 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#11
12-12-2008
| ||||
| ||||
 رد: رواية[مستحيل احبك ...مستحيل اعيش من دونك ) الجزء الخامس عهود:........... تركي: وين لسانك من شوي وين راح عهود منزلة راسها:..................... تركي : عهود كلميني "ورفع وجهها وانصدام لما شاف الدموع عهود وهي تقوم من مكانها : وخر لاتقرب مني تركي: عهود حبيبتي ليه هالدموع عهود: ابي امي ماابي اجلس هنا تركي " لاحول وش اسوي الحين ": قلبي امك بكرة انشاءلله بتشوفينها وراح لعهود ومسك ايدها : والحين خلاص انت الحين زوجتي ومثل ما قال خالك ومكانك معي يهون عليك تتركيني لحالي عهود وهي تبعد ايد تركي:ايه.. انا مابيك تركي" رجعنا للاسطوانة ": معليش انت الحين تعبانة ريحي وبكرة نتفاهم يلا روحي غسلي وجهك وبدلي ملابسك وتعالي تعشي عهودوهي تصيح: ماابي اتعشى تركي : مايصير اكيد ماذقت شئ طول اليوم عهود مثل البزر: ماابي تركي : طيب غيري ونروح ننام عهود وزاد صياحها : لا ماابييك تنام معاي بنام لحالي تركي"الله يطولك ياروح": اوكي بس انت هدي الحين ومايصير خاطرك الا طيب عهود هدت اشوي وراحت للغرفة ودخلت الحمام وغيرت واخذت لها شور سريع وطلعت كانت لابسه بيجامة اتفقت مع نجود تهرب لها كم بيجامة لان امها ماحطت لها غير قمصان النوم وهي مستحيل تلبسهم دخل تركي وتفجأوعقد حواجبه بس ماقال شئ هو ماصدق انها هدت وراح جلس على السرير ومسك ايد عهود وهي وخرت ايدها بسرعة تركي اكتفى بهز راسه: هديت الحين عهود:....... تركي : يلا ارتحي الحين بكرة وراك جلسة بدري عهود بصوت واطي: اطلع طيب تركي"ياصبر ايوب" : ان شاءلله انا جيت عشان اطمن عليك وبطلع واخذ له مخدة وبطانية وطلع:تصبحين على خير عهود:........... لما طلع تركي على طول عهود قفلت الباب وراحت للفراش ونامت لان صار لها يومين ماذاقت النوم اما تركي جلس فترة يفكر كيف يخلي عهود تتقبله وتثق فيه وبعدها نام اليوم الثاني صحى تركي وطق على باب الغرفة يصحى عهود عهود من ورى الباب:نعم تركي وظهره متكسر من نومة الكنبة: بدخل الحمام بتوضأ عهود بعد تفكير افتحت الباب وراحت بسرعة للسرير تركي ببتسامة : صباح الخير عهود وماودها: صباح النور تركي : ان شاءالله احسن الحين عهود هزت راسها بالايجاب تركي دخل الحمام وطلع: يلا عهود دخلي توضي وصلي الفجر راحت علينا نومة وبعدها تعالي الصالة لاني طلبت لنا فطور عهود:بس انا ماابي "عهود كانت ميتة جوع بس ماتبي تجلس مع تركي تركي "عنيدة عارف انك ميتة جوع : معليش تعالي انت ويمكن اذا شفت الاكل تشتهينه عهود: بس انا قلت لك ماابي تركي : لا تبين جلسي معاي بس واوعدك ماراح اقرب منك ولا اجلس جنبك عهود بعد تفكير : طيب وصل الفطور وجلس تركي يأكل وعهود ماقربت الاكل تركي " مااعند راسك ": طيب شربي لك عصير مو زين تتمين كذا بتعبين اليوم عهود: مو مشتهية اذا رحت بيت اهلي وجعت باكل تركي تركها لان عارف ان راسها يابس وماراح يصير غير الي براسها وجلسوا طول الوقت ساكتين وتفرجوا على التلفزيون لحد ماذان الظهر صلو وبعدها راحت عهود الغرفة وجلس تركي بالصالة بعد صلاة المغرب وصل تركي عهود المشغل وكانت نجود تنتظرها هناك عهود قبل لاتنزل من السيارة تركي: عهود: نعم تركي مد ايده لعهود بفلوس عهود: شنو هذا تركي فلوس للمشغل عهود: عندي تركي : عارف بس خذيهم يمكن تحتاجين لهم عهود وهي تنزل من السيارة: مشكور عندي وراحت من غير ماتسمع رده ودخلت المشغل بسرعة تلاقت نجود وعهود بالاحضان وجلسوا سوالف وضحك والكوفيرة شايفة شغلها خلاصت عهود ودقت نجود على اخوها نواف يجي نجود: حبيبتي دقي على زوجك يجي عهود: ماابغى بروح معاك نجود: طيب عطيه خبر عهود: خليه يولي زين هذا الي باقى اخذ الاذن منه نجود: مايصير هالكلام ياقلبي هذا زوجك ولازم تخبرينه عهود: نجود لا تسوين لي سالفه ودق جوال نجود : هذا نواف يلا وصل عهود:يلا وطلعوا من المشغل وركبوا السيارة نواف: هلا وغلا ماصدق ياناس عهود في سيارتي عهود: هههههه لا صدق نواف : ورجلك وينه عهود: يعني اعتبرها طرده نواف: افا يذا العلم ماعاش من يطردك ياقلبي عهود: على بالى نواف : المهم شلونك ان شاءلله مبسوطة عهود: لحد الحين اوكي نواف: ماوصيك أي حاجة تضايقك من تركي ترانا موجودين عهود: تسلم لي وان شاءالله اوصي عيك زوجتك نواف : اخخخخخ متى بس متى عهود ونجود: هههههههههههههههههه نجود: اسس نفسك بعدين فكر بالزواج والله