|
| |||||||
| القصص و الروايات و الحكايات قصص قصيرة و تعلم القصة story novelette يهتم بالقصة و الرواية الثقافية والتراث القديم قصص حب قصص غرام قصص واقعية قصص غريبة قصص عجيبة قصص الجن قصص مضحكة قصص التائبون قصص ساخرة قصص جرائم قصص اطفال |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
12-08-2008, 10:30 AM
| |||
| |||
 سعودي وعروسته .. في ليلة العرس السلام عليكم ورحمة الله وبركاته هذا واحد توه معرس وخلصت الزفه والأمور إللي باالقصر ..... أخونا في الله شغل[أخذ حرمته] وركبوا السياره..ودعس للقصيم يعني أهل العروسه في الرياض وهو ساكن في القصيم. والبنيه تستحي ومقررررطه طوول الطريق ...والرجال ماغير يسولف ويهذر والبنيه ساكته...مااحولك أحد ... الرجال يأس من البنت إنها تكلم ..وقال ياولد ماوراه هذره أشغل المسجل وأمسسك الخط.... في الوقت نفسه البنت كانت " مضطره لدورة المياه " ومتوهقه إنها بس تتكلم عشان تقوله أبي الحماااام الله يكرمكم . عاد هي طمررت على المرتبه إللي ورا عشان تنسدح ويخف عليه الوجع إلين يوصلون لمحطه. المهم الرجال ماوعى إلا وهاذيك محطه ويصفط عندها وينزل للبقاله ياخذ له كم كيس فصفص وكم علبة بيبسي للطريق. هو كان وده ياخذ له شريط يسليه بالطريق بس خبركم مايصلح يشغل شريط والأفضل يخليها سواليف . البنت على نزلت زوجها إلا وتقز هاذيك الحمامات حقت الحريم إللي عند المسجد إللي جنب البقاله. قالت لنفسها يابنت يمديني أطمر وأخلص وأرجع قبل لايرجع هو من البقاله. المهم المسكينه راحت وأخذت وقتها . أخينا في هالوقت قد رجع للسياره وعلى باله مررته في المرتبه إللي ورا. وخبركم عبايه سودا وأخر الليل ماأنتبه أنه مهيب فيه السياره وهو شغل ودعسسس . البنيه المسكينه طلعت وهي مرتااااااحه... وتناظر يابنت وين السياره ... وتتلفت ماتشوف غير الهنود حق المحطه وأبو يمن حق البقاله. عاااااد تخيلوا الصدمه يوم عررفت أن زوجها دق سلف ومشى. ..جالسه تتأمل المسكينه في نفسها يمكن راح منا ولامنا وبيرجع . شوي ماوعت إلا ذاك الجمس المقبل يوم وقفوا عندالبقاله إللي جنبها . وتقز الحريم إللي في الجمس ... قالت زيييين عائله وتروح وترمي نفسها على الحرمه إللي قدام وهي أم العيله وتقولها خالتي أناداخله على الله ثم عليك ... وهذي قصتي . والعجوز تمسك راسها وتقولها ... يابنيتي أنتي تعرفين سيارة زوجك. ويعبون بانزين ويدعسون وراااااه... نعود الأن لصاحب الفصفص . أخونا في الله مريح وماشي ... بعد مالقوه على بعد نص ساعه عاد تخيل عزيزي القارئ أنك على طريق القصيم وفجأة وراك جمس يكبس بالنوربشكل مخيف يبيك توقف وش ردة فعلك. أكييد الرجال دعس قال ذولا مهابيل بيضروني ومعي عروستي 000ويافشيله إذا أنطقينا000 والجمس وراه داعس يحاول أنه يوقفه المهم الذهين اللي يسوق الجمس عرف وش يسوي ... فقام يولع نور الجمس إللي داخل عشان يشوف إنها عايله. وأخيرااااااا ..أنتبه ووقف يبي يشوف وش عنده ونزل معصب. عاد من إللي متوهق في هاالموقف.... راعي الجمس يقول في نفسه إشلون أقوله إن مرته معنا يبي يجبها بأسلووووب تدريجي عشان ماينصدم ..خبركم في مثل هالمواقف شبيقولون أهل العروسه أخذت بنتنا وضيعتها ... والله إن تلزق فيك السالفه طول عمرك والعالم يتمشون وماعندهم سالفه غيرك. المهم راعي الجمس سلم وقال ياخوي ماكاانك مضيع لك شي... قاله المعرس لاوالله ماضيعت شي. قال متأكد!!!! قال المعرس ... إشلون !!! قال راعي الجمس رح طل في سيارتك شف فيه شي ناقص لك العريس قام يوسوس حتى المشكله مرته ماجت على باله المهم راح ودخل سيارته وقال يامره فيه شي طاح منا وحنا في المحطه محد رد عليه !!! ويوم لون وجهه بداء ميل للكرت الأر ....وييييين راحت المره ورجع لراعي الجمس وقال هات السالفه . قال ياولد مرتك لقيناها في المحطه أنا وأهلي وقالت لنا إنهانزلت للحمام وإنت مشيت ولادريت عنها . عااد العريس كل أنواع النفضات نزلت عليه وتلعثم ولا قدر يتكلم. المهم راعي الجمس راح وقال للعروسه يلاطسي عند زوجك شوفيه متصومع عليك . المهم العروسه ركبت مع زوجها السياره وأنطلق لسانها إللي كان مربوط وقامت تتعذر له... وتقول لاتزعل مني أناكنت مستحيه أقولك أني أبي الحمام..وأنت مشاء الله عليك ركبت السياره وأنطلقت ... ياشين التميلح..توها تتميلح..عادأنقلب الوضع صار العريس هو إللي مبرطم طول الطريق والعروسه هي إللي تبربر . مابقى إلاتسووووق عشاااان أخينا في الله يرتاح من إللي حصل. @@@انـــصحـكم لا تــشترون فص فص ههههههههههههههههاياي@@@ مع تحياتي........... اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -  التعديل الأخير تم بواسطة الدختور معيض ; 12-08-2008 الساعة 10:43 AM سبب آخر: غير مناسب  |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
12-08-2008, 10:39 AM
| |||
| |||
| رد: الموضوووع مغلق لاحد يخش
نتــظر تفاعلكم وكل سنه ونتم طيبين
اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-09-2008, 03:15 AM
| ||||
| ||||
| رد: سعودي وعروسته .. في ليلة العرس وأنت بخير قصة جونان مشكور أخوي الدختور معيض اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-10-2008, 01:59 AM
| |||
| |||
| رد: سعودي وعروسته .. في ليلة العرس ههههههههههههههه يعطيك العافية أخوي دكتور معيض والله قصة على كيف كيفك<<<<<<<<<<<<وبيض الله وجهك اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
12-10-2008, 03:16 AM
| ||||
| ||||
| رد: سعودي وعروسته .. في ليلة العرس  والله انها تنرحم يلعن ام الفشله مشكور اخوي عالقصه اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات - |
|
| أدوات الموضوع | |
| طريقة عرض الموضوع | |
| |
العرض العادي
