|
| |||||||
| منتدى الحوار العام الفسحة العامة نقاش عام بين الطلاب والله يحييك بس طق الباب وتناقش الربع بس بدون هواشات بليز منوعات افكار هادفة نقاشات عامة امور شاملة حوار بناء شامل منوعات افكار |
 |  |  |
 |  | |
 |  |  |
 |
| | أدوات الموضوع | طريقة عرض الموضوع |
11-18-2008, 02:43 AM
| ||||
| ||||
 شكرا يا حكومة البحرين بسم الله الرحمن الرحيم أخواني أخواتي الكرام بدون أي مقدمات حبيت أطرح عليكم ماجرى لي في ..... ( البحرين ) ..... طبعا كلنا نعرف ( خليجنا واحد ..... وشعبنا واحد الخ الخ ) .... وكم استمتعنا وحنا نسمعها .... والكل كان يفكر فعلا اننا خليج واحد .... في البداية أنا واحد أسكن في المنطقة الشرقية .... بمعنى أن البحرين بالنسبة لي على ما قالو البدو ( حذفة حصاة ) .... ولا يوجد مانع لدي أني أكون أحد رواد هذا البلد الرائع ( في وجهة نظري ) ..... بحكم القرب كما أسلفت ... ولكن في الآونة الأخيرة صارت تغيرات في البحرين بشكل واضح وفاضح بالنسبة لنا حنا ( السعوديين ) ... ((( بالذات ))) والله العظيم يا جماعة الخير أني أتكلم من واقع عشته أنا شخصيا ..... ويشهد علي ربي أني ما أتبلى على أحد ..... في البداية وبالذات قبل ( 5سنوات ) .... عرفت البحرين بحكم سني ولم يكن معي جواز سفر قبلها ..... والله يا جماعة الخير أني حبيت البلد هذا بشكل كبير لما رأيت من أهله من طيب واحترام للضيف .... وما وجدته من رعاية أكاد أجزم لن تجدوها في أي بلد خليجي ( مع احترامي للدول الخليجية ) .... عشقت البحرين .... صارت بلدي الثاني اللي أتشرف به .... بغض النظر عما يجري فيه .... وطبعا أنا قلت كذا لأن ( الكثير منكم ) .... رايح يقول البحرين فيها خمور .... وفيها زنى .... وفيها وفيها .... ولكن الله يبعدني عن الحرام كنت أذهب للتنزه فقط والتبضع ( الشوبينق ) هههههههههه يعني على بالكم وضحتها ...... عموماااا طولت عليكم صح ...... مل عليه تحملوني شوي تروني ضعيف في ( التعبير ) ههههههههههههه يوم من الأيام وعلى شارع المعارض اللي تعرفونه كلكم ...... حصلت نقطة تفتيش ... وكنت أنا وصديق لي نتمشى على هالشارع بحكم الزحمه اللي فيه ...... فجأة شد نظرنا ( نقطة التفتيش ) ..... من باب الفضول قلت أنا وصديقي خلنا نطالع ..... وهنا المفاجأة ..... أنا مليت من مشاهدة هالمنظر .... وقلت لصديقي أنا بروح البيت ( طبعا أنا أملك شقه في البحرين ) .... وانت الحقني ....قال اوكي .... لما جاني على البيت كانت المفاجأة الكبرى ..... والله العظيم يا جماعة الخير هذا ما قاله لي صديقي : قال يا فلان تصدق أن التفتيش اللي كان على شارع المعارض كان (( للسعوديين بس )) .... من دون الباقين اللي يدورون في الشارع ..... قلت له : لا مستحيل مو معقوله .... قال : والله ان اللي شفته بعيني كان ...... أن الشرطة كانوا يمشون ( السيارات القطرية ) .... و ( السيارات البحرينية ) ..... و( السيارت الاماراتية ) ...... ويوقفونه .... ( السيارات السعودية فقط ) ..... لا ومش كذا وبس .... يسوون له ..... ( انفخ ) .... تعرفون شنو يعني ( انفخ ) ..... صح ؟ أوضحها للي مو عارف .... ( انفخ ) ..... هو ... ( جهاز الكشف عن نسبة الكحول ) عن طريق النفخ من الفم .... عموماااا والله يا جماعة صديقي ما صدق اللي قاعد يشوفه .... وهو يقول ( حسبي الله ونعم الوكيل ) .... للدرجة هذي صار ( السعودي ) مهان في هالبلد للدرجة هذي صارو ( السعوديين ) اللي كان لهم الفضل بعد الله سبحانه وتعالى في أن ( البحرين واهلها ) صارو يشوفون العالم الخارجي بعد ما كانو متقوقعين في هالجزيرة .... للدرجة هذي صارو ( السعوديين ) مالهعم أي قيمة في بلد كان قبل سنوات معدودة عبارة عن ( بر ) فضاء فاضي ما فيه غير هالنخل بس والمياحات الفاضية ....