يعين المقرودة الي بتأخذك عهود: وليه عيوني مقرودة قولي امها داعية لها امها والا من قدها تحصل مثل نواف حبيبي نواف وهو يصفر : أي بعدي والله انت هذا الاخت مو انت نجود: مالت عليك وعليها وصلو بيت الجدة ونزلوا عهود ونجود واستقبلوها اهلها بالاحضان والزغاريد ومايخلى من البكى راحت عهود ودخلت غرفتهم المخصصة للبنات وفسخت عبايتها فروحة وهي تصفر : ياسلام على القمر لا مسكين تركي اكيد بالموت هدك كل هالجمال ويتركك اكيد خبل عهود عطتها طاف كانت لابسة فستان اخضر عشبي حرير علاق عند الرقبة ومطرز باخرز حولين الصدر والخصر من قدام قصير لعند الركب وذيل طويل من ورى ولابسة صندل ربط اما شعرها مسيح ومرول من تحت بس وحاطا كحل عربي مع شدو اخضر بتدرجاته ومدخل عليه اللون الاصفر والاسود والروج لونه احمر فاقع مبرز بياض عهود دخلت على الحريم وسلمت عليهم وجلست جنب مرت خالها بندر دانة: عههود سصار امس عهود: ولاشئ دانة : كذابة علينا عهود: والله دندون ماصار شئ ولاخليته يقرب مني دانة: شلون رضى وهدك عهود: ابد فكيت حلجي عليه وهو حاول يهديني وخلاني براحتي دانة : ولو.. انا فكيت حلجي لخالك بس مارحمني ماعن دموعي اربع اربع عهود: ههههههه انت الي عطيتيه مجال دانة : ضحكي اذا هدك امس ماراح يهدك اليوم عهود: يحلم يحلم ياقلبي وقطع كلامهم جوال عهود بنغمة شخص تافه يتصل بك دانة: هههههه منو ذا عهود: منغيره العله الي ربطتوني فيه دانة : عهيد من صجك انت هذا زوجك مهما كان مايصير هالكلام عهود: افففففف دانة : تأفئفي لبكرة الكلام الصحيح مايعجبك وبعدين تعالي وشو هالنغمة الي حاطتها له ماتخافين امك ولا احد من خوالك يتنبه لها عهود: دوين سكت عني دان : انزين ياحظي ردي عليه عهود:افففففففف ورفعت الجوال : الو تركي : سنة على ماترفعين عهود" الله يطولك ياروح": نعم تركي: يلا نزلي انتظرك تحت عهود وهي عاقدة حواجبها: وين تحت تركي : تحت المشغل بعد وين عهود: بس انا بيت اهلي تركي عصب: نععععم عهود" نعامة ترفسك ان شاءالله": اعصابك تركي وهو يحاول يمسك نفسه: انت ليه مادقيتي علي عشان امرك او على الاقل عطيتيني خبر مو تخليني مثل اللوح عهود"وهذي الحقيقة زين عارف": خلصت موالك تركي : صج طويلة لسان فوق انك غلطانة عهود: الحمدالله ماسويت شئ غلط تركي : ياسلام كل هذا ماسويتي شئ عهود: خلصنا زين شتبي داق تركي طلعت عيونه:عهود عهودببرود: نعم تركي وهو يصر باسنانة: نعم الله بحالك اقول ماينفع التفاهم بالتلفون تجهزي يلا بمرك الحين عهود: وانا ماابي اروح معاك تركي: ههاها ضحكتيني ياشيخة اخلصي انا في الطريق سلام وسكرت عهود وهي تحلطم دانة : شفيك عهود:ذا مع وجهه داق ويهزء دانة : انا لومكانه اسوي ازيد اجل تطلعين من غير ماتقولين له والله لو خالك كان خالني عند اهلي بس مادري ليه ساكت لك عهود: بسيطه ليه لانه لسه ماحلل فلوسه عشان كذا ساكت بس ياخذ الي يبيه يطلع على حقيقته لكن نجوم السما اقرب له من انه يلمسني او يقرب مني دانة اكتفت بهز راسها لانه عارفه عهود وعنادها قامت عهود وخبرت امها بان تركي يبغى يسلم عليها وراحت للمجلس ودخل تركي وسلم عليها ام عبدالله: شلونك تركي تركي: الحمدالله وانت شخبارك ياعمة ام عبدالله : الحمدالله بس البيت مو شئ من غير نوره تركي : ابو عبدالله والعيال فيهم البركة ام عبدالله : صادق ياولدي بس ياتركي ماوصيك على عهود ابيك تتحملها هي صحيح راسها يابس بس طيبة وحبوبة بس اصبر عليها تركي : ولا يهمك ياعمة عهود في عيوني ام عبدالله: ودي اكلمك بموضوع دام ان عهود لسه ماجات تركي: تفضلي ام عبدالله: اسمعني ياتركي عهود طيبه وحليوه ومافي اطيب من قلبها بس الي شافته من ابوها واهله مو اشوي وبطلع حرتها فيك لاني اعرفها بنتي وتفكيرها وبتشيب راسك بعنادها ولسانها الطويل بس كل الي ابيه منك انك تتحملها وتجيها بالين لانه ماراح تجيك بالقسوة ولا راح تكسبها تركي: عارف ياعمة بسام شرح لي كل شئ ام عبدالله بتنهيدة: عارفة هو قال لي ..بس في شئ لازم تعرفه تركي بفضول: الي هو ام عبدالله بتردد: تركي انت اكيد شفت الحرق الي بفخذ عهود تركي انصدم بس تلاحق نفسه عشان ماتعرف امها انه مادخل عليها:ايه وش السبب ام عبدالله:من ابوها تركي طلعت عيونه : شلوووووووون ام عبدالله : هدي ياتركي وخلني اكمل قبل لاتجي عهود تركي هدا نفسها :وليه سوى كذا ام عبدالله: لما كانت بالمتوسط قالت لها جدتها تجي وتجلس عند ولد عمها تركي يقاطعها : اكيد زياد ام عبدالله: ايه..