|
| |||||||
 |  | |
 |  |  |
 |
| | أدوات الموضوع | طريقة عرض الموضوع |
02-01-2009, 04:30 AM
| ||||
| ||||
 حال البنات لما تجيهم دعوة لحفل زفاف ^_* تلاقي الحريم في المنزل يعلنون حالة الطوارئ في اليوم الموعود فتلقاهم صافين طابور عند باب الحمام .. من أجل أخذ دش بارد <<< لانهم مؤمنات بالقاعدة الفيزيائية التي تقول : ان الاجسام تتقلص بفعل البرودة ************ ******* ثم يهبون الى غرفة العمليات فتحصلهم مايخلون مراية في حالها .. ** فتلقى نادية عند مراية التسريحة تتمكيج ** وسارة عند مراية الدولاب تركب عدساتها ** وسمية عند مراية المدخل حق البيت تستشور شعرها ** وإبتهال محتارة أي فستان تلبس وكلما اختاروا لها فستان .. قالت : لا .. قد شافوه عليّ ** ومريم تترجى اخوها : تكفى ود فستاني للمغسلة و! قول لهم يخلونه مستعجل ** وأمجاد متوهقة مالقت الحلق اللي يناسب لون فستانها ** وأمل تقول لاخوها : تكفى مر على زوجة عمي وخذ من عندها الاكسسوار التفاحي ** ومريم .. انفرط سحاب فستانها .. وتبي الخياط يصلحه <<< والله من السمنة الزايدة ************ ***** وصجة .. ولجة .. وحوسة ... وكلهم في سباق مع الزمن .. ( طبعا ياعيني عالرجال .. ثوب وشماغ .. وانتهت السالفة ) ************ ********* ********* ****** بعد ذلك .. يركبون السيارة بعد ما بح صوت ابوهم وهو يناديهم .. ** والمصيبة اذا اخذوا مسافة بالسيارة وجتك فاطمة تشهق شهقة قوية .. ويقولون : اشفيييييك وترد عليهم : نسيت شنطتي تكفى رجعنا للبيت ************ ******** وبعد عناء طويل يصلون الى القصر ويدخلون ************ ****** ومن يوم تبدأ الطقاقة بقرع الطبول تلقى الوحدة تهزّ .. وتهتز وهي لسّا باقي على الكرسي ************ ********* * ثم يتوافدون إلى المسرح وشف الرقص كيف ** اللي تحط رجلها من شرق المسرح الى غربه ولا احد يدري وش بلاها ********** ** واللي تهز وهي واقفة مكانها بركادة .. وعلى بالها أنوثة .. ************ ****** وتعال شفهم اذا غنت الطقاقة .. ( يالتكسي ) وقالت : وخذ يمين وبعد يمين .. تلقا الحريم فعلا ماخذين اللفة يمين في يمين  <<< طبعا من غشامتهم .. يتصاقعون في بعض ************ والوحدة فيهم بتتشقق من الفرحه اذاجت الطقاقة بجنبها وقالت : ( يا احمر يا احمر .. عاشو .. على قلبي ) << طبعا الافندية فستانها احمر .. ************ ***** ** وتلقا ثنتين هناك يرقصون نفس رقص العراقيات في ( عرب شمّر ) وطبعا العجايز منصدمات .. ومافيه الا قوة دعاوي على هالبنات ************ ** ** واذا جت اغنية مصرية .. تلقا الاغنية والايقاع في وادي .. والرقص في واد آخر الا من رحم الله .. << واللي تعرف ترقص مصري .. تلقى البنات يتشحذونها تقوم وهي ترفض .. طبعا من حقها .. تخاف يصكونها بعين ولا وهي منسدحه على المسرح *********** والوناسة اذا قالت الطقاقة : ( رقصة خاصة لاهل العروس ) تلقاهم يستلجون اذا قالت : ( كل آل ' فلان ' خيّالة ) <<< وهم في الحقيقة .. عمر امهم ماشافو خيل.. بس يالله لزوم المدح ملطوووش لعنونكم  تحياتي لجميع البنااات وأولهم أنا هع ـآ أختكم محبوبة
_________________  محبوبة خطيبها << سابقاً |
|
02-01-2009, 05:34 AM
| ||||
| ||||
| رد: حال البنات لما تجيهم دعوة لحفل زفاف ^_* وتعال شفهم اذا غنت الطقاقة .. ( يالتكسي ) وقالت : وخذ يمين وبعد يمين .. تلقا الحريم فعلا ماخذين اللفة يمين في يمين ههههههههههههههههههههه من هذي ضحكة تقبلي مروري
_________________ |
|
02-01-2009, 05:46 AM
| ||||
| ||||
| رد: حال البنات لما تجيهم دعوة لحفل زفاف ^_* اقتباس:
يسلموو ع الموضوع تقبلي ودي
_________________  اشتقت للمشاغبين  |
|
02-01-2009, 10:33 AM
| ||||
| ||||
| رد: حال البنات لما تجيهم دعوة لحفل زفاف ^_* هههههه جعل الضحكة دوووم يسلمو
_________________ محبوبة خطيبها << سابقاً |
|
02-01-2009, 12:02 PM
| |||
| |||
| رد: حال البنات لما تجيهم دعوة لحفل زفاف ^_* ههههههههههههه تسلمي على الموضوع |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-
-
العرض العادي
