ماشاء الله تبارك الله ماشاء الله لاقوة الا بالله اللهم انا نسالك الهدى والتقى والعفاف والغنى

روابط مهمة و مفيدة : لاستعادة الباسورد الرقم السري || كيف يتم تفعيل الاشتراك || أفضل طريقة لطلب كود تفعيل على البريد

’’ حــ__ـــ---ــلا ’’ · #31 08-04-2009

الـبـآريـــت 15
..
آلــخبــر نــفــس آلــخــبر
مــآطــرى عــلــمٍ جــديــد
نــفــس هــمــي وآلســهـر
ومــوآجــع فـيـنـي تــزيــد
..

رجعوا فواز وفيصل من الكوفي شوب قبل اذان المغرب علشان الاهل يبغونهم يروحون يتقضون لرمضان .
..
..> بيت آلعم ابراهيم <..
المها : فرووح والله عيب تبغين امي ترووح معاي وانتي هنا جالسه .
رمت فرح فرشة الالوان وقالت: بس نفسي اكمل رسمتي .
المها وهي عاقده حواجبها : يعني الرسمه اهم من امي .
فرح بزهق : لا منو قال .
المها : انتي قلتيه منو غيرك .
فرح : تيب ليش ماتروحين انتي وريمو لوحدكم .
المها : هههاي علشان ابوك واخوانك يشنقوني انتي مجنونه اروح انا وهذي لوحدنا مع السواق .
فرح : اوووووف تيب صبر اجهز نفسي .
المها بطفش : بسرعه الحين السوق مليان ناااس بيتقضون لرمضان مو بس انتي .
فرح : الا على فكره بيكتمل الشهر ولا لان لو اكتمل الشهر بيكون يوم الاحد ولو مااكتمل بيكون يوم السبت .
المها : لالا بيكتمل ابشرك يعني يوم الاحد 9/1 .
فرح وهي تسكر عبايتها : خلصت ريم خلصت .
المها وهي تحرك يدها : من زمان يالله بسرعه لاتفضحنا بلسانها .
طلعت فرح والمها من جناح فرح وريم لان المها لها جناح لوحدها نزلوا الدرج وطلعوا هم وريم مع السواق للسوق
...
..> بيت آلعم خالد <..
عبدالله : فصول ياحمار قوم ساعدني الاغراض كثيره وثقيله مره .
خالد : قوم ساعده لايتكسر علينا .
فيصل : لا ابشرك سامن هالايام هذي خله يخفف .
عبدالله : لو خففت بتكسر خلصنا قوم كتفي تكسر جعلك للكسر مخلي امي تساعدني .
فيصل : عادي خلها تسترجع طفولتها .
خالد : هههههههههههههههه قوم قوم الله يستر عليك .
فيصل وهو متمدد على الكنب ومغطي وجهه بلحاف : والله فيني نووووووووووووم .
قربت منه هيا وقرصته من يده وهي تقول : قوم ووجع .
فيصل نقز وقف جنبها وهو يقول : شرايج نتسابق .
هيا : احنا وين وانت وين .
نزل عبدالله الاغراض من يده وجلس جنب ابوه وهو يقول : تعبت خله هو يكمل .
فيصل وهو يشوف السياره الي موقفه في الحوش قدام الباب على طول : ياكبرها عند ربي ماشلت الا شوي .
عبدالله : لاتنسى انا الي شاريهم .
فيصل : بس ..
قاطعه خالد الي شاله فوق وهو يقول : لا تقعد تبسبس علينا عجل .
فيصل : والله ثم والله لاانزلها كلها لوحدي بس نزلني يبه .
نزله خالد وقال عبدالله : هههههههههههههههههه روح نزل وانا الي بنااام .
فيصل : شنو هالولد لكم حقير نذل .
ضربه خالد ضربه خفيفه على راسه وهو يقول : عيب وجع هذا اخوك الكبير .
فيصل بطفش وهو ينزل الاغراض : وانا اخوه الصغير .
هيا : ايه بس لازم الصغير يحترم الكبير .
فيصل : والكبير يعطف على الصغير مو يا عبود .
عبدالله وهو يلف وجهه ويغطيه بالحاف : هممممممم اممممممم مدري .
فيصل بقهر : ناااام نااام نووووووم العوافي ومنام دافي .
خالد : هههههههههههههههههه يقطع ابو الغير .
فيصل : انتوا كل شيء عندك عبدالله وعبدالله وفيصل لا مانعرفه ولا كأن عندكم ولد اسمه فيصل .
خالد : ومن قال .
فيصل : انا اقوله .
خالد : فأنت كذاب .
فيصل : ياويلي كذاااب مره وحده .
هيا : هههههههههههههههه احسن لو انت مسكر فمك تستاهل عبدالله قوم قصر ع التلفزيون .
عبدالله : يا ماما بدي نوووم لو شويه بس .
هيا : وعمى يعمي الشيطان قوم .
عبدالله وهو يقوم زهقان : كل شيء انا وانا هذا فيصل واقف ليش بس عبدالله .
خالد : والله ماعندكم سالفه كل واحد يقول الثاني .
..
..> في بيت العم فهد <..
دخلت امل وفي يدها اكياس نزلتهم ع الطاوله ورمت نفسها ع الكـنب وهي تقول : ياااه يديني تكسرت .
دخل بعدها محمد : وهو يقول قومي قومي باقي .
طلعت غلا من الغرفه وهي تقول : امووول حمووود جبتو لي فينتووو .
محمد : ربي جابك روحي انتي وستي وعبدالقادر ونزلوا الاغراض .
غلا وهي موسعه عيونها : ياويل حالي انزلها مع السواق مجنووون انت .
محمد وهو يتذكر : يووووووووووه ايه صح خلي ستي وعبد القادر .
امل بنذاله : لا وليش انا اروح ويديني تتكسر وهي لا خلها تروح اهي وستي وعبدالقادر لا .
غلا : اوووف ياشين النذاله .
محمد : ههههههههههههههه عن اذنكم بروووح اخذ لي غفوووه وصحوني قبل اذان العشاء .
امل : من عيوني .
محمد وهو يطلع الدرج : تسلم عيونك .
غلا : ستيييييييييي ســتـــي ستي وينج .
جت ستي تركض وهي تقول : نأم نأم مدام كلا .
غلا : بابا مهمد في كلام ستي عبدالقادر في نزل اغراض .
ستي : هذا اكراض في سياره بابا مهمد ..؟؟!
غلا : يــس سياره بابا مهمد .
راحت ستي وامل ميته ضحك : هههههههههههههههههه هبي هباج ضابطه اللغه ههههههههههههههاي.
غلا : مااااااااااالت عليج من اخت .
وطلعت امل وغلا ودخلو جناحهم
..
يــوم آلــســبــت ..*
8/30
." بــيــت آلعم آبراهيم ".
المها : وآآآآي ونآســه يعني بكــره آووول يــوم مــن رمــضأن .
ابراهيم : آيــه وبعد آبــشــرك بــنــفطــر آنــا وآخـوآنــي عــن جــدكــم وانــتوا معــنا .
المها + فرح : ونــــــــآآآآآآآآســـــــــــــــه .
نــاصر : هههههههههههههههههههههههههههاي كنكم بزران تذكرت يوم احنا صغار .
ريم : عاتي يسترجعون طفولتهم .
المها : اصــلآ آنــا للحين بــطفــولتـي .
يــآســر: هع شنو هالــطفوله وآنتي بااول جــآمــعــه .
المها وهي تحسب : ولو لي اسبوعين بس درست بااول جامعه .
فرح : ههههههههه يالــطفــله آلــحـلوه كــم عــمركـ .
المها : 19 عاتي اعتبروها 9 سنوات .
ناصر بعد ماتأملها : والله ملامحها ملامح طــفــله صغيره مـن جــد .
يـاسر : اي والله حتى ابتسامتها وضحكتها مو كأنهاكبيره مابين عليها الي يشوفها يقول باول ثنوي ثالث متوسط مو باين عليها اول جامعه .
المها ووجها بدأ يحمر : خلااااص فشلتوني بكيفي طفله ولا شابه ولا عجوز .
فرح : هههههههههههههههه اما عجوووز مهاوي عجووووووووز ههههههههههههههههاي .
المها بقهر : انطمي فروووح عجووووووووووووووز فروح عجووووووووز ههههههههههههه.
ريم : ههههههههههههههه خواتي عجزووو هههههههههه .
ياسر + ناصر : هههههههههههههه بزران هالبنات هههههههههه .
ابتسم ابراهيم على عياله الي للحين وهم بعينه بزران .
طلعت ساره من الغرفه وهي تقول : بسم الله شفيكم اصواتكم واصلتني بعدين شنو هالضحك تفجرت بطونك كافي .
ناصر : عادي بنخيطها خلونا نضحك ونستانس شوي .
ياسر : من زمان مافرفشنا خلونا نوسع صدورنا وننبسط .
ساره : ماقلت شيء ضحكوا واستانسوا وفرفشوا ووسعوا صدوركم لكن قصر اصواتكم .
المها وهي تأشر على عيونها : سمي من عيوني من عيني هذي قبل هذي .
ريم : ماما كم الساعه .
ساره وهي توها تتذكر : ايه انا توني طالعه بقولكم الصلاة ماابقى الاشوي ويااذن العصر .
ريم وهي تلف وجهها على ابوها : بابا ممكن اطلع العب عند الجيران .
ابراهيم : مع مين بتلعبين ..؟!
ريم : مع رنا واخوها ريان وبرجع بسرعه ماني مطوله ساعه بس .
ابراهيم : انتي قايله لهم ولالا ..؟!
ريم : اصلا رنا هي الي قالت لي قلت بشوف بابا وادق عليك .
ابراهيم : خلاص قولي لها بابا وافق .
ريم : تيب .
ساره : ابو ياسر بتطلع بعد الصلاة ولالا .
ابراهيم : ايه بصلي وعلى طول بروح لواحد من اصحابي عازمني برى .
ساره : اها اجل انا بدخل اصلي واانام سامعين يامها وفرح ماابغى ازعاج .
البنات : اوكي .
توضأ ابراهيم وقال وهو ينزل الدرج : يالله ياعيال لاتتأخرون .
العيال : ان شاء الله .
ياسر : المها جهزي لنا جلسه معي فلم رعــــب يــجـنن .
المها : انت تأمر أمـــر .
ناصر + ياسر : عن اذنكم بنروح نصلي .
المها + فرح : اذنكم معكم .
راحوا البنات وصلوا كل وحده بغرفتها وبعدها طلعوا وجلسوا بالصاله /
ريم وهي تطلع الدرج : اووووف هذي طلعت ياربي بنات بروووح انام باي .
فرح+ المها : باااااااااااااااي .
المها : فروح روحي لغرفة التلفزيون الي بجناحي ورتبيها ماابغى نجلس بالصاله وانا برح اجهز الاكل .
فرح : اوكي .
.( المها لها جناح خاااص وفرح وريم بجناح وياسر وناصر بجناح ).
راحت فرح ورتبت الغرفه والمها دخلت المطبخ وجهزت الببسي بصينيه وضبطته زين وطلعت فوق لغرفتها واخذت منها الشبسات وفتحت الثلاجه الصغيره الي عندها وكانت مليانه شوكولاته وكريمات اخذت نصها ورتبت الاغراض بغرفت التلفزيون وقفلت غرفتها بالمفتاح وبعد كل هذا جلست هي وفرح بالصاله الي فوق ينتظرون العيال لاكن ماطال انتظارهم بعد 10 دقايق وصلوا العيال
ياسر : كل شيء جاهز ولا ..؟!
المها : افا وانا بنت ابراهيم كل شيء جاااااااااهز 100% .
ياسر : والنعم الا ريم راحت ؟
فرح : لا صارت رنا طالعه وراحت تنام .
..
لآ تــسأله نـــا ســي
خـلـه مــثـل مــاهــو
يـاقـلـبـي إحـسـاسـي
مــاهـو مــعــي هــو
..
يــــوم آلأخــمــيـس 9/15 .*
.* بــيــت آلــعم فــهــد *.
محمد : سيارة نايف جاهزه خلصوا .
غلا وهي تنزل الدرج : نفسي اعرف فيه حد يطلع الظهر تحت هالشمس الي ماترحم .
محمد : علشان يمديكم تسون الفطور هناك .
غلا : ياه ريقي ناشف اوووف .
ضربها محمد على راسها وهو يقول : حراااااااام ياحماره .
شهقت غلا وقالت : لا تسب وانت صايم .
سمعتهم امل وهي تنزل : هههههههههه كل واحد يغلط ينصحه الثاني ثم يغلط والاول ينصحه حاااااااااله .
اسماء وهي تنزل جنبها : ع الاقل ينصحون بعض .
نايف وهو طالع من المجلس : في هذي صدقتي .
دخل فهد ابو نايف البيت وهو يقول : يخطون ويفدون هذا الموهيم .
محمد : شفيكم تطلعون علينا كنكم قطاوه كل واحد من مكان .
الكل : هههههههههههههه.
نايف : الحين كيف بنروح .
فهد : بنروح بالجيب حقي جاهز .
الكل : خلااااص .
.* فــي آلـســيآرهـ *.
جالس فهد واسماء قدام وفي الكنبه الثانيه غلا ع اليمين بعدين محمد ثم امل وبعدها نايف
غلا وهي مركيه راسها على كتف محمد : ممكن اسألكم سؤال ؟
الكل : تفضلي .
غلا : هو مو سؤال واحد يعني كم سؤال ممكن ؟
الكل : قولي .
غلا : هذي الأسئله مايجاوب عليها الا حمووود واموووول .
امل بزهق : قول فكينا .
غلا : اامم حمود الاسد يصووم ؟
محمد بتفكير : يمكن ماادري !
غلا : اوووم اموول الزرافه تصووم ؟
امل : الله اعلم !
غلا : حموود السلحفاة تصووم ؟
محمد : شنو عرفني !
غلا : تيب امووول القرد يصوووم ؟
امل : وانا شعرفني فيه !
غلا : اوكي حمووود وامووول سؤال مشترك واخير آلــفـــهــد يصوووم ؟
امل + محمد : ماندري !
غلا : اوووووووم ...
قاطعتها اسماء وهي تقول : غلا سكتي علشان ماتضمين .
غلا : ان شاء الله .
..
..؟. فــي بــيــت آلــجــد 3:30م .؟..
هيا وهي واقفه : يالله بنات نسوي الفطور وخلوا امهاتكم يرتاحون .
سكرت المها مصحفها : وانتي بعد ارتاحي واحنا نسوي كل شيء .
هيا : بس ..
قاطعتها ديمه وهي تقول : لاتبسبسين خلصنا انا والمها المسؤلات .
هيا: خلاص على راحتكم .
راحوا البنات للمطبخ وقسموا الشغل بينهم بنان عليها حشوت السمبوسه وغلا وفرح يلفون السمبوسه وامل وبيان عليهم تجهيز الفينتو وعصير التانج
والمويه والتمر والاشياء الاساسيه وعليهم يجهزون السفره للرجال والحريم والمها وديمه عليهم الطبخ والاشياء الباقيه .
..
عند الرجال :
إلي جالس يقرأ قرآن وإلي جالس يستغفر وإلي نايم وحالتهم حاله كان فواز متمدد على رجل نايف ونايم ونايف مركي راسه على الجدار ونايم
وخالد وناصر يستغفرون وفيصل جالس يحسب كم كل واحد استغفر وياسر ومحمد كل واحد يهمز رجل الثاني أما ابو ياسر و ابو نايف وابو فواز والجد ابو ابراهيم
جالسين بالحديقه يقرون قرآن .
..
مر الوقت وصار باقي على الفطور نص ساعه :
المها : بيونه روحي جهزي سفرة الرجال وانتي اموول جهزي سفرة الحريم .
ديمه : مهاوي قلبو ممكن تحركين الشوربه .
المها : من عيوني .
فرح بلقافه : تسلم عيونك .
ديمه : هههههههه لقافه زايده .
امل : ديمو مهاوي مو كن السمبوسه كثيره حرام محد بياكلها .
ديمه : اصلا هم جوعانين .
المها : اتحدى لو بقى منها شيء بيخلصونها .
امل : طيب يكفي لايلفونة زياده .
ديمه : يوووووه شنو هذا فروووح غلووول مايمديني اخلصها .
المها وهي تترك الي فيدها : انا بساعدك خلصت الي فيدي .
ديمه : اوكي يالله بسرعه وانتوا الاتكلمون لف خلاص يكفي .
فرح : اووف بسم الله علينا اكلتونا .
غلا : يطلبون الشيء ولو سويناه جلسوا يهاوشون اووف .
خذت بيان الاكل في صينيه وقالت : اوكي انا بروح وانتوا كملوا هواش .
امل وهي تشيل صينيتها : حتى انا بروح بسرعه قبل لايقطعوني صاروا اسود بسم الله علي .
المها : بسرعه انقلعوا تأخر الوقت .
راحت بيان لقسم الرجال وسمعت صوت بالمجلس ~ يوه الحين كيف بجهز سفرتهم بدق الباب واتوكل على الله ~
دقت الباب وسمعت عمها خالد يقول : مـيـن ..؟؟!
بيان : انا بيان ممكن تطلعون بجهز سفرتكم .
ناصر : طرده محترمه .
فيصل : ايه اطلع وانت ساكت تراني جوعان .
خالد : عاد لو طلع بتاكل بتشوف الاكل وبس .
فيصل : ايه عادي اشتهي ومايلزم اكل .
خالد : اقول انقلعوا كلكم .
فواز وهو يحك عيونه : ناايف قوم نيوف حبيبي نيوف قوم اصحى من النومه قوم اصحى من النومه يااحلا النوافين ..
وصرخ وهو يقول : نااااااااايف قوووم صحصح .
نايف وهو مفتح عين ومسكر عين : هم شنو تبغى .
فواز : اصحى قوم صحصح البنات بيدخلون يجهزون السفره .
وقف نايف وطلع وهو يتأفف .
بيان : فواز عادي اجلس انت وعمي مافيه الا انا .
خالد : اصلاً منو قال بطلع .
بيان : قلت يمكن اووف بضل ورا الباب ادخل ولالا .
فواز : هههههههه ادخلي .
دخلت وسلمت على عمها وجلست على الارض علشان ترتب السفره .

.×. 15 فـنـش .×.

هيبـة ملك · #32 08-04-2009

مشكورة سيدتي ..

عودة حميدة ان شاء الله

بانتضار ردود الكل

لك مودتي

::

أدوات الموضوع
مشاهدة صفحة طباعة الموضوع أرسل هذا الموضوع إلى صديق
طريقة عرض الموضوع
العرض العادي الانتقال إلى العرض المتطور الانتقال إلى العرض الشجري