المهم عهود ارفضت لانها تغطت عنه بسبب اسلوبه وتصرفه معاها وعهود ارفضت طلب جدتها وقالت لها شلون ترضى انها تخليها تجلس عنده وطبعا لانه حبيب قلبها وماترفض له طلب عصبت وقومت الدنيا لما جاى ابوها قالت له سالفه من عندها وان عهود طولت لسانها عليها ورفستها برجلها وبعدها ابوها عصب وراح لعندها وهي كانت تلعب عند التنور الي بالاستراحه ومسكها وضربها ضرب لحد ماهو تعب واخر ماتوصل له اخذ له صيخ من اسياخ الدجاج وحطه على فخذها تركي مفور: شلون ذا ماعنده رحمة يسوي ببنته كذا ام عبدالله: وهذا شئ بسيط من الي سوه فيها عشان كذ ياتركي ابيك تصبر عليها لان البنت ماتنلام بتصرفتها لانها شافت الويل على يدين ابوها وعمامها تركي من بين اسنانه:وليه ماوقفتيه عند حده ام عبدالله: ماحد قدر لان ابوها ومايمنعه احد واتمنى ياتركي انك انت الي بتمنعهم وماتخلي احد يأذيها تركي:لا تخافين ياعمتي طول ماراسي يشم الهوا ماحد يهينها او يمسها ام عبدالله براحة: وهذا الي ابيه منك ياتركي وقاطعهم دخول ام خالد قام تركي وسلم عليها وحب راسها ام خالد تناظر تركي من فوق لتحت : شلونك تركي تركي : الحمدالله
_________________  |
|
#12
12-12-2008
| ||||
| ||||
 رد: رواية[مستحيل احبك ...مستحيل اعيش من دونك ) ودخلت عهود وهي لابسة عبايتها وخافت لما شافت جدتها موجوده وراحت وجلست لعند تركي خوفا من جدتها وتركي استغرب بالبداية بعدين عرف انها خايفة ام خالد: الله يعينك على ما بلاك ياتركي خذيت لك بزر عهود تنرفزت منها وكانت بترد بس تركي مسك ايدها يسكتها: حلو على قلبي هالبزر تنحط على الجرح ويبرى ام خالد وهي لاويه بوزها: هذا الحين وبعدين بتعرفها زين وتقول اصدقت ام خالد عهود: والله اشوفك كنت ميتة تبين تزوجيني ولد ولدك الغالي ماقلتي بزر ام خالد لويه بوزها : الحمدالله افتك منك وابتلى غيره فيك والله لدور له واحدة تقول للقمر قم وانا اجلس مكانك تركي " هذا بالله كلام جدة تقوله لحفيدتها في يوم صبحاتها": هذا من سابع المستحيلات لان من بعد عهود مافي قمر وقف تركي ومسك ايد عهود : يلا قلبي مشينا عهود براحة لانها ماتبي تجلس بمكان اهل ابوها فيه: يلا وسلم على ام عبدالله وحب راسها وكانت مبسوطة من تركي انه ماسكت ودافع عن عهود ولولا تقديره لها ولانها مرة كبيرة كان ماسلم عليها الي هي ام خالد وطلع وكبوا السيارة وطول الوقت عهود ساكته مقهورة من جدتها وتركي قدر موقفها وسكت لحد موصلو بيت اهله تركي : يلا عهود انزلي عهود وهي تشوف البيت وبخوف : وانت مش نازل تركي : بنزل بس بوقف السيارة وجاي وراك عهود: لا بستناك وندخل مع بعض تركي مبتسم: لاتخافين بس بوقف السيارة وجايك عهود: لا ماابي ماحب ادخل لحالي تركي: بس مكان السيارة بعيد عن البيت وكله رمل ماراح تعرفين تمشين عهود: قلت لك ماابي تركي " لا حول الله "والا يشوف ولد اخته ريان تركي: ريان تعال رايان : هلا بالمعرس شلونك خالي تركي نزل من السيارة وسلم على ريان وقال له يوقف السيارة بداله رايان : شعليك معرس لازم تدلل تركي: هههههههههه ماتجوز عن سوالفك ريان: اكيد وخر بس خلنا نسلم على مرتك ونط ريان راسه داخل السيارة: مساء الخير عهود منحرجة: مساء النور ريان: مبروك مرت خالو عهود: الله يبارك فيك وعقبالك رايان باللهجة المصرية: من بقك لباب السما الا اقول مرت خالو عهود: تفضل ريان : الله يعينك على خالي تراه غثيث بس مالك الا الصبر تركي وهو يسحبه: توكل اقول اشوفك طيحت المينة وهذا وانا واقف رايان:ههههههههه نمزح يالخال تركي : خل مزحك لك ويلا رح وقف السيارة ريان : ان شاءالله ونزلت عهود ودخلت مع تركي البيت واستقبلوه امه وخواته ام عبد الرحمن : يمه تركي ود مرتك جناحكم خلاها ترتاح اشوى وبعده تسلم على الحريم تركي : ان شاءالله وهو يكلم عهود: يلا عهود وراحت وراه ودخلوا لما جات عهود تفسخ العباية انحرجت اشوي لان لبيسها ماتعودت تجلس به قدام رجال وبعدتفكير قالت:اطلع بره شوي تركي عاقد حواجبه:ليه ان شاءالله عهود: بفصخ عباتي تركي: فسخيها حد ماسكك عهود منحرجة:انت تركي يستهبل: انا ..