السلام عليكم <<< وعليكم السلام

كلبووكم وكل ابو ابو جد جدكم كيفكم وشلونكم.. وعلووكم..!!
أخباركم ياصديقيني وصديقاتي << من متى الميانه ..

حلفت ماتطلعون الين وقصم تقرون

قبل لا ابدأ في الموضوع
أبيكم ترتبون اماكنكم يعني كل واحد يروح يجيب كرسي وطاوله ويجلس بشكل منتظم
وياليت العساسيل والحلوين اِن وجد يجلسون في الصفوف الاولى عشان يفتحون نفسي يوم اسرد القصه
والمفهين في الصفوف الوسطى
والعاقلين في الصفوف الاخيره ويكون افضل لو اطلعو برا

فيه هذا الموضوع يجب عليكم الالتزام بالانظمه الموضحه على السبوره^ـ^
ويمنع منعا ً باتاُ البتاتات الاستئذان والنوم؟؟
يعني اللي حشران لا قدّر الله يروح يخلص قبل لا يجلس
واللي في راسه نوم ياليت يغطي راسه بكيس ماني ناقص سعابيل

بسم الله نبدأ ندخل في زبدة الموضوع


( مربط وحبيبته عديسه << يالبي قلبها يا ناس )

اخواني المنسمين اخواتي المنسمات
هاهو محدثكم بل أخيكم قبل ان يصبح محدثكم مربط اطال الله في عمره ينثر بين ايديكم هذه الجمل المترابطه مع بعضها البعض بشكل نحوي صحيح ويريد منكم الابتسامه فقط لا غير
واللي يبي يصير كريم يرد على الموضوع واكون له شاكرا ً
<<<< صاير عنده اخلاق



كيف حالكم حلفت كل واحد في مكانه
<<< بسرد لكم رسالتي لحبيبتي عدوسه<< اموت على الدلع هع ـآ

هذي رساله لحبيبتي عديسه واقول لها اين انتي ايتها الخبله

لو تعلمين كم أحبك حب ماحبة قيس لليلاءُ .. ولا عنترة لعبلة


مداخله 1 (والله لولا الحياء وأخشاء وأخاف الملامة .. لأمشي وراك وأتبعك وازرع في قلبي ابتسامة <<< انهبل ولا تلومونه هع ـآ

مداخله 2
يذكرون اسمك امامي ما درو احلى الاسامي .. قصدهم شد انتباهي في غلاك ويجرحوني
واتحمل لجل عينك ولغلاك وحسنك وطيبك .. مستحيل ارد دينك لو اسكنك بعيوني
اجاملهم على شانك بضحكه زايفه .. وانا في الخافي أتألم جروحي نازفه ومقصدهم يثيروني

مداخله 3
شوف هالدنيا الكبيره اصبحت بعيني صغيرهـ ., عيشوني بألف حيره لحوسو بفكري وظنوني
اضحك وهمي اشيله واضحك بدنيا جميله .. اوعدك نلقى وسيله ولا تعيش العمر دوني

آهـ يا عدوسه تذكرين يومنا على جال الغدير ومغطسة رجلينك وتطلع شهبا عقب الطين .. تذكرين يوم كنا في بيت عماني الشعبي وكنتي لابسة قميص اصفر محبب من كثر الغسيل <<<< هع ـآ
وجيتيني وقلتي ياتركي قلت لك يالبيـــه احسبك تبين تقولين لي كلمة حلوه في هالقايلة اخرتها صرتي تبيني احك ضهرك



تذكرين ياعدوستي يوم تنشبين لي في حوش بيتنا وتقولين خلني اركب السيكل واقولك مايصير عيب البنت تركب سياكل العيال .. قلتي ماعلي ابي ألعب يوم جلستي خمس ساعات على المرتبة.. ونزلتي الى المرتبة منعفطة



تذكرين ايام ماكنت اجي وأطق عليكم الباب وردت علي امك وانحشت من الخوف .. لانها دايم تطردني من بيتكم
تراني كنت اجي علشانك مهوب عشان أخوانك هالشيون اللي مايدرون وينها معه

تذكرين يوم كنا نلعب بالسطح مصارعه ونقعد نتخمخم وانتي تحسبينها برائة اطفال .. لا تراني وقح وانتي خبله ماتدرين وش السالفه


تذكرين يوم تلقيني منبطح بالحوش وقاعد احارش النمل .. وتقولين لعبني امزاكي وش عشاكي مريقيقة ولا كبدة حاشي

يوم وطيتيني وطقت عروقي وجاني مشع بظهري من سبتك .. تراني الحين امشي على جنب كله من امزاكي ذاك اليوم


تذكرين ياعدوستي يوم كنا نجمع قفول الطبلون حقت العمارة اللي جنبنا ونقعد نلعب فيها كانها كاميرا .. وانتي تدفدفين تقولين لا لا تطلع وجهي


