حلفت ولا واحد يتحرك من مكانه
وين القهوه يامقهوي صب لرجال والرجالات << زين جمعتهم هع ـآ

في البدايه قبل النهايه احب اعطيكم نقطه مهمه
وقصم عيوني تعورني طالعه لها حبه بين عنيناتي الثنتين وفوق خشمي وتحت جبتهي
<< الوكاد عرفتوا موقعها هع ـآ

يعني خطي وقصم ما راح يعجبكم << يأمن يكمل على عيونه ويفقعها هع

ثانياً >> لو أشوف كلمة حجزززز او لي باك وقصم لايوصله ضرب ماهوب صاحي
<< بايعها اليوم هع ـآ

ثالثاً >> من الشباب ما أبي تقزقزون عديسه لافقع عيونياتكم هع
ومن >>البنات وقصم لو أشوف وحده تحتك فيني تبي غمزه من هنا او هنا وقصم لاخلي عدوسه تطلق عليكم
كلبها برنار << وش دخل كلب هادي هع ـآ


رابعاً >> ترى مهند اللي مشطفينه بكلوركس ونور ما يجون حبنا انا وعديسه
<< الشرهه مو عليك الشرهه على الي يراقب نصباتك هع ـآ



حبايبي << مني هذي
حبياباتي << من عديسه هع هع ـآ

سادتي وسيداتي تماسياحنا وسحلياتنا
<< الرجال في الموقدمه هع

مدري انا سلمت او ما سلمت ..؟
طنشو يمكن الهزاز شغال << انعن أبو التخريف

عضويين منتدانا حريم ورجال بنات واولاد صغار وكبار
وقصم قصمات ما عندي ما عند جدتي هع ـآ

عندي كلام بخاطري بقوله << صرقها من اريام هع ـآ


بس مانيب قايله << مو وقتك يالنشبه

نرجع لمحور حديثنا بس لحظه بطلع الورقه من جيبي المشقوق هع ـآ

اسعد الله اوقاتكم بكل خير

موقدمه


يحتضن التاريخ رجالً عظماء غيروا سكه حياتهم. بل غيروا مجرى التاريخ ونقشت اسمائهم وافعالهم واقوالهم بماء الذهب

واصبحت سيرتهم العظيمة مدونه في الكتب وعلى جدران المدارس وعلى صبات الكباري بالخط السريع ومن منطلق قول الفيلسوف البريطاني مارتن ابو قذله

( not ذا بوى سيد ماي فاذر was بي.. بت ذا بوي c ها انا ذس) . << يارب صح

ها انا ذا يا محاكيكم اضع بين يديكم باكورة مؤلفاتي الأدبية( كفاح مربط) حتى تتجلى لكم الحقيقة كما تتجلى الشمس في كبد السماء حتى لا تقولون ذا كذوب وقاعد يهلس علينا بقصة حياته

لقد عملت جاهدا ان يخرج ها الكتاب الي النور رغم انشغالي بقصة حب عذري.. و بمشاكل ومصايب حارتنا

ولقد قسمت الكتاب الي عدة ابواب ماخذن بعين الاعتبار ان ذي رسالة تاريخيه احملها في عنقي <<(افلقني

وقبل ما نبدا احب ان اشكر كل من ساهم في اخراج ذا الكتاب من بحر الظلمات الي ساحل الأمان وهم:

1- عبادي (ابو خشم) : المنسق الأعلامي والثقافي والمشرف على الدعايه والأعلان للكتاب .وانا اشهد انه بطران وما حولك احد .وهو صاحب فكرة( تبي كتابك يمشي بالبقالات والعالم زحمه عليه. حط صور المطربة نانسي)..الوكاد انه وهقنا مع خلق الله.



صورة للاستاذ 1- عبادي (ابو خشم) : ذراعي اليمين ونكبة زمانه وهوفي قمة التشخيص والزين فيه انه اذا صحى من النوم يبيله ساعتين لين يفرمت مخه على الوضع اللي حوله.ومن زود الفطانه اذا حس انه تورط بموضوع على طول يقول سؤاله المشهور: معك صرف ثمانية ريال؟





شكر وعرفان:

1( يتقدم مؤلف الكتاب وطقم الاساتذة الأفاضل اللي معه ..بالشكر الجزيل الي السيد الرهيب ..المعلم فرغلي الرومنسي صاحب (محل الرومنسيه .. لبيع الدجاج والبيض البلدي ) الراعي الرسمي لطباعة وتوزيع الكتاب واقول له يا يالفطين انحش ترا الحكومه درت انك تبيع بطاقات مشفرة.