انا مامنعتك تبين اساعدك عهود قلب وجهها مية لون:لالالالالا تركي ماسك ضحكته:طيب خلاص فصخيها عهود: مااقدر وانت هنا تركي: ليه عهود منزلة راسها ومنحرجة: ماابيك تشوفني كذا تركي: وشلون كذا عهود مهي عارفة شتقول:مم فستاني عاري شوي ومابيك تشوفني تركي رافع حاجبه: ومادامه عاري ليه تلبسينه عهود: هو مو عاري عاري بس عمري مجلست فيه عند رجال غريب تركي راح لعندها : وانا زوجك عادي لو اشوفك بالفستان هذا "وحب يرفع ظغطها وينرفزه" واشوفك من غير شئ بعد مو حلالي عهود فورت: نعممممممم تركي ماسك ضحكته غصب:أي حلالي ماقلت شئ غلط ولا تظنين ان امس سلمتي اليوم بتسلمين عهود راحت فيها مهما كان هو رجال ماتعودت عليه ويقولها الكلام ذا اكيد بتستحي وبعدت عنه و افسخت العباية عشان تبين له انه عادي عندها لو يشوفها وتبين له انها مش منحرجه تركي رفع عيونه عليها على طول"لااله الا الله كل هالجمال لي انا قمر والله قمر بس ان شاءالله هذا الي بتطلع فيه عند الحريم: اقول عهود عهود وهي تحاول تبين له انها مش مستحيه: نعم تركي وهو متردد خايف انها تفهمه غلط:هذا الي بطلعين فيه عند الحريم م عهود ببرود: ايه ليه مو حلو تركي: الا حلو ويجنن بعد بس.... مو كان يكشف كثير عهود عاقدة حجاتها : لا مايكشف وبعدين هذا الموضة تركي : ماقلت شئ بس ياليت ماتلبسين كذا مرة ثانية عهود تخصرت ونست الحيا: وليه ان شاءالله والله هذا لبسي وحتى هلك يلبسون كذا ما اشوفك قلت لهم شئ تركي "شيفكني من لسانها الحين ": بس انت زوجتي ولازم يكون لي راى في لي تلبسينه عهود:"لا والله هذا الي ناقص بعد حمار مثلك يتحكم فيني ":لا مش لازم واعتقد ان لبسي حرية شخصية تركي: هذا لما كنت بنت لكن لنت الحين متزوجة ولك زوج تشاركينه بكل حاجة عهود:توكل زين هذا الي باقي تركي قرب منها : شقلتي عهود خافت من نبرته بس طنشت: والله انا حرة والبس الي البس ومافي احد له دخل ولا تظن انك صرت زوجي بتتحكم فيني انا مستحيل اخلي رجال يتحكم فيني سامع تركي " ياصبر ايوب": ياعهود ياقلبي ليه تسمينه تحكم ليه ماتقولين زوجي يغار ومايحب احد يناظر فيك غيره ومايحب تلبسين هالملابس الا قدامه عهود"هاها كثر منها البس لك كذا": ياسلام تركي وهو يتعوذ من ابليس : المهم الحين ماينفع الكلام هنا اذا رحنا البيت نتفاهم على راحتنا عهود بتتكلم بس....... واندق الباب عليهم تركي: تفضل رغد: ممكن ادخل تركي : اكيد دخلت رغد: عهود تقولك جدتي يلا الحريم ينتظرون عهود: يلا .......توها بتقوم الا دار راسها وجلست تركي راح لها بسرعة:عهود فيك شئ عهود: لا بس دورة خفيفة تركي : لازم تجيك من امس ولا اكلتي شئ ويلف على رغد:رغد ولا عليك امر جيبي لي صحن فاكهه وعصير رغد: ان شاءالله ورحت رغد بسرعة ورجعت وحطت الصينية على الطاولة وطلعت على شان ياخذون راحتهم عهود: ماابي اخذ تركي تفاحة وقطعها : يلا عهود اتركي عنك العناد وكلي مو زين لك عهود من غير ماتتكلم اخذت تاكل التفاحة لانها كانت ميتة جوع ولا بتعانده وماهي مااكله وبعدها شربت العصير وقامت عشان تروح للحريم تركي : اذا تعبت دقي على ونمشى زين عهود هزت راسها بالايجاب ودخلت للحريم حطوا العشاء كلن جلس ماعدا عهود ام عبدالرحمن : يمه عهود قومي تعشي عهود: لا خالتي انا مااحب اللحم ام عبدالرحمن : طيب تبغين اطلب لك من المطعم ولا اخلي الخدامة تسوي لك شئ عهود: لا تسلمين خالتي انا الحين شبعانة لاني اكلت بيت اهلي ام عبد الرحمن : على راحتك طلعت عهود وراحت للبنات وجلست عند رغد: ليه ماتعشيت رغد: لا انا اسوي رجيم عهود: اها بس جسمك كويس رغد: خلينا نضعف ازيد احسن ..الا انت ليه ما تعشيتي عهود: مااحب اللحم رغد: طيب تبين اطلب لك حاجة عهود:لا احس اني مليانة اكل رغد ماحبت تتكلم لانها سمعت خالها لما قال انها مااكلت شئ من امس وقالت يمكن منحرجة ولسه ماتعودت على الجو دق جوال عهود بنغمة شخص تافه يتصل بك عهود"اففف هذا وقتك انت" رغد: ههههههه عهود من هذا عهود"ياربي شقول اقول خالك" : هذا النغمة مخليتها للارقام الغريبة رغد: فكرة حلوة والله عهود عن اذنك بروح اكلم خالك وقامت عهود عند الممر وردت : الو تركي : سنة لما ترفعين عهود: اففففففف منك تركي : لا تتأففين المهم يلا نمشي عهود: كيفك تركي : انت تبين ولا بعدين تقولين جالس اتحكم فيك عهود: لا تطمن ماراح اقول تركي: اجل يلا تجهزي سلام سكرت عهود الجوال من غير ماتقول شئ تركي " بصبر عليك ياعهود والله يقدرني على الصبر معاك " وراح سلم على امه وخواته بس لما دخل لاحظ ان وجه عهود احمراستغرب ليه وراح لاخته يسالها شفيها ام خلود ببتسمه:هذي خلود تسألها اذا دخلت عليها تركي انحراج: وش دخلها بنتك تسأل هالسؤال وش قلة الادب ذي ام خلود:هد خلود مالها دخل امي