 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
11-24-2008
| ||||
| ||||
 صدفة ومن بين كل الناس علقني جديد القصص بقلمي انا :وردة (ليـ ألم ـلي) في ليلة من اواخر ليالي رمضان كانت البنت توتة " 18 سنة" سهرانة مع زوجة اخوها في حوالي الساعة 12 ونص بعد نص الليل توتة جالسة بالنت تكتب بالمنتدى وزوجة اخوها تطالع التلفزيون شوي الا هز تلفون توتة طاقين لها رنة خخخ يا حب الناس للرنات خخخ قالت يمكن وحدة من الربع شافت الرقم طلع رقم غريب خخ الرقم حلو بعد ههه . المهم طنشت البنت وكملت كتابة بالمنتدى هع هع البنت عاملة مشرفة في احد الاقسام ومظبطة نفسها هع هع المهم شوي الا رقم غريب ثاني كمان طاقين رنة البنت عصبت قامت ارسلت رسالة وكتبت فيه ( مسامحة منو معاي؟ ممكن اعرف من معاي؟ مااحب احد يسوي رنات ) جاها رد من الرقم الثاني وطلعت البنت صاحبتها مغيرة رقم جوالها ومشينا السالفة اما الرقم الاولي استمر بالرنات عصبت البنت شوي الا اتصال ؟؟: الوو توتة: الو ؟ من وياي ؟ ( البنت معصبة ) توتة: نعم خير؟ من وياي؟ وش بغيت ؟ من انت ؟ الغريب: مسامحة بس شفيك معصبة هدي اعصابك ..!( يا برود اعصابه ) توتة: من انت؟ ومن وين لك رقمي؟ تكلم بسرعة عن السخافات..! الغريب: كنت اطق الارقام وطلع لي رقمك مسامحة معليش بتصل بعد شوي ...( سكر الخط ) توتة وقتها عصبت وطلعت دخنة من شعرها اتصل الغريب مرة ثانية وردت توتة توتة : الو الغريب:الوو ,ممكن اتعرف عليك؟انا حاب نكون اصدقاء توتة:انت من وين طالع حقي؟ من الي مطرشك عليي؟ وعصبت البنت من برود اعصابه وسكرت بوجهه الخط قام الولد وارسل رسالة (اعطيني فرصة لو آخر مرة لاتفهميني غلط بليز) قام واتصل مرة ثانية وزفته زف والكلام مايفيد الغريب: معليش اتصل بعدين؟ لاني بصراحة جوعان بروح اتسحرقبل لا يأذن وبتصل!(الساعة كانت 2:02صباحا) توتة: حط في بالك اذا سكرت وماقلت من وين لك الرقم لاتتصل مرة ثانية ورقمي تمسحه من تلفونك ومابي اشوف رقمك مرة ثانية!! الغريب: ( مكسور الخاطر) اسف اذا ازعجتك وماراح اتصل مرة ثانية اذا تبين واوعدك اني امسح رقمك وبراحتك على كل حال توتة: اكون احسن يالله باي الغريب :باي توتة وقتها حست بإنها غسلت شراع الولد والبنت قلبها طيب وحست انها غلطانة وانها كسرت بخاطره بالعربي الفصيح انها حنت عليه بس طنشت للموضوع وقالت اروح اكمل كتابه بالمنتدى احسن وقالت لزوجة اخوها الحكاية لان بيني وبينكم توتة متعودة على انها تقول لزوجة اخوها كل شي لانهم وحدانيات هه مع بعض في بيت واحد ومالهم الا بعض وطبعا زوجة اخ توتة تبلغ من العمر 35 وساكنة بيت توتة يعني بيت عمها من سنين وطبعا ربنا ما رزقها عيال المهم وقالت لها عن الغريب الي طلعها عن طورها وبعدين واصلت تستسه بالمنتدى ومرت الايام والبنت لاهية بالشغل في محل ابوها وخلص رمضان ووصلت ايام العيد والبنت نست نفسها بالطلعات والروحات والجيات بعد9 ايام من اول مكالمة لتوتة ووالغريب كانت حدها طفشانة وقاعده تتعبث بجوالها ولمحت رسالة الغريب والفضول يا ناس يذبح قالت مافي حل الا اتنقرش فيه( يعني تعاكسه) خخخ شيطانة البنت قامت وارسلت رسالة ( لحد اليوم الفضول ذابحني وودي اعرف من وين لك رقمي) شوي بس ويجيها رقم غريب( الرقم ارضي ولا يفوتكم الرقم يذبح هع هع خطير الولد خخخ ) توتة  مثقلة حالها شوي ) الوالغريب: الوو توتة : هلا الغريب: شخبار توتة : مو مهم تعرف اخباري الغريب: براحتك.