خالي والكراث <<<<< قصه تضحتس لا تفوتكم

السلام عليكم ورحمة الله وبركاته
هالسالفه الله يسلمكم كعادتي ناقشتها
بس والله قصه ضحتس
ياويل الي القاه داخل ولا يرد :smils20:
يالله اخلي البنيه الي لطشت منها الموضوع تحتسي علكم

هالقصه هذي كان وقتها عمري 14 سنه وكان عندي خال اصغر مني بأربع سنين وشايخه فيه ، المهم كان متعقد من شعره اللي يطول ولا يتحرك من مكانه وكان مبلشني ليه يتحرك شعرك اذا جاه الهواء وانا مايتحرك الولد من كثر ماابلشني حوم كبدي وآخر مره سألني هالسؤال ذاك اليوم اللي بغى يواجه ربه ، كنت سهرانه انا واياه وقلت له وش رايك اسوي خلطه لشعرك بدل هالشيال اللي قاعد تربطها ( كان يربط شيله على راسه اذا بغى يركض علشان تتحرك مع الهواء يقال له شعر )
الولد ماصدق خبر قام يناقز ويقول صدق صدق ياندى بيزين شعري ويصير مثل شعرك قلت له ايه انا كان شعري مثلك وحطت امي عليه هالخلطه وصار ناعم
المهم
واسحبه معي للمطبخ وهو في قمة السعادة والانشكاح وجبت الخلاط وجلست افكر وش احط له قلت يابنت افتحي الثلاجه واللي يجي في وجهك حطيه في هالخلاط والقى حزمة كراث شااااتر خذته وحطيته في الخلاط مع زينجبيل ومويه
وجااااء وقت التنفيـذ ومسكته هو وراسه و أصب على راسه هالخلطه وأصب ويشرب هالعراد عيا يربص ألين صبيت الخلطه كلها وجبت شماغ وتكيته بقوه عشان تهجد هالعفازه
ومازال الولد في سعادته حتى مرور اول ربع ساعه بعدها استغربت الولد خدر فجأه ماعاد له حس قلت يمكن نام وانا منسدحه عند التلفزيون ماجبت خبره إلا و أسمع هاللي يزنت وأتلفت بشوف وين هالصوت يطلع منه ألا و اشوف الولد قاعد وعيونه فالخه و وجهه مزرق اثر هالزنيت طالعٍ منه بيواجه ربه مهوب ريض ، والكراث مسورب والوليد مايدري وين يلقاها منه من هالشماغ اللي مخنوقٍ به والا من هالكراث والزينجبيل اللي يطبخ فوق راسه ، إلا وتطقني ام الركب قلت شكلي جنيت على الولد المهم فكيت الشماغ وينفس الولد والاه دايخ ومنهد حيله قلت لازم اغسل شعره عشان امسح أثار الجريمه وادعس راسه تحت المغسله والاه يبوخ ( تسني شايفه دخنه والا انه يزول لي ) <<<< مصاااااله
المهم غسلناه وراح الولد يرقد ويوم قام وتشوفه جدتي وتسأله ورا مفارقك خضر وش جايك ، وعلمها بحكم انه حاقد علي وجتني متفرصـنه على قولتها ( متفرصنه =متنرفزه ) وفشلتني وهزئتني وبربستني وخلت اللي مايشتري يتفرج رحت واندعست في مرقدي والظاهر اني نمت .


انشاء اللله تعجبكم

سلااااااااااااااام
المهبوله