الي قالت لها تسال تركي: وليه تسأل امي ام خلود: سوالف حريم وتبي تطمن اذا كانت بكر تركي ماعجبه كلامها : وان شاءالله سألتوها اذا هي بكر ام خلود: تطمن تركي: شلون ام خلود: عارفنا انها بكر تركي: شلون يالعبقارة ام خلود: مايبيلها مادمك ساكت وفرحان اكيد بكر تركي عصب : وهي قالت لكم ايه ام خلود: لا والله انحرجت واسكتتي ياقلبي تركي ماسك نفسه: مرة ثانية لا عاد تتلقفون بالاسئلة هاذي فاهمين وراح لعهود ومشوا للفندق راحت عهود للغرفة وخذت لها دش سريع ولبست لها بيجامة حمرا حرير ومشطت شعرها ورفعته وبعدها دخل تركي الحمام وتروش وطلع شافها لابسة بيجامة الليلة بعد"لاحول الله وهذي ماكانها توها متزوجة انا خبري الملابس تكون من قمصان النوم مش بيجامات ولا تبط كبدي لرفعت شعرها ياالله حبيت الشعور من شعرها بس ماتخلي حد يتهنى جاهزو لغيري تستعرض بشعرها وجسمها وانا لا بس وين بتروحين ماردك لي " عهود" اشوفه مطول مو ناوي يعطيني مقفاه اففف كان الله بالني بواحد غثيث مثل ماقال ولد اخته ":انت مو ناوي تطلع تركي رفع حاجبه: على مااظن انا لي اسم وغير كذا الغرفة مو لك لحالك لي ولك يعني مثل مالك حق تنامين فيها انا لي الحق بعد عهود: والقصد من هالكلام تركي : ابد القصد اني بنام على السرير الليلة تكسر ظهري امس من نومة الكنب عهود: والله هذي مشكلتك كان حجزت غرفة بغرفتين نوم تركي : وليه احجز غرفتين نوم احنا مانحتاج الا واحدة لانا بنام مع بعض عهود تخصرت: نعععععععععم احلف ياشيخ تركي: والله عهود: احلم انت بس نجوم السما اقرب من انك تلمسني اذبح عمري ولا اخليك تقرب مني سامع تركي : ليه على ما انا خابر انك زوجتي ومادام انك زوجتي لي حقوقي عليك عهود: هذا لو كان الزواج برضاي تركي: وفي حد اغصبك عهود: لا بس انا مثل ماقلت لك مش مقتنعة بفكرة الزواج ولنا مابيك غصب هو تركي"ياربي رجعنا للموال شسوي لها عشان تفهم ذي"راح تركي مسك ايدها وسحبها معه للصالة وجلس وجلسها مقابلة له وكانت عهود بتقوم بس تركي ماخلها تركي: عهود سمعيني قبل بعدين سوي الي تبين عهود لفة وجهها عنه وتكتفت : اخلص فيني النوم تركي طيب ناظريني عشان اعرف اتكلم عهود لفة عليه: اففف اخلص تركي وهو ياخذ نفس: عهود احنا خلاص تزوجنا وصار واقع لازم انك تتقبليه عهود بتتكلم بس تركي حط ايده على فمها يسكتها: سمعيني لنهاية ووخر ايده وكمل : شوفي احنا نتم بزوجنا سنة وونخليها تجربة لي ولك اذا تقبلنا بعض وارتحنا مع بعض نكمل واذا مارتحنا نترك بعض عهود: حتى لو ظلينا سنة انا مستحيل احبك تركي : مو لازم تحبيني تتقبلين على الاقل عهود:وليه سنه ليه مو الحين تركي: لان الناس بتتكلم وعرفي انا مو ضارني شئ كل الكلام بصير عليك عهود: حتى لو مرت السنة نفس الحاجة تركي: مو قلنا نخليها تجربة لنا وسد لكلام الناس وراح يقولون مارتحوا مع بعض بس الحين بيقولون اكيد فيك شئ عهود:......... تركي : خلينا نجرب عهود: ماراح اتقبلك تركي: ويمكن تتقبليني عهود: مستحيل تركي بصبر : قلت نجرب والعبرة بالنهاية عهود بتفكير: وبالسنة هذي شراح يصير تركي : نعيش مثل كل زوجين وكل واحد ياخذ حقوقه بالكامل عهود: لا مابي تركي : بس هالكلام مايجوز تبين الملائكة تلعنك عهود وهي تهز راسها بالنفي تركي :خلاص اجل عهود بحزن : بشرطين تتوقعون ايش شروط عهود؟ وهل راح تستمر مع تركي ؟ وهل من الممكن تتقبله؟ وزياد بيكون له دور بالقصة ولا لا؟
_________________ |
|
#13
12-12-2008
| ||||
| ||||
| رد: رواية[مستحيل احبك ...مستحيل اعيش من دونك ) عهود من الخوف تمسكت بقوة بتركي وهي تصيح: ما..سويت... شئ... هو ابو عبدالله يقاطعها: اكلي تبن انت شلي مطلعك برة يالحيوانة ها ماتقولين ياتبن تكلمي يعل الله يأخذك ويريحني من بلاك وانا قلت تزوجت وارتحت منك وراح لعنده يبي يضربها تركي يبعد بو عبدالله: الين هنا وحدك ياعمي انا مااسمح لاحد يهينها او يذلها طول ماانا عايش ولا جاي تضربها قدامي وهذا بدال ماتقول هالكلام لولد اخوك الخسيس ابو عبدالله : اكيد هو مو غلطان هي الي ليه طالعة وهي عارفة ان البيت مليان رجال تركي باندفاع: هي دقت على تلاقيني هنا وولد اخوك ماصدق خبر لما شافها ولا راعى انها مرة متزوجة على الاقل راعى حرمة انها بنت عمه اما زياد الي حط رجوله وطلع لانه عارف انه غلطان ولما شافهم كلهم ضده تركي سحب عهود الي كانت ميته صياح لعند صدره وحضنها وهي ماصدقت خبر وتمسكت فيه باقوى ماعندها : ولو سمحت ياعمي عهود ماتقرب منها ولا تهينها صحيح هي بنتك بس طول ماهي على ذمتي ماحد له عليها واذا هي غلطت انا الي احاسبها تركي وهو يمسح على ظهرها وبصوت واطي: خلاص ياقلبي هدي عهود تشاهق :......... تركي بحنان:عهود قلبي تبين نمشي عهود هزت راسها بالايجاب تركي : طيب يلا روحي غسلي وجهك وجيبي اغراضك انتظرك هنا عهود تشاهق : مابي... اخاف..