من مخيلاتي .. الصيف والناس .. حكايتي .. الكحة ..

مشــاري · #1 (**permalink**) 07-29-2005, 06:35 AM

السلام عليكم ورحمة الله وبركاته ..

الصيف والناس .. او الناس والصيف ..

يقولك اول كان اذا الصيف جاء الواحد يستانس ومايصدق الصيف جاء .. ليش لانه راح يقابل له ناس من فترة ماشافهم .. او مبطي عنهم .. ولكن صار الصيف هالايام ممل .. ليش مدري .. انا اقولكم ليش .. لان الناس قبل قلوبهم صافيه ونيتهم صالحة .. كانت القلوب للبعضها .. ولكن هالوقت طغت الماده على كل شئ ..

الصيف والناس .. او الناس والصيف ..

انا اذكر ايام الطفوله اذا جتنا قطعة شكولاته الواحد يطير من الفرحة ولكن هالوقت ماصار لها طعم مدري للهدرجة شبعنا منها او مانزلت موديلات جديده من الشكولاته .. من يوم وحنا وراعين الى هذا اليوم نفس الشكولاه هي هي .. العالم تتطور الا الشكولاته ههههههههههه ..

الكحه .. صحه ..

اول الواحد اذا كح اكيد انها طالعه من سبب ما في صدره ولكن الكحه هاليومين صايره موضه الواحد اذا مر جنب بنت من قوه الكحه الحلق شوي ويطلع من مكانه .. الزمان تغير ياناس ..

الصيف في ربوع البلاد ..

تعجبني كلمة او مقوله الصيف .. انا استغرب الواحد اذا قال انا بصيف برى او في الخارج اقول وين بيروح وكيف الصيف بيكون معه وخاصة التفجيرات صارت تتعدى في كل مكان .. يعني دول الخليج عز خلك فيها واترك عنك الدول الثانية .. ولكن اكتشفت هالصيف اني على غلط .. صيف في بيتك وانسى همك واطبخ لحالك واطفى التلفزيون وانقطع عن العالم الا عن مدرستك .. فوجدت هالصيف أمتع ..

من حكايتي :