والحين بفضل الله ثم بفضلهم اصبح البلد من أجمل البلادين هههههه قاصدها ترى ..... والله قهر والله قهر ..... المثل يقول ( اذا أكرمت الكريم ملكته ..... واذا أكرمت اللئيم تمردى ) طبعا هذا ما ينطبق على كل أهل البحرين لا والله العظيم ...... البحرين فيها ناس طيبين ومحترمين بشكل كبير ...... وفيهم الخير ولكن مو كلهم واعتقد انكم فهمتو قصدي ؟؟؟؟؟ الموقف الثاني : حصل لي أنا شخصيااااا عندما كنت أزور أحد الاصدقاء في منطقة اسمها ( القظيبيه ) .... وهالمنطقة لي معها قصة طويلة كانت بدليتها عن ( مواقف السيارات ) ... ومعاناة من يذهب للقظيبيه تبدأ في مواقف السيارات من كثر الزحمه .... كل ما زرت صديقي ووقفت سيارتي مع الناس ومثل ماهم واقفين ..... أتفاجأ بعد ما أرجع لسيارتي أن رجل المرور ( الغير محترم ) .... واضع لي مخالفة وقوف أو انتهاء الوقت ( لأن المواقف بفلوس ) مافيه شيء في البحرين الآن ببلاش ..... أرجع أشيك السيارات اللي واقفه مثلي ..... ( ما أشوف مخالفات عليها ) .... بعد تفحص وتمعن وتفكر ..... لقيت أن ( سيارتي هي السيارة السعودية الوحيدة في الموقف ) وباقي السيارات بحرينية أو قطرية أو خليجيه ...... عموماااااا والله العظيم يا جماعة الخير أن أغلب المخالفات اللي عرفتها في البحرين في في هالمنطقة اللي اسمها ( القظيبية ) ..... طبعا أنا عندي أصدقاء بحرينيين ..... سألتهم شالسالفه يا شباب ؟ شنو قصة رجل المرور اللي يستلم في منطقة القظيبية ؟؟؟ يا شباب أظن أنه يعرفني وحاقد علي هههههههههه ؟ من جد ما أدري شنوالسر ؟ كلهم جاوبوني أن من يستلم في منطقة القظيبية هم اثنين لا ثالث لهما وخاصة في فترة ( أول الليل ) ..... واحد ( بلوشي ) والثاني ( شي ) ...... قلت في نفسي طيب واذا كانو كذا شنو يعني ..... طبعا معظم البحرينيين يعرفون سر ( بلوش ) وسر ( شي ) ..... يعني ماله داعي أني أكون عنصري ههههههههههههه وانشاء الله أني ماني منهم والله يا جماعة كل ما أوصل الى نقطة التأمين في جسر الملك فهد من جهة البحرين ...... ألاقي ان علي مخالفة وأنا على نياتي أنزل وأسدد لهم 50 ريال ..... وعلى هالحال وأنا ما أرتكبت أي ذنب ..... يوم من الأيام وأنا رايح على البحرين وصلت عند نقطة التأمين وتفاجأت أنه علي مخالفة ..... لا والقهر أني كنت مأمن على السيارة ..... يعني التأمين عندي ما أنتهى ..... رحت لمكتب المرور في الجسر ..... سلام عليكم ..... عليكم السلام ..... ياخوي يقولون علي مخالفه ...... عطني رقم سيارتك ..... رقم سيارتي ***** ...... أخوي عليك مخالفه ..... هاااااا متى يالطيب ..... قبل 4 شهور ..... صادني خمول في راسي هااااااااااا هااااااااا نعم شنو مخالفه قبل 4 شهور ..... أيه لا عليك مخالفة يالطيب ..... طيب في أي منطقه ؟ ...... في القظيبيه ...... هههههههههههههههههه قمت أضحك والله العظيم ...... على شنو تضحك لا ؟ ...... ماله داعي اقولك كم قسمة المخالفة ؟ ...... 5 دينار لا ........ طيب تفضل وعطيته 50 ريال ( عمله سعوديه ) ...... يالطيب حنا ما ناخذ فلوس سعوديه ....... هاااااااا هااااااااا ليه ؟ ليه حنا ناخذ عملتكم عندنا بالسعوديه ونقبلها وانت تقول ما تقبل عملة بلدي ليه ؟ انت كذا ما تعترف بدوله كامله ولا تعترف بحكومتها ..... اذا عندك كلام اطلع فوق وقوله للاداره ...... طالعته وقلت حسبي الله ونعم الوكيل فيكم بس ياخوي اذا انكم ما تبونا يالسعوديين واحنا صرنا ضيوف ثقال دم عليكم قولوها كاش وبدون لف ودوران ...... هههههه لا يالطيب مو للدرجه هذي ...... هنا انتهى الحوار بيني وبين رجل المرور الموقر ..... رحت صرفتها له ( ديـــــــــنــــــــــــــار بحريني ) من فئة الــــ 5 ديــــــــــــــنــــــــــــــار وعطيته وانا ما زلت أقول حسبي الله ونعم الوكيل فيكم ..... أخواني أخواتي هذا غيض من فيض ..... ووالله العظيم ان ما يجري للشعب السعودي بالذات في البحرين انه حرب ضدهم .... ومحاولة لتطفيشهم ..... ولكن نفسي أعرف شيء ....... ليش السعوديين بالذات من يعاملون كذا في البحرين ؟ أتمنى أن أجد اجابه منكم ...... لكم كل محبه واحترام وتقدير من أخوكم الصغير بن دامس اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -  |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