يجيني تركي وهو يرفع وجهها ويمسح دموعها وبكل حب وحنان : سمعيني كويس طول ماانا معاك ماتخافين من أي احدسامعه حتى لو كان ابوك عهودتعلقت زيادة بتركي وزاد صياحها:.................. تركي رفع وجهها مرة ثانيه : خلاص ياقلبي مايستاهل هالنذل وتنزل دموعك عشانه خلاص حبيبي عهود رجعت دفنت وجهها في حضن تركي : ماابي تركي وهو خايف ان يصير عليها شئ : بسام ولا عليك امر خل احد يجيب اغراضها بسام بضيق على حال عهود: ثواني سحب تركي عهود معه عند المغاسل ومسح وجهها بالماي وطول الوقت عهود متمسكة بايده وتتلفت خايفه ابوها يجي لها واخذها تركي وجلسها بالمجلس الثاني وطلب من البزران يجبون مويه:يلا سمي بالله وشربي عهودهزت راسها بلا تركي: شربي عشان يهدي من روعك عهود وجهها محمر من الصياح: ماابي تركي :عشان خاطري عهود: ............. تركي: افا مالي خاطر عندك شربت عهود شوي لانها ماحبت تكسر بخطره بعد الي سواه لها وبعدها بتردد: تركي تركي: عيونه عهود:امممم تركي وقرب وجه بوجهها: تكلمي لا تخافين عهود: والله العظيم انه يكذب والله انا مااحبه تركي وهو مبتسم على برائتها: عارف وعارف بعد عنه كل شئ وحتى لما تقدم لك وكان يبيك وانت رفضتيه خالك بسام قال لي كل شئ عنه وهو يمسح على شعرها وكانه يكلم بزر وحب يخفف عليها و :وبعدين صج انك عنيدة ولسانك طويل بس ماتكذبين صح عهودوهي تمسح وجهها: أي اندق الباب وراح تركي يشوف مين وشاف بسام جايب اغراض عهود مع وجبتها تركي: ايش ذا بسام: وجبتها.... كل هالسالفة صارت لانها تبغى كاتشب تركي باستغراب : كاتشب بسام: أي هي ماتحب تاكل السندويشات الا بكاتشب تركي : اها بس اجل اكلها انت احنا بنروح مطعم ونتعشى بسام: ماحد يقول لا لشئ مجانا تركي : هههههههه ودخل تركي وعطى عهود اغرضها ولبست عبايتها وراحت تسلم على اهلها وطلبت من تركي انه يروح معها ام عبدالله: تو الناس ياتركي تركي : والله ياعمة ورانا طريق وانت عارفة ام عبدالله: لاتاخذ في خاطرك على الي صار تركي : ولا يهمك ام عبدالله وهي حاضنة عهود: ماوصيك على بنتي تركي : لا توصين حريص عهود بعيوني ومسك تركي ايد عهود وطلعوا للسيارة ومشوا وطول الطريق عهود ساكته لحد ماشفته وقف عند المطعم : احنا مو رايحين الدمام تركي : الا بس نتعشى ونمشي عهود: بس انا كلت "شهيتها انسدت بعد الي صار" تركي : لا مااكلتي انا شفت وجبتك مااكلتيها عهود: بس مالي نفس تركي : الحين اذا طلبنا وشفت الاكل راح تنفتح شهيتك .. يلا نزلي عهود:طيب وانزلو المطعم وتركي ماتم حاجة ماطلبها بس عشان يعرف هي ايش تحب وايش ماتحبفي البدايه عهود ماكلت حاجه بس عشانها ميته جوع انفتحت شهيتها وكلو ا وسولفوا وضحكوا بعدها اطلعو وكملو طريقهم بعد ساعتين وصلو للشقة وقال لبواب العمارة يسبقهم ويرقي الاغراض وصعدوا الشقة تركي : تعبانة ولا افرجك على الشقة عهود ماحبت تكسر بخاطره بعد الي سواه: ممم ..يلا وفرحها على الشقة وعجبها ذوقه مرة وبعدها راحت خذتلها شور سريع وطاعت كانت لابسه بيجامة حرير بيضاء وكانت مخصرة على جسمها ومحليتها تركي تنح وهو يطالعها عهود انحرجت واستحت من نظراته: شفيك تطالعني كذ تركي ببتسامة: ولا شئ عهود: مو متروش تركي: الا ودخل بعدها تركي تروش وراحو بسابع نومة من التعب اليوم الثاني صحى تركي قبل عهود ودخل الحمام وبعدها طلع وجلس عند السرير يناظر في عهود "ملاك وربي ملاك ...الي يشوفك ياعهود وانت نايمة ما يصدق ان لك لسان يكنسني ويكنس ديرة ..اخ ياربي متى يحن قلبك علي"ومد ايده يمسح خدها ويتأمل وجهها كانت خدودها موردة وحاضنه مخدتها قرب تركي وباس جبينها وبعده طمع وقرب بيبوس فمها لانه جذبه عهود شهقت:انت شقعد تسوي تركي توهق : لا بس قلت اشوف صحتي ولا لا عهود تفرك عيونها: وتقدر تشوف وانت بعيد تركي يحمد ربه انها ماانتبهت للي كان بيسويه :مادماك صحيتي يلا قومي تجهزي عشان نطلع ونفطر ونتمشى عهود بعيون نعسانه: كم الساعه الحين تركي يناظر ساعته:تسع ونص عهود: تو الناس وانا فيني النوم تركي: قومي ياكسلانه عهود تلف البطانيه عليها وتغطي وجهها: تركي الله يخليك نص ساعة بس ماشبعت نوم تركي يشد البطانيه :يلا بلا كسل ورانا تمشيا اليوم ابي استغل الاسبوع ذا لان بعده بداوم عهود:طيب طيب روح انت واقوم تركي: مااضمنك قومي الحين قدمي عهود:مممم...