تذكرين يوم أكشخ قدامك ذاك اليوم وأحط السحلي داخل افمي<< الله يقرفك

يقالك فتوة ويعض لساني وتطقني اللتغه عقبها ليومك صرت انطق الراء هاء


تذكرين يابعد قلب مربط يا عديسه يوم كنا نرن جرس بيتكم وننحاش ونتخبى بالمستودع حق بيتنا بغيت اقولك بس وش هالدلاخه ندخل البيت ونصك الباب وأنتهت المشكلة وشوله المستودع

عديسه تذكرين يومنا في المستودع كنت دايم اطيح طاقيتي وأنتي تدنقين تجيبينها ياعمري وانتي خبله ماتدرين


تذكرين يوم ترسليني للبقالة عقب ماكبرتي وصرتي تلبسين برقع وتقولين جبلي بسكوت ديمه وعصير طمام الساعه 4 الفجر يوم رجعت للبيت ويترفس في بطنتي ابوي


أيام حلوة مرينا فيها ياعدس دس ماتنسي ..
عديسه آهـ مازلت الى هذا اليوم وأنا مغرم بك وبمفاتنك .. صدقيني لو بغيتي اشرطة عيسى الاحسائي كلها مستعد اعطيتك اياها .. بس ارجعيلي وتعالي لمرجعك الأساسي



مازال في مخليتي لك ياعزيزتي طعوس من الذكريات .. لايسعها لا ورقة ولا مرسم
ومازلت امتلك من الذكريات ذالك المنديل اللذي تبقى منه كثبانك اليابسه . وسعابيلك المالحه

عديسه

تذكرين يوم نروح لملاهي الأمواج بالكورنيش اللي جنب ملاهي السندباد ويودينا أخوك على الدتسن اللي ما لها حوض وناطلنا بآخر المرتبه ومع طول الطريق نمت ونسيتوني ورا وأنتي نزلتي وخليتيني لحالي يالزلابة والعرق يصبصب ماقمت الا يوم الجمعه



تذكرين يوم يجون بنات خالتك من الديرة وتتنيفشين عندهم يقالك انك بنت جدة اللي مابعدها احد اللي في وقتنا الحالي طاقة اللثام والكحل ماخذ لفة كاملة على راسها
والشدو مختلط مع نص عينها . ويسئلونك وين تدرسين فيه قلتي لهم ادرس بالشيراتون . ماتدرين أن الشيراتون مدرسة عيال اصلا.. هع ـآ



كم تمنيت اني اصير زي رشدي اباظه ولا عبدالحليم حافظ واعيش زيهم لاكن لاحياة لمن تنادي ..


آهـ آآآآآآهـ يا عديسه اين انتي الان اني ابحث عنك في كل زباله وحوض ددسن وكل سطح يمكن اشوفك مع الحمام متربيه آهـ آهـ يا عديسه


وآنا ياعدوستي مازلت على وعدي لك بالزواج العرفي مكتوب على مقفى كرتون منديل الملحق ... وشهر العسل اسبوع في جيان ..

رحلتي ... ورحل كل الحب معك ورحل
ذالك الحب العذري الطفولي القذر


اني لازلت ابحث عنك ايتها الخبله


الفوائد من الموضوع

1- فضاوة مربط الجن لها دور كبير بالموضوع

2- كل الحكي اللي فوق ترا كذب في كذب >> في احد مصدق هع ـآ

3- كثيراللي مر عليهم مثل الخيال <<< يوصيكم لا تهورون

4- كالعاده لرسم البهجه علا خششكم

5- ذي النقطه هديا لأول واحد يرد

6- بوسه اسبيشال لثاني واحد يرد هع ـآ

7- لاحد يتعرف على احد اسمه عبادي لأنه بيكون نذل 100% << الصديق الفاشل هع ـآ


يلا يا بعدي تامروني بشي لا سمح الله .. لا سلامتك يا مربط << يسابق الأحداث هع ـآ

سلملم

المشاركة الأصلية كتبت بواسطة الأولى في الشغب هذاا شسمه لسه ماا قريت ولا حااجه غير عدندستكـ اللي لونهاا ملفت لـ نظر لي بآآآكـ اقرأ وارد بس مشاان يسجلوونه في التااريخ العثماانين اني صرت اول من رد

المشاركة الأصلية كتبت بواسطة زواجي من مهند اشاعه محجوووووووز وه بس متى الاقلاع << ياثقل دمتس المهم ذيس مكان انا حاجزته لي بااك انوذير تايم << اهنيتس واشكر فنتس على هاللغه وه بس مربط المره الجايه ارسلي كول مي قبل تنزل الموضوع عشان احجز اول رد