السلامے عليكمے ورحمهے الله وبركاتهے

قصيده راقت لي كثيرا ونقلتها لكم وللاسف لاعرف اسم الشاعر
فاتمنى ان تحوز على رضاكم
تعوّدت بحكم قدري أصف بأول الطابور
ولا أشكي ولآ أفضح خفايا قلبي و سرّه

و لو غاب الجسد يبقى غيابي ما عليه قصور
مهابة سيرتي تشرح ظروف غيابي وعذره

أنا حبّيت لكن ماقدرت اتقن هذاك الدور
مجرد موقف[ن] عابر ولا يازت لي الفكره

عيوني تكتم العبرة و تحفظ همي المستور
و دمعي ما حدر إلاّ لجل ما ينتقص قدره

عزاي اني بعد جرحي أزيد مكابري بغرور
وقلبي ما عرف يعشق ولاهو عارفن يكره

كثار اللي تمنّوني و قلبي مدخله محظور
ولا به قلب يستاهل قصيدي يحتوي شعره

وكل من قال انا معجب لزوم يصف لي بالدور
و إذا أفضى أشوف معاملاته و استمع عذره

أنا ذاك الذي واقف على مطلع بصيص النور
أنا سنّي صغير و موقفي سبّاق في أمره

تأكد إني مو فاضي ل حب و فلسفات شعور
إذا في حب يعني يتبعه فرقا بعد بكره

أحب امي و ابوي وكل أخواني بهم مغرور
نفاخر في بعض نبهر جموع العالم و أسره

تعوّدت بحكم قدري أصف بأول الطابور
ولا أشكي ولآ أفضح خفايا قلبي و سرّه


:

:
ودمتم بود

منتديات مدرسة المشاغبين - الشعر و الشعراء منتدى للقصيد و القصائد النبطي و الفصيح البوح بالخافي

\
/

سؤالي براسك ولاتذكر اسباب=لاصرت بايعني..توكل على الله
مابيني وبينك مشاريه وعتاب=شفت دربك اللي جيت منه تدله
ماراح تغلبني لو الحب غلاب=من حضرتك عشان قلبي تذله
رح واعتبرني واحدن اذنب وتاب=مانيب ثوب(ن)تلبسه ثم تمله

\
/

[quote=*..salt the life..*;5993230]،،

وين دربكـ

رائعهـ وأكثر تلكـ الأبيات التي جلبتهــــا

شكراً لكـ مدداً
salt the life
حياك يالغلا
والروعه حضورك في متصفحي نورتي

اهلا بكِ شاعرتنا واهلا بهطولك العذب
والحمد لله على السلامه
ابيات راقت لي كثيراً...
فشكرا على مانقلت يمناك
وشكرا لسمو ذائقتك
دمتِ على أحسن حال!!