 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
08-21-2005
| ||||
| ||||
 ارجوكم اللي يعرف اي شيء يفيدني0 السلام عليكم ورحمة الله وبركاته كيف الحال؟ ارجوكم اللي يعرف اي شيء عن عمليات تصحيح النظر ( الليزر- الليزك- اللايسك) كم تستغرق من الوقت؟ كم التكلفه؟ ماهي المضاعفات؟ هل هي فعلا تغني عن لبس النظارات والعدسات اللاصقه؟ كم المدة اللازمة للراحة بعد العملية؟ ماهو الوقت المناسب للعملية؟ كيف شعوركم اثناء العمليه وبعدها؟ وشكرا اعرف اني مثقل عليكم لكن ابي اعرف والله يجزاكم كل خير................... منتديات مدرسة المشاغبين - العيادة الطبية الصحه السليمه،الوقايه من الامراض health clinic hospital disease
_________________  ثقيــــــــــل السعوديـــــــــــــة إهداء للجميع ياسلامي عليكم يا السعودية  ثقيــــــــــل السعوديـــــــــــــة  |
|
#2
08-21-2005
| ||||
| ||||
| والله انا ما ادري بس ابجاوب سؤال هل هي فعلا تغني عن لبس النظارات والعدسات اللاصقه؟ والله انا سمعت انها تغني بس يعني ماني متأكد اي خدمات شي امر بس؟
_________________  أن تضئ شمعة صغيرة .. خير لك من أن تنفق عمرك تلعن الظلام |
|
#3
08-22-2005
| ||||
| ||||
| السلام  اخ ثقيل السعوديه اولا الناس هالحين يتعالجون بالليزك احسن من الليزر لان الليزر ع ماسمعت انها تجرح القرنيه اكثر ثاني شئ احسن الاوقات اكيد وقت الاجازه لان لازمها راحه لان اللي بالليزك بس تقعد ع الكرسي 3 دقايق وتخلص العمليه ولازم تلبس نظاره شمسيه وبيعطيك الدكتور قطره تستخدمها لمدة شهرين او شهر والتكلفه للعين الوحده 2000 او 4000 ع حسب بس عن المضاعفات مدري ..... بس صدقني لو في مضاعفات كان الناس ماهلوا عليها يسوونها وماراح تصير المضاعفات الا بالاهمال وسنكيو واحسن شئ عند المغربي اللي بالدمام ولاتحاول تسويها عند الصانع اللي بالخبر بتروح ملح
_________________   |
|
#4
08-22-2005
| ||||
| ||||
| جيت للعنوان الصح انا وامي سوينا ليزك قبل سنتين عند مغربي كم تستغرق من الوقت؟ على حسب قوة نظرك تقريبا كل عين من 2 الى 4 دقائق كم التكلفه؟ انا سويتها بـ7000 عند مغربي طبعا ياخذون منك 200 ريال للملف و100 ريال للكشوفات غير الادويه فيه غيره ارخص لكن مغربي جهازهم احدث ويعطونك قطرة مخدر عشان ماتحس بشي وقت العمليه كل الي تحس فيه كأن احد حاط صبعه على عينك وبعدين تحس كأن فيه ماي بارد في عينك ماهي المضاعفات؟ ما عانيت من اي مضاعفات مهمه اول شهر بعد العمليه كانت عيوني تتعب بسرعه وما اقدر اسهر او اقرا طويل ويتعبني التلفزيون وشاشة الكمبيوتر بس مثل ما قلت لك اول شهر وبعدين يرجع كل شي طبيعي هل هي فعلا تغني عن لبس النظارات والعدسات اللاصقه؟ اكيد من سويتها ما احتجت للنظاره ولا العدسات لكن الي يسوونها واعمارهم فوق الاربعين يقولون لهم انو في احتمال يحتاجون نظاره للقراءه لكن امي ما احتاجت لها وتقدر تقرا طبيعي 100% طبعا كل ما كان الشخص اصغر زادت فاعلية العمليه وقصدي بفاعلية العمليه ان فترة النقاهه اقل كم المدة اللازمة للراحة بعد العملية؟ لا يزيد عن شهر اول يوم عيونك تكون مغطيه بواقي شفاف وتصلي وانت جالس وماتحني راسك ولا تنزله اول اسبوع لا يجي ماي لعيونك يعني اذا جيت تتوضى تمسح حوالي عيونك بس(ولا تفكر مثل الي شفتها بالمستشفى تيممت ودخل غبار بعيونها) اول عشر ايام لاتحط مكياج داخل العين (هذ الي قالي الدكتور) ما تقرب من حراره(مثل حرارة الفرن هذي للنسوان) ولا غبار ولا طباشير اذا كنت في مدرسه ولا لاشعة الشمس لانها راح تتعبك حيل وتحتاج نظاره شمسيه كم شهر ولا تسهر كثير حتى لو كنت حاس نفسك قادر على السهر لانك راح تتعب بعدين وما تجلس في مكان انارته عاليه كثير من المحتمل انك تشوف نقطة دم او نقطتين بعينك لكن لاتخاف هذي طبيعيه وتروح بالتدريج راح تستمر مراجعتك للمستشفى 6 شهور اول شهر تروح لهم كل اسبوع وبعدين مره بالشهر ماهو الوقت المناسب للعملية؟ انو يكون عندك اجازه عشان تقدر تنام طول النهار مثل اقلت لك الشمس تتعبك فيكون احسن اذا نمت بالنهار وصحيت بالليل وعشان مايكون عندك مذاكره او شغل وتتعب كيف شعوركم اثناء العمليه وبعدها؟ قبل العمليه كنت خايفه لدرجة اني بكيت من الخوف ولولا الحاح اهلي ماسويتها بس وقت العمليه عطوني حبة مسكن وقطرو بعيني قطرة مخدر يعني ما كنت احس ان عيني مفتوحه او مسكره اصلا عادي واذا حطو الجهاز على عينك ماراح تشوف شي كأنك مغمض بالضبط كان الدكتور يكلمني طول فترة العمله ويهديني لاني كنت خايفه مره ومر الوقت بدون ما احس فيه بس شميت ريحة كأنها ريحة قماش محترق قالي الدكتور انو هذي ريحة الليزر وتسمع صوت طقطقه قويه وبعد العمليه ماكنت مصدقه اني خلصت اصلا ماحسيت انه صار شي خصوصا ان تاثير المخدر ما راح رجعت البيت وانا دايخه ونمت (طبعا لازم تجيب لك مرافق يوصلك ماراح تقدر تسوق) النتيجه ماراح تطلع من اول يوم يعني لاتتوقع ان نظرك راح يصير سته على سته من اول يوم راح تظل شهر نظرك متذبذب يوم حديد ويوم ماتشوف واضح كثير احتمال يعطونك ادويه قبل العمليه باسبوع اذا كان عندك جفاف بالعين اوغيره طبعا المستشفى راح يهونون لك كل شي بس عشان يرغبونك بالعمليه بس لا تطيعهم يعني يمكن يقولون لك انك تقدر تسوق اول يوم او تشوف تلفزيون انت صحيح يمكن تقدر لكن راح تحس بالتعب بعدين وماراح يتحسن نظرك بالسرعه المطلوبه ولازم تعمل تمارين لنظرك بعد العمليه (مثلا تقرا كتاب خطه كبير بعدين تغير الكتاب الى ثاني خطه اصغر شوي وكذا بالتدريج) هذا كل الي جا في بالي اكتبه اذا عندك اي سؤال لاتتردد انت اسال وانشالله اقدر اجاوبك على كل اسالتك خصوصا اني ماسويت العمليه الا بعد بحث طوييييييييييييييييييييييييييييل وتعب كنت ابي اثق بالمستشفى والدكتو والنتايج اكيد انا عملتها عند دكتور طارق زياد وامي عند دكتور عاكف مغربي
_________________ ليسـت مشكلـتي إن لم يفهم البعض ما أعـنيه.. فهذه قناعـاتي وهذه أفكاري وهذه كتـاباتي بين يديكم.. أكتب ماأشعـر به وأقول ما أنا مؤمـن به.. أنقل همـوم غيري بطرح مخــتلف.. وليس بالضـروري ما أكتبه يعكس حياتي الشخصية |
|
#5
08-22-2005
| ||||
| ||||
| السلام عليكم الاخ:أي شيء والاخت:susy والاخت كريستينا غامجة الله يعطيكم العافية واشكركم على المرور اشكركم واجد على التوضيح زي ماكنت ابي بالضبط وجزاكم الله كل خير شكرا
_________________ ثقيــــــــــل السعوديـــــــــــــة إهداء للجميع ياسلامي عليكم يا السعودية ثقيــــــــــل السعوديـــــــــــــة |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
