الله يعلم لو تجي بدمح خطاااااااها

لاتسالوني واسالوها من متى ماكلمتني
وصدقوني لو سالتوا ادري ماينفع معاها
من يصدق كيف غااابت عن عيوني واهجرتني
مجفيـــه والله يعلم لو تجي بدمح خطاها
غااااليه والشاهد الله من غلاها ولعتني
ومن بعد ماولعتني احرمتني من غلاااااااها
وقلت يمكن ( اتغـــلى )مثل ماهي معودتني
تحرق اعصابي وترجع كل ماربي هداها
ليه وش ذنبي بدوووون اسباب هالمره نستني
ماني متحمل جروح وزودت جرحي قساها
اذكر انها حذرتني بكم كلمه واسالتني
وش مصيرك لو تركت وسط هالدنيا وغثاها؟
كانت تلمح لحاااجه ومن بعدها حلفتني
اني لاغابت اغيب وانسى لو قلبي بغاها
ليتها قبل الرحيل بكل صراحه فهمتني
هي ظرف الوقت والا شخص ولعها وخذاها
ماهقيت اني ابتعب لين راحت واتركتني
لين قلبي قال هذي مالي محبوبه سواها
من يلوم القلب فيها لو بقول انها افتنتني
دام لاجات تباها قال من حقها تباها
من غلاها ماكذبت ان قلت تسحر واسحرتني
ولو تمر قدام عيني زاغ قلبي من حلاها
ليه قالت لي احبـــــــك ليه فيها حببتني؟
مادرت انها بكلمه علقتني في سماها
من كثر ماكنت احبها لو ثواني قاطعتني
بلا شعور اسال عليها واقلب الدنيا ورااااها
ذكروها بكل كلمه من شفاها ضيعتني
ماكفاها ماجرااااالي اسالوها ماكفاهـــــا
مابقالي غير صوره في البعاد وعذبتني
مابقالي غير دمعه وقلب يرثيني ( جفاهــــــــا )