|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
08-28-2005, 01:17 AM
| ||||
| ||||
 استغرب من اللي ماراح يقراء هذا الموضوع!!!!!! السلام عليكم .. عندي لكم اليوم خوش موضوع وصلني على الايميل من واقع حياتنا اليوميه واهو #0066FF استغرب من اللي شاريله وانيت أمريكي كبير ، ومركب مكبرات صوت وحاطله أشياء تهز القاع يعني شوفوا عندي سيارة .. ياحبيبي ماكو غيرك عنده سيارة !! والله حاله  استغرب من اللي تقول الناس بس تطالع وتنتقد وما تخلي أحد بحاله ولمن تشوف لبسها تقول يا ساتر وين قاعدين !!! والله حاله استغرب من اللي مربي اللحية اللي راح توصل الأرض ويدش غينيس على أطول لحية ومن كثر حبه لله تعالى والزهد في الدنيا تلاقيه حتى مو لابس نعال ،، وآخر شي تمشي وراه بنته عمرها مو أقل من 16 سنة مو محجبة وطولها طول الشبّة ( عمرد الإنارة ) ولمن تسأله ليش مو محجب بنتك يقول لا توها ياهل ما بلغت للحين !! والله حاله استغرب من اللي مضيع كل فلوس المعاش على أفلام السهرة بالليل حق الديوانية مع الربع ، وإذا مرته قالت بشتري فلم يديد حلو قالها لا ليش تقطين الفلوس عالخرابيط وتلقاه اهو أول واحد رايح شاريه !! والله حاله استغرب من اللي يقول حق أهله اليوم عشاكم علي ، ويكشخون والحاله حالة وآخر شي موديّهم وشاريلهم من واحد من الماطعم اللي بدوار الشيراتون !!! والله حاله استغرب من اللي ياي يفر أو بمعنى آخر (( يقز )) بمجمع حلو ، ولابس الجماغ والدشداشة وتنبهر من جماله وكشخته من ظهره ولمن تشوف ويهه توه طالع من الصالون وحاف شعر ويهه وحوايبه وطاق الشنب واللحية ، والمصيبة إنه قدر يرقم نص بنات المجمع ^^ طبعاً اللي على شاكلته ^^ والله حاله !!! استغرب من اللي اتقوله امه قوم طلع خواتك وونسهم يمه ، يقولها لا يمه آنه تعبان وبقعد بالبيت ،، ويوم اطلعوا بروحهم قام وكشخ وطلع ، المصيبة إذا شاف أهله بالمكان اللي راحه ويوم تسأله أمه تقول هايمّه شيابك اهني ؟ يقول يمه صرت زين قلت أطلع أغير جو !! آخ يالنحيس صج حظه قراده بس يستاهل !!! والله حاله استغرب من اللي طول اليوم طايحيله مجابل بالأغاني والكليبات والمزيكا ، ويوم يصير وقت الأذان ويقول المؤذن الله أكبر غيروا القناة وقالوا هذا وقته !!!! والله حاله استغرب من اللي بعز الحر شهر ثمانية ودرجة الحرارة 46 ومبطل الدريشة يقول الهوى الطبيعي أحلى !!!!! والله الحاله استغرب من اللي واهو ياهل كل عيد مرزوز بالغترة والدشداشة شحلوه ، ولمن كبر صار كل عيد يايلهم بآخر موضة تيشيرتات وبرمودات ومسوي شعره جنه واحد شاب فيه جراغي اللهم يا كافي !!! والله حاله استغرب من اللي تسولف اي شي جدام السايق ، لا وتفصخ لفّتها إذا اهو موجود ، ولمن يسألونها شلون تفصخين جدامه تقول عادي هندي !!! والله حاله استغرب من اللي لي أذن المؤذن دشوا المجمع الفلاني وبنفس اللحظه وقعدوا يفرون ويطمشون على الأوادم لمدة 4 ساعات ، لا ويكون في مصلى بالمجمع !!!! والله حاله استغرب من اللي قالبلي جنس ثالث وويهه أنثوي أكثر من بنات الديرة كلهم وإذا تعرفله على بنت وقالت شنو اسمج ؟ قالت فيصل !!!! والله حاله استغرب من اللي يقعدون يذمون ويسفلون ويطيحون حظ برنامج ويقعدون طول اليوم يذكرون مساوءه وينتقدونه ، وآخر شي يطلعون اهمه من أول المتابعين له وأشد المعجبين بالمذيع / المذيعه ونص فلوسهم طايرة عالمشاركة فيه !!!! والله حاله استغرب من اللي صايرله شهر مو زاير أهله ولين حصل عزيمه من أحد من أهله قال لا والله مشغول قد شعر راسي ،، بس ما يتردد للحظه إذا عزمه واحد من الربع عالعشا ويلبي العزيمة بكل سرور !! والله حاله استغرب من اللي يدق على برنامج مسابقات ، ويقول ايصير أشارك ؟؟؟ عيل حبيبي انت ليش داق !! صراحة الله يعين المقدم / المقدمة بهاللحظه ولو آنه منهم أقول لأ ما يصير شيبي يرد علي !! والله حاله استغرب من اللي طول عمره ملتزم ويخاف ربه ، ولمن راح يبي يكمل نص دينه ويخطب نسى جمال الروح والأخلاق وسأل أبوها اهي حلوه ؟ .. اي يبا ما قلنا شي التوافق مطلوب بس عاد من أول سؤال شبيقول الأبو !!!! والله حاله استغرب من اللي اذا طلع من البيت يقعد ايوزع ابتسامات على بنات الناس وما فكر ولا مره انه يبتسم حق خواته بالبيت !!! والله حاله استغرب من اللي سيارته حدها زقرت آخر موديل ، والحبيب يطلع فيها جلحه ملحه مو مغسلها من اسبوعين ،، يا لأخلي على هالكشخه عزان تحطلك غسال يغسلها يوم وترك !!! والله حاله استغرب من اللي ذابحنا مقاطعه و مقاطعه وتلاقيه يشرب ببسي وياكل كتكات ويشتري من أمريكانا لا وكل خميس عشاه من برجر كينج ، لا وبعد ما يعترف انه ما يقدر يعيش بدون المنتجات الغربية !!!! والله حاله استغرب من اللي ما تعرف تصفط بالغصب ، وتروح تبي تكشخ جدام رفيجاتها وتروح تقلقص السيارة داخل مصفط صغير وتتوهق بالطلعه وتدّعم بسايير العالم !!!! والله حاله استغرب من الدكتور اللي بالجامعه وحالته حاله وشايف نفسه عالطلبه وسيارته مرسيدس 96 !!!! والله حاله استغرب من اللي يشترك بمنتدى شامل وكامل وما يشراك إلا بمنتدى الطرب والفن و أيام رمضان يعتزل المنتدى وياخذ إجازه منه !!! والله حاله استغرب من اللي كل ويم يقرى جرايد وما يطوف ( الجريمه ولا عدد ) وعارف وقاري عن بلاوي الأندونيسيات وجرمهم ، وللحين ينّوم عياله كل يوم ويه خادمتهم الأندونيسية بروحهم من الصبح لي اعلصر على ما ايي حضرته ومرته من الدوام !!!! والله حاله استغرب من اللي فاتحين الدوام قهوه ، ياكلون حب ويشربون قهوه وجاي ، ويحشون بفلان وعلتانه لا ويطالعون تلفزيون بعد ، ولي يه وقت المعاش تشرهوا على المعاش ومو عاجبهم بعد !!!! والله حاله استغرب من اللي يكون ماشي بالطريج مثل المسبّه ، على الله وعلى هرن هذا وهذاك ( ينبهونه ) ومن يشوف بنيه حلوه يحاددها بسيارته ويضيق عليها يعني آنه أعرف أسوق ، بس تعجبني إذا لو طلعت شقردية وتعدت وراحت عنه !!! والله حاله استغرب من اللي قرى الموضوع هذا للنهاية وما عجبه ولا شي !! والله حاله  استغرب من اللي يدززون ايميلات خلق الله ولا يقولون منقول !! والله حاله منقووووووووووووووووووووووووووووووووووووووووووووووو ل 
_________________  |
|
08-28-2005, 09:26 AM
| ||||
| ||||
| صادق في كل كلمة كتبيها يا اخي انت ,,,,, ما شاء الله يا ريت الناس كلهم زيك فاهمين الحياة
_________________  سبحان الله وبحمده .. سبحان الله العظيم |
|
08-29-2005, 12:02 AM
| ||||
| ||||
| استغرب من اللي بعز الحر شهر ثمانية ودرجة الحرارة 46 ومبطل الدريشة يقول الهوى الطبيعي أحلى !!!!! والله الحاله هههههههههههههههه والله انك صادقه يسلموووو على الموضوع مشكوووووووورة 
_________________ هل تريد من يعينك على آداء صلاتك في وقتها حمل الى صلاتي الآن إذا ضاقت بك الدنيا فلا تقل: يارب عندي هم كبير.. ولكن قل: ياهم لي رب كبيــــــر أنت تريد.. وأنــا أريد.. واللــــــــــــــه يفعل ما يريد.. |
|
08-29-2005, 12:39 AM
| ||||
| ||||
| انت وش قاعد تقول لا امزح مشكور على الموضوع الا اعجبني استغرب من اللي اذا طلع من البيت يقعد ايوزع ابتسامات على بنات الناس وما فكر ولا مره انه يبتسم حق خواته بالبيت !!! والله حاله
_________________  s m s m _ 4 3 كل عام وانتم بخير هذا ايميلي لكل من يريد التعرف علي انا smsm_43 على الماسنجر : s m s m _ 4 3 _ 4 3 @ h o t m a i l . c o m |
|
10-08-2005, 07:32 PM
| ||||
| ||||
| استغرب من اللي مربي اللحية اللي راح توصل الأرض ويدش غينيس على أطول لحية ومن كثر حبه لله تعالى والزهد في الدنيا تلاقيه حتى مو لابس نعال ،، وآخر شي تمشي وراه بنته عمرها مو أقل من 16 سنة مو محجبة وطولها طول الشبّة ( عمرد الإنارة ) ولمن تسأله ليش مو محجب بنتك يقول لا توها ياهل ما بلغت للحين !! والله حاله عاد هذي كثررررررررر منها.. ويسلموووووووووووو على الموضوع..
_________________  [الغياب اللي قهرني يمكن انك ما دريت.. هوالغياب اللي ذبحنــــــــــــــي يمكن انك فيه داري  |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
