كل ما تذكرت اللي صار بكيت و قمت اشاهق و اتعبر مثل البزارين والعبرة تخنقني الرجال
با العادة يتزوج علشان يرتاح في حياتة وينبسط و يلقى نصفة الثاني انا ما عندي النصف الاول علشان ادور على
الثاني لكن لاجل عين تكرم مداين السالفة يا جماعة صارت قبل سفري لاكمال دراستي في اميركا دعاية
قررت اسافر و اشوف مستقبلي اللي للحين ما لقيتة ولا شفتةو الاهل كانو معارضين فكرة اني اسافر
للخارج يموتوون فيني وخصوصاً الوالدة هيفاء اللة يطولي بعمرها كانت معارضة على دخولي المجال
الفنيلحظة لحظةحسبي اللة عليك يا احلام كانت خليتينا نحفظ ها الاسطوانة من كثر ما ترددينها
علينا في المقابلات المهم قبل سفري بشهرين الوالدة ركبت دماغها و حلفت علي اني ما اسافر الا و
انا متزوج يا ميمتي ما يصير اتزوج الحين خليني اسافر اول و اعرف الديرة زين ما يحتاج الحين
كل شيء عرفتة من كثر اللف و الدوران في الشوارع و عند السيكو سيكو و بعدين ارجع و اتزوج كثر منها هذي
انا قلت ها الكلام وهي اللي زعلت و قالت ابدا ما يصير تروح وانت ماتزوجت تبي ربي يخسف علينا السماء تبي تتزوج يعني تتزوج
وان لقيت لك بنت الحلال اللي تبي تسعدك وانا في المقابل ا هبل بها وتخليك بعد تتحسف علشانك ماتزوجت من زمانما ادري لية يوم سمعت كلامها تخيلت نفسي مع المدام متسدحين على الشاطي في شهر العسل وممددين ها الكراعين بس على طول حامت تسبدي لما تذكرت ان ركبها بتكون سمر زي العادة التفت على الوالدة و قلت عاد انا في حركة استعراضية فيها
من ثقل الطينة الشي الكثير : يا سلام انتم مخططين لكل شي و انا آخر من يعلم يعني و فجأة دخل
علينا ابوي اللي لين اللحين ما هظمني وشاركنا الحديث وادلى بسطلة في الموضوع وقال: لا تكثر من الحكي بس لا اعطيك مخمس اعدل وجهك انت متزوج يعني متزوج فاهم والا لا حكمتة في الحياة من شاور ما عطى قلت انا ما اقدر اتزوج اللة يطولي
بعمركم ما اقدر ما اقدر ونزلت 3 دمعات من عيني الوسطى ليش 3 مدري قال الوالد : ليش ما تقدر منتب رجال مثل الرجاجيل والا الله يستر لا تكون من قوم مجدي قديييم مرة واستخدم يدية للتوضيح في هذة المسألة حاولت اتكلم و قول ليش مابي اتزوج بس ما قويت انطق حروف صابني عجز الكلام ولا حكيت في النهاية قلت غلى راحتكم رضاكم من رضاة سبحانة على بركة اللة
واللة يعين البنية على اللي يبي يصير كلمت الوالدة اهل العروس و حددو الموعد وكان ليلة
الاربعاء ذاك اليوم كان يوم الهواجيس والهموم والاسهالمن الصبح وانا عند الحلاق اقصص شعري و
انظف وجهي ها اللي كنة كرتون صلصة ناقص علبة وحاولت بقدر المستطاع اني اصير حلو ومزيون
ولكن كل المحاولات بآئت با الفشل الكلوي جا العصر و رجعت للبيت وقالي الوالد ترى موعدنا مع
الجماعة بعد صلاة المغرب زين جتني نفاضة و رعشةودوخةوحسيت ان نهايتي قربت ورحت اركض لغرفتي و صكيت الباب
واطالع الساعة و الا واللة ما بقي الا ساعة على صلاة المغرب وافتح دالوب ثيابيواطلع صروال السنة الأصيل والفنيلة العلاق مهوب
خوينا اللي هنا واطلع ثوب العيد ثوب الدفة حق الكشخة والبسة واتطيب بطيب والعالم الله انة زيت فرامل حسبي اللة على غشني فية على كبر خشمي الا ما فية نفع ما يشم الا الخياس وبس و اتزين لمدة ساعة كاملة وكل ها الكلام صار وانا لين الحين ما
شفت نفسي با المراية يوم جت ساعة الصفر وصفر ابوي يعني يا اللة مشينا مريت من عند
المراية و ما صدقت اللي شفت صرخت لكن بدون صوت مو معقول هذا انا انا بعد
