قصه حب بالصدفه واقعيه وااااو روعه لاتفوووووتكم

قصه واقعيه اعجبتني واتمنى ان تعجبكم....


كان ياماكان في سالف العصر والاوان
كان في بنت حلووووة اسمها شجون
وحيده اهلها ماعندها خوات ولا اخوان
كانت عايشة في الخارج لتكمل دراستها الجامعية فكانت تعيش في سكن ..
طالبات الجامعه في كندا..
وايضا في نفس الجامعه شاب وسيم يدعى بدر

اخونا بدر كان ابن عز ومتعود على حياة الترف
اما شجون فكانت حياتها عادية جدا
في يوم من الايام كان بدر وصديقه يوسف في مواقف الجامعه
وكان هناك شجون وصديقاتها حصل اصطدام بسيط بين بدر وشجن
لانه بدر كان يبي يفتح باب سيارته فخبط شجون على وسطها بالباب دون قصد
طبعا شجون ماسكتت له وقالت له
شجون : يؤيؤ شفيك انت ماتشوف منت شايفني واقفه ليش تفتح الباب وتخبطني فيه
بدر: سووووري ماكن قصدي غصبن عني
شجون : انتو كذا يالشباب يوم ودكم تتحرشون في بنت تسون أي طريقة
وبعدين تقولون سووري
بدر: لو سمحتي اختي انا غير عن كل الشباب انا ماافكر اصلا اني
اطالع في اشكالك
شجون : تراك قليت ادبك منت ملاحظ
بدر : وش يعني ماهمتيني
يوسف : خلاص ياجماعه حصل خير اسفين اختي
شجون : ياله روح بس اركب سيارتك واتسهل قبل ماكلمك الامن
بدر يطالع فيها نظرات ازدراء ويضحك ويمشي عنها هو ويا يوسف
شجون معصبة تركب سياراتها وتروح تتمشى شوي
وخلال تمشيتها جلست تراجع نفسها وش ذا الي سوته مع الشاب
مبين عليه محترم بس هي ماعرفت تتصرف معاه
وفكرت وهي تتمشى انها تروح للسوق تقضي هدايا قبل الاجازة
لانها بتسافر خلال الاجازة لاهلها تقضي الصيف عندهم
وخلال ماهي تتسوق اصطدمت بشاب
على طول بادرته بالاسف وهو بعد تأسف منها يوم طالعوا ببعض زين
عرفوا بعض قام بدر قالها
بدر: انتي ملاحقتني
شجون : اناولا انت الي ملاحقني
على العموم حصل خير عن اذنك
لما اصدموا ببعض اتلخبطت جوالاتهم
بدر اخذ جوال شجون
وشجون خذت جوال بدر
بدر يرن عنده الجوال
بدر: الووو مين
سمر : انت مين ووين شجن
بدر : شجن مين هذا جوالي انتي غلطانه
وتوالت عليه الاتصالات
شجون : الووو
يوسف : مين انتي
شجون خير اخوي تبي شيء انت داق علي
يوسف : انا داق على خويي بدر وهذا رقمه
شجون: شلون كم الرقم الي انت طالبه
يوسف :0000
شجون : غلطان اخوي
تروح شجن وتدق على جوالها
بدر: الوو
شجون: مين انت
وشلون جوالي عندك
بدر : جوالك
يبه هذا جوالي انا بدر انتي الي داقه غلط
شجون : لا موغلط ارجع انت ودق على رقمك وشوف مين يرد عليك
بدر : اوكي
يدق بدر وترد عليه شجن
شجون : شفت اخوي مو قلت لك انه الي معاك جوالي والي معاي جوالك
بدر : أي صحيح شلون اخذه منك
شجون نتقابل في الحديقة العامة
بدر : اوكي الساعه 4 زين
شجون: اوكي
اتقابلوا وكل واحد منهم اخذ جواله وراح بحال سبيله ..

بعد اسبوع
تجهز شجون شنطة سفرها لانها بترجع لاهلها
وصادف انه بدر بيرجع في نفس الرحلة هو بعد
تقابلوا بالمطار وابتسموا لبعض
واستغربوا من الصدف الي للحين تجمعهم ببعض حتى يوم سفرهم
كل واحد منهم حط شنطته بالجهاز ومشيوا عشان يركبوا الطيارة
بس بالطيارة ماكانوا جنب بعض
بدر كان درجة اولى
وشجون درجة ضيافة (سياحية )
الرحلة كانت مزحومه خاصة درجة الضيافة
وكان جالس جنب شجون شاب قليل ادب ضايقها واضطرت انها تكلم
السوبر فايزر عشان يوقفه عند حده
فااقترح عليها السوبر فايزر بما انها بنت لوحدها والطيارة لسه
مااقلعت انها تروح لدرجة اولى فيها مقعد شاغر وبدون
مايحسب عليها شيء ابتسمت له شجون ووافقت
ولما وداها السوبر فايزر لقيت انه الكرسي الشاغر هو الكرسي الي جنب بدر
فرفضت انها تجلس جنبه عشان لايقول انها تلاحقه
فضحك لها بدر وقالها اتفضلي اختي ارتاحي مارح اسويلك شيء
شجون : لا مشكور انا برجع مكاني
بدر : لا والله مايصير انا بروح مكانك وانتي ارتاحي هنا
شجون : لا اعذرني
بدر : اجل خلاص اجلسي هنا واوعدك اني طول الرحلة مااتكلم
ولا اطالع يمك ابد
شجون : اوكي اتفقنا
اقلعت الرحلة
طول الرحلة بدر يبادلها نظرات متخفيه ويحاول انه يلفت نظرها بس مافي فايدة
شجون : لو سمحت ممكن الجريدة اذا انتهيت منها
بدر : اكييد اتفضلي
شجون: شكرا
بدر : عفوا

