ياولد خل التفحيط والطراد=لاتصير بها مع الطاغي لزيم
التفحط والتسكع والطراد=ماتفوز ابها ولاتغدى زعيم
كم قرير نايم فوق المخاد=انزعج وامسى صفا سماه غيم
والمريض اللي تروّع منك زاد=واختلف من في صلاته مستقيم
غير هذا موترك بالجور باد=تحسب أنك عاقل وانت وهيم
كيف ترضى بالاذى لاهل البلاد =كيف ماتخشى اللذي فوقك عليم
من يحطك في محل الاعتماد=من يعزك من يقول انك حشيم
يااهل المعروف رواد النواد=النصيحه ياهل الراي الحكيم
بلغوها من لها بالصدق راد=ويحذر الدعوات في الليل البهيم