لو شفتوا بعض بتصدر منكم حركات عفوية وكل واحد بيفسرها على مزاجه وبعدين بتتهاوشون سامي وهو يصارخ بصوت تسمعه كل القهوة \ لا يكون على باله أني خايف منه لا خله يحطني على باله وانت بعد احترموا نفسكم احسن لكم لا تشوفون شي عمركم ما شفتوه ___القهوة كلها سمعت الصراخ عبد الرحمن عرف انه طلال فقام له ولحقوه العيال طلال \ شف عاد الزم حدك احسن لك لا والله ما يحصل لك طيب سامي \ وش بتسوي يا بطل خذ المنديل واضربني فيه خلني اطلع وش رايك ؟ طلال هنا عصب وقام عطاه بكس على خده وسامي بدوره ما قصر قاموا يتضاربون وعبد الرحمن يفك ومهند معه وماجد و محمد والعيال كلهم ومحد قدر لهم راح عبد الرحمن دق على الشرطة وبلغهم انو سامي تعدى على طلال ______هنا قام سامي وطلع سكين من جيبه وكان بيضرب طلال بس جا مهند ووقفه وجت الضربه بمهند اللي انجرح بيده طلع سامي السكين من يد مهند وراح على طلال وضربه فبطنه من تحت الين ما طلح طلال جت الشرطة والأسعاف نقلت طلال ومهند للمستشفى ومعاهم عبد الرحمن وماجد ومحمد والعيال ******************************** دق تلفون ابو طلال محمد \ السلام عليكم ابو طلال \ وعليكم السلام هلا يا محمد كيفك يابوك؟ محمد \ الحمد لله بخير ابو طلال \ آمر فيك شي صوتك مو عاجبني ؟ في شي طلال فيه شي محمد \ والله يا عمي طلال مدري شقولك بس واحد تحرش فيه بالقهوة وضربه والحين احنه بالمستشفى ابو طلال وهو ميت من الخوف على ولده \ طيب انتوا الحين بأي مستشفى ؟ محمد \ المواساة ابو طلال \ الحين نجي **************************************** دلع كانت تدق على طلال وهو مايرد دلع \ اف شفيه هاذا ما يرد ؟ كادي \ اكيد مع اصحابه دلع \ بس ابغى منه شغله ضرورية كادي \ مدري ؟ ___دلع وهي تدق ورد دلع \ طلول وينك ليش ما ترد عبد الرحمن \ أنا مو طلال دلع استحت \ وين طلال عبد الرحمن \ مدري شقولك والله طلال تعبان دلع هنا شهقت \ وش فيه طلال وش صاير له كادي وقف قلبها \ شفيه طلال دلع ودموعها بدت تنزل \ طلال وش فيه لا يكون صار له شي ؟ عبد الرحمن \ ما صار له الا الخير طمني اهلك وأنتي يا اختي ادعي له بس جرح بسيط ويرجع البيت دلع وهي تصيح \ طيب شكرن __سكرت منه وراحت نزلت تحت لقت أمها تصيح و ومريم عمتها وكادي والكل دلع \ يقول لي مافيه الا الخير لا تكبرون السالفة ام طلال \ وأنتي وش دراك ومين هاذا اللي قال لك دلع \ كنت ادق على طلال ورد علي واحد الظاهر ولد عمتكم يقول لي انه بخير ام طلال \ دقي عليه بكلم وليدي <<وهي تصيح بقوة دلع \ يمه خير أن شاء الله هدي اعصابك ما فيه الا الخير وبعدين فشلة ادق عالرجال واسأله عن طلال وش بيقول ؟ وأنتي حامل لا تنرفزين نفسك أم طلال \ أنتي ما تحسين عديمة احساس اخوك بالمستشفى وما اشوف تصيحين ولا حتى مهتمه ومالك دخل باللي ببطني أم بندر \ هدي اعصابك هاذا بدل ما تذكرين ربك هي قوة ايمانها بربها اكبر من أي شي علشان كذا ما صاحت بعدين المحبه بالقلب مو صياح ونواح وجلست تقرأ عليها علشان تهدأ دلع \ أنا صاعده فوق ____صعدت دلع و كادي لحقتها دلع \ هاذي شفيها من تشوفني جنونها يقوم مناقر معي 24 ساعة كادي \ معليش هدي اعصابك اهم شي الحين طلال بخير دلع \ الحمد لله ــــــــــــــــــــــــــــــــــــــــــــــــــ ــ الردوووووووووووووووود ياجماآآآعه خخخخخ اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
10-21-2008, 12:53 AM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
كل ما في الموقع من روابط للتحميل مثل صورة لعبة برنامج اغنية مقطع فلم على رسائل مسجات الى يوتيوب سواء للبنات او للشباب لابد من تسجيل اضغط هنا و استمتع مع اجمل و احلى مواضيع
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
10-21-2008, 02:50 AM
| |||
| |||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
plzzzzzzzzzzzzzzzzzzzzzzz complete
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
10-24-2008, 12:34 AM
| ||||
| ||||
| رد: رواية::تدري في هالللحظه وش ابغى؟ابيك تضمني لصدركـ واضمك حيل! ((دلع ومهند))
يلااااااااااااااااااااااا ببس بلييييييييييييييييييز ننتظرك! اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
