 |
| |||||||
 |  |  |
 | |  |
 |
| | LinkBack | أدوات الموضوع | طريقة عرض الموضوع |
|
#1
09-17-2005
| ||||
| ||||
 كاشخه طاقها الفلس ؟؟!!! [color=#3366FF]الشهر فيه ثلاثين يوم لكن هالثلاثين يوم فيها ستين مناسبة ،،،، المعاش ينزل 15 الشهر ويخلص 16 نفس الشهر ،،، شلون ؟ ؟؟ أول ما ينزل المعاش الأخت علانه تقول ؟؟ فلانه ولدت ولازم أعطيها هديه بمناسبة ولادتها وهالدية لازم تبيض الوجه يعمي مبلغ وقدره 20 دينار ،،،وقبل لا أزورها بمر على حلويات سابليه وروشيه والروماني>> أشهر محلات الحلويات بالكويت <<< وأمر على محمصة الرفاعي أشتري قهوه ...... ويم محمصة بمر السنتر بشتري منه مطاطير شاي وقهوه ما راح يكلف شئ بس 10 دنانير ، إي ي ي أنا ما بي أتفشل جدام البنت وأهلها ،،، هذي فلانه وخلصنا منها باقي فلانه هذي حبيبتي رفيجة عمري لازم أطلع أكشخ وحده بعرسها ،،، راح أشتري الخامة من النقرة بحولي>> أحسن محلات الخام بالكويت <<< وأخيطها عند أحلى مصمم بالسالمية ،،،وأروح صالون سفير الرقعي أصبغ شعري بلياج وأحط مكياجي عندهم واسوي لشعري تسريحه ،،،، بس مادري أشتري لها هديه !!!! لقينا مجموعة عطور وبخور من القرشي ومجموعه ثانيه من أجمل علشان كل ما تشم ريحه حلوه تذكرني أنا سمعت أن المجموعة بثلاثمية دينار بس ...[/color] أنا راح أخلي علانه تكمل تقسيم معاشها ومناسباتها على كيفها لا الظاهر معاشها بالعملة الصعبه . شالسالفه عشرين بعدين سبعين بعدين ثلاثميه ؟؟؟؟ هذا غير اللي ما حسبناه . شلي صار بالدنيا ؟؟ علشان أزور رفيجتي ولا جارتنا لازم صحن حلو وشاي وقهوه ،، ياربي أنا ما وراي بيت ما وراي مسؤوليه ،،، ابي افهم ليش اللي اخترع هدية الزواره اخترعها شاي وقهوه ليش ما اختراعها خيشة ملح مثلا او كيس حب ،،، ولا سندويشات هذا دليل ان الشكليات اهي اللي حطمت علاقة الناس ببعض ..... ولنفرض اني مو موضفه ومعاشي مو بالعملة الصعبه ،،، منين لي كل هالفلوس علشان اعطي كل هالعالم هالهدايا؟؟؟ منين لي ألبسه في كل مناسبة ،،، شلون بالله ما ازور احد ،،، ما اطلع من بيتنا ،،،،أنخش واعتزل واكتب على باب بيتي مغلق لأسباب قهرية لاني أخاف اذا زرت احد وايدي فاضيه يقولون عني جيز وهيلق !!!!!! واني اكون عصابة ما فيا أكون انا القائد والمخطط والمنفذ واعم على البنوك واسرقها واجيب العيد لنفسي اخذتها وطاحوا على الشرطة واطلع حراميه وبواقه وجرمة ول أقول لهم اني بروحي بايقه البنك ما راح أحد يصدقني ويقولون لي اعترفي احسن لج منو معاج واقول لهم والله يا ناس ما معاي احد كنت بروحي ...... وعشر سنين القضيه معلقه وجاري التحقيق فيها وأخرتها ..... سنه ...وحده ..... بس .... حكم ....والله ما تسوى علي . تذكرت سالفه كويتي لما راح يبارك لناس ،،، المسكين اكتشف ان موبايله ضاع وذهب مع الريح اهني كويتي تحسر ألف مره ،،،،، علشان ابارك لناس ضاع تلفون وخط قيمتهم 120 دينار ،،،، وعالم رايحه تبارك لعالم ثانيه وبوسط الحفلة او العرس هذي تلفونها ينباق وهذي عبايتها تنباق وشيلتها تنباق وهذيج الله يعزكم فرده من نعالها مسروقه على شنو تنباق ؟؟؟؟؟؟ قبل الجارة تفرح بجارتها وتفرح بأخت جارتها كانت اللمه والسوالف مع الاهل وكانت الابتسامه وكلمة مبروك اهي الانسانيه ،،،،،،،، اما الحين الماده اهي اللي خذت طابع اللطافه والرقي ،،الامنيات القلبيه ما عاد لها معنى ،،، صارت الماده اهي سيده الموقف لا غير . متى ترد تعاملاتنا عفوية وهو متكلفه نفس قبل مو بس مع القريب .....لا ....حتى البعيد . شكلها السالفه مطولة ... فكره فكرت مره اسرق البنك واعتاش وصممت من قلبي انفذ قراري وجهزت نفسي في مسدس ورشاش ثم استعديت الى جميع الطواري لكن قبل لا اسرق البنك وانحاش احترت بين المركزي والتجاري أرجو انت تنال مقالتي الاعجاب ....
_________________   |
|
#2
09-17-2005
| ||||
| ||||
 هههههههههههههههههه ضحكتيني الله يقطع بليسج .. بس صج هذا اللي صاير
_________________ ألف شكر لـ مهجول المدرسة على التوقيع |
|
| مواقع النشر (المفضلة) |
| أدوات الموضوع | |
| طريقة عرض الموضوع | |
| |
-الدورات
التدريبية بجامعة نجران-
العرض العادي
