أصعـد ( المشـراف ) يـا شعـري وذبّـه = أنـت اكبـر مـن محيـطـه وارتفـاعـه
مركـبـك هبـايـب افـكـاري تـهـبّـه = و( البحـر ) ميّـت علـى فلـة شـراعـه
و( السمـا ) تشتـاق لـك شـوق الاحبّـه = لانّــك تحـجّـم فضـاهـا واتـسـاعـه
خش تقصيـري !! عـن عيونـي وخبّـه = خلّنـي كامـل مـع التفكـيـر .. سـاعـه
ليـن اسـوي منـك : دافـع للمسـبّـه !! = لكـل فــارغ ودّه : يـمـارس ضيـاعـه
اشهد ان بعـض الشتايـم .. مستحبّـه !! = الدلـيـل القـاطـع لطـيـب البضـاعـه
يـا تعـب حالـي ويـا حـالـي وطـبّـه = والله ان كنّـك اخـوي مــن الرضـاعـه
اتنـومـس فـيـك وانــوّه وانـبّــه = انحـدار الطـرح فـي جيـلـي إشـاعـه
أعشقـك .. ومخالـفـك ربــي وربّــه = بيـنـي وبيـنـه مجـافـاه وقـطـاعـه
الكـراهـيّـه ضـريـبـه للمـحـبّـه !! = فلسفـة شـاعـر وتوظـيـف لقنـاعـه
كـل شــي ٍ نكـرهـه عكـسـه نحـبّـه = مثـل كـره الخـوف حـبـا ً بالشجـاعـه
جـايـز اربــاك العـقـول المستـتـبّـه = بالـدهـا و العنجـهـيـه واللـكـاعـه !!
مير قلب الشعـر : ( غصـن ٍ ) مـا لعبّـه = غيـر ( نسنـاس ) الرقـي والاستطاعـه
يـا أولــي الألـبـاب والإبــداع لـبّـه = في اكتشاف ( الدارج ) و ( حُسن ) اختراعه
والأكيـد : ان الـدرّر فـي كــل غـبّـه = وكـل ٍ ونسـبـة ذكـائـه واطـلاعـه !!
والمهـم : مـوت النهـر فآخـر مصـبّـه = النهـايـه المنطـقـيّـه لانـدفـاعـه !!