السلام علـــيـــكم..





مَدخـلْ :

شخص عَااديْ ..
لايشيل .. ولا يعَااديْ .. هَذَا أنَا !!
مِن قرْد حظيّ ..
لآ أزال أحمل مبَاادي ؟!





اللي بقى لـي مـع الأيـام .. وفّيتـه
.............................والضيق لـو ينهمـر تشربْـه وديانـي

ماهي كبيـره علـي والحـزن غنيتـه
..............................وْلاهـي غريبـه إذا وقتـي تحـدانـي

الخوف -يا من نبشت القلـب وادميتـه
.......................لاعشت زهرة شبابك وانت وحدانـي!!

كم جرح خذْته من الأحباب.. ضمّيتـه
.......................وجروح قلبـي زكـاة لْحُـبّّ خِلاّنـي

مطعون؟ عاااادي ،، جفا الأقراب؟ داويته
......................تعبان؟ مبطي ،، ردى هالحظ؟ خاوانـي

صدمه؟ بسيطه ،، هَوان الحـال؟ مرّيتـه
..........................مقرود؟ أدري ،، وإذا حرمـان؟ عدّانـي

ما فـاح هـمّ ٍ لـك الله مـا تقهويتـه
..........................ما مـرّ حـزن ٍ بغيـري مـا تبلاّنـي!

ياما ويامـا مـن الخـذلان .. عديتـه
........................إلا بصاحبْ .. بعد عِشـره تناسانـي!!

أزريـت لأنسـى غيابـه ليـن ناديتـه
........................والمـوت لامـن تجاهلنـي وجافـانـي

وينه يجينـي .. وكـل عْتـاب كنّيتـه
........................ياليت يدري بعـد فرقـاه وش جانـي!!

من كنت طفل ٍ وانا أرجـاه فـي بيتـه
........................شيّبت.. واثره على هالحـال خلانـي!

حتى جنـاح العَتَـب لرضـاه ذليتـه
..........................ماطِرْت بعده فـرح مـن ذلّ جنحانـي

يا قلب صبرك .. ترى كل شيّ سويتـه
.......................ما كان أفضل من اللي كـان بإمكانـي

لو بيّ قـوه علـى الهجـران؟ خليتـه
.......................لو بـيّ ذره مـن النكـران؟ يفدااانـي

الجرح أرحم .. إذا يرجع مـن أغليتـه
....................مجروح؟ فِدوه .. ولكن صعب وحداني!





مَخـرجْ :
شيْ عَاادي ..

ليه أصيحْ ؟ .. وليه أنَااديْ ؟!

والّحزْنْ مِن زودْ ضيقِيْ ..

يَختنقْ دَاخِل فؤااديْ!!

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

الم الغيـآب تمحيه لذة اللقـآء

قصيدة رائعة لشاعر مبدع ألقاها في تصفيات شاعر الميلون

صح لسانه

وسلم فكرك وبنانك على هـذا الطرح الراقي

دمت بخـير

^
^
( al.ata@hotmail.com )

تسلم اناملك كلمات رائعة
والله يعطيك العافية