كان في مكان في واحد اسمه مثل اسمي عموما
تابعووو






صحيت الفجر اليوم واول ماجلست على فراشي
جلست << اي قعت (( وقيل في اللغه/ اي درة الناقه حليبا ))

المهم وجهي كان معفط واخلاقي زفت وقافلي معي على آآآآآآآخر شي

ياليل انا فاضي لدوام ولا شالسالفه
المهم
اخوكم طالب كلية طبيه تطبيقيه فني مختبرات طبيه وعنده تطبيق بالمستشفى
عاد اخس شي هالمستشفى اكرهه بالحيييييل
لأني تنومت في نفس المستشفى مايقارب شهر

عموما صحيت وقمت من عالفراش امشي حبه حبه

كمان حبه حبه كانت الساعه تقريبا 7:2 ص بس الغرفه مضلمه لأني مكتم ام القزاز

ونا ماشي تخيلو الموقف معاي ماشيي حبه حبه واتحسس بيدي المكان لأن الغرفه مضلمه

وفوووق هذا كله كانت مقفله اخلاقي وزاقه الدنيا بجووووي

وماشيي حبه حبه وشوي الا وشي قوي وصلب صك بجبهتي وخشتي والكبوت الأمامي من الأنف << مشوها

يلعن ام ام ام السالفه والله مالك الا هيفا وهبي زقت اخلاقي 123456789 درجه يعني لو قابلت ابوي بتهاوش وياه

وبعد ما جات الدوريات وخططت الحادث وكل صلح سيارته لعنت ابو اللي ركب الباب بغرفتي

وفك الباب بقوى ماعندي وروح للمغسله انا ضر بوجهي بالمرايه وكانت الفاجعه خط احمر في نص الوجه
من فوووق لتحت والأنف انعفص جوى تقوول براية روكو ابو خمسه ريال والدم نازل والدموع اربع اربع
طبعا الدموع نازله من قوة الألم

عموما افتح البزبوز << اي الصنبوور ههههه وجلست مايقارب نص ساعه الين المويه تعدلت من البارد الشديد
الى درجه كويسه من الحراره لأن الجوووو برررررررررررررررد ويجيك اخوكم في الله مسوي فيها نضيف
واقلب ام الغساله مسبح مغير غطست راسي تحت البزبوز وانا كذالك ومغمض العينين واذا بضربه شديده على
ضهري مدري من وين جايه قمت مفزوووع من تحت الصنبووور (البزبوز ) ومغمض العينين وامسك المنشفه
وامسح وجهي زين ابي اشوووف من اللي ضربني وكسر ضهري يوم مسحت وجهي زين من المويه لقين جدتي
تصارخ ليش تلعب بالمويه تخيلوو وش اللي صار بأعصابي عن جد قدني ببكي
قلت خير خير ياجده ومشيت وانا خلاااااااااص اعصابي وصلت حد الفيضان الــ مدري وش يسمونه المهم

ودخل الغرفه وقفل الباب الملعوون بالمفتاح اللي العن من الباب وعموما توجهت لدلابي لقيته فاضي ملابسي منثره
بالغرفه جلست ساعتين ادور لي لبس البسه وبعد جهد جهيد لقيت جنز على كيفكم تقووول اني حساوي وانا لابسه وسييييييييييييييييييييع

ولقيت ذاك القميس الللي يحبه قلبك واجلس احوس الغرفه حوووس ابي اطلع البالطووو ملعووون الم وياله ياله لقيته
لقيته معطف بشكل غير طبيعي

حسيت نفسي امممممممممممممممممممممممممممممممممممم لمدة 20 ثانيه ( تافه ) بداوم ببالطوو معطف


المهم اخذ البالطوو وروح عند شغالتنا بالمطبخ وهايط عليها هيه واقووول لها ياحلووو ممكن نتعرف <<< امزح معاد الا هي



ارمي بوجهها البالطووو وقووول بسررررررررعه خلال 4 ثواني يكون مكوي جاهز و تروح تكويه وافتح الثلاجه اشووف شي آكله

اخوي اللي اصغر مني جايب اكله عجيبه غريبه مدري من وين شاريها ومدري وش اسمها المهم حاطها الرجال بالثلاجه
لجل اذا رجع من المدرسه ياكلها والله واكل الجوو حقه واخذ هالأكله مع كوووب شاي طبعا الأكله فيها قصدير ويجيك
اخوكم في اللله علاوي القرني ينسى ويدخل هالأكله بالقصدير داخل المكرويف المهم صارت ساااااالفه اهمها انه اغمى
علي لمدة 4 دقايق اصابني صعق كهربائي غير طبيعي ياسلام اكتمل اليوم اذا هذا بداية اليوم كيف باقيه

المهم يوم صعقني الالتماس اللي صار انفصل الكهرب عن البت والشغاله انكبت كيف تكوي البالطووو واقوم من طيحتي
عالأرض وقوم لعداد البيت افصله واشغله مره ثانيه اشتغل الكهرب وطير بالشغاله والله وتطلع شغالتنا ذيبه وتكمل الكوي بسرعه

والبس البالطووو وطلع وحمي السياره ياولد الجووو روووعه كله سحب وضباب جووو خنفشاري

العن ابو الدوام والله ماداوم دقيت على خويي ابراهيم عسيري سلام كيفك قال تمام وينك قال بالبيت قلت بداوم قال
ايوه ياولد الجو فله وووو ومايصلح نداوم وبتروح علينا بليز تكفى << مسوي بدشر الولد وفعلا بعد جهد دام 3 دقايق
وافق انه مايداوم والله واخذه ونطلع بنده عاد تخيلووووو 2 شباب لابسين بالطوات ومسوين دكاتره يفروون ببنده

مع صباح الله خير عموما واحنا نفر اخذنا بسكويتات وبطاطسات وبباسي وحلويات وووو و1 كيلو فصفص قال ابراهيم
وش رايك نروح للجانب الإلكترونيات نشوووف قلت مو مشكله والله ونفر للإلكترونيات واحنا مارين جنب استريو تليقفت وضغط زر الا وصوووت قوي دق وطقطقه وووو طالع من كل مكان وجهي صاير >>

وجيك السكيورتي والكاشير الخاص بالألكترونيات وهاتك تهزيئ طبعا انا يومي من الوله خربان خربان قلت لهم على
احم احم المهم تلاقطنا اي تهاوشنا وطاقينا لأن السكيورتي مد يده علينا وضربناه ضرب واخذنا الكاس الأول

وما هي الا دقايق واذا بسيارة الشرطه عند بوابة الهايبر لأنهم بلغووو على طووول

عموما رحنا للعسكري طلعت اعرفه واسطات قلتله الموضوع كيت وكيت وكيت قال خلاص تصالحوو
ولا بحطها براسك يالسكيورتي والله وتصالحنا وحاسبنا على الأغراض وطلعنا وكان الجووو يمطر جانا المطر ياولد
وجووو فله ياهوووووووووووه











الجووو من جد فله فله فله

والله ونتمشى احلى تمشيه وفلينا ابوها وطلعنا لشي يسمونه المطل عندنا جبل فووق جلسات تشوووف المدينه بكملها

للأسف امتلت الذاكره ولا بيكون صورتها لكم

عموما

وشبينا ذيك النار شوووووووفوو





















شي روووعه ونسوي شاي جمر والعزبه معنا وناكل من هالبساكيت وووو ونعين خير لا ابو الدوام لا ابو ابو الفلبينيات اللي بالدوام

المهم ومالك الا الدفا وش وداك له

ومبصوووطييييييين لأخر شي وعلى هالحال اليييين الساعه 2 الضهر بعدها توجهنا للمستشفى ونروح عند خويانا نقهرهم والمصيبه انكبنا وحنا نضحك مع خويانا جاء المدير الأخ علي والأخ ابراهيم الحقووني المكتب

ياسلام يلعن ابو الفله ونرووح المكتب وماصار الا شوفو شكل المدير >>

واحنا اشكالنا مثل كذا >>


وجزاء لنا كتب علينا وكلم الفلبينيه المراقبه بأن نداوم ليلي
الحقني


وتوني طالع من المستشفى وكتبت لكم مفكراتي الى مفكره جديده ولقاء آآآخر يلعن ابو المدير ياشيخ كرفنا كرف

منتديات مدرسة المشاغبين - منتديات الفسحة العامة