لاصرت بااااايعني اشوفك على خير

لاصرت باااايعني اشوفك على خير
مع السلااامه دام مابه سلامه
قلت انتهينا قلت لك خير ياطير
مانيب اول شخص يخسر غرامه
محذرك من قبلهاالف تحذير
لاعفتني بيعيف قلبي هيامه
مانيب بميت لا ولا احتاج تبرير
صح الله لسانك ووفر كلامه
بسمعك حبكه وفكره وتصوير
وافهم عدل يامدعي بالفهامه
وجه الشعر ابيض ويحتاج تغيير
ودي تزينه القصيده علاااامه
ماضيك الاسود بذكره دون تقصير
كذا يكون بخده الشعر شاااامه
يصدق معي تعبير ويخون تعبير
ياضيعة الشاعر بوقت انسجامه
يمكن خطا ادونك للشعر مير
لومااحترمتك للغرام احترامه
ماكان حبــــك غير بس طعنتك غير
علمتني معنى الندم والندامه
ماجاك مني اي زله وتقصير
كل ماخطيت اعاتبك باابتسامه
حسبي على الذكرى اذا هبت عصير
ماعاد تنفع شرهتي والملااامه
البال ظامي وقتها والحزن بير
خسرتك وهمي كسبت اهتمامه
والليل فازع لك كذا جاني مغير
ظلمتني واكثر ظلمني ظلامه
لااقبل علي اوحيت صوت المسايير
وفزيت كل ضيفا اقوم بمقاامه
والياعزم هالليل ضيقه وتفكير
قلي بربك كيف بقدر اناااامه
مافيه داعي للعتب والمعاذير
الغدر خال الجرح واطيب عمامه
اما يجيب الله مطر تالي وخير
والا السلامه ماااش مامن سلامه