ولفت على الجها الثانيه جات لتركي فكره عشان تقوم:اوكي حتى انا بنام معاك وانسدح على السرير ولف خصر عهود بيديه وقربها منه عهود فزت: شتسوي انت تركي يستعبط: بنام عهود: بتنام ليه تمسكي تركي: شفتك ضامه المخده قلت اسوي مثلك عهود: طيب ضميت المخده ليه تضمني انا تركي: جربت ماعجبتني قلت اجرب اضمك والصراحه عجبني الوضع "وياشر لها على السرير" يلا تعالي خليني انا شهويتيني على النوم عهود وطار النوم من عيونها : لا لا انا مافيني نوم قوم نطلع تركي ماسك نفسه لا يضحك : بس انا فيني النوم الحين عهود تنرفزت: الشغله عناد تركي: اما انت عجيبه يوم صار فيني لنوم قلت عناد عهود قامت وراحت الحمام: اوكي اذا فيك النوم نام وانا بروح الصاله دخلت عهود الحمام وقفلت الباب اكثر من مرة اما تركي انسدح على السرير وضحك على عهود وبعدها ما فطرو طلعو يقضون اغراض للشقة وراحو لاكثر من محل يقضون اغراض البيت وكانت عهود بالبداية خجلانة اشوي من انها تأخذ الي تبي واول محل ماخذت شئ وتركي يصر عليها انها تاخذ الي تبي لما راحو للمحل الثاني اخذت لها كذا نوع من الشيبسات ولما وصلوا لاسواق التميمي اخذو المثلجات من عنده لانه الاقرب للشقة وبعدها عهود خذت راحتها وشكلت لها من الكاكاوات والبيبسي تركي : الله كل ذا بتخذينه عهود: ليه فيها شئ تركي: لا بس مو كأنه كثير عهود: لا مو كثير واذا بخلان فعادي انا ادفع تركي: لا مو بخلان بس كل الي اقوله انه كثير عليك واخاف انك ماتلحقين تأكلينهم عهود وهي تمشي : لا تخاف انا غرامي الاشياء هاذي وباسبوع اقضي عليهم تركي: اوكي على راحتك بس لو تأخذين حاجات تفيدك احسن لك عهود: اففففف تركي: لا تتأففين وامشي قدمي وكملت عهود واخذت لها مؤنة تكفي لخمس اشخص وهي خذت السالفه عناد مع ان اكثر الي خذتهم مو لذيك الدرجه معاهم وبعدها راحواالشقة ودخل بواب العمارة الاغراض تركي : عهود رتبي الاغراض وانا بروح اريح شوي وبعد صلاة العشاء نطلع عهود تخصرت: لا والله انت ترتاح وانا الي اشتغل لحالي لاتظن انك انت بس الي تعبت تركي: بلل بلل كلتيني شوي شوي عهود: ماادري عنك تركي: المفروض المرة الي ترتب بيتها واغراضه عهود: هذاك اول الحين في شئ اسمه مساوة بين المرة و الرجال تركي : وكيف يعني عهود: نتساعد في امور البيت مو كل شئ على راسي وبعدين هذ مو عيب صح ولا لا تركي : صح.... يلا بروح اغير والحقك على المطبخ عهود: ولا تتأخر تركي : حاضر عمتي راح تركي وغير ملابسه ورجع لعهود وساعدها بترتيب الاغراض تركي : سمعي مو تجلسين تاكلين هالخرابيط واذا جا وقت الاكل قلت شبعانة ومالك نفس ماراح اشتريهم مرة ثانية عهود اكتفت انها تعطيه نظرة بعنى مو على كيفك بعد صلاة العشاء طلعوا وراحوا للمرينا مول وتمشوا فيه تركي : عهود ماودك تشترين لك فستان عهود باستغراب : ليه تركي : عشان زواج ولد اختي راشد عهود: ومتى زواجه تركي : بعد اسبوعين عهود: طيب ماحجزت مشغ ولا حاجة تركي : عادي روحي مع بنت اختي رغد عهود: يمكن مافي حجز لي وماترضى راعية المشغل تركي انت كلميها وشوفي ويلا نروح ندور لك على فستان وراحو ا ويدخلون محل ويطلعون منه وكل محل تدخله عهود تطلع منه مفورة تركي : يعني الحين ما في شئ دخل راسك عهود: والله اشياء كثيرة دخلت راسي بس حضرتك مدخل نفس ك في شئ مايخصك تركي : لا يامدام كل شئ يخصك يخصني وكل شئ يخصني يخصك عهود: اففففففف تركي : كما مرة قلت لك لا تتأففين عهود: مقهورة منك ياأخي لا هذا قصير هذا يكشف الظهر هذا عاري هذا شاله مو ساتر تركي وعاجبه تنرفز ها : هذا اختيراتك يعني لازم تخترينهم كذا وانا اكثر من مرة قلت لك ماحب تلبسين قدام الناس كذا عهود: بس الكل يلبس كذا تبيني احرم نفسي تركي : لا لبسي بس مو قدام الناس عهود: شايفني خبلة البس لنفسي بس تركي وهو ماسك الضحكة: ليه انت انانية لبسي لي مو لنفسك بس عهود فورت:تبطي تركي :ههههههه كيفك بس ماراح تلبسين لبس يفصل جسمك مثل فستان الصباحية لغيري جاهزة تستعرضين لهم بس لي لا عهود: يعني شلون تبي الناس يتكلمون فيني ويقولون شوفوا اللحجية تركي:هههههههه ليه طيب عهود: انت ماشفت المحلات كل الملابس كذا والي مو