السلام عليكم ورحمة الله وبركاته..

دعوووونا نبحر ونتعمق في هذه القصة وهذه القصيده ... ونرى انطباعكم عنها ؟؟


واحد اسمه خالد جاه مرض و قالوله انه بيموت كتب الشعر لصديقه يقول له فيه انه يحب حبيبته و يبي من صديقه هذا انه يخليها تنساه اقرأ القصيده والله تستاهل ... وراح تعرف معنى الحب الصادق .. ونصيحه لقراءة هذه القصيدة لازم ترفع صوتك شوي وانت تقراها وراح تحس فيها واتمنى من كل قلبي انها تعجبكم
http://q2all.net/upload/pic/IIIUI.jpg


وصاتي لك من بعدي ........ تموت فيها علشاني

ابيها تعيش و تحيا بك ........ واظل بالذاكره مفقود

وصاتي لك تنسيها ........ ملامح وجهي و تنساني

وتعزفها قصيدة حب ........ على عكس اللي عزفته بعود

وصاتي لك تبعدها ........ عن اشعاري وقيفاني

تراها مغرمة بالحيل ........ ويشهد لي عدد الردود

وصاتي لك تسايرها ........ ترى فيها من احزاني

طلبتك لايضيق بالك ........ طلبتك والطلب مردود

وصاتي لك تناديها ........ حياتي..عمري..ازماني

انا عودتها دايم ........ ادلعها وانا موجود

وصاتي لك تعاملها ........ بطيبه قلب و احساني

تراها تذرف الدمعه ........ ودمعتها بليٌا حدود

وصاتي لك تحفظها ........ سور وآيات قرآني

وتخبرها عن الميت ........ رحل لايمكنه بيعود

وصاتي لك ترسمها ........ على قبري وأكفاني

ابيها لوحة تبقى ........ على طول الزمن محدود

وصاتي لك تمازحها ........ وتشوف الضحكة بأسناني

سعيتك ياضحك هالكون ........ طلبتك لاتصير جلمود

وصاتي لك تقهويها ........ من دلالي و فنجالي

تراها تعشق السمرا ........ ويكفيها دخون العود

وصاتي لك تركبها ........ على خيلي و على حصاني

وربي فارسة من قلب ........ شهادة ماهي لشهود

وصاتي لك تسفرها ........ بلاد الشام و لبناني

ترى يحلالها تقطف ورده ........ وردة من بلد الورود

وصاتي لك تراقصها ........ على الحان رحباني

ترى فيها عرق خالة ........ وفيها من جنون السود

وصاتي لك تحببها ........ فأبونورة بعد هاني

وتنسيها ندم غلطة ........ انا فيها ترى المقصود

وصاتي لك تكرهها ........ في تاريخي و عنواني

أبيها تلعن اللحظة ........ وتلعن كل فرح موعود

وصاتي لك تكلمها ........ عن المجني وعن الجاني

وتخليني انا الظالم ........ وانا من حرق الاخدود

وصاتي لك تشبهني ........ بدم أحمر قاني

وانا هالقاتل السفاح ........ مجرم من عصر نمرود

وصاتي لك تحلفها ........ تتوب تحبني ثاني

ترى يكفيها ماعانت ........ ويكفي حيلها مهدود

وصاتي لك تنسيها ........ وصية قالها لساني

أنا اخبرك رجل موقف ........ وانت قدها وقدود

صديقي مالقيت غيرك ........ يعرف وشلون تنساني

أمانه ضمها بقلبك ........ ترى خالد....رحل مايعود

http://q2all.net/upload/pic/IIIUI.jpg

..................................

ورد عليه شاعر في أحد المنتديات بنك (سحاب)..
قال..

كان موضوع اخي (سكاتي )السابق هو مالت علينا وعلى بالنا نحب وهي وصيه احد الشعراء يوصي احد زملاءه على حبيبته وكان الموضوع جميلا جدا كما هي عادة اخي (سكاتي) في طرحه لكل جديد ولكن بعد قراءتي لتلك الوصيه وجدت ان الشاعر ظلم نفسه كثيرا وكان يريد من صديقه ان يمحو كل ذكرى له مع تلك الحبيبه حبا فيها ورأفة بها من العذاب وارى انه من حقه ان يبقى له من الذكرى نصيب على الأقل في قلب من احب والعذاب والحزن توأم للحب دائما .
لذلك وبعد الأعتذار من الشاعر ومن اخي (سكاتي) قمت بتغيير القصيده ليتغير المعنى وتتغير الوصيه كما احب ان تكون وليبقى للموصي مكانة في قلب حبيبته .
والحكم لكم انتم في اي الوصيتين انسب ؟؟؟؟؟
ولكم خالص التحيه .

والقصيدة كما كتبتها هي : ــ

وصاتي لك بعد موتي ............. تصبرها على شاني

ابيها تذكر اللي راح .............. واكون بالذاكره موجود

وصاتي لك تفهمها ............... ياما كانت احزاني

طلبتك لا يضيق بالك ............ طلبتك والطلب مردود

وصاتي لك تناديها ............. بقايا عمره الفاني

انا عودتها دايم .............. اكون بقلبها موجود

وصاتي لك تحلفها .......... ابد مايوم تنساني

تذكرها بقصة حب ......... طويله مالها اي حدود

ابيها دايما تفخر ............ بطيبة قلبي واحساني

وابيها تفخر بصحرا ........... زرعناها عنب وورود

وصاتي لك تحفظها .......... من اشعاري وقيفاني

تراها رددت شعري........... وانا القاصد وانا المقصود

وصاتي لك تشجعها ........... تردد ماضي الحاني

طلبتك يارفيق العمر ........... وانا ميت كلاه الدود

ابي منها يمين الله ............ اكون القاصي الداني

وانا عارف طبايعها .......... اصيله قدها وقدود

وصاتي لك تناظرها ............. بعين انسان شفقاني

ابي منك تناظرها .............. بعين الأخ..... مابي زود

تراها مخلصه بالحيل............ تراها حيل تهواني

وربي صادقه من جد ............. وكل الناس عليها شهود

ترى فيها جمال الكون .......... وريحة طيب لبناني

تراها احلى من الورده ........... ترى فيها شموخ العود

ترى في صوتها بحه ............. تشابه لحن رحباني

ترى فيها هدوء البيض .......... وفيها من جنون السود

ترى فيها براءة طفل ............. تراها عالم ثاني

ولا في قلبها حاسد................ ولا في قلبها محسود

وصاتي لك تساعدها ............. تمر احيان عنواني

ابيها تفرح بشمعه ............. تنور في الليالي السود

رهيف قلبها توه .............. حرام يعيش وحداني

وترى يكفيها ما عانت .......... ويكفي حيلها مهدود

انا مابي اكون اللي ............. يحب واصبح الجاني

ولا ابغى اصير ظالم .............. ولا من حرق الأخدود

وصاتي لك تفهمها ............. من الألام وش جاني

وياما دمعتي طاحت ............ بلا شاهد ولا مشهود

واني في فراش الموت .......... يردد اسمها لساني

واردد كلمة كانت ............... مواثيق الهوى وعهود

ابي منها ترش المسك ........... على قبري واكفاني

ابيها تذرف الدمعه ............ على قبري بليا حدود

ابي تقرأ على قبري ......... سور وآيات قرآني

وتدعي لي بظهر الغيب .......... بحسن مقابل المعبود

وابي تزرع على قبري ......... زهور وغصن ريحاني

وتسقيها بدمع العين ............ على حب رحل ....مايعود


هاهي اعزائي والحكم لكم .

ولكــــــــــــــــــم اجمـــــــــــل تحيـــــــــــــــه مـــــــــــــن سحاب


http://q2all.net/upload/pic/IIIUI.jpg


ايضا هــــــنـــــاك تفاعل مع هذه الابيات

ابيات رائعه
أترككم معــــــــه...

حبث قــــال...

الله يعين البنت كانها سمعت هالقصيدتين


واسمحي بهالابيات مجاراةٍ للشاعرين مع خالص احترامي الفائق لهم


واعتبرو هالابيات على لسان البنت وكانها هي اللي قايلتهم






حبيبي لا توصيني بعد موتك احب ثاني

انا مابي من الدنيا سوا تبقى معي موجود

واذا ربي قضى حكمة بعيش بعالم احزاني

ولا بة شي يسعدني مدام ان الفرح مفقود

مدام ان القبر بيتك عساة اليوم اوطاني

عسى عمري بعد موتك دقايق بس ماهو زود

انا مابيك توصيهم يحبوني على شاني

انا كيف اهتوي غيرك تظن ان الفرح بيعود

تظن اني انا برضى احب واعشق ازماني

ترا كل الزمن بعدك ليالي كل ابوهن سود

انا بوصيك ياخلي توصيهم على لساني

ابي قبري وسط قبرك ابيك توصي هل الجود



وسلامتكم ارجوا انها تحوز على اعجابكم



الى هنا انتهينا ... ثلاث قصائد رائعه بثلاث ظروف تختلف



_____ ( اترك الحكم لكم ..... واحكموا ) _______

وه بس
ياويل حالي

علي الحب

تسلمين خيتو علا الابيااات

منجد استمتعت بقرائتها

وتقطع قلبي..

مشكوووووره يالغلا


تقبلي طلتي وردي المتواضع

أراف بحالي يابعدحالي؟!؟

_________________
أموت كلي معك واموت فيك وعليك..~