تصدقين شفت الرسالة وعلى طول عرفت ان هاي انتي والله انا من يوم قلتي لي امسح رقمي مسحته توتة: صدق؟ زين له .من وين لك الرقم؟ لاتقنعني بأن الرقم طقيته بالغلط مو معقولة الغريب: لا بصراحة ماكان بالغلط بس لو قلت لك من وين الرقم بتظلين تكلميني؟ توتة : قول قول الغريب: واحد من الشباب عطاني اياه توتة:؟؟!؟!؟! الغريب: والله واحد من الشباب عطاني اياه توتة: اها اوك , من هذا؟ من وينه؟ وش الي وصل رقمي له الغريب : والله مادري بس انا ماخذه منه توتة : تدري تذكرني بشخص ما الغريب: من ؟ توتة : مقدم برنامج نجوم الظهاري الغريب: انا اغني يمكن سمعتي لي في برامج اذاعية توتة: والله صوتك مثل صوته لا يكون هذا انت اهو؟ الغريب: انا اشتغل في بحرين T.V البنت شكت في عقلها الا تقول له صوتك مثل المذيع الي ببرنامج نجوم الظهاري يبي لك تسمعه بكره الظهر لا يكون انت......( مو لازم تعرفو مين ) خخخ والولد صار مقلد اصوات وكل ما قالت توتة يمكن قال وراها الى ان سجل رقمها باسم "يمكن"في البداية واستمرت المحادثة والنقاشات الى ان فصل جوال البنت البطارية فارغة وحاست حوسة ولقت الشاحن وركبت الجوال عليه وارسلت له رسالة تعتذر فيه لانو بطاريتها فضيت وعلى طول اتصل واكملو الحديث وتعرفت عليه شخصيا يعني عرفت انو اسمه وحداني و عمره 21 وساكن بالمنطقة الفلانية وقالت له ان اسمها توتة وعمرها 18 وساكنة بهالمنطقة وبعد قال لها انو ناوي يروح السعودية في الصباح بعد مايطلع من دوامه ولا يفوتكم طلع هاوي سيارات هههه ورايح السعودية عشان يركب له مسجلة وشااشات وبعدين استمروسوالف وضحك وشوي البنت خفت جفاف وقامت تكلمه شوي عادي ولما صارت الساعة سته الصبح وحان وقت الرحيل يعني خلص دوامه سكر هاتف الشغل وتيسر والبنت خلاص راحت عليها نومة شوي ويرن الجوال يا ترى مين الي داق على توتة في هالوقت ؟؟ يا ترى مين؟؟ انتظرو التكملة بالجزء الثاني وقولو لي رايكم عشان لما تكون عاجبتكم اكمل بقية الاجزااء
_________________   |
|
#2
11-24-2008
| ||||
| ||||
 رد: صدفة ومن بين كل الناس علقني جديد القصص ودي أقرأ تكمله القصه
_________________    |
|
#3
11-25-2008
| ||||
| ||||
| رد: صدفة ومن بين كل الناس علقني جديد القصص مشكورررررررره عاى القصه روعه ننتظر التكمله تحياتي
_________________  ღ ღღ ღღღ ღღღღ ღღღღღ ღღღღღღ ღღღღღღღ ღღღღღღღღ ღღღ ღღღ ღღღ ღღღ ღღღ ღღღ ღღღ ღღღ ღღღ |
|
#4
11-25-2008
| |||
| |||
| رد: صدفة ومن بين كل الناس علقني جديد القصص يعطيج العافيه اختي وردة انتظر التكمله وشكرا |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