11-18-2008, 03:37 PM
| ||||
| ||||
| رد: شكرا يا حكومة البحرين سلام عليكم شلونك اخوي انشالله تمام انا اول مرة بحياتي سمعت ان التفتيش للسعوديين فقط عادة يكون للكل و معاك حق هذا شي شين و ما له داعي .. لكن بصراحة انت عارف عمايل بعض الناس في البحرين قلي كم سيارة خليجية جفت في البحرين وايد صح؟؟!! بدون تعميم على الكل بس معضمهم يايين البحرين لشغلة وحدة و كلنا عارفينها و هذي مشكلتنا في البحرين ما باليد حيلة .. ما نقدر نسوي شي صح اهي غلطة الجهات المسؤلة لكن الشعب البحريني بريء من كل التهم قبل سنتين تقريبا كنت في مدرسة ثانوية في الحورة والله العضيم اني كنت اخاف اطلع نهاية الدوام سبب الاكشن خارج المدرسة انت تشوف سيارات بحرينية تعاكس و تفحط جدام مدارس بناتكم ؟؟! اما ""البلوش- شي"" والله كلونا بالحيا مثل ما يقولون "حاميها حراميها "" احنا بعد متأذيين منهم.......................!لا تعليق في النهاية ..بلا حرب بلا بطيخ .. انت ما عندك سالفة  ترى والله نفرح اذا شفنا عوائل خليجية في ديرتنا و نشيلهم على عينا و راسنا.. كلنا اهل لكن الناس الي ياية تخرب في الديرة اقولهم قلبوا وجهكم.. اذا فنادقنا ترحب فيكم الشعب البحريني كله رافضكم..... مشكور ما قصرت سلام  اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
11-19-2008, 10:23 AM
| ||||
| ||||
| رد: شكرا يا حكومة البحرين أختي ساروووووووونه أولا أشكرك لمرورك الرائع على موضوعي ثانيا أنا ما تكلمت عن عموم الشعب البحريني ...... حشى والله أنا عندي أصدقاء من البحرين وأكثر من أخواني لي ...... ولكن أنا قصدت في حديثي هذا بعض الأقعال اللي خارجه عن نطاق الحكومة والمسؤولين .... واللي أتوقع انها أعمال فردية من رجال أمن أمنتهم حكومتهم على خدمة الشعب ...... مو اذلال الشعب ..... وصدقيني أختي الكريمة .... لو جمعنا اللي يجون البحرين علشان الخمور أو غيرها ..... لقيناهم معدودين على الأصابع ولكن المثل يقول (( الخير يخص والشر يعم )) وبعض الأخوان البحرينيين وأنا أعرفهم شخصيااااا يبالغون في القصص لما يبي يروي له قصه معينه عن سعودي أو قطري أو اماراتي ...... وخاصة السوالف دائمااااا عن ( السعودي بالذات ) ...... لها طعم ثاني عموما والله أحب البحرين وأهلها ..... وأحب كل انسان على وجه الأرض ..... يحترم نفسه ويحترم الآخرين .... لأن أجمل ما في الانسان هي (( أخلاقه )) ..... اعذريني اختي على الاطاله اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
11-19-2008, 10:51 AM
| ||||
| ||||
| رد: شكرا يا حكومة البحرين بصراحه الشي اللي يخلينا نروووووووووووح للبحرين هو شارع المعارض !! اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
11-19-2008, 05:28 PM
| ||||
| ||||
| رد: شكرا يا حكومة البحرين اقتباس:
والله نفس سؤالك هذا كان يدور في راسي من زمان مو بس البحرين حتى بقيه دول الخليج لكن البحرين بزياده مع احترامي للجميع والله سؤال من زمان نفسي اعرف جوابه لكن مو محصلته للحين يعني احنا يالسعوديين ايش سوينا لهم والله احنا ما نعاملهم ألا بالطيب والأحترام... تسلم اخوي على الطرح ... اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
