قصه اضحكتني فقلت انقلها لكم رغم تعصبي الن ..... :)

ع ــديم الشوق · #1 (**permalink**) 01-30-2009, 04:25 PM

إيميل قووووووي

انا بصراحه هلالي منذ نعومة اضافري ولله الحمد على هذا الفضل العظيم ولكن آلمتني قصة صاحبي وهو نصراوي انقلها لكم على لسانه

وانا صغير مثل كل المراهقين كان يجذبني اللون البراق ..

ونسي والدي ان يخبرني ان ليس كل مايلمع ذهباً..
انشغال والدي بتجارته ووالدتي بتربية اخواني جعلني فريسه سهله لكل من في نفسه مرض ..

هكذا عرفت النصر ..

اصدقاء السوء لم يتركوا لي مجالاً للتفكير...

ماجد محيسن الهريفي شوف الكوبري ياروحي يابو عبدالله اييييه ..

اعتقدت ان هذه هي الكوره وهذا منتهى الفن ..

عشر سنوات

من الضياع والتعب النفسي الناس تاخذ بطولات وانا امدح ماجد ومحيسن ..

يقولون لي فريقك ماجاب الدوري اقول ايه بس ماجد جاب كوبري ..

يقولون فريقك مهدد بالهبوط اقول ايه بس ماجد لاعب القرن ..

اشوف النصر ينهزم واردد مايقوله الريس عن التحكيم ..

عشر سنوات ..

وانا اذا دخلت مجلس اتحاشا اقول اني نصراوي ..

تعبت نفسياً واصدقاء السوء راحوا مع اللي راح بعد مازرعوا في نفسي كوره غلط في غلط ..

وكالعاده بعد ماغادرت مدرجات ملعب الملز منكس الراس وفريقي مهزوم ..

خليت السياره ورحت امشي حول الملعب اخفف من الوجع ..

وافكر في نفسي ..

وصدفه قابلت زميل كان معانا في الحاره ماشفته من 20 سنه ..

كنت اكرهه لسبب واحد كان هلالي ..

شافني وسلم علي والسعاده واضحه في ملامحه عرف قصتي يوم شافني ماسك العلم النصراوي ..

كان مؤدب ولا حارشني قال بأدب الله يعينك الى هالحين نصراوي ..

بغيت ابكي وخفت يعلم العيال عني ..

ماقدرت اطالع عينه .. عرف جوابي ..

مشى جنبي ساكت يوم وصلنا السياره عطاني شريطين للهلال وقال اذا شفت نفسك فاضي طالع هالشريطين ..

وعطاني رقم جواله ..

وصلت البيت ..

رميت الاشرطه وقلت ماناقص الا اطالع مباريات الهلال ..

حاولت انام وكل ماتذكرت ترتيب النصر في الدوري طار النوم ..

رحت امشي في الحوش وانا اقول الدخان والنصر واحد منهم راح يقضي عليَ ..

رجعت الملحق اقلب في الدش ملل..

وشفت الاشرطه اللي عطانياهم صديقي الهلالي ..

قلت وش أنا خسران بدال ها لطفش خلني أشوف الهلا ل واضحك عليهم ..

بديت أطالع الاشرطه ..

شي من الهدوء والسكينة بدا يتسلل إلى نفسي ..

شفت شي عكس اللي كانوا أصدقائي يقولونه ..

شفت فن .. شفت كوره حقيقية ..

شفت بطولات من كل شكل ونوع ..

الحين عرفت ليش جمهور الهلال أكثر سكينه وهدوء ضاع مني..

عشر سنوات من التخبط والضياع ..

توني أشوف الكوره الصح ..

كل ما خلص الشريط رجعته من الأول اللين نمت ..

صحيت الصبح وكلمت صديقي الهلالي طلبت منه أشرطه ثانيه وثالثه ورابعه ..

ما هو عيب إني عشت ضايع العيب استمر ضايع ..

عرفت الفن ..عرفت الكوره ..