وها الحين اعزائي القراء تعالوا نبحر بكم عبر صفحات (كفاح مربط) من الجلدة الي الجلدة.وسنغوص بكم عبر الأسطر..مع تمناتينا لكم برحله سعيدة معنا . ومنعا للأحراج يمنع التدخين اثناء الرحله . مو حفاظا على صحتكم ..ابد.. حفاظا على الكتاب لا يحترق هع ـآ




(باب وضع حارتنا قبل مولد مربط المزيون)

يقول المؤرخ حسين لبتن حدثنا ابو ظروس الفلكي عن جدهـ قال : قبل ولادة مربط بكم شهر عاشت حارتنا اجواء متقلبه ومطبات هوائيه

ثم نطل العمامة من فوق راسه وشد شعر راسه وهو يصرخ: ياجماعة الخير يوم غبار ويوم ثلوج ويوم قيض حر شديد

بس جالسن تحت ظلال الكنديشه وطاقن سروال السنه والفنلة العلاقي وقاعدن اهف بالمهفه للحصول على قليل من البراد

ويوم طاقن الفروة ومتلحف ببطانيه ومتلطم ومغطي سيقاني بثلاث شراريب رياظه ام خطين عزكم الله

وداهنهن بعلبتين فكس ومولع الدافور اتدفى.

(ثم صمت لحظه واسترسل قائلا بكل حزن): لقد غمرت الثلوج شوارع الحارة واكتست قمم البيوت وشاحاً ابيض من الثلج المتساقط
واستمر المناخ مخربط وملعوبن في حسبتة حتى اجتاحت حارتنا عاصفة محملة بالأتربه والقواطي وحبيبات اللقاح وبذور اللوز

وغرقت حارتنا في بحرا من الرمال

وصاروا اهالي الحارة يكشتون للبر فوق سطوحهم كل واحدن طاقن خيمة فوق طعسن حمر بالسطح (طعسن حمر = كثيب من الرمل للناطقين باللغه العربيه الفصحى). وعاشت الحارة في قحط ومجاعة منقطعين النظير وانتشر الجراد وقضى على الاخظر واليابس.

( باب ولادة مربط.. وما حل بالحارة بعد قدومه )

ذكرت وكالة انباء حارة السعادة (أ ص)..(انه هطلت امطار غزيرة على حارة السعادة سالت على اثرها الوديان والشعاب ..عم بنفعها العباد واالجماد)..
( أص = اختصارلـ.. أم صبيح.. وتعتبر ام صبيح وكالةانباء متنقله ودايم شايلتن زمزميه قهوتها وخيشة كراث فوق راسه ودوجه وفرفرة بشوارع الحارة ومن بيت في بيت وخذ انواع الهذرة والحش بخلق الله )..



صورة لأم صبيح وهي في حالة استرخاء وتفكير عميق ..ويقولون ان ها الصورة يومن صادوها سلاح الحدود وهي تهرب تتن واسئلة اختبارات.

تقول ام صبيح ان هاك اليوم والتي تلبدت السماء بالغيوم وتكدست.. وبدا المطر يزخزخ رويدا رويدا

دوت صرخه رددت صداها جدران البيت وشوارع الحارة معلنتن عن قدوم مولود اطلق عليه .. (تركي المزيون = مربط الجن ) .. نظرا لجمالة ونظارة بشرته .

فقد كان ..صغير المبسم والشفتين..مورد الخدين.. واسع العينين ..اشقر الشعر والحاجبين.. عريض الجبهه والمنكبين..
يمتطي صهوة جوادة الأبيض منطلقا كالريح في ضوء القمر عبر حقول سنابل القمح حاملاً الشعلة الأولومبية

وبعد ولادته اصاب الحارة ربيع.. ونبتت الأزهار على حافة طرقات الحارة والجدران والبيبان والشبابيك

واختفى الجراد وظهرت فراشات زاهيه اللون تحوم في سماء الحارة وعلى برادات المويه حقت مسجدنا

واخذت العصافير والبلابل تشدوا اجمل الالحان على اسلاك الكهرب فرحاً بالربيع .. واللي يشوف الحارة يقول

داخل مشتل لبيع الزهور وادوات الزينه والخياطة حتى اصبحت الحارة وكأنها قريه ريفيه تقبع في احظان جبال الألب الفرنسية..وظهر السرور والسعادة على خشش القاطنين والمقيمين بالحارة وفاز فريق الحارة بالكاس بعد سنين عجاف من الهزايم ......