كل اللي سويتة في نفسي من الصبح ما زلت شين وشيفة اللهم لا اعتراض حاولت اتمالك نفسي
واعصابي و اهضم شكلي لكن ما قدرت وانزل للاهل اللي ينتظروني تحت وقلت في نفسي هي اللي راح
تخسر مو انا انا خسران من دونها اصلا كانها خبلة فهي بترضى فيني رحنا ووصلنا لبيت
الجماعة وكان موجود ابوها وثلاثة من اخوانها وواحد منهم كان شكلة غلط بصراحة شيييين با المرة من
زينك عاد جلست وانا على بالي اني مشخص با البشت اللي علي متسلفة من اخوي الكبير و
صاير كني خيمة واقفة من دون عمدان في البشت يا حسرة لا كتوف زي الناس و لا شي وكنت احاول ادخل رجليني تحت البشت لأني اكتشفت في مجلسهم ان شرابي مبقور منشق بعد كرم
الضيافة وهذا احسن شي لأني ما يمديني احط الفنجال على الطاولة الا ويقمز اخوها وهو يقول : واحد يارجال مسكين مصدق اني رجال وحاسب لي حساب جا الشي اللي كنت خايف منة وهو يوم ناداني اخو العروس وقال تعال علشان تشوف العروس و
تشوفك قامت الدنيا تدور بي ودي احط رجلي و انحاش قبل ما يصير اللي انا خايف منة لكن هيهات
هيهات اخوها ماسكني مع يدي لين وصلنا المقلط مكان تنتفخ فية الكروش ودخلنا وما كان فية
احد قلت اشوى شكل البنت هونت شوي والا هذي البنت دخلت آآآةةة معد ادري وقتها وش
اسوي و كانت منزلة راسة وتمشي بهون ودلع بصراحة عجبتني اكيد بنت حاولت اتميلح واسوي نفسي رومنسي وانا اللي
اسبل عيوني و ارمقها بنظرة كلها حنان ورمونسية يعني على بلاطة عطيت خليت عظلات وجهي ترتخي بس اللي ما عملت حسابة هو عظلات خشتي اللي ما صدقت خبر وبدت تسعبل و كل هذا و خوها يطالعني وودة يصكني بكف وكل هذا على امل اني اعجبها
بس المشكلة يوم شافتني صرخت بصوت غالي لالالالالالالالالا حرام عليكم حرام تبون
تتدفنوني با الحيا معة وانا فاتحاً اثمي وما صكيتة الا على دخلت ابوها و ابوي واخوانها واخوي
بعد جاي علشان يقزها الخبيث لكن هين اوريك خلة يتزوج ويشوف قال ابوها وش السالفة محد رد علية والبنت طلعت
تركض يوم دخلو الرجاجيل والا انا كومار ما عني غطى وش فيكم وش السالفة ولية اختك تصارخ قال اخوها اللي صار
كلة وانا خنقتني العبرة لحظتها اللي خايف منة صار وجرحتني البنت يآآآي وكسرت مجاديفي الأخ في قارب طلعت اركظ انا بعد
وتركتهم وش زودي والدموع اربعاربع ولحقني ابوي واخوي بعد وقام يصارخ ابوي في موقف
مؤثر: استنا استنا يا ضناية وانا اللي اطلع من كل البيت وانصى سيارتنا الوانيت وافتح الباب واركب وانيت غمارة وحدة
واكمل صياحي ورجعنا للبيت وامي تقولي مبروك يا وليدي عساها عجبتك البنت وانا في نفسي
اقول با الحيل والله يا عليها بدي واااااوة تقل مرسيدس مفترش في خط بس هي راسها يابس شويوالا انها تدلع حبتين ويوم درو الاهل عن اللي صار الجميع تاثر و الجميع حزن حتى شغلتنا ناني صاحت بعد
الا انا لاني عارف اني شييييييين من زمان بس مو ذنبي يا ناس والتالية شوفت عينكم لليوم متشحطط في غربتي
بين النواشف واذا جا الليل هليت العباري وونيني اشتكى منة جاري توني انا ابي انسانة تفهمني تقدر مشاعري تقدر مواهبي
تعاملني بحب وتطبخ لي بحب وتنومني بحب وتكون حياتها حب في حب وتكون آية في الجمال ابي لا شفتة اقعد اصيح واصيح
عندها من كثر ماهي حلوة طريقتي للتعبير عن مشاعري تجاة الجمال والله ياجماعة شوفت عيونكم
مامن شروطً تسوى أقول ظف وجهك ياالشين قبل لا امردغك لين ما تتفل العافية
العاشق الحسران : مصرقع الصمرقع

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه