شرح بالصور لطريقة عمل الفورمات وتحميل الوندوز الأكس بي .

مع انه الأفضل انك تنزل الوندوز الـ m او الـ 98 وبعد كدا تحمل الأكس بي بس اوكي مو مشكلة

المطلوب اولاً : قرص بدء التشغيل . + القرص الخاص في الوندوز

98 او ملينيوم او 2000 او وندوز xp + القرص الخاص بتعاريف الجهاز

ودا شرح لطريقة تجهيز الفلوبي الخاص ببدء التشغيل من الوندوز "الأكس بي "

تروح للقرص المرن او الفلوبي درايف وتعمل كلك يمين زي ما هوا في الصورة



بعد كدا تختار الأمر الخاص بإنشاء قرص بدء تشغيل



وبالنسبة للوندوز الملينيوم او 98

اولا شي لازم يكون في قرص بدا تشغيل . طب ممكن ما عندنا اقلكم بسيطة ولا اسهل دي هيا الطريقة يحلوين ولا اسهل

Control Pael & Add-Remove Programs & Startup Disk & Create Disk

حتقلي جهازي عربي حاضر ولايهمكم حاضرين

لوحة التحكم وبعد كدا إضافة وإزالة برامج وبعد كدا قرص بدء التشغيل واخيرا إنشاء القرص

قبل كل دا واهم شي تكون متأكد من جهازك يعني مافيه فيروس عشان راح ينتقل للجهاز. اللي راح تعمله فورمات او برتشن .


بعد ما صار عندنا قرص بدء تشغيل نعمل إعادة تشغيل حق الجهاز

وراح يعمل تشك حق الجهاز ويقراء جميع البيانات لمن ينتهي راح تجيك شاشة نختار منها الخيار الأول

الأقلاع من السيدي روم زي ما هوا في الصورة


بعد كدا نكتب الأمر format c: للفورمات العادي

او format c: q للفورمات السريع

او format c: u للإعادة الهاردس لبرمجة المصنع .

وراح تجينا شاشة انه راح تروح كل الملعومات نعطيه yes زي ما هوا في الصورة



وبكدا نكون عملنا فورمات حق الجهاز . وهذي كل السالفه .


>>>>> انتظروا الجزء الثاني <<<<<



وطبعا الموضوع منقول ..... لما فيه من الفائده الكبيره


أخوكم /// السفـــــــــــــــــــــــــــــــــير

منتديات مدرسة المشاغبين - الكمبيوتر و الانترنت الحاسب و الاجهزة computer hardware

جـــــــدة طـــــــــرب