بعد شوي
كل واحد منهم استسلم لنومه
وصلت الرحلة
نزلوا للمطار
طبعا لقيوا اهلهم استقبلوهم
وراح ابو شجون يستلم شنطتها لكن تلخبط واخذ شنطة بدر
وبدر بعدين مالقى غير شنطة شجون واخذها لانها شبيه جدا بشنطته

شجون في البيت
شجون : وحشتيني يامي وانت يابوي
تعالوا اوريكم وش جبت لكم من كندا
تفتح الشنطة شجن وتلاقي صورة بدر وملابس رجالية عرفت انها تلخبطت معاه بالشنط
فقالها ابوها طالعي باغراضه مافي له عنوان او رقم
دورت شجون ومالقت الا رقم واحد
بدون اسم
فاتصل ابوها على الرقم وقاله تعرف بدر ...
طبعا اسمه موجود على الشنطة
صديق بدر : قاله ايه خير وش فيه
ابو شجون: خير ان شاء الله بس في المطار اتبدل شنطته مع شنطة بنتي
واذا كنت تعرف له رقم ياريت تدلنا عليه
طبعا الشاب ماقصر وعطاهم رقم بيته وجواله
بدر يوم وصل البيت وسلم على اهله
طلع غرفته يرتاح وطلب من الخدامة انها تجيب له الشنطة
وهو يفتح الشنطة استغرب
لقى ملابس بنت ملابس نسائية
بدر : يؤ يؤ وش ذا انا في كندا ماصار معي كذا
وش ذا الزين
ولقى صورة لشجون
وعرف ان الشنطة لها
بس ويلاقي على الشنطة مكتوب عنوانها ورقم تلفونهم
ويروح ويتصل
بدر: الوو السلام عليكم
ابو شجون : وعليكم السلام
بدر: معاك بدر ...
ابو شجون: جيت والله جابك
شنطتك ياولدي عندنا
بدر : والله وانتو بعد شنطة الانسة شجن عندي
تواعدوا انهم يتقابلو ويبدلوا الشنط وكل واحد يأخذ شنطته
وفعلا تقابل ابو شجن وبدر
شجون استغربت من كل الصدف الي جمعتها ببدر للحين
في مواقف الجامعه
في السوق
الجولات
في المطار
في الطيارة
والشنطة
جلست شجون طول الليل تفكر في بدر
وبدر نفس الشيء انشغل فكره بشجون
واتمنى انه تبادله نفس الشعور لانه معجب فيها لدرجة كبيرة
ووده لو تكون زوجته بس صعبه شوي لانه في عقبة في طريق بدر
انه خاطب بنت خالته قبل مايسافر ومايقدر يسيبها
حاول انه يتصل على شجون لكن ابد ماصادف انها ترد عليه
وصار يتخيلها طول الوقت وموقادر يشيل صورتها من باله
خاف بدر انه يعلق عقلة وقلبه في انسانه ماتفكر فيه ابد فحاول انه يتناسى الموضوع
انخطبت شجون واتحدد موعد الفرح
ومن محاسن الصدف ايضا انها طلعت تعرف خطيبة بدر
وطلعت صديقتها
فراحت شجن تعزمها لحفل زواجها
دانا : هلا والله شجن
شجون: ياهلا فيك
دانا : ياهووو وين الغيبة ولا كأن لكي صديقة تسألين عنها
شجون: اعذريني يادندون بس من يوم مارجعت من السفر وانا معتفسه
انخطبت فجأة واتحدد موعد العرس بين يوم وليلة وانا ماني مقتنعه بالرجال لكن اهلي يشفون انه انسب واحد لي
لانه غني ومركز اهله عالي وسمعته زينه
لكن انا ماابيه مااحس انه الشخص الي في بالي ودي بانسان لكن من الصعب اني الاقيه ثاني
دانا : يعني في احد في بالك
شجون: ايه
دانا : منو
شجون : شاب قابلته في كندا وصارت بينا مواقف كثيرة لكن مااعرف احساسه شلون ناحيتي
دانا : طيب ماتعرفين عنه شيء
شجون : للاسف لا
دانا : الله يعينك
طيب حاولي فهمي اهلك الموضوع قولي لهم انك ماتبين الي اختاروه لكي
شجون : مافي فايدة
امي مقتنعه فيه واقنعت ابوي
ابوي مايهمة المركز والفلوس ابوي يهمه الشاب شلون دينه واستقامته
لكن امي الله يهديها اقنعت ابوي بكل الوسائل
دانا : الله يكون بعونك
شجن : على العموم هذي بطاقة دعوة لعرسي انت والاهل طبعا تتفضلون
دانا : طيب اقدر اعزم الي ابيه
شجون: اكيد
اعتبريه عرسك انتي مو عرسي
دانا : يابعد عمري
شجن : استأذنك الحين وراي كذا مشوار للسوق
دانا: الله يعينك فمان الله
شجن : فمان الله
بعد شهر عرس شجون
دانا تكلم بدر
دانا : حبيبي لك معاي عزيمة في عرس صديقتي
بدر: شلوون
انتي تعرفين انا مااحب اروح للاعراس دندون بلييييز لاتجبريني ماابي
دانا : بدر مايصير لازم تروح لانك انت الي بتودينا اصلا وبدل ماتروح وبعدين ترجع
خلاص احضر العرس مرة وحده
بدر : منا لذاك اليوم يصير خير
بدر : اقول هو عرس مين
دانا : صديقتي شجون
بدر : شجون
دانا : ايه شفيك كأنك غصيت
بدر : لا ابد بس ارسلي لي الكرت وده اشوفه
دانا : تعال اتغدى عندنا اليوم وبعدين شوفه
بدر : اوكي