عمري اللي راح في القهر والتعب والمجادلة الكذابة..

انضميت لشباب هلاليين علمتهم بقصتي ..

اخذوا بيدي ساعدوني..

خفت اضعف وارجع لاصدقاء السوء ..

كل ماضعفت رجعت شغلت واحد من الاشرطه وهدأت نفسي واطمأنت ..

لي سنتين من يوم اهتديت ..

أهلي فرحانين بالتغير اللي طرأ على شخصيتي صرت أكثر هدوء وأكثر روقان ..

تحسنت إنتاجيتي في عملي وهذا شي طبيعي ..

صرت إذا جلست في مجلس وقلت إني هلالي ما عاد احد يتجرأ يتحرش فيني ..

الأرقام تتكلم .. والمنصات تشهد ..

هذي قصتي .. اهديها لكل نصراوي في غفلة ..

الأيام تمضي والسنين تركض ..

العمر واحد حرام نقضيه في ذل وتعب وقهر..

سعادتي اكبر من إني أحطها رهينة أقدام حلوي وجهوي ..

إلى كل نصراوي اهدي قصتي لتكن عبره وعضه ..

لعل الله ينفع بها احد التائهين .. ا.هـ

اللهم أهدهم أجمعين آمين..

ــــــــــــــــــــــــــــــــــــ

زعـيمة الاشقياء · #2 (**permalink**) 01-30-2009, 04:40 PM

ههههههههههههههههههههههههههه
هههههههههههههههههههههههههههههههه

فآضــي ذا الورع هع هع هع

> حااسه ان اللي كتب القصه هلالي

خخخخخخخخخخخخخخخخ

تصلم مخ مخ

ع ــديم الشوق · #3 (**permalink**) 01-30-2009, 05:07 PM

اقتباس:

المشاركة الأصلية كتبت بواسطة زعـيمة الاشقياء

ههههههههههههههههههههههههههه
هههههههههههههههههههههههههههههههه

فآضــي ذا الورع هع هع هع

> حااسه ان اللي كتب القصه هلالي

خخخخخخخخخخخخخخخخ

تصلم مخ مخ

هههههههههههههههههههههه

الله يرجك

من جد فاضي ماعليه اختبارات

لا لا لا مو هلالي يشجع المريخ البرتقالي والله لو ادري انك تتكلمين صدق لا اتوطى في بطنك <

تصلمي زعم عم

يا امير الحب · #4 (**permalink**) 01-30-2009, 05:28 PM

هـــــــع ـآـآ
تشــوـوف يــآـآ ابــوـو فــهيــد
طــرآـآ ع ــندي اشــرطه الهلآل<

تبــي؟
<كــف ع الــطآـآير
تســـلم يالــ غ ــلآ
||~..تـــ ح ــيتي..~||

^-المحتارة-^ · #5 (**permalink**) 01-30-2009, 05:53 PM

هههههههههههههههههههههههه ايه ولله

اللي كاتبه اكيد هلالي مو علينا ذي القصة ياخي قول انا هلالي وخلصنا>>>>>>>غصبا عنك ملقووووووفة

بس انا اتحاديةتسلم

استضافة مواقع	معنى كلمة	رسائل مسجات	دردشة شات	افلام مقاطع فلم مقطع
مكتبة فلاش اسلامي	الثقافة الجنسية	صور في صورة	شات صوتي	الأسره المسلمه
ابتسامات خلفيات	العاب جديدة	دليل مواقع	احداثيات gps	القرآن الكريم
بطاقات كروت	جوال موبايل	جافا java	قصص روايات	sitemap
كتب الكترونية	ماسنجر في مسنجر	خطوط	وصلات روابط	العاب بنات للبنات فقط

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري

قصه اضحكتني فقلت انقلها لكم رغم تعصبي الن ..... :)

ترفيه طرائف مرح فكاهه ضحك فرفشه نكت صرقعه هسترة عياره مزوح تعليق دعابه