السلام عليكم ورحمة الله وبركاته


هلا والله وغلا ومسهلا باللي يقرون حروفي اللحين:

كيف حال المشاغبين اليوم ان شاء الله تمام:......

يا طويلين العمر هذي قصيدة
للشاعر:محمد جار الله السهلي

لا صرت بايعني .. اشوفك على خير
مع السلامه .. دام ما به سلامه !!


قلت : انتهينا؟ قلت لك : خير يا طير!
ماني باول شخص يخسر غرامه


محذرك من قبلها الف تحذير
لا عفتني بيعيف قلبي هيامه ؟؟


مانيب ميّت لا ! ولا احتاج تبرير
صح الله لسانك .. ووفر كلامه


بسمعك .. حبكه .. وفكره .. وتصوير
وافهم عدل يا مدعي بالفهامه


وجه الشعر ( ابيض ) ويحتاج تغيير
ودي تزيّن هالقصيده ( علامه)


ماضيك ( الاسود ) بذكره دون تقصيير
كذا يكون بخد هالشعر .. ( شامه !! )


يصدق معي تعبير .. ويخون تعبير
يا ضيعة الشاعر .. بوقت انسجامه!


يمكن خطا ادونك بالشعر ؟! مير
لو ما احترمتك ؟ للغرام احترامه!!


ما كان حبك غير بس طعنتك غير
علمتني معنى الندم والندامه


ما جاك مني اي زله وتقصير
كل ما خطيت اعاتبك .. بابتسامه ؟!


حسبي على الذكرى اذا هبت عصير
ما عاد تنفع شرهتي والملامه


البال ( ضامي ) وقتها والحزن ( بير)
( خسرتك ) وهمي ( كسبت ) اهتمامه!!


والليل فازع لك كذا !! جاني مغيير
ظلمتني واكثر ظلمني ظلامه


لا اقبل علي اوحييت صوت المسايير
وفزيت كل ضيف ٍ اقوم بمقامه


وليا عزم هالليل ( ضيقه وتفكير !)
قلّي بربك كيف بقدر انامه ؟؟


ما فيه داعي للعتب والمعاذير
الغدر ( خال ) الجرح واطيّب ( عمامه ) !!


أما يجيب الله مطر .. تالي وخير ؟
ولا السلامه مااااش مامن سلامه !!

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي