بسم الله والصلاة والسلام على اشرف خلق الله
اما بعد
<<<<<<<<<< ماقلنا لكم له مستقبل ماهوب صاحي

انا عضو في العمريات قصدي العمريات المصرقع وبكامل مدري وشسمة اعلمكم يابنات العمريات اني خلاص قررت ارتبط و اتزوج بس ابشركم اني راح اسوي لكم اختبار واللي تجيب الدرجة الكاملة راح تتاهل للمباراة النهائية

المهم انا ومن خوفي على نفسي جاتني اميمتي وقالت يا وليدي لاتاخذ لك اية وحدة اعرفها من قبل ماتاخذها فقلت ياولد اميمتك صادقة وقلت خلنا نسوي لهم اختبار صغير نكتشفهم على حقيقتهم .....

فعلى اي بنت ترغب باالتقدم في الاختبار ان تجاوب على الاسئلة الجاية ولايهمكم ماعلي من الشكل اهم شي الاخلاق

<<<<<<<<<<<<< ماقلنا لكم ديموقراطي

يالله طلعوا ورقة وقلم وحلوو الاسئلة العشرة الجاية :

****************************
السؤال الاول :

كنت انا وياك متكيين في البيت ونقشم حب ونسولف وجيتك وكمختك بسالفة جديدة ونصبت عليك وقلت السالفة انا اللي صايرة لي وانتي اصلا قد قلتيها لي من زمان وش راح يكون تصرفك

1) بتحذفينها بوجهي وبتقولين انثبر هذي سالفتي
2) بتسكتين وتسوين فيها اخلاق
3) بتصرفين ابو الموضوع وبتقولين يامصرقع عليك ذاكره مهيب صاحية ماشاء الله عليك


***********************
السؤال الثاني :

رحتي لخواتك في بيت امكم وتاخرتي ورجعتي الا انا اهاوش وقافلة مع دين اهلي واقول لك مالك طلعة من البيت مرة ثانية وش بتردين

1) معصي انت ووجهك اللي كنه قوطي تونة
2) طيب بس الله لايوفقك يا الظالم
3) ابشر ياصرقوعتي وسع صدرك بس


**************************
السؤال الثالث :

رحتي ومسووية فيها فنانة وطخيتي لك ذا الثوب الجديد وجيتي لابستة وتتميلحين فيه وانا صافط اهلك ولا عبرتك وش راح يكون تصرفك

1) تلقطين وجهك وتطسين تنامين
2) تتميلحين وتقولين وش رايك با الثوب
3) تصفطيني وتتجاهليني حتى لو انتبهت بعدين

*************************
السؤال الرابع :

جات مناسبة رهيبة با النسبة لك وانا مع الدلاخة وزحمة الشغل نسيتها وش راح يكون تصرفك

1) تكرشيني وتهزئيني وياللي ماتستحي ويا التعبان عشان تذكريني با الموضوع
2) تتناسين الموضوع
3) تتميلحين با الهدية وبمواضيع ثانية عشان يتذكر زوجك اللطخ

*************************
السؤال الخامس :

جيتك يووم مخربها وجبت معي ضب للبيت ( بدال الكلب) وقلت لك ابي اخليه معنا في البيت وش راح يكون تصرفك

1) ماتقولين شي وتقولين ابشر يامصرقع
2) بتنشبين في حلقي وتقولين يا انا يا ذا الضب في البيت
3) تبين تدزين بيت اهلك من دون تفاهم

**************************
السؤال السادس :

اكون انا جاحدك ولا مرة شريتلك هدية وش راح يكون تصرفك معه

1) تقولين له انك تحبينه والهدايا ماتغير شي
2) ماتذكرينه بموضوع الهدايا مرة ثانية
3) تنشبين لا اهله في قصة الهدايا وليه فلانة وفلانة ووو الى مايرتفع ضغطة


***********************
السؤال السابع :

انك دارت الدنيا وصرتي تستلمين راتب اكثر مني وش راح يكون تصرفك

1) تسلمين الراتب كامل في يدي (مالك امل)
2) تتجاهلين الموضوع ولا تلمحين له
3) توفرين راتبك وتخاشريني في راتبي

************************
السؤال الثامن :

طلبتي مني اجيب شغالة ورحت جبت شغالة عليها جمال مهوو صاحي وعليها شعر يوصل للركبة وش راح يكون شعورك وتصرفك وقتها

1) تطلبين مني تسفير الشغالة يا انتي ياهي في البيت
2) تراقبين الشغالة في كل تصرفاتها ولا تطلعين من البيت وتتركينها لحالها
3) تتجاهلين الموضوع وتطنشين

**************************
السؤال التاسع :

اجيك يوم اتميلح واقول يازين الاكل من ذا الاصابع يافلانة وش راح يكون تصرفك

1) تنادين الشغالة وتقولين سووي عشا ل بابا
2) تقولين له انطق وابلع واحمد ربك انك محصل اللي يشبعك
3) تنقزين المطبخ وتطبخين احلى طبخة

*********************
السؤال العاشر :

زليت وجبت العيد وقلت لك اسم وحدة كنت اعرفها ايام الدجة والشباب وش راح يكون تصرفك

1) تبلعينها وتسكتين
2) تقولين له بكل رومانسية اثرك سربوت يا ابن الكلب
3) تشلين الشنطة واقرب ليموزين لبيت اهلك


وقابلووني ان نجحت وحدة فيكم

الاجابة النموذجية اذا حصلتي اكثر من 40 نقطة على مجموع الاسئلة راح تترشحين للمباراة النهائية


لكل سؤال
الاختيار المثالي = 5 نقط
الاختيار اللي بعدة = 3 نقط
الاختيار اللي فيه العيد = نقطة بس

يالله با التوفيق وياويل اللي يعادينا ياويلة ويل اوووه قصدي ياويل اللي تبي تغش من اللي جنبها

يالله تراها ماتسوى كلها مصرقع لا راح ولا جاء ماتسوى غش وهيئة ومحاكم وسجن وشرشحة


واقم الصلاة
قصدي وسلامتكم

_________________
ازعل علي مره 000 وارضى علي مره 000 بس مو كذا مره 000 تنساني بالمره