حياتي أبرار الناس لازم تمر بأوقات صعبه بحاتهم بس فيه ناس ما يتحملون الصدمه ويمكن يموتون ع صغر سنهم..
وناس يمكن يتضايقون ومايتحملون ضيقهم حتى لو شفتيهم يضحكون بعالي الصوت كأنهم يصرخون..
أنــــــا مهمــــــــــــــــــــــــــوم..
حياتي أبرار الناس ماتظمن عمرها هالايام وانا ما أظمن عمري هاليومين ..
إيــه أحس يومي قريب أحس أني بلحق جدتي وولد عمتي وأخواني أحس أني بلحقهم وأموت..
حياتي أبرار ما أبيك تصيحين أو تحسين أنك من دون الناس تضيعين..
حياتي أبرار أبيك تعرفين أني حيل مبسوطه ع مفارق هالدنيا وهمومها..
حياتي أبرار راح أشتاق لك كثــــــــــــــير وراح تدمع عيني على فرقاك..
حياتي أبرار أنا أحبك ومستحيل أنســـاك حتى لو كنت تحت الرمال..
حياتي أبرار إذا إشتقتيلي كلميني تراني معاك وأسمعك بس للأسف ماراح تسمعين ردودي..
هذا كلام امي يوم إشتقت أسولف لجدتي ..
حياتي أبرار الناس لازم تموت بس فيه ناس تموت قبل أجلها..
حياتي أبرار لاتسمحين لاي أحد يجرح قلبك أو يفكر يحطم فوادك..
حياتي أبرار لا تحبين آي مخلوق بعدين يكون غلطت زمانك..
حبي اللي تحسينه يحبك كبر هالكون وبيحميك ويسعدك طول حياتك..
حياتي أبرار أنا حبيت أقول هالكلام لاني آخاف أموت وأنا باقي ما قلتها..
حياتي ابرار سيرة الموت تخليني كئيبه وأنا عارفه أنك ألحين حزينه لانك تقرين وصاتي..
حياتي أبرار ما أوصيك ع البنات البقيه ساعديهم حتى لو قبل كانو يقولون عني أنانيه..
حياتي أبرار أنا يمكن كنت أقول اني أكره فلانه وفلانه عدوتي بس تراها مومن قلبي..
حتى لو كانوا يستاهلون هالكلام حتى لو كانو اسوء الاشخاص..
حياتي أبرار أبيك تعرفين أن أنا مالي أعداء ولو كنت عدوة أحد صدقيني هالانسان ما يعرف قيمة هالحياة..
والله ما خلقنا عشان نكره فلان وفلان ربي خلقنا عشان نعمة الايمان وعشان نعبده ونصير أخوان ..
حياتي أبرار إنتبهي من الزمان ترآ ماله آمان هذا كلام شاعر وأصاله تغنيه وتقوله..
حياتي أبرار لا تحزنين لو مهما صار حتى لو دريتي ان حبيبك يخونك مو شرط حبيبك ناسك أصحابك وأهل بيتك تراهم وربي ما يسوونك..
حياتي أبرار ما أدري إذا قلت لك أني أحبك بس هذا أنا الحين أقولها أحبــــــــــــــــــــــــــــــك..
حياتي أبرار لو بيوم زعلتي لاتستغربين لو لقيتيني على بابك لاني خايفه أمسي الليل وأنا مو على بالك..
مغروره صح وربي يحق لي دام اني أعرفك..
حياتي أبرار الله العالم حبك وش كثر أصونه بقولك شي يضحك..
تدرين أن دموعي نازله ع خدي صدق أني مجنونه بس وربي معذوره مو قادره أتصور أني راح أخليك..
وأروح مكان كل واحد يضويه بنوره..
حياتي أبرار أعتقد أني إنتهيت بس مدري وش اخلي الخاتمه لوصاتي أكتب بيتين شعر ولا أكتب الله يعلم بحالي..
حياتي أبرار وحياتي أبرار وحياتي أبرار الله يخليك لاحبابك ويخليك لي وصدقيني طول ما انا عايشه راح تكونين بالنسبه لي أحلى حرمه


أتمنى أشوف ردودكم وإنشاء الله جديدي قريب.

منتديات مدرسة المشاغبين - القصص و الروايات و الحكايات قصص قصيرة و تعلم القصة story novelette