يرووح بدر زي الريح لبيت دانا
ويشوف الكرت ويقرا الاسم شجون ...
ويعرف انها نفس الي شاغلة تفكيره وقلبه
ويزيد كآآآآآبه
ويتغير حاله
يوم العرس
طبعا شجون طلعت من اجمل مايكون
دانا : بدر وينك مارح توديني انا وامي للعرس
بدر : الا بجيك شوي
بدر: يسوق السيارة ودانا تسولف معاه وهو ابد مو وياها

الين ماوصلوا الفندق الي فيه العرس
تدخل دانا وامها لصالة الحريم
وبدر يروح لصالة الرجال
ويقابل ابو شجن ويسلم عليه ويتذكر ابو شجون انه هو الشاب الي تبدلت شنطتة بنته معاه
شوي وبدون سابق انذار يشب حريق بصالة الحريم
والاصوات تتعالى
ابو شجون خايف على بنته وزوجته ويجون رجال الاطفاء ويحاولون يسيطرون على الوضع
بدر يقول للمعرس ادخل انقذ زوجتك
المعرس : لا يبه انا مو بايع عمري اذا لها عمر ومكتوبه لي مارح يحصل لها شي
بدر يطالع فيه بنظرة استحقار
دقت شجون على ابوها تستنجد فيه وتقوله انه بغرفة العروس
وهي تصرخ ويسمعها بدر ويطير لها طيران
ويحاول انه يقتحم النيران الين مايقدر يوصل للغرفة الي فيها شجون
ويوم فتح الباب
وجت عينه بعيونها
شجن اغمى عليها ماصدقت الي صار
يقوم بدر ويشيلها بين ذراعه
ويطلع فيها من بين السنه اللهب
طبعا بدر نسي خطيبته وخالته لانه مافي احد في باله الا شجون
طلع للخارج ولفها بشماغه عشان لاحد يشوفها من الرجال الي بره
ويطلع مع ابوها وامها بسيارة الاسعاف
وطبعا عريسها منذهل من بدر شلون ماخاف على نفسه وانقذها وهي ماتصير له شيء ولاتقرب له
وتجلس بالمستشفى يومين من اثر الصدمة
ويجي يزوها عريسها في المستشفى لكن ابوها يطرده
لانه مو كفؤ انه يكون زوج لبنته
يتصل ابو شجون على بدر ويطلب منه انه يشوفه
ابو شجون: والله ياولدي ماني عارف وش اقولك انا عاجز عن شكرك
لانك انقذت حياة بنتي
واثبت لي انه النذل زوجها مايستاهلها
بدر: ياعمي ودي اطلبك طلب
ابو شجون : تفضل اطلب الي تبيه
بدر : ودي اكون نسيبك
ابو شجون : وانا اتشرف انه واحد مثلك يكون زوج لبنتي
وطبعا الباقي معروف
تزوجوا وعاشوا احلى حياة

ودانا انصدمت صدمة كبيرة في خطيبها وصديقتها
لكن تفهمت الوضع بعدين ....



.. ][ إن شــآء الله تعجبكم ][ ..