كذا لحوج لا الوان ولا موديل وهذي اكثر الفساتين الي وريتني ايها تركي: طيب تعالي معاي وانا اختر لك فستان لونه وموديله حلو ومو خالع عهود: وللله بعد الي شفت من اختيرك ما اتوقع تركي : جربي واذا ماعجبك خذي الي تبينة اتفقنا عهود: اتفقنا بس مو بعدين تقول لي لا تركي : ماراح اقول شئ اذا ماكان خالع مرة ومسك تركي ايده وادخلو اكثر من محل ولفت نظره فستان لونه احمر خمري وكان موديله ناعم وفخم بنفس الوقت ويناسب عهود لانها توها عروس عهود عجبها هي بعد تركي: ها .. شرايك الحين هذا موديله حلو وساتر وغير كذا شاله ثقيل عهود بابتسامة خبيثة لان فتحة الصدر مرة واسعة : خلاص ابيه تركي: مو قلت لك هذا الفستان المظبوط الحين ارتاح عهود تضحك بداخلها : أي بس مو كل مرة بتظبط معاك وحاسب تركي على الفستان وطلعوا من المحل تركي : يلا مشينا عهود: وين مشينا باقي الجزمة والاكسسورات تركي : انت يالحريم اغراضكم ماتخلص عهود: والله مو مثلكم انتوا يالرجال ماحد بيتكلم فيكم حتى لو لبستوا ثوب قديم بس احنا لا وغير كذا احنا مانحس بانوثتنا الا اذا صار كل شئ بيرفكت تركي : طيب يلا سرينا وراحو وطقمت عهود لها جزمة وخذت لها طقم اكسسوار مناسب للفستان وبعدها راحو لمطعم وتعشوا فيه لما خلصوا راحو للواجه البحرية وجلسو ا فيها لحد ماقرب اذان الفجر وهم سوالف هو خذ على عهود وتعود على اسلوبها بالكلام وهي بعد بدت تتعود عليه وتجرأت معه بالسوالف والضحك وصلوا الشقة واذان الفجر راح تركي المسجد وصلى وعهود صلت ونامت لما رجع تركي توقعها جالسة بس شافها نايمة تركي قرب عندها ومسح على شعرها " هالبنت ملاك وهي نايمة ياناس بريئة مرة والله ياعهود لاعوضك عن كل دمعة نزلت منك وان ماخليتك تحبيني وتتعلقين فيني مثل ماحبتك وتعلقت فيك ماكون تركي " وغير ملابسه ولبس البيجامة ونام اليوم الثاني صحت عهود وهي تحس بالم فظيع ببطنها "يالله مو وقتك انت الحين " وقامت بشويش عشان مايحس تركي عليه وراحت المطبخ وخذت لها بنادول وعصيروجلست على الكرسي مع انها عارفة انه مايسوي لها شئ هي اذا جاتها تروح للمستشفى مع امها ويعطونها ابرة ومغذي"وينك يمة اخ يابطني ياربي شسوي الحين من اقوله الحين اففف ...ومستحيل اقول لتركي " وقامت وجلست بالصالة مرة تنسدح على الكنب ومرة تتمشى وبطنها كل ماله يزيد "ياربي شسوي بموت اه ه يايمه وينك " وجلست على الكنبة وتكورت فيها وقامت تصيح من الالم تقلبت ومو قادرة تثبت على جلسه من بطنها وهو كل ماله يزيد ونامت الساعة 2الظهر اخيرا و انتبه تركي وطالع الساعه"يوه فاتتني صلاة الظهر بالمسجد" والتفت على جهة عهود وما شافها "متى جلست هاذي وليه ماجلستني اصلي " راح الحمام وغسل وجهه وفرش اسنانه بعدها توضأ وطلع وصلى بعدها راح يدورها وشافها منسدحة على الكنب ومتكورة على نفسها استغرب تركي منها "شفيها نايمة هنا ....وليه متكورة على نفسها لايكون تعبانة" وراح لعندها : عهود عهود عهود: همممم تركي: ليه نايمة هنا عهود: اه ه تركي انفجع : عهود شبلاك فيك شئ تعبانة وحط ايده على جبينها وشاف حرارتها عادية عهود وهي خلاص مو قادرة وبدت تصيح: ............ تركي: عهود ليه تصيحين تكلمي في شئ يألمك عهود هزت راسها :............ تركي: طيب وش الي يألمك عهود زاد صياحها:............... تركي: عهود تكلمي عهود:.............. تركي : طيب اشر لي على المكان الي يألمك عهود حطت ايدها على بطنها :............ تركي: بطنك عهود هزت راسها:............ تركي: شفيه يالمك عهود هزت راسها بمعنى أي تركي : من ايش.... اكل امس اثر عليك عهود: لا "وبدت تصيح وتلوي على بطنها من الالم " تركي"ياربي شسوي" وتوه يستوعب الموضوع: عهود هي جاتك عهود: انحرجت:.............. ايش تتوقعون بيصير؟ وش بيكون موقف تركي لما يشوف الفستان؟ وش مخبية الايام لعهود وتركي؟
_________________ |
|
#14
12-12-2008
| ||||
| ||||
| رد: رواية[مستحيل احبك ...مستحيل اعيش من دونك ) قراءة ممتعه للجميع اتمنى اشوف ردود حلوه وتعليقات على اصحاب القصه مع تحياتي
_________________ |
|
#15
12-12-2008
| ||||
| ||||
| رد: رواية[مستحيل احبك ...مستحيل اعيش من دونك ) والله جنان الروايه مشكورررررررر ننتظر التكمله تحياتي لك
_________________  ღ ღღ ღღღ ღღღღ ღღღღღ ღღღღღღ ღღღღღღღ ღღღღღღღღ ღღღ ღღღ ღღღ ღღღ ღღღ ღღღ ღღღ ღღღ ღღღ |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
