|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
11-05-2008, 06:48 PM
| ||||
| ||||
 جبت لكم ابيات عن قبلتي فديتها قبيلة بني خالد السلام عليكم اترككم مع قصايد في بني خالد قبيلة(الخوالد) جمعت مافيه الكفايه عن هذه القبيله العريقه (أبناء الصحاب خالد بن الوليد -رضي الله عنه وارضاه-) حنا بني خالد كسابة الطيب "" تشهـد لنـا العـدوان قبـل القرابـه حنا هل الميقاف وقت المواجيب "" تاريخنا من عصر دور الصحابه حنا هل التقدير بين الاجانيب "" عند العرب نحضى بقـدر ومهابـه حنا ليا هلت دموع الرعابيب "" نقدم على الموت الحمـر مـا نهابـه حنا ليا صارت حقوق ومطاليب "" نأخذ ولا نؤخـذ نهـار الطلابـه حنا ليا عكر لصافي المشاريب "" نطفى ضماالعطشان مثل السحابـه حنا ليا هبت سموم اللواهيب "" ربيعنـا يـا بخـت منهـو حضابـه حنا ليا من كشر أنيابه الذيب "" ما نحسـب حسـاب لقنيـب الذيابـه حنا حماة الخيل والفطر الشيب "" يـوم الليـال الماضيـه ينغزابـه حناالدواء لجروح عطب المضاريب "" لا طاح بالميدان ينزف صوابه حنا مقر الرأي عكف الاشانيب "" صغيرنا فالرأي يحسـب حسابـه حنا ليا صاح المنادي له انجيب "" يفرح ليا سمـع المنـادي جوابـه حنا منازلنا بعال المراقيب "" أمن الحسـاء لحـدود تدمـر وطابـه حنا لضيف الجار عز ومعازيب "" انجود بالماجـود حـزت غيابـه حنا سيوف الحق بين الاصاحيب "" تـزداد فينـا بالشدايـد صلابـه حنا وهبنا عالم السر والغيب "" شجاعةٍ مـا هـي مـع كـل لابـه والنعم فى كل القبائل عن العيـب ""افعالهـم بالمجـد حافـل كتابـه اقولها من دون شكه ولا ريـب "" شاعـر وامجـد لابتـي بالنيابـه _____________________________________ حنا بني خالد عذاب المناحيـس = حنا بني خالد اسود وضـواري لاجا نهارٍ فيه ضرب ومقابيـس = عاداتنا بالكون قصف العمـاري عدونا تلقـى عروقـه ميابيـس= تلقى شتات الروس مثل البذاري سقم المعادي والوجيه المعابيس = وللجار عن حر السموم الذواري حناهل المعـروف لاجامفاليـس = كل ٍعلى ماقيل للطيـب شـاري نرقى العوالي مانروم الدنافيـس = نشوم عن درب الردى والخزاري وندرس الامجاد للخلق تدريـس = مجد الخوالد مايجي له مبـاري هذي عوايدنا ولابـه دهاليـس =حق لنا مشروع فيهـا نمـاري ________________________________________ عند الضحى بديت عالي المشاريف=و اعدل القيفان والعب بهنه و(عبيد)هيضني بزين التواصيف=امثال شعرٍ بالقلم جرهنه إن كان تنشد يا زبون المواجيف=إنشد وانا اعلمك من غير منه حنا (بني خالد) هل المدح والكيف=أهل السلوم الطيبة كلهنه حنا نعز الجار و نكرّم الضيف=و أفعالنا التاريخ يشهد لهنه و أيماننا وان جت ليال الشفا شيف=السمن من فوق الشحم يدفقنه و إن جا نهارٍ فيه مثل العواصيف=عج الرمك مثل القنوف المدنه صاح الصياح و فرّعن الغطاريف=و البيض كل مجرّبٍ يزهمنه تطاولوا قب المهار المزاغيف=و بايمانهم حدب السيوف المسنة قبٍّ يكاظمن الاعنّة مزاهيف=ركبوا عليهن مهملين الاعنّه لحقوا وحل ابليس عند المشاعيف=والخيل من ضرب القنا مستجنة و فكّوا بضرب مصقلات المزاهيف=وكم واحدٍ جرد السبايا وطنّه وفكوا وردوا بالقلايع محاريف=أفعالنا يا (عبيد) وان سلت منّه _______________________________________ يقولون ما احدن يغلب الترك لو قسا=وانا اقول وشلون الخوالد خذوا الحسا؟ بعد ما دعاهم شاعر الشيخ وجّهوا= كراديس خيلٍ تنطح الضلع لو رسا ألا يا مهنا بعد ناديت سربتي=لفوا و حذفوا اللي دبّة العمر ماخسا نفوهم عن ارض السيف كله وقبلته=ضنا هبس حبس الدار فالصبح والمسا وصاروا ثلاث اثلاث في عجة الرمك=دلابيح وسط البر، واموات، وإحبسا كذا الفعل لافعل السواليف والخطب =كذا العز لاعز الدنانير والنسا ___________________________________________ قال ابن سالم بدأ في راس ماباني = رجم ً طويل ً يحود اللاش من دونه ساعة بديته وشب القلب نيراني = والعين هلت غزير الدمع محزونه واليا وطيت المنازل دار جداني = دار العريعر بها الشيبان مدفونه حلت طليله وشرقي عين بستاني = هي كلها ملكنا واهلي يذكرونه وأمهيض الجاش مني بعد عرباني = صبرت غصب ً وكن النفس مرهونه ياطارشي وارتحل من فوق سيداني = وارد جديد ً على شفي يجبونه سواقه اللي بسيره مايجي واني = مايغدي الوصف لاجود دركسونه يمشي من بلادنا لابان فجراني = منصاك ربع ً لمكتوبي يفلونه سلم عليهم عدد ماهلت امزاني = واعداد ماحج بيت الله يزورونه الاد خالد واسمهم للعرب باني = هذا جوابي وكل الناس يدرونه يفرح بهم من نصاهم بالوطن عاني = والباب دائم مبطل مايصكونه ذباحة الحيل للظيفان كرماني = سلم ً لهم من قديم مايخلونه الاد خالد ابن قيس وعدناني = مكتبوب في كل تاريخً يفلونه حريبهم ماينام الليل سهراني = من ذلته في كرى نومه يهجدونه من قصر شامً يحده حلة اعماني = ديرة بني خالد والمدح يشرونه من لابة ً تجعل الارواح نشياني = والعمر في حل موجوبه يبعونه والختم صلو عدد ماهلت امزاني = واعداد ماحج بيت الله يزورونه _____________________________________ __________________________________ ____________________________ __________________  |
|
11-24-2008, 07:40 PM
| |||
| |||
| رد: جبت لكم ابيات عن قبلتي فديتها قبيلة بني خالد هلا والله ببنت عمي حتى انا خالديه مشكورهـ على الموضوع |
|
11-24-2008, 07:51 PM
| ||||
| ||||
| رد: جبت لكم ابيات عن قبلتي فديتها قبيلة بني خالد وعليكم السلام ورحمة الله وبركــاته سلم فكرك وبنانك اختي الكريمة على هذا الانتقاء والنعم في بني خـالد
_________________ ^ ^ ( al.ata@hotmail.com ) لحظة التوديع ما منها مفرّ كل متحرك توقف واســتقــر كل متوقف تفجّـر وانتـــثر آه يا عمر الكـدر ذاب من قلبي على قلبي شموع من يجيبك يالصبر ؟! من يجيبك يالصبر ؟! |
|
11-24-2008, 08:56 PM
| ||||
| ||||
| رد: جبت لكم ابيات عن قبلتي فديتها قبيلة بني خالد والله ومليون نعم بقبيله بني خالد .. ويكفي أن نسبهم يرجع لخالد بن الوليد ( سيف الله المسلول) << صح ولا أنا غلطان تشكراااااتي شاررررررربه ..
_________________ صعب أجبر عيوني تنام في ليله وأنتي زعلانه وإذا مرت علي أيام أجيك بروح ولهانه معي حب وبقاياأحلام وباقه ورد خجلانه خجول الورد ماينلام لأنك أجمل إنسانه |
|
11-24-2008, 09:42 PM
| ||||
| ||||
| رد: جبت لكم ابيات عن قبلتي فديتها قبيلة بني خالد يعطيك الف عافيه يا حلوه
_________________  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
