|
| |||||||
| منتدى الحوار العام الفسحة العامة نقاش عام بين الطلاب والله يحييك بس طق الباب وتناقش الربع بس بدون هواشات بليز منوعات افكار هادفة نقاشات عامة امور شاملة حوار بناء شامل منوعات افكار |
 |
 |  |
 |  |  |
 |  | |
| |
 | |
 |
| | أدوات الموضوع | طريقة عرض الموضوع |
12-31-2008, 08:26 PM
| |||
| |||
| رساله الى كل رجل ^ العنوان (((انا مرة أبو ... وتصدقون اني اتمنى ان ولد زوجي يموت !! <))) ^ ^ هذا العنوان هو فعلا واقعي اللي أعيشه ليه اكذب عليكم ؟ مارح استفيد شي لو كذبت .. بالعكس لازم اقول لكم اللي احس فيه عشان تقدرون تساعدوني القصه باختصار انا اخذت زوجي قبل شهور وهو عنده ابن من طليقته الابن عمره 6 سنوات لما جا خطبني .. ووقت الشوفه اذكر اخوي سأله قدامي .. قال وش مصير الولد ؟ قال الولد مع امه وحتى لو تتزوج امه ,, جدته بتربيه انا بصراحه ما ابي اربي عيال احد .. عساني اربي عيالي عشان اربي ولد وحده كانت ماخذه زوجي قبلي المهم تزوجنا وعشنا مع بعض احلى اثنين اللهم لك الحمد .. وكان يجيب الولد في الويكند يبات عندنا انا في بدايه الزواج حاولت اكسب الولد ... يشهد علي ربي اني فعلا كنت احبه و اعامله احسن معامله لأني احب الاطفال بطبعي واجيب له هدايا واهتم فيه كثير لكن هو ما يحبني ودايم يسمعني كلام شين ... صحيح هو طفل لكن انا اخواني كلهم عندهم اطفال مافيهم اللي طباعه مثل هذا !! ما يحب يسلم علي ولا يحب ان ابوه يمدحني او يمدح شي اسويه ودايم يقول لي ترى ابوي بيطلقك مثل ما طلق امي !! ومرات يقول بنرميك في الشارع ... حتى اسمي لايمكن يقوله ... كل ويكند كذا .. تراكمت علي هالتراكمااات الييييييين فعلا كرهته ... مو بيدي انا بشر مو حديد !! واللي زاد الطين بله انه اذا جانا انحرم من حاجات في بيتي مثل زوجي .. اصير رسميه معه مع اني رومانسيه لازم حركات نص كم تصير في الصاله وفي كل مكان يعني مثلا لما اجي احط راسي على كتفه وانا اتفرج على التلفزيون يقول لي وخري لا يشوفنا الولد عيب وانا ما احب كذا هذا ويكند وانا موظفه اذا ما انبسطت فيه معك متى بنبسط ومو بس كذا لما يجي الليل ياخذ ولده وينام معه في الصاله وانا انام بغرفتي بصراحه الولد ثقيل على قلبي .. شي مو بيدي هذا رجاء قدروا موقفي مره من المرات جاب ولده الاربعا على الغدا وانا كنت لابسه مشخلع صراحه ومادريت الا وهو داخل علي عصبت مره قلت له ليه ما قلت لي انك بتجيبه ؟ ياخي وش ذا ما اقدر اخذ راحتي في بيتي !! قال هذا بيت ابوه مو غريب .. قلت خلاص معناته انا الغريبه قال وش بتسوين بكره اذا عاش معنا :| انا هنا انصدمت وبلعت لساني وجتني الصيحه ماني متخيله انه بيعيش معنا بتصير حياتي زفت ياويلي وربي ما اقدر وبعدين هو قايل لي في الخطبه اني ما علي من الولد !! ليه غير رايه الحين ودي افاتحه في الموضوع الليله وش اقول تكفوووون شوروا علي ابي احد حكيم ينصحني ودي اقول له ليه توعدنا في الخطبه ان الولد عند امه والحين تقول بيعيش معنا !؟ يعني الموضوع تمسكن حتى تمكن ؟ واحيانا اخاف اقول له هالكلام واطيح من عينه او يكرهني او يحس اني ماني بنت اصل ! طيب اجامل على حساب نفسيتي ليش ؟ وش الحل اللي يرضي الجميع ؟ احيانا اقول خلاص يبي ولده الله يمليه بركته انا ما اقدر اضغط على اعصابي ...خلهم يعيشون سوا وانا اطلع منها والا اقول له سكنه في بيت وانا في بيت ( والله احس انه مثل الضره ) ودي اكلم زوجي اليوم يرسيني على بر ! هو بيسكن عندنا والا لا ... اذا بيسكن متى ؟ ... ودي اقول له انا ما اوعدك اني اتقبل هالفكره عطني فرصه افكر .... وبعدها اللي كاتبه ربي يصير المشكله اني فعلا حسيت اني طرطوره وزوجي يخطط وانا اخر من يعلم بالله مو من حقي يجي ويقول ترى انا افكر ان في السنه الفلانيه يجي ولدي يسكن عندنا مثلا افكاري ملخبطه يابنات شووووووووووووووورووووووووووووو ا علي لاحرمكم الله الاجر ( ورجااااء لحد يقول انتي ما تخافين ربك ومن هالكلام الماصل .. اللي يده في المويه مو مثل اللي يده في النار) هذا موضوع لأحدى عضوات منتدى عالم حواء النسائي للعضوه بصــــ((((((())))))ــــمـة كم اتمنى ان يقرأ هذا الموضوع زوج هذه العضوه وتصل الرساله اليه ويعرف مدى حقد هذه الانسانه على ذلك الطفل الصغير وتعليقي عليها : أشعر بألم لا يطاق بسبب هذا الموضوع من الأكيد أنه يوجد للأسف غيرك بمثل هذا التفكير موضوعك قلب المواجع وذكرني بواقعي الأليم الذي اعيشه الآن مع والدتي وحياتي التي عشتها يتيمة الأب رغم وجود والدي على قيد الحياة هل تعلمين ان الحياة صعبه بلا أب؟ والأصعب من ذلك عندما يكون على قيد الحياة ومعظم الناس تنظر لك بالرحمه والشفقه لا تشعر بالامان ابدا الجميع يتدخل بـ خصوصياتك على الرغم من انه ليس له الحق ان يتدخل بخصياتك ذكرني بقصة الطفل اليتيم الذي تزوج أبوه فكانت زوجة الأب تقسو عليه وتفرق بينه وبين أبنائها كانت تتركه في البرد في فناء المنزل بملابس خفيفة وفي يوم ما حلم الأب بزوجته الأولى رحمها الله تخبره بأن ابنها صار معها استيقظ الأب فزعاً مرعوباً يبحث عن ابنه الزوجة تطمئنه أنه نائم ولكنه مع ذلك لم يرتاح انطلق يبحث عنه في أرجاء المنزل ليجده في الفناء ميتاً فاضت روحه إلى بارئها من شدة البرد أبكتني تلك القصة كثيراً وأبكتني غيرها من قصص جرائم ترتكب بحق الأطفال واليوم أبكيتني أنتِ هل لي أن أخبرك بأمر؟ أنت تشبهين هذه الزوجة كثيراً وإن لم تدركي حقدك وتعالجيه قد تجدين نفسك في مكانها في يوم من الأيام كتبتِ موضوعك ببرود وأسلوب الفحر واضح كتبتيه وأنت تقولين أن الحق معك وأنك لم تؤذي الطفل أردتِ الظهور بصورة البطلة وأردتِ من الجمهور الطبطبة والتصفيق ورفضت السماع للرأي المعارض وإن كان محقاً لو كنت تشعرين بتأنيب الضمير لو كنتِ تريدين الحل لو كنت تردين النصح لو كنت تريدين المساعدة ما كان لأسلوب طرحك أن يكون بهذه الوحشية كان الله في عون هذا الطفل حسبنا الله ونعم الوكيل تحياتي : عبيــــــر عبدالعزيز (اتمنى نشره عبر البريد و ان يصل الى كل رجل) اغاني اسلامية اغاني جديدة اشرطة اناشيد جديدة احلا الاغاني اجمل الاناشيد اخر و افضل البومات  -  |
الان اخر العروض التجارية والتخفيضات على السفر والسياحة
والفنادق والهواتف المحمولة والازياء والموضه والسيارات وغيرها الكثير على موقع
لقطه
www.logta.com
لقطه دليلك التجاري
|
| أدوات الموضوع | |
| طريقة عرض الموضوع | |
| |
العرض العادي
