: شباااااب ممنوع الدخووول وأي بنت تدخل تعطينى نجمه وأذا دخل تمسااح بالخطأ او عن قصد عليه غرامه باأخد كل نجوومه وشهادااته




الى كل سحليه ناشبة(ن) في حلق أهلها وماتصرفت مع انهم حاطين معها أختها مجانا (لترويج البضاعة المتكدسه في البيت )
اليك عصارة راسي وبنات أفكاري أضعها بين يديك
كيف تصطادين تمساح دون اللجوء للأساليب المعهودة والسقيمة (المغازل ،الترقيم،التميلح اللي ماله سنع،الترزز بالاسواق .الخ )
للاجابة على هذا السؤال اليك مايلي :
أهم نقطة :نشني على العجوز اللي حاطة(ن) عينك على ولدها ثم نفذي مايلي :
1-خليك مع أمك لاتروحين مع البنات وتهيبلين ماورى ماتهيبلتي اصبري عنهم كم شهر لين تتم العملية


2-امشي وانتي حاطة(ن) راسك بين كتوفك لاترفعينه أبدا علشان يقولون مؤدبة ومب متكبرة

3-كلمة خالة خليها على لسانك وخاصة(ن) لأم التمساح علشان تحس بنوع من التميز عن بقية العجيز .لامانع تنادين وحدة ثانية بخالة علشان إذا مانجحت الخطة مع العجوز نمبر ون تنجح مع الثانية اتبعيها كخطة احتياطية (يعني ستبنة )


4-إذا بدت أمك تتكلم انغزيها بكوعك علشان تدخلك بالموضوع حتى لو مالك داعي تطبيقاًَ للمثل (كثر الطق يكسر الحديد) أدري إن المثل ماله داعي بس مالقيت غيره


5-اخوانك الصغار لاحقيهم وطامري وراهم وين مايروحون حتى لو مب عادتك بس تصرفي معهم كأنك أمهم لأن هذا يوحي بما لايدعو مجال للشك عند العجوز بأنك حريصة على ذريتك (جعلهم عقبك)


6-مهما أكلت أمك من أكلة زينة خليها تقول :نفس الاكله اللي تسويها بنتي (حتى لو الاكل من المطعم الصيني أو المكسيكي )


7-اذا جيتي بتمدين ايدك جعلها الكسر< (خربتها) اعبطي خشتك وتويجعي ) وخلي أمك تقول :قايلة (ن) لك وأنا أمك لاتنظفين جدران الفلةالخارجية بس أنتي الله يهديك ذابحتك النظافة (تكفين ياشيخه بتنظفين جدران الفلة نظفي غرفتك أول اللي تقولين متفجره فيها قنبلة ذرية )


8-دايم ارتزي كأنك بالعة(ن) قصبة علشان ماينقص من طولك ولا سنتيمتر (للقصيرات)


9-اذا تكلموا الحريم عن أي عرس اكتمي نفسك لين تحمر خدودك علشان يقولون البنت تستحي ومالنا حق تكلمنا عندها (بس لاتكتمين نفسك مرة أخاف تروحين فيها وأصير قتلت نفس بغير حق

10-مهما كان موضوع الحوار حماسي لاتبدين رأيك وخليك مثل الطرما لأن اللقافة تجيب أجل الخطة


11-شعرك افرديه لين يتحسحس لاتخلينه طاير وشوشة مهما كانت الموضة لأن العجز مايدورون الا اللي شعورهن ناعمة والا ياعمري اللي شوشهن طايره ماحد يلتفت لهم


12-إذا أدلت العجوز (أم المتوهق) بأي رأي سواء كان سياسي أو وطني أو اقتصادي وافقي عليه حتى لو هو ماسخ وماله داعي مثلا تقول العجوز:أمس بوش متقهوي عندنا قولي لها :وليه ماعلمتينا ياخاله نجي نعاونكم


13-في العروس لاترقصين اربضي واقضبي ارضك واعتبري الرقص عيب وشق جيب 14

-اذا جا طاري السوق وطبعا هو لازم يجي الطاري لأنه ملح الجلسة عند الحريم خلي أمك (الله يعظم أجر أميمتك)بناتي مايطلعون للسوق أغراضهم أبوهم يجيبها (وانتي شكلك مقطعه السوق تقطيع ) @@11
أحتمال وارد الحدوث
ممكن تكون العجوز منشنة على بنت غيرك لكن بعد النقاط السابق ذكرها بتصرف نظر عنك وعنها < (أمزح لاتصدقين )

الحين بتكون العجوز وقعت باالفخ
نرووووووووح للتمساح الحين :
اهجدي في بيت أهلك ولاعاد تطلعين واذا جاء المعرس بيشوفك خلي أبوك يقول له :والله ودي تشوف البنت بدون ماتدري علشان تأخذ راحتك وانا عمك وبعدين تشوفها على الطبيعة علشان ماتقول بعدين غشيتوني (ايه هين ياالشايب لو يحصل حطيت بدالها باسكال مشعلاني والا أليسا والا مايا هالي مطيره عقول عيالنا
وقبل يجي اليوم اللي بيشوفك فيه بحوالي اسبوع أو أكثر (على حسب شين وجهك ) انطلقى من مشغل لمشغل (صبغه ،فرد،تنظيف بشره،الخ) لاتخلين على روحك قاصر @@4
ولما يجي المعرس خلي أخوك ياقف بجنبه عند الشباك علشان مايطول بالتبحلق ويبان المستخبي وذلك تطبيق(ن) لنظرية اللمحة ذبحة
بعدها عاد كيف بيشوفك هذي عليك مب كل شيء بعلمك اياه دبري عمرك
بس خلي أبوك في نهاية المشاهدة يقول:العذر والسموحه وأنا عمك (الأخ ضمن الولد يوم انه يقول وأنا عمك ) ترا (البنت حوسة (مع انك طاقة (ن) كل زينك بس يعني اني في هاللحظة الولد بينط على راس أبوك وبيمطخه لين يشفط مخه وبيقول متى العرس ياعم (اللهم ارحمه فقد كان ولدا بار (ن) بوالديه )
عاد الله يوفقك ولاتنسينا من حلاو العرس والكليجا واياني واياك تعلمين الولد من اللي معلمك هالعلوم ولا حتى باسم القروب لأني أعتقد انه بيسوى مصيبه وأخاف يحط حرته فيني
تحذير
ابعدي عن أمهات العيال اللي متعلمات راعيات الشنطة مثل لون الجزمة لأن هذولي يبيلهم خطط بعيدة المدى
نصيحه
رفيقاتك بيلاحظون التغيرات المفاجئة اللي صارت لك فانتي قولي لهم :انك خلاص انسانه عرفتي درب السنع والعداله (فاصل دعايه للطقاقه زبيده )
تدرين ليه؟؟خوفا من سرقة الفكرة الادبية
عاد ادعي لي لأني من العطلة الصيفية اللي راحت وأنا حاطة(ن) عيني على عجيز وببدا أنسج خيوطي العنكبوتية حولها
والله يفوفقكم يابنات





منقول من الايميل

منتديات مدرسة المشاغبين - ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه