السلام عليكم ورحمه الله وبركاته
حابه اقولكم قصه حصلت معي قبل فتره واثرت فيني
وماراح اطول عليكم بحكي القصه على طول وانشا الله الكل يعتبر




والله القصه حصلتلي وانا مره كنت في زواج وحده من البنات
ومن زمن ماهو بعيد مره

طبعا مثل عادتنا حنا يالبنات نحب نكون احسن من العرووس
الي صار في ذيك اليله اني رحت بكامل كشختي واناقتي

وتفاجأت ان المتواجدين كانو عاديين يعني مو لدرجه ذيك الاناقه

وصلت وسلمت عاللي اعرفهم وقعدت في احدى الطاولات
وبدو الطقاقات يغنون واحنا نرقص ونصفق وكل وحده تبي تورينا ان رقصها احلى من الثانيه
طبعا انا ماقصرت يوم شفت وحده من المعازيم قاعده تستعرض وشايفه حالها وكانت هي الي اناقتها توصل للاناقه الي انا فيها
طبعا صار بيننا انا وياها شبه احتكاك او نقدر نقول غيره
هذيك ترقص وتشوف من الي بيصفقون اكثر
وانا ارقص واشوف من بيتفاعل ويصفق ويصفر اكثر

الكل لاحظ مدى الاحتكاك الي صار بيني وبين هالبنت
مع اني ماعرفها ولا شفتها الا مره قبل هالمره
البنت مانكر كانت حلوه ورقصها حلو.........بس طبعا مو احلى مني!!!!
خلصت مراسيم الزواج وبعد ماخلصنا احتكاكات وخفه العقول رجعت البيت ونا افكر في البنت
المهم اني كنت افكر ونا رافعه حاجبي عبالي اني استحقر منها
نمت ,,, ولما قمت اليوم الثاني توقعو ايش الي حصل!!!!!!!





رن تليفون البيت....

رديت؟؟؟؟؟؟


الو,, ممكن اكلم فلانه!!!

الصوت غريب واول مره اسمعه وفيه نبره شجن

انا هلا آمري بغيتي شي

هي تقولي طلبتك يافلانه تسامحين اختي وتحللينها وتدعينلها

انا اخنقتني العبره وبراسي ميه سؤال؟؟؟؟؟؟؟؟؟؟؟؟؟؟؟

قلتلها ابيك توضحين كلامك انا معرف من الي قاعد يتكلم
ياليت تفهميني اكثر وتشرحينلي وش الي قاعده تقولينه
جت تفهمني وصوتها يسبقه بكى
تقولي اختي الي شفتيها امس بالزواج وكنتم تتنافسون انتي وياها ماتــــت...!!!!؟؟؟؟؟
امانه حلليها وبيحيها وسامحيها
انصدمت وماعرفت شقول برغم اني كنت متنافسه وياها بس خنقتني العبره
وهديت البنت وقلتلها الله يرحمها انا مافي بيني وبينها شي والميت ماتجوز عليه الا الرحمه والدعاء بعد ماهديت البنت شوي
وسكرت منها
اصبت بنوبه بكاء شدشده وماعرفت شسوي
سبحان الله امس كانت معنا واليوم وينها ؟؟ مو موجوده
اتصلت بوحده صديقتها وتعرفها كانت تدرس معها في دار لتحفيظ القرآن
اسالها البنت كيف ماتت وش الي جاها
قالتلي البنت ماتت بفشل كلوي
والبنت ماكان فيها شي
شهدت وكبرت وعرفت ان البنت جتها عين
وكيف تاكدت
من صديقتها الي تدرس معها هي نفسها الي غسلتها
ويوم الي غسلتها جت تحكيلي






قالت وهي تبكي...







البنت في جسمها عشر طبع على شكل (عــــيون)

خمس في يدينها وخمس في رجلينها (اعزكم الله)
لا اله الا الله ولا حول ولا قوه الا بالله

سبابتها كانت مرفوعه للسماء امانه حلليها تراها طيبه مو مثل ماتتوقعين

قلتلها انا احط نفسي بمكانها قبل لافكر احقد عليها والبنت ماجاني منها شي
وحبيت ااكدلهم اني مو شايله رحت وعزيت اهلها وتمسكت بعلاقتي مع خواتها
لانهم ماشاء الله ذات خلق وخُلق ودين رحمها الله هذيك البنت واسكنها فسيح جناته
ابيكم تدعون لها بالرحمه

وبشوف ردودكم في موقفي وش الغلط مني ووش الي كان لازم اسويه امانه منكم تردون لاني ليومكم احس بحرقه عليها مع اني معرفها
علما بان القصه من واقعي انا وليست منقوله للمعرفه
نسال الله الثبات لي ولكم
تح ــــيآآتـي

اختكــم

دكتوره اعصـــاب....