:smils76::smils76::smils76: --------------------------------------------------------------------------------



يانديم الجرح تكفى خل جرحك في المحاني
واطلب اللي لو تبيه العمر يرخص لك اكيد

يعني ترحل ماتبالي يعني تبعد عن مكاني
من رحلت الدم واقف مختنق وسط الوريد

ليه تبعد وانت ادرى عن زمانك من زماني
حتى دربك في المحبة عن دروبي مايحيد

تعبت اردد جملة اني من فراقك كم اعاني
يعني هي جملة تكرر ولاَ هو حزن(ن) يزيد

ايه فاحت ريحة الذكرى على جمر الأغاني
ايه.. ياللي من عرفتك فارس الحلم السعيد

خذني وجدَد فيني نصري واعتزازي وامتناني
شفني على قيد الحياة وحافظة عهدي الوحيد

ولاَ.. اقتل فيني خوفي وارسم البسمة بأماني
ولاَ.. اقرب عطني انفاسك ترى صدري جليد

ايه.. اكسر حاجز الفرقا ترى هالعمر فاني
ايه.. شفني احسب لشوفك عسى عمرك مديد

ابكتبك من شان تقرى ياللي قلبك ماقراني
وتعرف اني مانسيتك لا.... ولا حتى اريد !!

مابه اكثر من عنادك يعني سميتك أناني
وكل هذا شفني اوصف شوقي لك وارجع اعيد!

ودي اصحى والقى طيفي محتضن له شخص ثاني
ودي مرة بس احاول اختلق غير القصيد

ودي لو مرة اجازف واتمرد في جناني
والبس الثوب اللي عفته حتى لو تفصال عيد

واصرخ بصوتي وانادي ياغلى قطعة من كياني
ماخسرتك بس تقدر تختبرني من جديد

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

الم الغيـآب تمحيه لذة اللقـآء