ياغايـبـه وان كــان فيـهـا جمـالـه
.. .. .. .. .. .. .. .. تجمّـلـي يــاام الـحـلا والظـفـايـر


بالله شوفـي صاحـبـك كـيـف حـالـه
.. .. .. .. .. .. .. ..شوفيـه فـي غيبتـك وشلـون صايـر ؟!



صارت حياته ضيـق خلـق .. و بطالـه
.. .... .. .. .. .. هم .. وسهر .. واوراق شعر .. وصقاير !!


يعنـي حبيبـك صـار حالـتـه حـالـه
.. .. .. .. .. .. .. .. مابـاقـي الا انــه يــدّن .. العـبـايـر


الله لامـنّــه ذكـــر مـامـضـالـه
.. .. .. .. .. .. .. .. قـبـل الـدوايـر ماتـجـر الـدوايــر


يــوم الطفـولـه والشـقـا والجهـالـه
.. .. .. .. .. .. .. .. يـوم الصغايـر فـي عيـونـه كبـايـر


ايــام كــان معـانـده راس مـالــه
.. .. .. .. .. .. .. .. ويـسـوق لهـبـال الشـقـاوه بشـايـر


يامـا امتلـى بالحـب والطـيـش بـالـه
.. .. .. .. .. .. .. .. ويامـا امتلـت مـن شخبطتـه العـوايـر


يكتـب عليهـا : ( عاشقـك للثمـالـه )
.. .. .. .. .. .. .. ..ويخـطّ توقيعـه : ( جريـح الضمايـر )


يامـا اشتكـاه ابـوك فـي بيـت خـالـه
.. .. .. .. .. .. .. .. ويامـا تحصّـل مـن هـواك العـزايـر


مـره حـلـف بـأنـه يبّـطـل هبـالـه
.. .. .. .. .. .. .. .. وقبـل يكمّـل .. فـك اخـوه الستـايـر


ثـم طالـع الشـبـاك.. ليـنـك قبـالـه
.. .. .. .. .. .. .. .. وفي اقل من لمـح البصـر جـاك طايـر


علـى صغـر سـنـه ممّـيـل عقـالـه
.. .. .. .. .. .. .عتيبي كاشـخ وناسـي لايـصـك الـزرايـر

لاشـافـك يتمـتـم لـحـالـه بـحـالـه
.. .. .. .. .. .. .. .. لعيـون هالشـوفـه تـهـون الخسـايـر


ولاشـاف زول ابـوك حــذّف نعـالـه
.. .. .. .. .. .. .. .. الحـب صايـر .. لكـن العـود جـايـر
طفـلٍ يتيـم ورغـم الأحــزان دالــه
.. .. .. .. .. .. .. .. مايـدري ان حظـه مـع الوقـت بـايـر


كنتـي طموحـه .. كنتـي أغلـى حلالـه
.. .. .. .. .. .. .. .. كنتـي وصرتـي بـس يــاام الظفـايـر


طفـلٍ زرع مـن ضحكتـك فـي خيالـه
.. .. .. .. .. .. .. .. ليـن اثمـرت شعـرٍ هـزالـه حـرايـر


لاتتركيـنـه فــي غيـابـك لـحـالـه
.. .. .. .. .. .. .. .. بالله شوفـي كـيـف هالطـفـل صـايـر


ووحـده بوحـده كـان عـنـدك عـدالـه

.. .. .. .. .. .. .. .. اتبّطلـي غيـبـه ..و ابـطّـل صقـايـر

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

قصيدة رائعة اخي الكريم

صح لسان شاعرها

وسلم فكرك وبنانك على هذا الانتقاء

دمت في احسن حـال

^
^
( al.ata@hotmail.com )