<< تكفى ابوس راسك يكفي نصب ( عبادي يقوله هع ـآ )

( باب النشأة والترعرع واي شي يخش بصناعه الأخشاب)

( كان رفيقي مربط مثالا للمواطن العربي الصالح ويسمع كلام الدكتور ..ويحترم سيارات المرور ويربط حزام الامان... ويباشر علينا بالمدرسة) << احد الأقوال المئثورة اللأستاذ عبادي (ابو خشم) امام وسائل الأعلام قبل لا يشوتونه هو وخشته بالسجن بلحظات.

بدا الاستاذ عبادي (ابو خشم) ويقول ..نشأ تركي وترعرع في بيتهم <<(ماجبت شي جديد اجل وين بترعرع فيه.. يعني تحت خزان السطوح...؟ كمل عسى الله يصلحك ..بس)
وكان من زود وسامته يزدحم بيتهم بحريم الحارة ويصفون طابور للظفر تركي ببوسه على خدة المورد .حتى ان اكثر نساء الحارة الحوامل يشيلون قشهم ويخيمون امام بيت تركي للتمقل فيه والتوحم عليه .عل وعسى يجيهم طفلن حلو مثله .


(لا تعليق ما اقول غير اشوف فيك يوم ياللي كان السبب)

(يقول عبادي ابو خشم بعد ما ارتشف جغمه من الشاهي وحك دميجته ..وبدت سعابيله تقاطر)
اصاب ثلاجة مطبخهم قحط واندثر اللحم والسمك وتلاااااشت الفواكه والخضروات والحلاويات من الثلاجه ..

وطفر ابو مربط وفلس من كثر ما يشتري مقاضي لسد رمق جوع الزائرين حتى اصبحت ثلاجتهم خاويه وخاليه ولم يبقى فيها سوا بقايا من قراطيس زبدة وحبتن برشووومي

وقام ابو مربط وحط لوحه فوق باب بيتهم وكتب عليها :

( اعزائي حريم حارة السعادة..تم ابتعاث مربط لجامعة اكسفورد وخلوة ينفعكم يامال مانيب قايل)


(باب حسبنا الله ونعم الوكيل ويسقط ابو خظير)

بها الباب يدلو الاستاذة والموسيقارة حبيبت قلبي عدسدس بدلوها وتقول :
(مدت الادام دل الدام ودان ددوم) << ترجمه المقطع (مرت الايام تلو الايام وكان ربووط)

(عزيزي القارئ نعتذر لك ..لو تركنا عديسه ترطم بالكلام بيجي العيد وحنا ما فهمنا شي من كلامها واختصارا للوقت سنعرض لكم اقوال عدوستي بعد ما تم ترجمتها )

تقول موسيقارة الحارة عديسه بعد الترجمة

مرت الايام تلو الايام وكان ربوطي يكبر و ينمو يكبر و ينمو و ينمو

حتى خش المدرسه وصار كل صبح يروح للمدرسه كعابي معلق مطارته على كتفه وحاطن صامولي بالجبن في مخباة

وكانوا بنات الحارة يترصدون له بالدرب .. اللي تقول له ..يالبى قلبه تبيني احل لك الواجب ؟.. واللي تقول له فديت هاالزين كله وتعطيه بقلاوة ..

وصار الولد ما يعرف يركز في دراسته لان الولد طموحه يصير عالم بالفيزياء النوويه والسبب البنات اللي امتحنوة والعرابجه اللي يفرون حول بيته ..

وابي اقول لكم سر خطير... مر على الحارة يوم سميناة يوم (تشريق الملابس) كل بنات وحريم الحارة ادهروا بالسطوح يعلقون الغسيل على الحبل

والسبب ان تركي كان ذاك اليوم فوق سطح بيتهم يحط حب فوق عشة الحمام ..

الـى ان جاء اليوم المنحوس واللي قلب حياة مربط فوق حدر

كان يوم اغبر في حياة مربط ذاك اليوم

حيث كان مربط مدرعم وطاس لبقاله ابو خظير وبينما كان حبيبي مربط بكل براءة وعذوبه الطفولة وفي قمة الأدب يهًم بفتح الثلاجه بالبقاله لأخذ عسكريم غوار لون احمر

شافه ابو خظير وقال وهو فاغر ومندهش ( ول ..ول ..اهب ..وش ها الزبدة اللي طالعتن من الثلاجة) وفجأة طاح من اعلى الرف كرتون سمن (ابو ملعقه وشوكه) على راس مربط وبنط بخشته طبطاب البقاله ( طبطاب = بلاط بس مصنوع من الاسمنت وخالي من الزخرفه والزحلقة)



وتكمل عديسه قائلتا :وشالوهـ بصندوق ونيت الي المستشفى وجلس في غيبوبه

ومضت فترة طويلة والحارة تترقب عودة ابنها الجميل مربط

وخرج من المستشفى بشكل ثاني

وهنا بدت معاناة مربط بالحارة صار يروح كل صبح للمدرسه والبنات يرجمونه بالقواطي وقوارير الميراندا حتى ان وحدتن من البنات عطته كنافة فيها سم فيران بس ربي سلمه

وانطرد من المدرسه وارسل المدير ورقة الطرد الي ابوه ومكتوب فيها( الولد مابه امل يحفظ جدول الظرب وصفقني ان صار عالم ذرة ونشويات )..

وصاروا العرابجه ينحاشون لا شافوة ويومن سألهم ليش تتوارون من امام ناظري << التطور يبان مع اللغه الفصحى هع ـآ

طالعوا فيه وقالوا ذاك اول يوم انت مزيون هالحين اذلف انت وخشتك اللي مثل ركبة حاشي << موت ابركلك

وهنا قرر مربط ان ينتقم من ابو خظير النظول شر انتقام وأن ياخذ بثارة. وأن يجعلة عبرة لمن لا يعتبر
وتختم عديسه حديثها بها السمفونيه
((ادوح ..ددم ..ندود..ياددوم)
>>الترجمه ( بالروح .. بالدم..نفديك..يا ربووط )

(شكر خاص للاستاذة عديسه على ها الحماس وتراكي غرقتينا بسعابيلك الزينة طال عمرك )


(باب الحب عذاب ..تعيش ام عنبر ويسقطون بنات الحارة )

نظراً لأن حبنا انا وعديستي يمر بمرحلة الشرنقة وخوفاُ من العذال والحسد والعين ما اقدر اعلمكم عن ها الحب العظيم .الوكاد اني اعتبره تكفير ذنوب وتخليص دين ودفعه بلاااء مالت عليها وعلى اخوها الاقشر بس





((باب المفقودات وياقلب لا تحزن)


حرصاُ منا على الامانه الأدبية والخلق الرفيع نبشركم انه حطينا باب خاص للمفقودات. يعني عزيزي المشاهد ان ضيعت شي تعال دورة بذا. واتحدى اي مؤلف صلح زي كذا مثلنا..



يعلن الاستاذ عبادي ابو خشم عن فقدان قدرهم من المطبخ وعلى المواطنين والمقيمين اذا شافو ها القدر في احد المجمعات التجاري او المستشفيات الرجاء ابلاغ اقرب مطعم مندي .وحسب ماذكر الاستاذ عبادي ابو خشم ان ها القدر كان يستخدمة نابليون بونابرت اثناء الحروب والمعارك كان يضبط الكشنه والكبسه ويعزم قادة جيوشه.



صورة نادرة لعينان شبيهتان لعينان أبو خظير وهو منفص بعينه وفي حالة أصابه ضحية مالت عليه وعلى عينه.
وقد صرح احد علماء اكتشاف اسرار المحيطات والبحار اليابنيين وقال اذا تبون تعرفون سر لغز مثلث برمودا لازم نعرف سر عين ابو خظير اول شي ..ويقولون ان به عالم متخصص بالليزر روسي الجنسيه قال ان اسرع شي بالأصابه الدقيقه وما به امل تخطي الهدف.. الليزر همن عين ابو خظير افندي.


انتهى



الفوائد من الموضوع

1/ احلى واروع قصة حب قصة عديسه ومربط << طس

2/ فضاوة مربط تلعب دور بالموضوع

3/ حتما.ً.. سيأتي اليوم الذي تطرق فيه وزارة المعارف باب بيتنا لطبع ونشر شخابيطي الأدبية على المدارس والجامعات المجاورة.......

4/ شيل يدك عن التضليل

يلا سلملم

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه

هين هين يا ضبان
وقصم حقك من يقطع تقطيع ويدخل اسياخ براسك ويشيلك ويقلبك ع الجمر

ما كاني قلت مابي احد يقول لي باك

ترين وقصم قهرررر

شكرا ...