ياطيب حظي كان انا حلم دنياك..
يااللي تقول أني امانك وخوفك..
تحبني؟ أدري حكى لي محياك..
رعشة يدينك وأرتباكة حروفك..
يااللي الوفا هو بعض أصغر مزاياك..
حملي ثقيل ووافيات كتوفك..
تشيل همي دوم كني انا أياك..
صارت ظروفي مو ظروفي..ظروفك..
أن جيت أبحكي عن بهاك وسجاياك..
كيف أوفي أخلاقك وباهر وصوفك..
وأن جيت ألاقي لك خطايا خطاياك..
أطيب قلوب الخلق ساكن بجوفك..
وشلون ماأحبك وهاذي سواياك..
وشلون ما أهديك عمري بكفوفك..
ياقلب قلبي وش حياتي بلياك..
تسلم عيوني دامها هي تشوفك..

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

الم الغيـآب تمحيه لذة اللقـآء