رجعت وشوقي يسبقني ....... يــــآمنتدى المشــآغبين (إشقت لكم)

رجعت والشوق يسبقني عليك وخاطري منصاب=
=رجعت من الشقا طفل يتيم مل من روحه
تلاشت كل طموحاتي غدينا يازمن أغراب=
=تخيل حتى اهاتي غدت تشتاق لجروحه
تعبنا نقلب الواقع نجامل والهوى كذاب=
=تعبنا نكذب ونكذب نعيش أحلام مذبوحه
ليامنه لفا الغايب يقولون العرب وش جاب=
=وأنا اللي جيت شايل لك خفوق يشتكي نوحه
احبك كثر ماسألت الدموع واشتكت اهداب=
=غلاك استعمر الخافق وشيد فيني صروحه
لانك جنة العاشق لانك تسلب الالباب=
=لانك غير هالعالم ذنوبك عندي مسموحه
حفظت الود في صدري رعيته لين راسه شاب=
=سقيته حبي وشوقي واسكنته وسط دوحه
تعال وناظر بعينك جروح العاشق المرتاب=
=تمني قربك وعطفك تساوي صمته وبوحه
طلبتك مد لي كفك تعبنا من بعد الاحباب=
=وأنا كلي رجا جيتك ترد لخافقي روحه.......