انا اعرف اذا الواحد صار عزوبي وراحوا اهله يفرح اول يومين لانه يحس انه مسؤول البيت وصاحب الشان في هالبيت والمشكله هو الوحيد اللي في البيت .. بعدها يمل ويجيه ضيقه نفسيه من الاكل والنظافة .. شغل العزوبية بايخه وخاصه في ظروف الاكل ..انا اذكر في هالمنتدى قد عارضت فكره احد الاخوان في افتتاح قسم المطبخ والحين انا متندم اذا بتفتحونه انا موافق هههههه .. بهذله الواحد مايخلص طبخ الا مسوي نكبه في البيت الملح محذوف في اخر المطبخ وبدال لايحط بهارات تلقاه حاط فلفل << عمى الوان الله لاتبلانا .. ومره ناسي الملعقة في القدر ومره ماتدري الاالمطافي محضر عند البيت .. حاله ماتسوى تسوي اكله في البيت وتضطر انك تجيب لك ورقة وقلم وتدق على 905 وتخير من المطاعم اللي مالها حد وحدود .. وكل ماتاكل من هالمطاعم الكبد عندك تنتفخ من جرى البهارات وغيرها اللين تسير ماعاد تفرق من بين حارتكم وحاره جيرانكم .. والاعبر من هذا كله الجيران اللي مايقدرون حجم الجيره .. ولا واحد منهم قال يامشاري انت عزوبي تعال تغداء والا تعشى ولو مجامله بل اشكل .. واللي باط كبدي اكثر واكثر حتى الجريدة حقت الحياة ماعاد ترسلي .. خلاص ماعاد ابي العزوبيه .. خلاص .. وعلى هذا كله كرف وكل يوم جايني اتصال .. هاه يامشاري بشر رحت النياق هاه يامشاري بشر رحت للغنم .. جاني يوم ( اليوم صريح ) شفت نجوم الظهر بعيني انا اول اقول من الكذاب اللي يشوف هالنجوم في عز القايلة .. انا شفتها والا مو مصدقني يقول كذاب لاني شفتها بس نجوم غير نجوم لامعانها خافت ومحد يشوفها الا ان الطاقة عنده صارت صفر .. المهم ماطول عليكم قمت رحت للدوام طلعت الساعة 11 ظهرا وكل امل في بناء مستقبل جديد وين تروح يامشاري وين تروح اووه تذكرت رح للغنم العمه وعندك الدنه لازم تعبيها مويه قلت يالله توكلنا على الله ,, قبل لاامشي اتلفت الى الخلف انظر نظره امل في زملاء العمل ياشباب احد له خاطر ياخاويني نروى الدنه للغنم .. مسكينه بتموت جوع الا كل واحد قام يطالع في الثاني مثل انتم ماتسوون تطالعون في بعضكم تقولون مشاري رايح فيها ,, الصراحة حلوه والساس في ابن الادم وين ماراح .. واشكل ولاواحد رد الا مجامله هم على بالي امزح معهم وانا جد .. المهم السياره اللي معي سياره صغيره ماتدخل داخل البر .. بس مشاري وحركات الظهريه مايتركها قلت مغامره ولا رطوبه بعد .. مشيت ووصلت للبر ادعس ماتدعس .. غرست شوي وطلعت الحمد لله على السلامه طبعا الاخلاق بدت تودع عندي من التغريسه الخفيفه .. لكن للعيون العمه الغاليه عادي .. رحت ادور الدنه عند الغنم مو فيه من ومنا .. وشوي واتتبع جرت السياره اللين دخلت مزرعة جنب مكان الغنم .. والقى الهندي هاه وش فيك قال الهندي هذا الغنم شوي بعدين موت وين روح انتا ... العيون صفر حقت الهندي ومن قوه الغبره قلبت شكل عجاج قلت وش دراني عنك انا ماجيت من السفر الا قبل يوم .. المهم قال خلاص عبيتها هالمره المره الثانيه لازم تجي تعبيها لان المويه هناك قليله .. والله واركب سيارتي واتوجه الى المخرج اللي دخلت معه قلت ياولد بترجع معه بتغرس رح مع الطريق الثاني ومن هذا الطريق الثاني شفت النجوم القايلة .. الله لاتشوفنها في عز الظهريه .. مايمديني تقدمت الا السياره كفراتها تفر للحالها وغبره وعجاج وحررررررررررررررررر التفت وراء والا الغنم وين ,, طالعت قدام فيه الشارع الرئيسي .. شوي بيجي احد بساعدني 10 دقائق .. ربع ساعه ماحولك احد .. يالله اشر بغترتي .. اركض من جرى القهر في البر رايح جاي اطامر على الشارع احد بيوقف ولا كاني عمود واقف .. قلت ياولد مالقك الا تصلي الظهر وتتعوذ من ابليس والله يفرجها والحمد لله صليت وماخذت 5 دقائق الا سياره من شركة ارامكو العزيزه الغاليه .. حبيت هالشركة زود من بعد هالانقاذ الجميل .. ماقصر الرجال ساعدني ورجعت الى البيت وانا كلي امل في الجيران يرسلون لي غداء من بعد هالتعب ولكن بلا جدوى لااحاساس ولاشعور تجاه الجيره ولا شئ .. دخلت البيت وطمرت على ذاك الفراش السفنج << مبين على الكنب نايم واحلى نومه .. وانا انظر الى الساعة واقول العزوبية ممله .. وين اكل الام وين قهوه العصرية وين وين .. العزوبية ممله وخاصة اذا ماكان عندك كتاب ماما نور..

Baby_Co0oL · #2 (**permalink**) 07-29-2005, 03:37 PM

يؤيؤ كل ذا صار لك

ومشكور على تعبك في الموضوع

banoOoOuta · #3 (**permalink**) 07-29-2005, 06:05 PM

هههههههههههه

الله يعينك

ومشكوووووووووووووور

مشــاري · #4 (**permalink**) 08-18-2005, 04:59 AM

منورين الموضوع حبايب قلبي .. الله يحلي ايامكم ..

top_girl · #5 (**permalink**) 08-18-2005, 05:14 AM

ياحراااااااااااااام والله انت عايش معاناه مع العزوبيه الله يفكك منها قول اااااااااااااااامين

ويلا كلووو بااجره

استضافة مواقع	معنى كلمة	رسائل مسجات vshzg ls[hj	دردشة شات ]v]am ahj	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

من مخيلاتي .. الصيف والناس .. حكايتي .. الكحة ..

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه